اشعار رضایت رضایی سرجویی
این کانال شامل اشعار لکی و کوردی و فارسی و بهترین کلیپ های مور لکی و هوره و موسیقی لکی و کوردی می باشد @rzaiet42
Больше460
Подписчики
-424 часа
-37 дней
+430 дней
- Подписчики
- Просмотры постов
- ER - коэффициент вовлеченности
Загрузка данных...
Прирост подписчиков
Загрузка данных...
«کاو وکج مدار»
«تقدیم به روح پر فتوح مرحوم حاج پاشاه نجفی بزرگ مردی از ایل بزرگ جلالوند »
کاو وکج مدار کاو وکج مدار/چرخ چپی گرد کاو وکج مدار/
شکارچی تر دس قضا جوی قهار/شیران وه کمند گور مکین شکار/
کهینه شکارچی تیر کمان وه دس/نه اغراق دیرین نه اغماض وه کس/
وه امر خالق تا مکین هوس/شکاره مکین شیران سر مس/
اجل بی رحمی ثبتن وه نامت/یک یک منوشیم باده وه جامت/
سنگینتر ژه سام سام داران سامت/شیران شکارن هر دم وه دامت/
اجل بارخانهت هر ها بارهوه/سر چن سردارت نیا مزارهوه/
هرچوی باخوان هاینه کارهوه/بافه گل منین وه قطارهوه/
کام کست ناکام کفن پوش نکرد/چراخ دودمان کیت خاموش نکرد/
کامین دل آزات خم وه دوش نکرد/کام خاصت وه خاک هام آغوش نکرد/
کشتی کیت غریق دریای خم نکرد/بساط کیت وه تیر اجل جم نکرد/
خوصهت وه خوراک کام حاتم نکرد/آمار کیت ار لیست حیات کم نکرد/
وه بختم فلک دانه شناس بین/وه انتخابت بی حد حساس بین/
باخوان آسا دس وه اساس بین/مدام وه گل چین مردان خاص بین/
فلک حق نوی شیران شکار کین/عکسان وه مدال سینهی مزار کین/
تو می وه جا من هانای هاوار کین/تا ابد رختت وه رنگ داوار کین/
میر مهمان دوس دیواخان رنگین/خان و خان مهمان سفرهی مال سنگین/
قاضی قانی کر وه قصه شیرین/وه قدرت بیان داد ار دیوان سین/
خانا حیفه خاک گور وه آغوش کین/شم شور وه جم خاصان خاموش کین/
جرعهی لاعلاج خاموشی نوش کین/ایلان وه داخین ویت سیاهپوش کین/
قلم پا پیش بن ژه دایرهی پرگار/چوی مودا بشکاف صفحهی روزگار/
طول خم بژن نالهی ناقوس وار/تا کاوان ژه داخ بپوشن داوار/
کو چین «حاج پاشاه» وو بیانه وه/وو حجب و حرمت فراوانه وه/
شان بین وه ستوین دیواخانه وه/چوی گل بوارین وه مهمانه وه/
بار مرگ وه زور هیچکس بار نماو/مردن وه حکمت حکیم چار نماو/
افسوس زندگی دی تکرار نماو/عمری که گذشت وه دو جار نماو/
«رضایت» فرصت عرض وحال نین/مردن وه کثرت سنو سال نین/
مرگ وه زور و زَر کس بطال نین/کس دخیل وه امر لایزال نین/
سراینده
«رضایت رضایی سرجوبی»
🌺🍃🌺🍃🌺🍃🌺🍃🌺♥️🌺🍃🌺🍃🌺
@rzait1
درد دلی به زبان حال حیدرخان غلامی (دلگیر) دروغم فرزندش فرشاد عزیز
شاعر رضایت رضایی سرجوبی
دل بندم لاوه ، دل بندم لاوه/جگر گوشه کی دل بندم لاوه/
کی کلبه ی احزان وه دلگیر باوه/شو بی شوق تو چوی روژه ماوه/
خیال پرتشویش دل غرقن ژه خم/وه آگر هجران مسوزم جور شم/
سیلاو سرشکم جارین وه چم/می زام دل بی تو چوی بکم مرحم/
زندگیم بی تو رنج و عذاوه/شو بی شوق تو چوی روژه ماوه/
رسول وه داخت بی حد هامه تنگ/کمر شکسته م زوان لال و لنگ/
ار دل تنگی ویم بیان کم وه سنگ/سنگ سخت وه داخ مگیلو ژه رنگ/
