30 ёшли братдан 20 ёшли братларга 10 та маслаҳат.
1. Мактабда, коллежда энг аълочи бўлсанг, ўзингни дунёдаги энг билимли инсон деб хисоблама. Сен шунчаки ўша ўзинг бирга ўқиганларни ичида энг билимлиси бўлишинг мумкин холос.
2. Мени хечким тушунмайди, уйда ҳамма ёмон кўради деб ўйлама, аслида шунчаки сен хозир ўзингни ўзинг тушунмайсан ва тушуниш арафасидасан.
3. Уйланиш хақида ўйлама, абсолютно. Ўзинг тенгдош қизни севганинг билан у ёки уни ота онаси сени кутишмайди. Қизи бахтсиз бўлса ҳам, уйланишга тайёр одамга бериб юборишади. 28 ёшгача уйланиш хақида қарор қилма.
4. Мабодо 28 га киргунингча уйлансангам, агар сени фарзандингни ҳам сени ота-онанг моддий таъминлаб боқаётган бўлса, сен одам бўмапсан.
5. Ёшлигингда бирорта муаммо бўлса, ёнингда сендан ёши каттароқ инсон бўлса ўзингни қандайдур хотиржамроқ тутасан. Так вот, муаммолар бор ерда катталардан умид қилиб турма, катта ролини олишга қўрқма. Ҳаётимиз ўзи муаммо ечишдан иборат, сен буни эртароқ ўрганиб боравер.
6. Сен энди хечқачон бугунги кунингдан ёшроқ бўлмайсан. Бугунги кунингдан жисмонан кучлироқ ва чиройлироқ ҳам бўлмаслигинг мумкин. Лекин, йиллар ўтган сари бугунги кунингдан бойроқ ва ақллироқ бўлиб боришинг мумкин. Аммо бу нарсага эришиш ўз қўлингда. Нима дейсан, ҳамма нарса бугунги кунингдан ёмонроқ бўлганидан кўра хеч бўлмаса бойроқ ва ақллироқ бўлган ҳам яхши эмасми?)
7. Хозир ота онангни қадрига 10 йилдан кейин етадиганчалик етмайсан. Ота онанг сени дунёга келтириб, мактабда ўқитиб қўйса бўлди брат. Бошқа хечнарсага улар мажбур эмас аслида. Ота онам мени ўқитиши керак, уйлаб қўйиши керак деган гапларни унут. Хотинингни ота онаси ҳам сенга турецкий иштон оберишга мажбур эмас. Ҳамма нарсага ўзинг эришганингдаги хисни бир туйиб кўргинда, ўшанда биласан. Лекин сен ота онангни умрбод таъминлашга мажбурсан, чунки улар соғлигини, гўзаллигини, кучи ва билимларини сенга беришган.
8. Критик фикрлашни ўрган. Оммавий ура ураларни 90 фоизи ёлғон бўлиб чиқиши мумкин. Кимдур сени фикринга мос келмаган фикр айтса ҳаёлан ўша одамга айланиб олгинда уни гапларини ўйлаб кўр. Фикрларида жон бўлса хатоингни тан олишдан қўрқма. Шунда ҳам бу сенга тўғри келмаса ўз йўлингдан қолма тошини терсин лебойи. Чунки сени фикринг хато бўлган тақдирда ҳам бу сени фикринг. Бундан хулоса қилиб давом этаверасан. Агар бошқаларни фикрига ишонсангу, улар хато бўлиб чиқса ўзингни қўй холида сезасан.
9. Биласанми сен хозир келажак ҳаётинг қандай бўлишини белгилаб берадиган ёшдасан. Так что серезный қара. Ичкилик, чеккилик там кўчинский братва ҳаётга ишонма. Ароқ ичиб ўтирганингдаги "оқибатувиза йўқолмасин болла" боруу, абсолютный фарс бу нарса. Эртага сенга оқибат қиладиган дўстинг, сен йўқлигингда иккита нон кўтариб келиб онангни йўқлаб кетадиган бола. Агар бундай дўстинг йўқ бўлса унда сени умуман дўстинг йўқ. Ўзинга ишон.
10. Хозир сен овқат еб тўймайдиган, ишлаб чарчамайдиган, ўқиб кўзларинг толимайдиган ёшдасан. Бу ёшликни бешенная энергиясини нималарга сарфлаш кераклигини белгилаб ол. Фойдасиз ишларга ҳам сарфлашинг мумкин албатта, лекин бундан кейин қаттиқ афсус қиласан. Хозир мисол боғчада обедда ухламаганлигингдан афсус қиласану, худди шу каби эртага ғишт қуяётганингда китобга қизиқмаганлигингдан афсусланишинг мумкин. Хозир сен маааазза қилиб яшайдиган ёшда эмассан. Ўзингни қийна, ўқи, излан, ишла. Эртага масстер бўлганингда дунёда сени қўлингдан келмайдиган иш қолмаганини хис қиласан. Сен нима учун яшаётганингни англаб етасан. Омад!
Каналга уланиш 👉
@nurbekalimov