Quva boshlang‘ich ta’limi

Мамлакатимиз мактабларини битирувчи ўғил-қизларимизга 24.05.2024 Қадрли фарзандларим! Бугун ўз билим ва истеъдоди, куч-ғайратини Янги Ўзбекистон бунёдкори, жонажон юртимизга муносиб фарзанд бўлишдек эзгу мақсадга бахш этишга бел боғлаган сизлар каби навқирон ёшларни мактаб таълимини муваффақиятли тугатаётганингиз билан чин қалбимдан самимий табриклайман. Меҳрибон устозларингиз ва ота-оналарингиз сизларга оқ йўл тилаб турган мана шу қутлуғ кунда мамлакатимиздаги барча мактабларда “сўнгги қўнғироқ”лар жаранглаб, сиз каби минглаб ёшларимиз катта ҳаётга йўлланма олмоқдалар. Ҳақиқатан ҳам, бугун сизлар улкан имкониятлар тақдим этадиган бутунлай янги ҳаёт остонасида турибсиз. Бу йўлда тинимсиз изланиб, янги марралар сари талпиниш, дадиллик ва ўзингизга қатъий ишонч ҳисси доимо ҳамроҳингиз бўлиши лозим. Ҳамиша ёдингизда тутинг, ҳар бирингиз ўзига хос истеъдод соҳибисиз, уларни рўёбга чиқариш эса аввало ўзингизга, тинимсиз интилиш ва изланишларингизга боғлиқ. Шу ўринда, сизнинг сафингизда ўқишни олтин ва кумуш медаллар билан тамомлаётган юзлаб ўғил-қизларимиз борлигини таъкидлаш ўринлидир. Кейинги йилларда Янги Ўзбекистон ёшлари турли фанлар, спорт, санъат ва адабиёт соҳаларида ўзининг чуқур билим ва қобилиятини яққол намоён қилишмоқда. Ҳаётда юксак марраларни кўзлаб турган бундай серғайрат ва билимдон фарзандларимизни юртимиздаги миллионлаб ўғил-қизларимизга ўрнак қилиб кўрсатсак, арзийди. Мамлакатимизда навқирон авлод вакилларини ҳар томонлама баркамол инсонлар этиб тарбиялаш, уларнинг қонуний ҳуқуқ ва манфаатларини таъминлаш, қобилият ва салоҳиятини рўёбга чиқаришга жуда катта эътибор қаратилмоқда. Чунки жонажон Ватанимизнинг келажаги, унинг тақдири ва тараққиёти бугун шинам синфхона ва аудиторияларда қунт билан таълим олаётган ёшларнинг қўлида. Улар эртага Ўзбекистонни янада кучли, ривожланган ва бахтли давлатга айлантириш учун ўзларининг бор билими, иқтидори ва куч-ғайратини сафарбар қилса, кўзлаган мақсадларимизга албатта эришамиз. Айни пайтда мамлакатимиздаги кўплаб замонавий олийгоҳлар, касб-ҳунар мактаблари ва техникумлар битирувчиларни ўз бағрига чорламоқда. Бу масканларда уларнинг таълимни давом эттириб, янада чуқурроқ билим олиши учун барча шарт-шароитлар яратилган. Азиз ўғил-қизларим! Сизлар жонажон Ватанимиз шонли тарихининг бир қисми, ўз маданияти ва анъаналарини асрлар давомида асраб-авайлаб келаётган буюк халқнинг дилбандлари, Янги Ўзбекистоннинг умиди ва таянчи ҳисобланасиз. Яна бир бор таъкидлаб айтмоқчиман, давлатимизнинг эртанги тақдири, унинг равнақи ва тараққиёти сизларнинг қўлингизда. Ҳеч қачон орзу қилишдан тўхтаманг, катта мақсадлар йўлида имкониятларингизни синаб кўришдан, бу йўлда хато қилиш ва улардан сабоқ олишдан қўрқманг. Чунки халқимиз сизларга катта умид ва ишонч билан қарамоқда. Сизларнинг янги ғоя ва ташаббусларингиз, иштиёқингиз ва кучингиз нафақат Ўзбекистонни, балки бутун дунёни ўзгартириши мумкин. Шунинг учун ҳар қандай ҳолатда ҳам ўз олдингизга қўйган эзгу мақсадингиздан ортга чекинманг. Ҳар бирингиз устозларингиз ва ота-онангиз қалбингизга сингдирган қадриятларга ҳамиша содиқ бўлиб, халқимизнинг бебаҳо меросини янада бойитишга, юртимизнинг ёруғ келажагига ҳисса қўшишга интилинг. Биз жаҳонга илм-маърифат, маънавий бойлик етказиб берган не-не улуғ зотларнинг авлодимиз. Уларга хос бўлган ноёб хусусиятлар, улар яратган анъаналар бугун ҳар биримизнинг қалбимизда, онгимизда ва ҳаётимизда яшамоқда. Эндиликда биз ана шу буюк аждодларимизнинг чинакам давомчилари бўлган қалби қайноқ ёшларимизнинг юксак маънавий ва интеллектуал салоҳияти, уларнинг дунёни лол қолдирувчи ютуқлари билан ҳам фахрланишга ҳақлимиз. Ҳеч шубҳасиз, ҳаётда юксак натижаларга эришиш учун тинимсиз ҳаракат, шижоат ва жасорат талаб этилади. Сизларнинг чуқур билим олиш, замонавий касб-ҳунарларни ўрганиш орқали Ватанимизга муносиб фарзандлар бўлиб етишишингиз ва унинг тақдири учун масъулиятни зиммангизга олишингизга ишонаман. Бу шарафли йўлда барчангизга бахт ва омад доимо ёр бўлишини тилайман. Шавкат Мирзиёев, Ўзбекистон Республикаси Президенти