دل سزیام ار بند سینه م کنیاوه/شو بی شوق تو چوی روژه ماوه/
کموتر شادیم شقه دای ار بال/بوم شوم خم سکنان گرت وه مال/
جور غواص غرقم ژه دریای خیال/دل وه داخ مرگ فرشاد چوی ذوخال/
جرگم وه آگر هجران کواوه/شو بی شوق تو چوی روژه ماوه/
روله مر روژی خاک وه آغوش کم/وه داخت جرعه خاموشی نوش کم/
لاشه م جور قامت تو کفن پوش کم/داخ تو ژه دل ویم فراموش کم/
اگر سرهیز نین وی شیرین خواوه/شو بی شوق تو چوی روژه ماوه/
روله وه راسی کس وه حالم ناو/جرگ نه جگرگای سینه م بی کواو/
نه وه روژ آرام نه شو دیرم خواو/فغان مکیشم تا روی چرخ کاو/
زام کهنه و نوم ژه نو کولیاوه/شو بی شوق تو چوی روژه ماوه/
فلک خوصه و خم ثبت کرده طاله م/دل کافر کواو وه سوز ناله م/
بشم بی وه خم وماتَم حواله م/بی وه نصیب خاک گل غمچه ی لاله م/
اجل آرزو دامیه دم واوه/شو بی سوق تو چوی روژه ماوه/
یه چه دردی بی ، بی وه میهمانت/جور شم وه آرام آو بی سوخانت/
ار حکیم نورد پی وه درمانت/تا گیان بیم وه ری عزیزی گیانت/
شمع دل وه باد خزان کوشیاوه/شو بی شوق تو چوی روژه ماوه/
یه چن سالی هس هرخم وه باربیم/هرشو تا کله ی سحر بیدار بیم/
مدام لب وه ذکر پروردگار بیم/پی شفای دردت وه انتظار بیم/
هم رازم وه گرد خم وه خفاوه/شو بی شوق تو چوی روژه ماوه/
بیل تا بسوزیم هر دومان چوی هم/من ققنوس آسا تو جور شعله شم/
ار دل آزاد ناو ژه چنگال خم/می بی کسی ویم جار دم وه عالم/
خاپور بیم وه جور ای چرخ کاوه/شو بی شوق تو چوی روژه ماوه/
زندگی بی تو وه کامم تالن/کشتیم غرق قهر دریای خیالن/
شادی اوقاتم وه دل بطالن/ادامه ی حیات بی تون محالن/
بیشتر ار یعقوب حالم خراوه/شو بی شوق تو چوی روژه ماوه/
شرط بو جور اودال عالم بگردم/ترک اجماع کم دویر بوم ژه مردم/
تا هر کس گوش بی وه سوز دردم/بوه گرما بخش هناسه ی سردم/
من وی سوز دل شفیع آساوه/شو بی شوق تو چوی روژه ماوه/
هر شو تا شفق وه خلوت شین کم/زخم پیشانیم چوی بی ستوین کم/
دیده م وه ناخون خلپان وه خوین کم/تا دنیام بی تو وه کس موین کم/
من وی بحر خم بی منتها وه/شو بی شوق تو چوی روژه ماوه/
شرط بو قورسان وه سر منزل کم/گِل کو مزارت وه باخچه ی گُل کم/
وه شکل شیون گاه درد دل کم/تا درمان دردم وه لات حاصل کم/
شیشه ی دل وه برد اجل شکیاوه/شو بی شوق تو چوی روژه ماوه/
دل گیر و دل ریش دل پاره پاره م/جور شم وه سزیاین لاشه م نظاره م/
چوینای ژه ازل چفت چنیا چاره م/جور جو سر ریژن خویناو گلاره م/
فلک دام وه دم تیخ جفاوه/شو بی شوق تو چوی روژه ماوه/
من هر ژه ازل ستاره م شومن/شو پژاره و خم روژ ویمه رومن/
توده ی خم گواه بغض گلومن/وه داخت تبای ویم آرزومن/
طول دل ار ریتم آهنگ وسیاوه/شو بی شوق تو چوی روژه ماوه/
(رضایت) بنویس تا دس هم گیرن/سوز دل داخ تر ژه زام تیرن/
یه سوز دروین میرزا دلگیرن/کمر خم وه جور چرخ بی پیرن/
چمن چوی چوگان دس وه عصاوه/شو بی شوق تو چوی روژه ماوه/
سراینده ✍️
رضایت رضایی سرجوبی
🌼🌸☘️🌺🌼🌸☘️🌺🌼🌸☘️🌺🌼🌸☘️
@rzait1
