𝚉𝙷𝙰𝙺𝚄𝚃𝚃𝚈𝙼

Пиязың ащы емес, көзді де ашытпайды, қарбызың тәтті емес, ара да жақындамайды. Қолдан жасаған дүниеміз сапасыз болған сайын жерден алатын өніміміз дәмін жоғалтқан секілді. Дәмі түгілі дәні де қалмады. Даламыз құрғақшылық, қаламыз қымбатшылық. Малдан зекет, егіннен ұшыр бөлмеген соң, байы қайыр, кедейі садақа бермеген соң елге сынақ келетіні сөзсіз еді. Бұрын қиналған халық Құранына үңіліп, Құдайына жүгінетін. Қазір, ауырсаң мешітті жап, қиналсаң құрбанды қоя тұр... Алладан алыстаған сайын сынақ келетінін біле тұрып, сынақ келген сайын Алладан алыстап жатырмыз.. Жаратқан бізді жарылқасын!

Ал,айттарыңызбен,жақсылар.

Өмірімізде пайда болған әрбір адам - үйретуші, өмірлік ұстаз. Әлдебіреу мықты болуға, ал басқасы ақылды болуға үйретеді. Әлдебіреу кешіруді, ал басқасы бақытты болуды үйретеді. Әлдебіреу мүлде ештеңе үйретпейді, жай ғана сағыңды сындырады. Бірақ ол да саған берілген сабақ! Сол адамдардың әрбірін бағала, себебі олар сенің өміріңе пайда болса - онда ол жайдан жай емес. Әйтеуір бір нәрсені үйретіп, бір нәрсені түсіндіріп кету үшін келген...🥀

Күнделіктен🖇🕊 Жастық шағымның, алаңсыз шақтарымның, бос уақытымның қалай өтіп жатқанын ойлап, кейде бір саралап аламын. Үнемі көңілім тола бермейді. Себебі жасағанымнан, жасап жүргенімнен, жасауым керек нәрселер көп. Тым көп. Уақыт күтіп тұрмайды, жастық шақ та мәңгілік емес. Өтпелі. Ал адам баласының қуаты да, күші де, энергиясы мен шабыты да, идеясы да тасып тұрған кез - осы жастық шағы. Ойын, күлкімен емес, болашақтың іргетасын қалаумен, ізденумен, сәт сайын дамумен, кітап кемірумен, дүниетанымын кеңейтумен, жаңа білім сіңірумен өткен жастық шақ, бәлкім адамның ең пайдалы әрі ең бағалы кезеңдері шығар..🌾