Abu Mahdiy

Бошимиздан ўтаётган ҳар бир ёмонликда албатта биз учун фақат Аллоҳга маълум бўлган яхшилик бор. ┈┉┅━۩❀ ❅ ❀۩━┅┉┈ Каналга уланиш: ⤵️ https://t.me/axyorlar

Мисрдаги масжидларнинг бирида Жумъа хутбасини ўқиётган шайх АбдулҲамид Кишк шундай дуо қилади: "Аллоҳим! 2-сафда ва ундан кейинги сафлардаги барча мусулмонларни Ўзинг мағфират қилгин!" Жамоат орасидан кимдир "Биринчи сафдагиларчи?" деб сўради. Шайх: "Биринчи сафда Мухобарат (Хавфсизлик Хизмати) ҳодимлари бор" деб жавоб берди. @falastinsadosi

ШАВКАТЛИ МИЛОДМИ Ё ШАРАФЛИ МАВЛИД? Муроса қилиб ё одоб сақлаб ўтирмайман. Ҳа, сизга ўз динингиз, менга эса ўз диним. "Сизга ўз динингиз ва менга ўз диним" (Кафирун сураси, 6-оят). Бу бошқани рад этиш эмас. Ёки беҳурмат қилишга чақириқ ҳам эмас. Ёхуд уни ёмон кўриш ва инкор қилиш ҳам эмас. Балки у аниқ ва икки тарафга маълум чегара доирасидаги юксак эҳтиромдир. Бу чегара, икки дин ўртасида қўшилишни ман қиладиган чизиқни чизиб беради. У динлар бир-бирини тан олсада, эътиқод ва амалда ўзаро фарқланади. Бу батамом икки давлат ўртасидаги чегарага ўхшайди. Уларда ҳар бир яшовчининг ўз фуқаролиги бор. Икки давлат фуқароларининг ўз ҳуқуқ ва бурчлари мавжуд. Улар баъзи қонунларда бир хил бўлишса, бошқаларида фарқланишади. Лекин ҳеч қачон ватан мадҳиясида бирлашишмайди. "Айтинг: «Эй кофирлар!" (Кафирун сураси, 1-оят). Кофир сўзи ҳақоратми? Йўқ! Ҳақорат ҳам, камситиш ҳам эмас. Ўзга менинг динимга кофир, яъни эътиқод қилмагани каби, мен ҳам бошқанинг динига кофирман. Ҳар бир инсон бир нарсага мўмин ва ўша нарсанинг аксига кофир бўлади. Аммо бир нарса ва унинг зиддига баробар иймон келтирган киши, тафаккурида эврилиш билан оғриган кишидир. Агар киши икки нарсага тенг эътиқод қилиб, маросим бажарса ёки оммага кўринса, у ноаниқ ва иккиланган киши саналади. Уларгаям, буларгаям қўшилолмайди. "Мен сиз ибодат қилган нарсаларга ибодат қилмасман. Ва сизлар ҳам мен ибодат қиладиганга ибодат қилувчимассиз" (Кафирун сураси, 2-3-оятлар). Ҳа, низом ва аниқлик шунақа бўлади. Икки эътиқод ўртасига чегара қўяди: Сиз ўзингизга ёққанига эътиқод қилинг. Мен ҳам ўзимга маъқул келганига эътиқод қиламан. Сизга динингиз унумли бўлсин, менга диним фойдали. Бунда дин иккидир: Сизнинг динингиз ва менинг диним. Мен сизнинг динингизга эътиқод қилмайман деганим, уни эҳтиром этмайман, дегани эмас. Динингиз байрамларида иштирок этмайман дегани, уларни қабул қилмайман, дегани эмас. Динингиз билан диним ўртасида ажратувчи чегара қўяман, деганим, сиз билан бирга яшолмайман, дегани эмас. Динингиз билан диним ўртасини аралаштиролмайман, дегани, мен бағрикенг эмасман, мўътадил бўлолмайман, дегани эмас. Сиз масиҳий сифатида мен билан Рамазонда рўза тутишга мажбур эмассиз. Пайғамбарим мавлидини нишонлаб байрам қилишингиз шарт эмас. Буларни мени севишингиз ёки эҳтиром этишингиз учун, ёки менга нисбатан бағрикенглигингизни исботлаш учун ёхуд мен билан тинч-тотув яшашингиз учун тан олишингиз шарт эмас. Бунинг акси ҳам шундай. Мен мусулмон сифатида уйимга рождество арчасини ўрнатишим, тинч-тотув ҳаёт рамзи ўлароқ масиҳий қўшиқ ва Қуръон тиловатини аралаштиришим, ҳамда янги йил учун болаларим ясан-тусан қилишлари шарт эмас. Мен сизнинг динингизга иймон келтирганимдагина ундаги бор нарсани қабул қиламан. Ундан бир бўлагини, бундан бир бўлагини олмайман. "Сизларга ўз динингиз ва менга ўз диним" - балоғатли ва ҳикматли оят. Унда эҳтиром ва муҳаббат билан тинч-тотув яшашнинг мукаммал низоми мавжуд. У бошқани рад этиш ёки инкор қилиш эмас. Балки биргаликда яшаш учун бошқага қўл узатиш.. лекин ҳамма ўз дини ҳудуди ортида. Келинг сиз шавкатли милод учун дуо қилинг, биз эса шарафли мавлид учун! Шояд шунда зоти айниган, чатишма дин юзага келишига сабабчи бўлиб қолмасак! Жинон Мунаймана, ливанлик ёзувчи https://t.me/MubashshirAhmad @Abu_Mahdiyy

