نكت قوه القوه😂

اهلاً اهلاً يا نانا يااحلا ايسكريم🍦 اهلاً اهلاً يا نانا يااحلا ايسكريم🍧 اللي. لحنوها. يصفو جنب بعض😂. 🎼 👫👫 ⚡️تشتوا أنزل فقره. الساعه ال5.00 مساءً🌔 إنتظروني. بهذه القناه. @FkamhSnaane2 محبكم اخوكم #فـخـامـة_صـنـعـانـي

السلام عليكم.👋👋👋 به موضوع .ومشكله واقعيه في مجتمعنا جو نتحاكى ونتناقش شويه مشكلة بعض الشباب اليمني مشكله ﴿ ان يومه عيده﴾ وهذه المشكله باتضر المجتمع ككل ولازم ندور لها على حل احنا شعب بسيط قوي وجاهل بنفس الوقت ما نفكرش أبداً تفكيرنا ما يتعداش سقف غرفنا بمعنى أن الشاب اليمني همه الأكبر هو كيف يدبر تخزينة غدوه وهذه تعتبر مشكله كبيره في حياته وإذا تدبرت خلاص أموره سابره ولا يهم شيء ويسير يشتري له قات وسار ابسر له اطرف بقعه يخزن بها وفي آخر التخزينه يطنن ويحك راسه ويرجع ينتف شنبه ويقول خلاص اخر يوم ازيد اخزن ولا متى عتجلس هكذا لا بلاد ساع الناس ولا به عيشه ولا به رواتب ولا به أشغال اين نسير؟ لازم الواحد يتغير وكل شي يشتي في الدنيا هذه طبعا هذا الكلام من قوة التخديره حقه😁 وخلاص يبدأ يرسم بباله انو من غدوه عيتغير ويقع رجال ويشتحط ويبكر يقسط الله على نفسه ويسير يرقد وقده يهم الرازم ويهم كيف عيدبر تخزينة غدوه ويبكر الصبح وسار دبر له حق تخزينته ورجع يمارس روتينه المُعتاد.. طيب وكلام أمس والتغيرات و و و أين سارين؟ يقول مش وقت لا تهرموني خلوني اخزن وعيجي موت وعليها نحيا وعليها نموت وهكذا وبعض الشباب حق هذه الايام مايقدر يصرف على نفسه مابلا ابوه يصرف عليه ولا قادر يتزوج الا اذا عيزوجه ابوه او اذا ابوه شايبيع ارض او يبيع بيته عشان يزوجه و لوما نقول له افعل لك شغلانه بسيطه واصرف على نفسك وجمع نفسك يقول اخزى أنا ابن فلان ومشتي احد يعرفني انا فلان الفلاني وجدي فلان عيب اخرج اشتغل فوق عربيه ولا فوق بسطه مش انا برغلي ولا انا من ريمه ولا من وصاب ووالله ماعيب جلستك هكذا معطل لاسترت تبني مستقبلك ولا استرت تجمع نفسك ولا استرت تزوج نفسك هذا هو العيب وو الله ان اهل وصاب وريمه وعتمه والبراغله قولتك اشرف وانظف واكفئ من اللي يعتبروا انفسهم عيال فلان وما يشتغلوا ووالله انهم اكفئ من ذيك المسبع المربع الراقد العاطل الكسل اللي مابش معه حق صرفته واللي يمد يده للناس عشان ياكل هذا هو العيب اللي ينقص من قيمة الرجل أما الشغل مشو عيب واللي عيقلك عيب أنت ابن فلان جرب قله اصرف عليّا وانا ما اشتغلش وابسر ما عيقلك والله ما يدي لك حق حبه ماء لذلك اطلب الله على نفسك مش حاليه يكون وجهك ملان شعر وابوك هو اللي بيصرف عليك وكيف تجزم تدخل لا عند ابوك بكامل جثتك وتقله يا ابه ادي لي زلط؟ قسماً بالله ان قد بين اخزى انا بدلك ولو تجي تشوف أغلب أصحاب ريمه وأصحاب وصاب وعتمه وإب وتعز وغيرهم كلهم رجال وشغالين في بسطات وفي محلات وفي كل شيء وأكثرهم تُجار ناس حق شغل وحق طلبة الله وما بش احد منهنم فارغ ولا بيشحت واما التعزاز والتشراط ما ياكل احد عيش ابدا لذلك أشقى اشتغل الشغل مُش عيب ورب الكعبة العيب انك تمد يدك وتطلب، بينما أنت بعافيتك وقوتك وقادر تصرف على نفسك.. لا متى عنجلس مشنا داري🤕 @ALFkamah

