Fakous Materials.

من زمان أوي تقريبا منزلناش حاجة بعد امتحان ورفع معنويات والذي منه😂 حبيت أفكركم بس باستحضار النية 🌝أصل كدة كدة بنذاكر وكدة كدة بنتعب فخلي نيتك لله عسى أن يكتب الله لنا الأجر، وأحب أذكر كلام ابن القيم في تصنيف الناس في العبادات بحسب النوايا إلى مراتب فقال :- • عابد العادة: وهو من يفعل العبادات بحكم التعود دون استحضار لنية التعبد أو استشعار للقلب. • عابد الأجر والثواب: وهو من يستحضر النية طلباً للأجر والجنة وخوفاً من النار، وهذه مرتبة عظيمة. • عابد المحبة والتعظيم (الأعلى): وهو من يعبد الله حباً له وشوقاً إليه وتعظيماً لجلاله، وهي أرفع منازل العبودية التي تتضاءل معها المشاق. وعن أمير المؤمنين عمر بن الخطاب رضي الله عنه قال: (سمعت رسول الله صلى الله عليه وسلم يقول: «إنَّمَا الأعْمَالُ بالنِّيَّاتِ، وإنَّمَا لِكُلِّ امْرِئٍ ما نَوَى) واستحضار النوايا بيجدد في قلوبنا الهمم والإقبال على المذاكرة بنفس راضية حتى وإن شق عليك الأمر ومن الأدعية الجميلة اللي بحب أدعي بها قبل المذاكرة أو أي عمل عموما " اللهم إنا نحتسب هذا العمل عندك فاكتبه اللهم لنا في ميزان حسناتنا واجعله شاهدًا لنا لا علينا " جددوا النوايا وشدوا الهمم وربنا يكتب لنا ولكم الأجر، وعلى العموم هانت أوي المرة دي ربنا يكرمنا جميعا ويرزقنا التخرج في عفو وعافية💗

بسم الله

لو حد يعرف استشاري قدم سكري كويس في الزقازيق

٢٨/٩/٢٠٢٦ الذكرى الرابعة لوفاة زملائنا، لم يغيبوا عن البال ولم تخلو دعواتنا من أسمائهم طوال الأربع سنوات، تركوا مقاعد فارغة فى صفوفنا الدراسية لكن مكانتهم فى قلوبنا وحياتنا مستمرة باستمرار أنفاسنا، طيب الله ذكراهم وجعل صبرهم على العلم ومرارته شفيعا لهم يوم القيامة، أبدلهم الله عن ثياب التخرج بثياب الجنة الطيبة وعن صُحبتنا بصُحبة المصطفى صلى الله عليه وسلم وصحبه الكرام، وربط الله على قلوب أهلهم وذويهم وجمعنا وإياهم فى مستقر رحمته فى جنات الفردوس الأعلى بغير حول منا ولا قوة آمين❤️‍🩹

صباح أو مساء الجمال يا seniors متبقي تقريبًا ٦٠ يوم علي تخرجنا بإذن الله ربنا يرزقنا فرحة في عفو وعافية وبما إننا إن شاء الله هنكون عايشين مع بعض الفترة الجاية ديه فحبيت أعيد من جديد ختمة السماع من المصحف المرتل بما إننا مرهقين ومجهدين كلنا فإن شاء الله القرآن تنشرح بيه صدورنا وتطمئن بيه ونسأل الله أن نختم أيامنا في المكان ده بالسلامة بختمة لكتابه جهزوا أسماعكم ويا ريت لو جهزتوا مصاحفكم كمان الختمة بإذن الله هتكون من المصحف المرتل للشيخ البنا رحمه الله كل يوم حزب ووقع الاختيار عليه لسلاسة التلاوة وحلاوتها وعشان التلاوات لا تتعدى ال٢٧ دقيقة تمامًا عادة بتبقى أقل فرصة لطيفة لأي حد مش متعود يسمع كل يوم يخليها عادة بعون الله وربنا يجعلنا جميعًا من أهل القرآن ويجمعنا في الفردوس الأعلى♥️ واللي مش في التشانيل لحد دلوقتي فعيب الكلام ده التشانيل ديه بتاعتك 🙈 اللينك اهو : https://t.me/quranzag54 ويا ريت تشاركوا مع كل أحبابكم ولكم الأجر إن شاء الله