💖«یا داوود هاوار»💖
یار داوود دردم یار داوود دردم
هانا یار داوود درمان که دردم
وَ عام عیانه رخسار زردم
درمان درد نیه هرچَی مَگردم
یا داوود دردم داوای که داوود
درمان وَ نیاز دوشای که داوود
هانا رَس توین هام رای که داوود
تو دفع کرونای کذای که داوود
یا داوود هاوار وَ درگاهت دویرم
وَ دام دل رنج کرونا گیرم
چمان دس بستهی پا وَ زنجیرم
بغیر ژَ درگاهت نیَن تَدبیرم
غیر ژَ تو نیریم هنارس داوود
دردم کارین وَ بی کَس داوود
کارای کوسوارو کار وَ دَس داوود
دَخیل وَ درگاهت زوی برس داوود
یا داوود هاوار درماندهی دردم
گینو شرم دیری وَ رنگ زردم
تا کی بجورم دویری وَ مَروم
گاه کویرهی آگر گاه سلج سردم
حکیم زردهی خور آوا داوود
درمان پی هر درد بی دوا داوود
ملهم زام دل بی نوا داوود
وَ حُضور سلطان ناز روا داوود
یار داوود هاوار خاطر خمینم
رَنگ نَمن وَ روی جام جمینم
پیرم کَم توان پوینهی زَمینم
مُبتلا وَ دَرد کُرونای چینم
دَس وَ دامانت بی کَسم داوود
غیر ژَ تو نیَن دادرَسم داوود
سینه ست وَ سوز نَفَسم داوود
درمان برَسن وَ دَسم داوود
ایواره وختی زردهی خور آوا
یار داوود هاوار وَ گوشم یاوا
دس وَ درگاهتم پردیور ماوا
تا درد «رضایت» بکین مداوا
«سراینده رضایت رضایی سرجوبی»
🌿🌼🌹🌿🌼🌹🌿🌼🌹🌿🌼🌹🌿🌼🌹
Фото недоступноПоказать в Telegram
ای رنگین رمان دُم سروین دُرره
وَ مودای مژگان ریشهی دل برره
توصیف سزاوار گورانی چرره
سَر تیل سواران کوچ کهلهورره
سراینده رضایت رضایی سرجوبی
🌼💖🌺💖🌼💖🌺💖🌼💖🌺💖💖
@rzait1
Фото недоступноПоказать в Telegram
شوخو شورانگیز شکار شو گرد
مل چوی کلهی قن فریمانی فرد
جبین جور جامک زلف زنجیر زرد
نسخهی شفابخش درمان پری درد
صورت هرچوی مانگ دو هفته کامل
دنان مُسَمَط دَم چوی پرهی گُل
هر چوی باخوان خوف خار وَ دل
حسرت دیدارت می بورم وَ گل
چوی گل پروردهی باخ جَنتین
تَرکی طراوتو طاووس طلعتین
خرامان جور قو چَرمی چوی بَطین
کوک کوهسارانو آهوی هَلَتین
بالات بی عیبه چوی حور برین
تون وَ کَمالات ار دوستان سرین
وَ عین «رضایت» زیبا مَنظرین
لعلین یاقوتین دورین گوهرین
💖🌼💖🌼💖🌼💖🌼💖🌼💖🌼
🌺«سراینده رضایت رضایی سرجوبی»
🌼💖🌼💖🌼💖🌼💖🌼💖🌼💖💖
@rzait1
Фото недоступноПоказать в Telegram
جوانمرگ نصرت الله خان نجفی فرزند زنده یاد (کهزاد خان نجفی) رییس العشایر جلالوند )
🌼🌼🌼🌼🌼🌼ا🌼🌼🌼🌼🌼🌼
خانا صد افسوس خاک وَ آغوش کین
خانَدان وَ داخ ویت سیاه پوش کین
بی واده بادهی بیهوشی نوش کین
نا باورانه کَفن وَ دوش کین
خان حیفه دُنیا وَ دیدهت تار بو
جوانیت وَ تیر اَجل شکار بو
هر جای نامت بو خَم آشکار بو
وینهت وَ مدال سینهی مزار بو
🌷سراینده رضایت رضایی سرجوبی🌷
🌼🌼🌼🌼🌼🌼ا🌼🌼🌼🌼🌼🌼
@rzait1
Фото недоступноПоказать в Telegram
درود و عرض ادب خدمت همه دوستان عزیز و همچنین عرض تسلیت جهت فوت استاد وافی گرانقدر
متاسفانه خبر فوت استاد وافی غم و اندوهی سترگ بر دلم گذاشت که جا دارد این غم وارده را به خانواده آن مرحوم و همچنین دوستان و همراهان استاد پوربزرگ تسلیت بگویم .
