النَّادي الدِّينِي | السَّوَارِي ٩٧

غدا✨🔥 #صبات_الاستقامة #مركز_كسلا #النوادي_الدينية #كلية_الطب_جامعة_الخرطوم

زميلتنا من الدفعة 96 حاليا في منطقة ملانة دعامة ...والفترة دي الوضع بقى أصعب وكل الأسر المعاهم في الحلة سافروا وفضلوا هم (هي وامها بس) ...وقبل ايام دخلوا ليهم الدعامة في بيتهم وهددوهم واتعدوا عليهم بالضرب وحاليا الدعامة ساكنين في الشقة التحتهم ...و منطقتهم ما فيها كهرباء ولا موية ولا شبكة لاكتر من شهر ...الحمد لله قدرنا نوفر ليهم بيت في ام درمان ، ف يدكم معانا نوفر ليهم تذاكر السفر ، سعر التذكرة من منطقتهم لشندي ١٢٠ للفرد ومن شندي ل ام درمان ١٠ الف للفرد، كامل الحوجة ٢٦٠ الف ...علماً انه ماف غير الطريق دا حساب بنكك : 2142502 باسم : شيماء عمر محمد العوض - فرع البرلمان

الملايات الجديدة ---------------- في بدايات الاستقامة الزول بكون غَيّر المِلايات بتاعت شخصيته و خَتّ ملايات جديدة فبيعيش حاجة كدا عاملة زي الفترة الانتقالية (منظومة جديدة لتقيم الأفعال و الأقوال - حاجات خلاها و اهتمامات اتوجه ليها) حيجي داخل بالعَفَش الجديد على المجتمع فبين مُشْتَبِك و مُعارض و مُتَقّبل و مُتَعايش : -  كيف أغير في ناس البيت بدون ما أبقى "الزول النِّقَتو كتيرة وأي شي حرام عندو"؟ أو أقول ليك كلام أعمل شنو لو هم معترضين على أفعال هي من الديانة كيف اتصرف بدون ما أخرمج بر الوالدين و الحاجات دي؟! - شلتي و أصحابي في الجامعة بي عَفَشي الجديد دا أتعامل معاهم كيف بدون ما أبقى المولانا الما جامد البايخ مُفسد المُتعة؟ - ما هو التصرف المثالي تِجاه الفعاليات الخليطة في الجامعة (فيها شي كويس و فيها خَمَج) أشارك في الكويس و أسيب الخمج و أكون مولانا cool ولا أخليها كلو كلو ولا نديهم نصيحة في الخمج و نزح ولا شنو ولا شنو؟ - في زول بقول لي شفت أنت تبقى زي سلاحف النينجا قافلين روحهم على بعض ما بطلعو للناس و ما بشاركو في أي شي و هم ٤ أصحاب بس ، فمرات بتجيني الفكرة دي لمن الأذى المجتمعي يكتر علي وانتو بتقولو اعتزل ما يؤذيك ولا أنتو بقيتو بتتكلمو ساكت يامولانا و لا شنو؟ #قريبا #مركز_كسلا #النوادي_الدينية #كلية_الطب_جامعة_الخ

"المُفراكَة وين؟!" ----------- - ذكر ابن القيم في مدارج السالكين مسالك و مراتب تعامل الشيطان مع السالكين و ذكر إنو لو ما وقعك في المعصية يخليك ما تعمل الطاعة و كان عملت الطاعة ما تعمل كمالها و كان عملتها بي إحسان يحاول يوقعك في مبطلات الأعمال أو يوهن همتك في العمل فهو قال ليك قعد في الصراط ليك أنت بس ! ، من الأمثلة على الحاجة دي حُقن التخدير مثلاً >>>>> العمل الموسمي (حالة ما بعد نشر البرامج العلمية في مواسم معينة) فالواحد فينا يجيه احساس إنو كويس و ما محتاج يقدم زيادة مُنتشياً بالعدد الكبير البكون خشّ البرنامج المعين دا منتسباً لي إنه هو جزء منه! النشر لا ينكر أحد إنه حاجة كويسة لكن حالة الخمول و الكسل دي من أين لك بها و تستاهل خَبْتة مفراكة عليها!! . - كيف أحافظ على الإنتاج الدعوى بتاعي من المُخدرات دي؟ - المجتمع مليان ألغام ضد الدعاة فالمساحة ما واسعة للدرجة ديك عشان أقدر أقدم، شنو الصبات الممكن استخدمها في الحالة دي؟ - وين ألقى الحزمة العلمية الممكن على الأقل أكون بالاستعانة بيها داخل في أجر (ولتكن منكم أمة يدعون إلى الخير) عشان والله الحاجة دي طَلّعت عيني؟ - أها الناس المُكابرين و المُؤدلجين و الواقفين كدا أَلِف أحمر أتعامل معاهم كيف، و كيف أقدر أحسن استجابة الناس لي؟ #قريبا #مركز_كسلا #النوادي_الدينية #كلية_الطب_جامعة_الخرطوم

#قريبا #مركز_كسلا #النوادي_الدينية #كلية_الطب_جامعة_الخرطوم

#قريبا #مركز_كسلا

حوجة لخال أختنا وزميلتنا في كلية طب متعفّف جداً عن السؤال ، كان شغال تجارة ومع الحرب كل شي وقف ، و الحال ماشي أصعب عنده ٧ أولاد اللهم بارك سفّر أولاده وزوجته خوفاً عليهم و فضل هو في الخرطوم للأسف حارس بيته ليهو سنة ما شاف زوجته وأولاده 💔 واحد من اولاده شغال ببيع عصاير ، بس ما بتجيب كتير وهو عاوز ولده يرسل ليه ١٥٠ ألف يسافر بيها يلاقي عياله … عاوزين نجمع ال 150 الف دي ونساعده ونخفف شوية من كربه ✨ اللي هي حق السفر بس ! ✨ ال 150 حقيقي لو كلنا ساهمنا ما كتيرة وبتتم بسهولة ان شاء الله ! ولو فاضت حاجة من المبلغ حنديهم ليها كمصاريف يتصرّفو بيها إن شاء الله ✨ واتذكروا انو رزقهم موجود موجود عند ربنا لكن ولحكمة يعلمها استعملنا لنكسب الأجر ونكون سبباً ! ✨ ⛔️ أرقام الحسابات للتبرع: 2891618 بنك الخرطوم - قمر محمد صالح 51122588 بنك فيصل - آلاء عبد الرحمن

يقول ﷺ: «لأن يتصدق المرء في حياته بدرهم خير له من أن يتصدق بمائة عند موته» . بالإشارة إلى إعلان إدارة الجامعة ببدء الدورة الثالثة للامتحانات النهائية لبعض الفصول الدراسية لعدد من الكليات منها كلية علوم التمريض ،لا يخفى عليكم الظروف الصعبة التي يواجهها الطلاب و أسرهم في توفيق أوضاعهم. عليه نناشد كل الخيرين وخريجي الكلية والجامعة وفاعلي الخير للمساهمة في تسهيل وتوفيق أوضاع الطلاب الجالسين للامتحانات. للتبرع : بنكك : 361568 - بإسم : وائل سيد محجوب محمدخير فرع الحرية. فوري : 51473962 -بإسم : تبيان عادل بابكر للإستفسار وإرسال الإشعار : 0112089686 0998059003