​​РОҲИБАЛАР ОРТДАН РЎМОЛ ЎРАМАЙДИ! Газандалар турфа қонун тўқийверар, У бепарво, у улардан сўрамайди. Черков хўри ичра дуо ўқийверар, Роҳибалар ортдан рўмол ўрамайди! У ўз динин поймол қилмоқ хохламайди, Турфа бузуқ қоидани ёқламайди. Роҳиблар ҳам давлат ишин оқламайди, Роҳибалар ортдан рўмол ўрамайди. Эътиқоди бузуқ балки, балки хато, Лек либоси у учунмас оддий мато. Муслимани қўя туринг дўстим хатто, Роҳибалар ортдан рўмол ўрамайди. Чунки уларда халқ таълим вазирлари, Инсон зотин олқишига арзирлари. Кўриб қўйинг эй юртимнинг разиллари, Роҳибалар ортдан рўмол ўрамайди. Очиб қўйиб муслиманинг томоғини, Халқдан раҳмат кутиб яшар қайси жинни, Кўнглингизни синдиргим йўқ, кўнгил чинни, Роҳибалар ортдан рўмол ўрамайди. У хам истар жаннатларда топмоқ қадр, У хам қилар номаҳрамдан сочин сатр. У ҳам билар аврат жойин очмоқ надир, Роҳибалар ортдан рўмол ўрамайди. Эй дўст, қизинг ўйлаб фақат куйган санми, Эй дўст, қизин ўйлаб ёнган фақат манми, Проваславми, католикми, лютеранми, Роҳибалар ортдан рўмол ўрамайди. @A_meshayan 21:07-04.08.2021 Абдурроҳман Мешаян

