د ازموینو ملي اداره - NExA - ادارهٔ ملی امتحانات

د ازموينو ملي ادارې مشر الحاج شيخ عبدالباقي حقاني د چارو ادارې لوی ریاست د دعوت ارشاد رياست لخوا د ديني درسونو د کلنۍ ازموینې د نتايجو په تړاو جوړه شوې غونډه کې ګډون او وینا وکړه. شيخ صاحب په خپلو خبرو کې د دعوت ارشاد ریاست مسؤولیت او رجال سازۍ ته په اشارې وويل : د دعوت ارشاد نظریه د اسلام د عمده مقاصدو څخه ده . شیخ عبدالباقي حقاني وویل: نبي کریم (صلی الله عليه وسلم) په مکه مکرمه کې ديارلس کاله په انسانیت جوړونه باندې کار وکړ ، اسلام انسان جوړونې او ذهن سازۍ ته په مکي دورکې ديارلس کاله وخت ورکړی، چې په دې وخت کې ډېر کم احکام راغلي وو او د ټول دین تکمیل ته یی په مدینه منوره کې لس کاله وخت ورکړی. معلومه شوه، چې انسان جوړونه او ذهن سازي ګران او مهم کاردی. کله چې یو کار ته د انسان ذهن سازي وشي؛ نو انسان بيا هر ډول قربانۍ او تکلیفونو ته تیار وي. په مکي دور کې چې کله د رسول الله (صلی الله عليه وسلم) له خوا د صحابه کرامو (رضي الله عنهم) ذهن سازي وشوه؛ نو د اسلام ډېر لوی امانت یې اُمت ته ورسول او د اسلامي دولت ډېره ښه رهبري یې وکړه، نه یو صحابي منحرف شو او نه په کې بې رغبتي راغلې ده. زموږ په هېواد کې اشغالګرو په تېرو څلورو لسیزو کې ساده وخت نه دی تېر کړی؛ بلکې د ولس په اولادونو او ځوان نسل يې فکري لحاظ سره ډېر کارکړی، چې دا زموږ نه ډېر کارغواړي او باید ورته متوجه شوو . موږ څوارلس کاله روسانو او د هغوی لاسپوڅو سره په جهاد کې تېر کړل، د دوی سره زموږ د جهاد دوه محاذه وو: یو نظامي او بل علمي او فکري، چې لله الحمد په نظامي ډګر کې مو د الله (ج) په نصرت کامیابي حاصله کړه، خو فکري ميدان مو ترې خپل نه کړ، همداسې پاتې شو او د هغه وخت د نظام چاروکي د دې مشکل اساسي حل ته متوجه نه شول. کله چې امریکایان راغلل د ډک میدان نه یې اعظمي استفاده وکړه او دا د علم او نظر میدان یې د وړاندې په نسبت د ځان په ګټه ډېرغني کړ. اوس موږ فرصتونه لرو، چې باید ضایع یې نه کړو، مشکل درک او حل ته یې اساسي متوجه شوو. دغه برخه ډېر کار او ډېر وخت ته اړتيا لري او دا مسؤولیت د دعوت ارشاد د مسؤولینو ده، چې د تعلیمي، تحصيلي او د مختلفو ادارو کارکوونکو د ضرورت، فکري او علمي مستوی مطابق نصاب جوړ کړي او يادو برخو ته يو اساسي کار وکړي. همدارنګه شيخ صاحب په خپلو خبرو کې زياته کړه: اسلام کوښښ کوي، چې د مختلفو میدانونو مستعدو کادرونو ته اطمینان ورکړي، خپل فکر ورکړي او د ځان سره یې ملګري او روان کړي او اعتماد پری وکړي، د اسلام او د اُمت په ګټو کې ترې کار واخلي . د اولې ورځی نه د اسلام پیغمبر(صلی الله علیه وسلم) په مخالف صف کې با استعداده او وړ کادرونو ته متوجه شوی، خپل کړي یې دي، نازولي یې دي، اعتماد یې پرې کړی او په همغه خپله تخصصي رشته کې یې د رهبرۍ په سطحه ترې کار اخیستی دی. حضرت خالد بن ولید (رض) او حضرت عمرو بن العاص (رض) یې واضحې بیلګې دي: دواړو چې کله هم ایمان راوړ؛ نو حضرت خالد (رض) د رسول الله (صلی الله علیه وسلم) د ژوند تر اخره؛ بلکې د حضرت ابوبکر(رض) تر وفاته د مسلمانانو د جهادي میدان مشر و. حضرعمرو بن العاص (رض) یې ډېر ژر په غزوه ذات السلاسل کې د مجاهدینو مشر وټاکه. معلومه شوه، چې د اسلام پالیسي د مستعدو کادرونو خپلول، مطمین کول او ترې کار اخیستل دي؛ له ځان څخه لیرې کول، تبعیدول او تنزیلول نه دي.

د ابو عبیده بن جراح (رض) ملي دفاع پوهنتون محصلینو جذب ازموینې ګډونوال خپلې پایلې په لاندې لینک کې کتلای شي! داوطلبان امتحان ورودی پوهنتون دفاع ملی ابو عبیده بن جراح (رض) می‌توانند نتایج خویش را در لینک ذیل مشاهده نمایند! https://nexa.gov.af/ps/Abu-Obaida-Ibn-e-Jarah-results

د کابل پوهنتون حقوقي ستاژ ازموینې ګډونوال کولی شي د خپلې ازموینې پایلې په لاندې لینک وګوري! اشتراک کننده گان امتحان برنامه ستاژ حقوقی پوهنتون کابل میتوانند نتایج خویش را در لینک ذیل مشاهده نمایند! https://nexa.gov.af/ps/setazh-hoqoqi-kabul-results

جهت بدست آوردن معلومات دقیق و به موقع در چینل وتساپ اداره ملي امتحانات با ما بپیوندید! د پر وخت او کره معلوماتو تر لاسه کولو لپاره د ازموینو ملي ادارې په واتساپ چینل باندې راسره مل شئ! https://whatsapp.com/channel/0029VaVol28Chq6KKUXARG1r

‏تمام طلباء کرام که در امتحانات تثبیت سویه علمی به درجه خامسه و مافوق الثانویه در ادارۀ ملی امتحانات کامیاب گردیده و خواهان ادامه تحصیل در رشته های ذیل الی درجه لیسانس باشند، می توانند جهت ثبت نام در امتحان کانکور ۱۴۰۳، از تاریخ ۸ ثور به ادارۀ ملی امتحانات مراجعه نمایند.