ឯកសារច្បាប់​ រដ្ឋបាលសាធារណៈ

មធ្យោបាយ០២ប្រភេទ ក្នុងការប្តឹងតបនឹងដីកាតម្កល់រឿងទុកឥតចាត់ការរបស់ព្រះរាជអាជ្ញា💥 ................................................ 👉 Channel Telegram: Join https://t.me/achnhakromchannel

ដំណើរការនៃការកាត់ប្លង់ដី (ផ្ទេរកម្មសិទ្ធិប្លង់រឹង) ចំពោះការផ្ទេរកម្មសិទ្ធិពីម្ចាស់ដីដើម មកឈ្មោះអ្នកទិញ ហើយអ្នកមិនចង់ចំណាយប្រាក់ច្រើនក្នុងការស្នើរសុំភ្នាក់ងារសុរិយោដីឲ្យជួយរត់ការឲ្យ ចំពោះដំណើរការវិញ គឺមានដូចតទៅ ៖ -ដំណាក់កាលទី១ : ជាបឋមភាគីទាំងសង្ខាង អាចធ្វើ កិច្ចសន្យា ឬលិខិតកក់ប្រាក់ទិញ-លក់អចលនទ្រព្យ ដោយទ្វេភាគី ឬមានសាក្សី ឬមានការដឹងឮពីអាជ្ញាធរឃុំ/សង្កាត់ក៏បាន ដោយក្នុងកិច្ចសន្យានោះមានបញ្ជាក់ពីព័ត៌មានតម្លៃអចលនទ្រព្យ ទឹកប្រាក់កក់ដំបូង កាតព្វកិច្ចភាគីដែលជាអ្នករត់ឯកសារ ក៏ដូចជាលក្ខខណ្ឌត្រូវអនុវត្តមួយចំនួនទៀត មុននឹងបន្តនីតិវិធីនៃដំណើរការរត់ឯកសារកាត់ឈ្មោះ។ -ដំណាក់កាលទី២ : អ្នកទិញត្រូវនាំម្ចាស់ដីដើមទាំងប្តីប្រពន្ធ និងសាក្សីម្នាក់ ដោយភ្ជាប់ជាមួយ (ប្លង់ដីច្បាប់ដើម អត្តសញ្ញាណបណ្ណ ឬសំបុត្រកំណើត និងសៀវភៅគ្រួសារថតចម្លង រួមទាំងអត្តសញ្ញាណបណ្ណអ្នកទិញ ទៅទីស្នាក់ការសុរិយោដីស្រុក/ខណ្ឌ ដើម្បីបំពេញលិខិតលក់ផ្តាច់ ឬឯកសារផ្ទេរសិទ្ធិ រួចផ្តិតមេដៃយល់ព្រមទាំងអស់គ្នា។ មន្ត្រីសុរិយោដីស្រុក/ខណ្ឌ ជាអ្នកបំពេញលើឯកសារពាក់ព័ន្ធទាំងអស់នេះ។ -ដំណាក់កាលទី៣ : ក្រោយពីបំពេញលើលិខិតលក់ផ្តាច់ ឬឯកសារផ្ទេរសិទ្ធិ និងផ្តិតមេដៃ ចំពោះមុខបុក្គលិកសុរិយោដៃរួច។ បន្ទាប់មកម្ចាស់ដី ឬអ្នកទិញត្រូវយកលិខិតលក់ផ្តាច់ ប្លង់ដីច្បាប់ដើម និងឯកសារផ្ទេរសិទ្ធិ ទៅជួបមេភូមិដើម្បីសុំហត្ថលេខាពីគាត់ រួចយកជួបមេឃុំដើម្បីសុំហត្ថលេខា និងបោះត្រា (មេភូមិ និងមេឃុំមានសិទ្ធិហត្ថលេខា និងបោះត្រាតែលើលិខិតផ្ទេរសិទ្ធិប៉ុណ្ណោះ)។ បន្ទាប់មកទៀតត្រូវយកលិខិតលក់ផ្តាច់ ប្លង់ដីច្បាប់ដើម និងឯកសារផ្ទេរសិទ្ធិទៅប្រគល់ជូនប្រធានមន្ទីរសុរិយោដីស្រុក/ខណ្ឌវិញ ដើម្បីចុះ ហត្ថលេខាសម្រេច និងបោះត្រាបញ្ចប់ការផ្ទេរសិទ្ធិត្រឹមស្រុក/ខណ្ឌ។ តម្លៃសេវាសុរិយោដីស្រុក/ខណ្ឌគឺចំនួន ២០ម៉ឺនរៀលក្នុងដីមួយប្លង់ទោះបីធំ ឬតូចប៉ុណ្ណាក៏ដោយ ដែលជាប្រភេទដីកសិកម្ម (ចំពោះការជូនសាគុណបន្តិចបន្តួចដល់មន្ត្រី គឺជាការលើកទឹកចិត្តដល់មន្ត្រី មិនមែនជាការសូកប៉ាន់ឡើយ)។ ត្រឹមដំណាក់កាលនេះ អាចជាដំណាក់កាល ៥០% នៃដំណើរ ការផ្ទេរសិទ្ធិប៉ុណ្ណោះ រីឯប្លង់ដី គឺនៅតែជាប់ឈ្មោះម្ចាស់ដីដើមដដែល តែគ្រាន់តែមានលិខិតផ្ទេរសិទ្ធិ និងលក់ផ្តាច់អមជាមួយដោយស្របច្បាប់មានន័យអំណះអំណាងថា អ្នកបានទិញរួចហើយ។ -ដំណាក់កាលទី៤ : ប្រសិនបើយើងចង់បានឈ្មោះនៅលើប្លង់ដីដែលបានទិញពីម្ចាស់ដើម ដោយប្តូរឈ្មោះកម្មសិទ្ធិពីម្ចាស់ដើមមកជាឈ្មោះយើងវិញយើងអាចបន្តដំណើរការកាត់ប្លង់ដីមកជាឈ្មោះយើងបាន ដោយម្ចាស់ដី ឬក៏ជាអ្នកទិញ ត្រូវយកលិខិតលក់ផ្តាច់ ប្លង់ដីច្បាប់ដើម និងឯកសារផ្ទេរសិទ្ធិ ដែលបានធ្វើរួចរាល់ពីមន្ទីរសុរិយោដីស្រុក/ខណ្ឌ យកទៅកាន់មន្ទីរសុរិយោដីខេត្ត/ក្រិត ដើម្បីត្រួតពិនិត្យឡើងវិញ និងបោះត្រាបញ្ជាក់ថាមានឯកសារបញ្ជាក់លិខិតស្នាមគ្រប់គ្រាន់ និងអនុវត្តគ្រប់តាមនីតិវិធី។ រួចត្រូវយកលិខិតលក់ផ្តាច់ ប្លង់ដីច្បាប់ដើម និងឯកសារផ្ទេរសិទ្ធិទៅបង់ពន្ធប្រថាប់ត្រា (ប្រាក់ ៤%) នៃតម្លៃដីតាមច្បាប់កំណត់នៅឯអគ្គនាយដ្ឋានពន្ធដាខេត្ត/ក្រុង ដោយរង់ចាំរយៈពេលមួយខែ ដើម្បីវាយតម្លៃដីក្នុងតំបន់។ បន្ទាប់ពីវាយតម្លៃដី និងគណនាពន្ធប្រថាប់ត្រារួច ខាងអគ្គនាយដ្ឋានពន្ធដាខេត្ត/ក្រុង នឹងទាក់ទងទៅម្ចាស់ដី ឬអ្នកទិញដើម្បីមកបងពន្ធប្រថាប់ត្រា ៤% រួចដកយកលិខិតលក់ផ្តាច់ ប្លង់ដីច្បាប់ដើម និងឯកសារផ្ទេរសិទ្ធិត្រលប់មកវិញ។ បន្ទាប់ពីបានបង់ពន្ធប្រថាប់ត្រារួច ម្ចាស់ដី ឬអ្នកទិញត្រូវយកលិខិតលក់ផ្តាច់ ប្លង់ដីច្បាប់ដើម និងលិខិតផ្ទេរសិទ្ធិនោះទៅមន្ទីរសុរិយោដីខេត្ត/ក្រុងវិញ ដើម្បីចុះហត្ថលេខា និងបោះត្រាសម្រេចដោយជោគជ័យ ពីប្លង់ដីឈ្មោះម្ចាស់ដើម មកឈ្មោះអ្នកទិញ ដោយបង់ថ្លៃសេវាចំនួន ២០ម៉ឺនរៀល ដើម្បីចេញជាប្លង់ដីថ្មី ជាឈ្មោះកម្មសិទ្ធិរបស់អ្នកទិញ។ រយៈពេលទទួលបានប្លង់ថ្មីអាចចន្លោះពី បី(3)ខែ ទៅ ប្រាំមួយ(6)ខែ៕

កិច្ចសន្យាការងារ