EY, QORIYAM SEN HAM MENI KUTYAPSANMI??? Ko’nglim sendan o’zga yorni hushlamagan, Hanuz iymon etagidan tutyapsanmi? Qo’llaridan nomahram zot ushlamagan, Ey, qoriyam sen ham meni kutyapsanmi? Men esa bil sog’inchdan qon yutmoqdaman, Sadoqali oshiq yo’lin tutmoqdaman. Senla rishta bog’lamog’im kutmoqdaman, Ey, qoriyam sen ham meni kutyapsanmi? Men zinodan o’zni asrash uchun omon, Sabr aylab ro’za tutmoqdaman hamon. Tun chog’ini shu qadar ham ko’rdim yomon, Ey, qoriyam sen ham meni kutyapsanmi? Qandoq bo’lsin yuragimda shubhadek dog’, Faqatgina Qur’on bo’lsin sen kezgan bog’. Juft bo’lurmiz ko’klam qadar Xaq qo’ysa sog’, Ey, qoriyam sen ham meni kutyapsanmi? Yillardirkim maktub kelar necha-necha, Go’zallardan muzmun bir: Baxsh et bir kecha. Rad aylarman sen-chun dildan hirsim yecha, Ey, qoriyam sen ham meni kutyapsanmi? Hijob birla ziynatlarin to’sgan g’uncham, O’n yetti yil chin islomda o’sgan g’uncham. Taqvoda ham men nodondan o’sgan g’uncham, Ey, qoriyam sen ham meni kutyapsanmi? Seni sevdim qalbing Furqon uqqaniga, Volidangdan senga vafo yuqqaniga. Ahit g’uncha tortar gulga tuqqaniga, Ey, qoriyam sen ham meni kutyapsanmi? “Tug’ilajak farzandimga qil ixtiyor- Yo Rab shu qiz ona bo’lsa men baxtiyor” O bu go’zal duo hanuz zabonda bor, Ey, qoriyam sen ham meni kutyapsanmi? Yuragim teshin o’tmas g’aflatdek o’q, Menga nafrat qosh chimirib urolmas do’q. Sen dinimning yarmi bo’lsin armonim yo’q, Ey, qoriyam sen ham meni kutyapsanmi? Dardla nuqta qo’yilajak nifoqimga, Cheksiz mehr to’lajakdir nigohimga. Xasrat o’lar seni olsam nikohimga, Ey, qoriyam sen ham meni kutyapsanmi? Manim qalbim dengizda ishq ursa mavj, Olajakdir dilda go’zal duolar mavj. Qilarmiz deb birgalikda ikkimiz Xaj, Ey, qoriyam sen ham meni kutyapsanmi? Agar menga yor bo’lmoqni ko’rmasang ep, Yuragimni dard quzg’uni bitirgay yeb. Shu yigitni o’zim qori qilarman deb, Ey, qoriyam sen ham meni kutyapsanmi? Menga xarom o’zga gulga ko’zni qadash, Rostim shudir ne darkordir o’zni aldash. O, Iso Masihning onasiga adash, Ey, Qoriyam sen ham meni kutyapsanmi? Maktubimga javob bitding ko’zi qora: -Menga yor bo’lmog’iz-chun bor bir chora. Mahrim-chun yod olsangiz bas o’ttiz pora! Yod olgayman, demay sof yo’l tutyapsanmi? Ey, qoriyam sen ham meni kutyapsanm!? t.me/Abu_Mahdiyy

Ахир Аллоҳ кўксини Ислом учун кенг қилиб қўйган, бас, ўзи Парвардигори томонидан бир нур — ҳидоят устида бўлган киши (куфр зулматларида адашиб-улоқиб юрган кимса билан баробар бўлурми)?! Бас, диллари Аллоҳни эслашдан қотиб қолган (яъни, Аллоҳни эслашни тарк қилган) кимсаларга ҳалокат бўлгай! Улар очиқ залолатдадирлар! (39/22) t.me/Abu_Mahdiyy

O'zini kim uchundir yashiringan qimmatbaho hadya ekanligini bilganlar.. Hijobga qaytmoqdalar. 🌿 @Abu_Mahdiyy 🌿

Iymon va solih amalning mukofoti📌 "Albatta iymon keltirgan, yaxshi amallar qilgan va namozni to‘kis ado qilib, zakotni bergan zotlar uchun Parvardigorlari huzurida ajr bor. Ular uchun hech qanday xavf-xatar yo‘q va ular g‘amgin bo‘lmaydilar". Baqara:277 "(Alloh) iymon keltirib, yaxshi amallar qilgan zotlarga esa ajrlarini komil suratda beradi. Alloh zulm qilguvchilarni sevmaydi". Oli Imron:56 "Iymon keltirgan va solih amallar qilgan zotlarni esa ular abadiy yashaydigan, ostidan daryolar oqib turadigan jannatlarga doxil qilajakmiz.Ular uchun u joylarda pok juftlar bordir. Ularni quyuq soyali joylarga kiriturmiz". Niso:57 "Iymon keltirib, solih amallarni qilgan zotlarni esa ostidan daryolar oqib turadigan jannatlarga kiritajakmiz ular u yerda abadiy yasharlar. Bu Allohning haq va’dasidir. Allohdan ko‘ra rostgo‘yroq kim bor?!". Niso:122 "Ana o‘shanda iymon keltirib, solih amallar qilgan kishilarning mukofotlarini komil qilib berib, yana O’z fazlu karamidan qo‘shimcha ham qilur". Niso:173 "Alloh iymon keltirgan va yaxshi amallar qilgan zotlar uchun mag‘firat va ulug‘ ajr bo‘lishini va’da qildi. Kofir bo‘lgan va Bizning oyatlarimizni yolg‘on degan kimsalar esa jahannam egalaridir". Moida:9,10 "Biz Payg‘ambarlarni faqat bashorat beruvchi va ogohlantiruvchi qilib yuboramiz. Kim iymon keltirib, solih amal qilsa, ularga xavfu-xatar yo‘q va ular ranjimaslar". An'om:48 t.me/Abu_Mahdiyy