لو سمحتم لو حد يعرف ممكن نلاقيه فين ياريت يعرفنا

في أخو واحد زميلنا هيعمل عملية قلب مفتوح ف مستشفى الناس بشبرا الخيمه و محتاج ضروري متبرعين بالدم فصيلة A سالب بالكتير اوي بكرة .. و محتاجين 4 متبرعين .. و المواصلات و كل التكاليف على اهل الحالة التواصل مع 01205116995 01226576049

https://t.me/yasmhistology66 مساء الخير يا شباب زميلتنا الياسمين عادل هتشرح بإذن الله هستولوجي السنة دي لسنة أولى لو تعرف حد داخل أولى ابعتله اللينك علشان يستفيد🌝

لو حد يعرف دكتور مناعة متخصص في أمراض المناعة الذاتية كويس في الزقازيق

في كليه طبيه مهما إن كانت ؟ ايه رايك تتكلم مع مريض بصوتك او شات وتطلب منه الي محتاجه من تحاليل وغيره لحد ما تشخصه وتديله علاجه وكأنك في المستشفى تمامًا وفي الاخر يطلعلك تقرير كامل ليك؟ او تفتح الملف الي عايز تكتب وتذاكر فيه وكمان تقدر في كل صفحه بالAI تلقائي تطلع اهم النقط فيها وشكل اسئله الامتحان و طريقه لحفظ الصفحه دي و ايه الي لازم تفتكره واكتر ؟ ونفس الموقع يقدر يعملك مايند مابس او اسئله MCQs او امتحانات او يشرحلك اي ميكانيزم زي الي في الفارما والبايو بطريقه جديده، ويعملك revision سريعه لأي ملف بتلات مستويات، وكمان اداه عشان تقدر تراقب حاله وتقدر تقدم الوقت عشان تشوف التطور بناء على قراراتك وعلاجك كان للافضل ولا للاسوء وفي الاخر تقرير شامل لقراراتك! كل ده جزء بسيط جدا من كل الي في MedHall موقع كله مجاني تمامًا، لتسهيل الطريق عليك medhall.vercel.app

موقع لذيذ جربوه

لو حد يعرف دكتور نفسيه و عصبيه في الزقازيق كويس

إنا لله وإنا إليه راجعون زميلنا عمر أحمد عبد القادر الميدان من دفعة ٥٥ في ذمة الله. نسأل الله أن يتغمده بواسع رحمته، ويغفر له، ويسكنه فسيح جناته، ويلهم أهله وذويه الصبر والسلوان. دعواتكم له بالرحمة والمغفرة. 🤲🏻

لو حد يعرف @ZagDoc54bot

حقيقي الإنسان مش مصدق أنه وصلنا لهنا فالحمد لله ونسأل الله التمام في عفو وعافية💗 أحب أشكركم جدا على حسن تعاونكم جميعا في الخمس سنين اللي فاتوا ربنا يكتب أجركم وييسر أموركم أصدقائي الأعزاء وزي ما اتعودنا التشانل موجودة واحنا موجودين مع بعض وأي حد محتاج حاجة كما نحن يمكن سيبنا مكاننا بس إن شاء الله نكون متجمعين دائما على خير وأحب أختم كلامي بهذه الكلمات لابن حزم الأندلسي :- ‌‎«وقد علمنا أنه لا بُد لكلّ مُجتمِع من افتراق، ولكل دانٍ من تَناءٍ، وتلك عادة الله في العباد والبلاد حتى يرث الله الأرض ومَن عليها، وهو خير الوارثين.» نلقاكم على خير في مكاننا الجديد إن شاء الله ونستودعكم الله🫡

مساء الخير يا شباب 🌝 متنسوناش من دعواتكم وإن شاء الله نطلع جميعا بكرة من الإمتحان مبسوطين ويكون ميد لذيذ وختامها مسك في فاقوس إن شاء الله اتبسطوا بكرة وحاولوا تتصوروا صور حلوة في مكان كان لنا فيه ذكرى ، مننساش أبدا فضل المكان ده علينا أنه جمعنا بناس جميلة وعملنا معاهم ذكريات أجمل ويارب دائما نفضل متجمعين في الخير، وأحب جدا أوجه شكر لكل شخص في الدفعة دي بجد وكل جندي مجهول ساعد في الخفاء وكل شخص جميل هون علينا الليالي العصيبة 💗 إن شاء الله يومكم بكرة يكون لذيذ وجميل ولا تنسونا من دعواتكم دائما ودمتم بخير يا شباب وموفقين إن شاء الله 🫡💗

دي شوية تعديلات في الكتاب علشان لو حد مش واخد باله منها موفقين🫡

تعديل فى الجراحة الـFAST تبع الـPrimary Survey وال DPL تبع الـPrimary Survey زى ما مكتوب ف التخدير كدا بالضبط