هيا سلااام الموضوع ضروري لأنهو قدو زاد عن حده الصدق 😑 ومازاد عن حده انقلب ضده 😕 الموضوع هو فهم الانوثه عند بعض البنات 😤 لآنه بدأت تطلع لنآ ظوآهر جديدة تحت مسمى آلآنوثة وآلدلع وآلغنج وبعضهآ بدأت تؤثر بشكل سلبي على حيآتنآ آلآجتمآعية ! 1- لمآ آلواحده “ تتفآخر وتزنط ” بآنهآ مآتعرفش تطبخ وتعيد هذا آلموضوع في آلسيره وآلجيه وكآنه فخر! وعاد أهلها لما يخطبوها يقلو بنتنا ماتعرفش تصلح شي 😕 على فكره هذا آلشى آبداا مآله دخل بآلآنوثة وآلدلع وهذآ يسموه قلة مسؤلية وعالة وجيافه ! 2- مشو ضروري كل آلبنآت تفتجع من آلحشرآت والصرصور لآن آلشي هذآ مشو مرتبط بآلآنوثة هذه لامرآض آلنفسية و فوبيآ أبوها الحركات المبالغ فيها الي تقوم تبسر شي وتغور لما تجمع الامه واللي تدوخ وماعد تقوم إلا برشوشه😂 3- آلتفآخر والفشخره بعدم آلمقدرة على آلقيآم بمسؤوليات آلبيت من كناس وغسوال وصبان هذا مآلش آي دخل بآلآنوثة وآلدلع هذه له علاقه انش كسله وودله مشنتي حق حيه نظيفه😝 4- لمآ آلواحدة تقول بآبي ومآمي قصدها خلآص عتوقع شقرآء وعيونهآ عتوقع زرق مثلاً ! مايوقع لمآ آتقول ابي و امي عآدي والله انهي اهوك واميز ومش الكل يناسبه بأبي وأمامي😅 5- وبآقي نقطه آحب آذكرها وهي أهم شي وهي الشلاته والتلال والدلع الاخبل في نطق الحروف مثلا: الي تقول سح وسدق وعاتي وتفشانه وتيب هذي مشي آنوثة هذه اعاقه في النطق😂 -وآللي دمجت مفهوم آلنعومه مع آلغباء (الكهن العنكشي) يعني آنآ نآعمه مآ آفهم بسرعه هذه تشتي من يشعفل بها على أساس انهي بريئه ومالهاش في الدرك والديهره والكهن 😝الله ما لها الا ملطام وسط جبهتهآ يعدل مركز التحكم بآلدمآغ ومركز آلآستيعآب وتوقع آدمية ومره تطير للعيون وصلكن الخبر اوماشي 🤕🌚👍🏼 @ALFkamah

كان اول اذا قد البنت بدأت تعجب بالولد تسير تغسل وتصبن مع امه وتتحمل بدلها وتحلف والله لا تطرحي جور عليش. مافيش حاله والله مااتحمل الا انا وتقتلب كمال اجسام في ساعه ولا شي عرس تلقف بقعه في الصاله لامه لوما تجي وتشل خواته وترقصهن معاها قدام امه عشان تعجب امه وكل حكايتها عنهم عن بيت فلان بيت فلان فعلوا صنعوا ساع حق بيت فلان ويعجبها لااحد مدحهم وتشخر بقوه وتجلس تدافع عن اهل بيت الولد ذيه وماتخلي احد يغلط عليهم. وتخليهم على الصراط المستقيم وان مابش ساعهم ولا احد تحاكا عليهم عندها تحترف حرفة ديناصور😂 ☜واذا الولد يحب البنت يسير يبعي لهم الدبه الغاز وفرحته اذا قالو جي اوزن الدش. ويقتلب باتمان اذا جاء مطر ووطل البيت يقتلب ونش يطلع التراب فوق ضهره واذا معاهم عماره.يسير يشقى ويتحمل 5بلك فوق ضهره وفي ايديه 2 سطول خلطه و يقتلب 5شقاه في ساعه ويقتلب سوبر مان اذا قالوا له جي صلح الدينامو حق الماء ويخزق الخزان عشان يقلوا له جي سبره مره ثانيه ويسير يلاعب اخوها الصغير ويجعله من البقاله ويشتري له كره يلعب بها ويطرح صورته بجيب اخوها عشان تجي تغسل كوت اخوها وتخرج الصور وتشوفهن الصدق كانوا يتعبوا لما يلمحوا لبعض بالحب😂 كانوا يشقوا شقاء الحمير عشان يثبتوا صدق حبهم لبعضهم لذلك حبهم كتب له البقاء. وكان له شم وطعم لانه كان صادق ومشاعرهم صادقه لانها جاءت بعد عناء وتعب وجهد وحين قالوا عيقطعوا النت قلت غبني على المحبين حق هذه الايام كيف بيوقع هم شكلهم كانوا عيرجعوا للشقاء حق زمان عند اهل الحب🤗 @ALFkamah

قالو له كيف تتمنى زوجتك المستقبليه.؟ قال اتمنى اكون ارجل منها..! #لا_يالوحش🤡🍃

-اللي بيقلوا مايصلح تاكل زعقة من الصبح.! اقنعوني ايش عرف المعده انه صبح..؟ 🤡🍃

ياقاضي الحاجات يالله. بـ زلط حتاا سرق..!!🧸🤡🍃 - #صباح_الخير

⭐️صباح الخير⭐️ لأحبة كالنجوم . لا نراهم دائما لكن نحس بضيائهم على شغاف القلب فتنشرح الروح . هكذا أنتم وهكذا نحن أحببناكم حد الإرتواء وسكنتم فينا مساكن الضياء فلكم منا كل الحب والوفاء مع صدق الأخوة وأخلص الدعاء صباح الخير والمحبه 🌹❤️🌹 ⭐️ @ALFkamah ⭐️

✨🕊️‏ تبدأ حكاية يوم جديد٠٠ مفعم بالانشراح٠٠ ✨🕊️ صبـــــاحٌ الأشياء الجميلة ٠٠ التى يعجز الفكر عن إدراك روعتها ٠٠ ✨🕊️ صبـــــــاحٌ يشرق ويعزف أملاً ٠٠ و يكتب حروفاً جديدة للسعـــــادة ٠٠ فـ يزهر بهم النهار فرحاً ٠٠ ✨🕊️ صباح الورد والفل والياسمين٠٠ خاص فقط للغالين٠٠ ✨🕊️ لكم من حدائق وجداني أجمل٠٠ الورود معطره بعطر المحبه لله٠✨🕊️ صبــــااااحكم وردصبـــااااحكم محبة ٠🤍🕊️✨ ✨ @ALFkamah ✨