چشمانم گریان و زبانم بند آمده است . لاحول ولا قوه الله بالله العلی و العظیم
@chellippa
Фото недоступноПоказать в Telegram
چَو مَس ابرو مَس مژگانت مَسَه
قوس دو قاست وَ هم پیوَسه
گونات قوخ باخ وَ دارو رَسه
داخت مهر له دل هزاران کَسَه
قَوارهت رنگینو قَدت بُلنده
دامت دل رُباسو زُلفت کَمَنده
لیوت گُل خُمچهی باخ هُلنده
کم لطفی دیرید نسبت وَ بنده
رخسارت چوی مانگ چوارده شو تمام
بالات جور نیوَچ نظیفهو نَمام
لقات لامپ لیل شیوه شیرین فام
وَ بَرق دیدهت دل تیَرید وَ دام
وَ شوق شَفین شور وَ پا کیدن
مهر خوَت وَ دل عاشق جا کیدن
چَرخ چَو گل دَیدو ناز ادا کیدن
وَخت خَهنینت خَم پاسا کیدن
شمعت شو شکن شوقت شاهکاره
دَستآوت شفای دَرد بیماره
«رضایت» وَ دَرد تون گرفتاره
شوق شمع توای لهی شَویل تاره
💖💖💖💖💖💖ا💖💖💖💖💖💖
«سراینده رضایت رضایی سرجوبی»
🌾💖🌾💖🌾💖🌾💖🌾💖🌾💖💖
@rzait1
«🌼🌺 دام دل 🌺🌼»
دل دام وَ دامت دل دام وَ دامت
هم سر دام وَ دار هم دل وَ دامت
با وفا نوین حاشا مرامت
کلهم مَس بکین وَ جُرعهو جامت
تون چوی قلهی قاف بلین بی بامت
خوَش خوَش مهگُذشت دُنیا وَ کامت
صَد حیف دیر رَسی وَ من پیغامت
دل فرسوده بی وَ تَلخی تامت
وَ مَکرو نیرنگ دل نَوی رامت
پام پیچیا وَ خَم خیاطهی خامت
خَطای دیدهم بیو بالای نَمامت
سند سَر بریزیم ثبت بی وَ نامت
حيف بی جوانیم وَ آسان پیر کین
قلبم وَ قُلاو زُلفت زَنجیر کین
هزار دامت تَن تا من اسیر کین
خوصه وَ خوراک بندهی حَقیر کَین
تو هرگز راستیت وَ لا کس نوی
کلهَت وَ بادهی ادب مَس نوی
ار کارت تمام وَ روی قَص نوی
تون چوی خاطرت دل واپس نوی
هیچ وقت ریت وَ گَرد رفیق راس نوی
رفتارت وَ مَیل دوس خاص نوی
هیچ فردی چوی تون نا سپاس نوی
کردارت هرگز وَ اخلاص نوی
تو چنی چن سال اژدر وَ دوش بین
بی گناه ار پی قتل من کوش بین
گاه مومگاه موداگاهکویرهی جوش بین
گاه ژار ژَرنگ وَ عاشق نوش بین
تون وَ قساوت کم نیرین ار کَس
دَم نیشانه مَین دل بارین وَ دَس
هر دل اسیر بی وَ حربهی هَوَس
پی دل محالن در چو ژَ قَفَس
ابرو کمان کیش چیَم بی سُرمه مس
سینهت ماره سیف وَ قی دارا رَس
مودای مژاگانت مدام هان وَ قَص
تا گیان نَسینین دل نمَین وَ کس
شوخو شور انگیز هاز اَر دل کیشین
صَدر مجالس نازاران نیشین
یهی پا ار شیرین ارمن او پیشین
خوینی سرو مال چَن سخره تیشین
افسوس فنا بیم دی وَ من گذشت
چن جار وَ جای شهد طام تلخم چَشت
وَ بهانهی پویچ هزار رَنگت رَشت
چه سود من مردم دوزخ یا بهشت
صد داخت کردم داخی تر وَ روش
تون کویرهی دروین هاوردم وَ جوش
غیر ژَ «رضایت» خرقهی خَم نه دوش
خورهی خم وَ کام کی کردنَی نوش
«سراینده رضایت رضایی سرجوبی»
💖🌺🌼💖🌺🌼💖🌺🌼💖🌺🌼💖🌺🌼
@rzait1
Фото недоступноПоказать в Telegram
بنورر وو کویزه گ ها له سر شانی
چوی مایه حیات دس نیاسه بانی
آو آو زَمزمو مایهی زنگانی
قدر زان وَ غیر ای آوه زانی
«سراینده رضایت رضایی سرجوبی»
🌿🌷☘️🌿🌷☘️🌿🌷☘️🌿🌷☘️☘️
@rzait1