🌿🌹Assalomu alaykum, aziz ,,Quva boshlang‘ich ta’limi‘‘ kanali muxlislari! Qadrdon hamkasblar! 🌿🌷 Xayrli tong! ⏰ Vaqtning o‘tishini qarang! Kechagina har xil xayollar bilan boshlangan 2023-2024-o‘quv yili ham nihoyasiga yetmoqda.... ☘🌸 Barchangizni bugungi ,,So‘nggi qo‘ng‘iroq‘‘ bilan tabriklayman! 🌿🌹Bu o‘quv yilida armon bo‘lib qolgan yutuq va muvaffaqiyatlarga kelgusi o‘quv yilida erishishlaringizni tilab qolaman! 🌿🌷 Kuningiz xush kayfiyatda, mazmunli o‘tsin! 🌿🌹Salomat bo‘linglar, qadrdonlarim! 🍃 Quvaboshlang‘ich 🍃 25. 05.2024 shanba

Болажоним сизга омонат! Ўқувчимнинг меҳрибон отаси Фарзандим жондан севган онаси Қулок солинг акаси, опаси Болажоним сизга омонат! Топширдим сизга юлдузларимни Топширдим қуёшли кундузларимни Ҳазил билманг ҳар бир сўзимни Болажоним сизга омонат! Чўмилмасин анҳор,сойларда Юрмасин ёт бегона жойларда Таътил давридаги ойларда Болажоним сизга омонат! Тиғли асбобларни олиб қўйинг Пичоқларни ғилофига солиб қўйинг Сизга такрор айтай билиб қўйинг Болажоним сизга омонат! Уйда ёлғиз қолдирманг ўзини Сабр қилиб тингланг савол, сўзини Кўз ёшлар ювмасин юзини Болажоним сизга омонат! Топшириқлар берганман фанлардан Она тили ўқишу, ҳисобдан Илтимос, жеркимай беринг ёрдам Болажоним сизга омонат! Бўш қўймай китобга боғланг уни Фақат эзгуликка чоғланг уни Сизга бўлган ишончини оқланг уни Болажоним сизга омонат! Кечиктирмай вақтида есин овқат Бир оз шўхлигига қилинг тоқат Шунда сиздан хурсанд бўлгум бехад Болажоним сизга омонат! Йўл коидаси ёдида бўлсин Фикру ўйи онгида бўлсин Қоронғу тун ё тонгида бўлсин Болажоним сизга омонат! Айтайин энди сўнгги сўзимни Асранг сизлар ўғлу -қизимни Асранг сизлар илмдаги измни Болажоним сизга омонат! 🙏🙏🙏🙏❤❤❤❤

Tumanimizning 7-maktabida "Yosh kitobxon" tanlovi o'tkazildi . Tanlovda 1-sinf o'quvchilari faol ishtirok etdilar. Faxrli o'rinni olgan o'quvchilar esdalik sovg'alari bilan taqdirlanadilar. Sinf rahbarlar: Mafruna Rashidova

Bugun 30-sonli maktab Boshlangʻich sinflarda,,Yosh bilimdonlar'' fanlararo koʻrik-tanlov oʻtkazildi. Tanlov:1) Ona tili fanidan- Yozma ish 2) Matematika: Yozma ish 3)Oʻqish savodxonligi-Test 4) Tabiiy fanlar -Test Ertaga yakuniy natijalar eʼlon qilinadi. Boshlangʻich Uslubiy Birlashma rahbari:Iroda Yuldasheva