አምደ ሃይማኖት

#ቅዱስ_ሚካኤል_ሊቀ_መላእክት #ቅዱስ_ሚካኤል በጥንተ ተፈጥሮ በኢዮር: ኃይላት በተባሉት ነገደ መላእክት ተሹሞ ነበር:: ሳጥናኤል በካደ ጊዜ እግዚአብሔር ባወቀ: አንድም በትሕትናውና ደግነቱ በ፺፱ኙ ነገደ መላእክት ላይ ሁሉ ተሹሟል:: ከፍጥረት ወገን ከእመቤታችን ቀጥሎ የቅዱስ ሚካኤልን ያሕል ክብርና ርሕሩሕ የለም:: በምልጃውም: በረዳትነቱም የታወቀ መልአክ ነው:: መጽሐፍ "መልአከ ምክሩ ለእግዚአብሔር" ይለዋል:: "ወስሙ መስተሣሕልም" ይለዋል:: ቂም የሌለው: ለምሕረት የሚፋጠን: ደግ መልአክ ነውና:: በብሉይ ኪዳን በመከራ ለነበሩ ቅዱሳን ሁሉ ሞገስ: ረዳትና አዳኝ ቢሆናቸው "መጋቤ ብሉይ" ተሰኝቷል:: እሥራኤልን ፵ ዘመን በበርሃ መርቷል: መግቧልም:: ቅዱስ መጽሐፍ ስለ እርሱ ብዙ ይላል:: (ዘፍ.፵፰፥፲፮, ኢያ. ፭፥፲፫, መሳ. ፲፫፥፲፯, ዳን. ፲፥፳፩, ፲፪፥፩, መዝ. ፴፫፥፯, ራዕይ. ፲፪፥፯) ደስ የሚለው ደግሞ ርሕሩሑ መልአክ ከእመቤታችን ጋር ልዩ ፍቅር አለው:: ከእናቷ ማሕጸን ጀምሮ እስከ ዛሬ እነሆ አብሯት አለ:: ደስ ብሎት ይታዘዛታል:: ማማለድ ሲፈልግም "እመቤቴ ሆይ! ቅደሚ" ይላታል:: ወደ እሳት መጋረጃ አብረው ገብተው ለዓለም ምሕረትን: በረከትን ያወርዳሉ:: #ቅዱስ_ሚካኤልን እነዚህ ነገሮች እናከብረዋለን:- ፩.በመላእክት ሁሉ ላይ አለቃ ሆኖ መሾሙን ፪.ቅድስት አፎምያን መርዳቱን ፫.ቅዳሴ ቤቱን (ግብፅ ውስጥ) ፬.ቅዱስ ባሕራንን መጎብኘቱን ፭.ቅዱስ ላሊበላን ወደ ሰማያት ማሳረጉን ፮.ለፍጥረታት ሁሉ ምሕረት የሚጠይቅበት ዕለት ነውና:: #ሊቀ_መላእክት በክንፈ ረድኤቱ ከክፉ ሁሉ ይጠብቀን:: #መልካም___በዓል🙏 አጫጭር ኦርቶዶክሳዊ ትምህርቶች       •➢ 👇  ለማግኘት // 👇 @Enatachn_mareyam   @Enatachn_mareyam