Unique World | Khilolakhon Kayumova

Kitoblarim har yerda yotib sarson bo'ldi. Tez kunda Allohim kitoblarimga javon yuborishi menga #orzu 🥺 Bir necha kundan buyon erjonni miyyalayapman, e yo'g'e, gapga solyapman. Menga alohida dars xona qilib bering deyapman. Uxlaganda ham, uyg'onganda ham shu gap. Mensiz chet ellarga borib o'ynab kelsangiz ham indamayapmanku, dars xona qilib bering deyapman. Ba'zan o'zim yoqamni tishlayman o'zimning makrimga 🥺 Bekorga 40 tuyaga og'ir bo'ladi deyilmagan ekanda...

Sizlar bilan gaplashgim keldi 😍 http://t.me/LetsAskBot?start=BiLwlC

Homiladorlikning oxirgi oyiga kelib bolamiz kelishiga to'liq tayyor edim. Turmush o'rtog'imga menga knopkali telefon olib berishini, bolaning oldida internet va telefondan foydalanishni xohlamayotganimni aytgan edim. Amerikadan kelgan ko'ylakchalarni yuvib, dazmollab, roddom sumkamga solib qo'ygan edim. Sevgan insonimdan bo'lgan ushbu jajji yurakcha mening vujudimda ekanidan nihoyatda baxtli edim. Bizda odatda ayollar erlariga 'tug'ib berganman' deb pesh qilishadi, men esa unga rahmat aytardim, Biiznillah meni dunyodagi eng buyuk maqomga erishtirgani uchun. Hozir o'sha paytlarda yozgan jurnallarimni qayta qayta o'qiyman. Allohim, omonatingni asraymiz. Allohim, omonat qilib bizga farzand berganing uchun shukr. "Yuragi urmayapti" Bu hayotimdagi eng qiyin, qorong'u kun! Homiladorlikda biroz noqulayliklar bo'lsa hamma "bolangni qo'lga olishing bilan hammasini unutasan" derdi, ammo men dard og'rig'i ketidan va'da qilingan mukofot kelmasligini bilib turardim. To'lg'oq og'rig'i qancha kuchli bo'lsa, tug'ruqdan keyin undanda ko'proq qiynalishimni sezardim. Qishloq roddomidagi tug'ruqlarni ko'rib tinmay "Allohim kechir, farzandni berganingni omonat deb qabul qilibmanku, uni olganingni bunday qabul qila olmabman" deyman. Butun boshli roddomda bir dona UZI apparati ham yo'q bo'lgan joyda, ayollar qattiqqina tekis kushetkalarda yotib, yomon so'kishlarni eshitib soppa sog'lom bolalarni tug'ishyapti. Balki shuning uchun hammi, shaxsiy hayotimda ham ancha o'zgarishlar bo'ldi. Sokinman. Menga atalgani menga keladi, atalmagani esa qancha yugurib yelsam ham - nasib etmaydi! @KhilosWorld

1-sinf qiz menda ingliz tili o'qirdi, bir yil oldin allaqachon to'rtinchi porani yodlashga o'tgan edi. Juda yaxshi ko'raman, shuning uchun mana bu kichik sovg'achamni tayyorladim 🎁

Knopkali telefon haqida ko'p o'ylanaman... Ertaga nima uchun ekanini aytib beraman ❤️

Menga yoqadigan hifz usullari: 1) 6446 2) 3*3*3 3) Sanoq 1) Kartochkaga 4 qator chizasiz, birinchisini boshiga 6 yozasiz va 6ta yumaloqcha chizasiz. Shunday davom etib 6446 qilasiz. Har bir oyatni 6 marta qarab o'qiysiz, 4 marta qaramay. Keyin 4 marta qarab va 6 marta qaramay. 2) Birinchi oyatni 3 marta o'qiysiz, keyin ikkinchisini 3 marta. Keyin bir va ikkini birgalikda 3 marta. Keyin uchinchi oyatni 3 marta, keyin bir, ikki va uchni 3 marta. Shunday davom etasiz. Shu usulni 7*7*7 qilsangiz yanada samaraliroq bo'ladi. 3) O'zbekistonda eng keng tarqalgan, shaxsan men uchun unchalik samarali bo'lmagan usul: surani qayta qayta o'qiyverasiz. Ba'zilar 30 marta, ba'zilar 50 yo 100 marta o'qisang yodlaysan deyishadi. Balki kichik suralar uchun yaxshidir, lekin katta suralar uchun menga yordam bermagan. Ko'pchilik ishlatadigan yana bir usul bor, shuni hech tushuna olmaganman. Bu - Ottoman usuli. Batafsil keyingi postda! @KhilosWorld

Sizga nima foyda? Qancha loyihalarni bepul qilgan bo'lsam, deyarli hamma shu savolni so'raydi ❤️ @ilmli_onalik da bepul darslarni yo'lga qo'yganimda bir qiz "yaqinda o'xi magazin ochib reklama qila boshlaydi, shunga bepul qilyapti" deb yozgan. Bunday qilishga 100% emas 10000% haqqim bo'lsada, men pok niyyatda boshlagan ishim haqida odamlar tuhmat qilishi yoqmaydi Hamma odam o'zi qanday bo'lsa boshqalarni ham shunday deb o'ylaydi. "Tekin narsa qadrlanmaydi" deyishadi 😭 Men masalan qadrlayman. Menga o'xshagan qadrlaydigan BIR DONA odam foyda olsa ham men o'z maqsadimga erishgan bo'laman. Bundan tashqari, Alloh mendan natija kutmaydi, harakatimga yarasha mukofotlaydi. Natija meni qo'limda emas ekanini, niyyatim va amalim uchun ajrlanishimni bilgan holda bunday loyihalarimni davom etaman 🥰 Balki shuning uchun Alloh rizqimizni keng qilar, shuning uchun kutmagan joyimdan umuman mutaxassisligim bo'lmagan ish takliflarini berar. Eng yuqori darajali yutug'im esa pul va dunyo to'plash muhabbatini qalbimdan yo'q bo'lgani. Bu faqat Allohning suygan bandalariga beradigan mukofoti deb bilaman ❤️ @KhilosWorld

Saxar soat 6 da dadam eshikni taqillatdi Qizim, zavtrak tayyorladim, yur yeymiz Hozir chiqaman deganimcha yotib uxlab qolibman. Endi turdim, dadam shuuncha tayyorlanibdi men uchun. Qaynoq choylarni damlab, pomidorlarni to'g'rab 🥺 Oldin dadam o'ta kontrol qiluvchi va qattiqqo'l deb yomon ko'rardim, endi esa turmush o'rtog'im minnatdor juda, men ham. Bolaning toza fitratini ushlab qolish ota va onaga bog'liq. Bu narsani qilish uchun ba'zan shirin so'z, ba'zan qattiqqo'llik kerak bo'lishi tabiiy.

Ancha charchadim. Andijonga bir shaxsiy ish masalasida kelib, bahonada boshqa ishlarimni ham bitirib olyapman. Va nihoyat uzoq kutilgan diplomimni oldim, qaysidir fan 0 baxo qo'yibdi 😳 Mayli, o'zgartirishni imkoni yo'q uni deb indamadim. O'zimni ham "tilim qisiq", vazifa topshirganmanu, darsga kelib o'tirmaganman doim ham. (Kecha shu xabarni yozib charchaganimdan hatto kanalga ham jonatmay uxlab qolibman 🤦🏼‍♀️ hozir esa roddomga ketyapman. Bolachalar tug'dirish uchun naqadar go'zal kun 🤰🏼)

Turmush o'rtog'im "qaytib umrimda tug'ruqqa kirmayman" degan bo'lishiga qaramay, yana birga tug'ish men uchun #orzu