UNIVER_KZ-ҰБТ / ГРАНТ / МАМАНДЫҚ / УНИВЕР

🎓 ПРЕЗИДЕНТ ТАПСЫРМАСЫ: АТЫРАУЛЫҚ ТАЛАПКЕРЛЕРГЕ 1200 ГРАНТ БӨЛІНДІ Х.Досмұхамедов атындағы Атырау университетінде қазақстандық жоғары оқу орындарының ауқымды көрмесі өтіп жатыр. Көрмеден қажетті ақпарат алуға алғашқы күні 2000-ға жуық талапкер келді. ҚР Ғылым және жоғары білім министрлігі ұйымдастырған көрменің мақсаты – ҚР Президенті Қасым-Жомарт Кемелұлы Тоқаевтың тапсырмасы бойынша Атырау облысының жастарына бөлінген нысаналы білім гранттары жайлы ақпарат беру. «Атырау өңіріне 1200 білім гранты бөлінген. Биыл мамандықтардың көлемі кеңейіп, білім гранттары 9 бағытты қамтып отыр. Атырау өңірінің түлектері үшін мамандық таңдаудың мүмкіндіктері көбейді. Бұл көрмеден талапкерлер мамандықты қалай таңдау керек екені жайлы да біле алады. Әрбір жоғарғы оқу орны туралы толыққанды мәлімет беріледі», - деді министрдің кеңесшісі Руслан Емелбаев. Толығырақ: facebook.com

Қазақстанда 2030 жылға дейінгі кезеңде сұранысқа ие ТОП-25 кәсіп анықталды Еңбек ресурстарын дамыту орталығының сарапшылары кадрларға қажеттіліктің 2024-2030 жылдарға арналған орта мерзімді болжамын жасады. Сарапшылардың пікірінше, ең «қажет»: есепшілер, күзетшілер мен инкассаторлар, жүргізушілер, мұғалімдер, орта медициналық қызметкерлер және мектепке дейінгі білім беру мекемелеріндегі тәрбиешілер. ТОП-5 сұранысқа ие мамандықтар: 1. Есепшілер – 93 мың адам; 2. Күзетшілер, инкассаторлар және соған байланысты кәсіптер – 77 мың адам; 3. Дүкен сатушылары мен олардың көмекшілері – 77 мың адам; 4. Жүргізушілер мен автокөлік жүргізушілері – 44 мың адам; 5. Әлеуметтік ғылымдар бойынша орта мектеп мұғалімдері – 35 мың адам. Толық тізімді сілтемеден көре аласыздар. @mumkindik

Қазақстандықтар Skills Enbek-те Data Scientist бойынша тегін оқи алады Skills Enbek білім беру платформасындағы тегін курстардың тізімі Data Science, Python, интернет-қауіпсіздік, product және HR-менеджмент курстарымен кеңейтілді. Бұл курстар мемлекеттік және орыс тілдерінде ұсынылған, олардың ұзақтығы 72 сағатты құрайды. Курстарды аяқтағаннан кейін тыңдаушылар белгілі бір кәсіби салада белгілі бір цифрлық дағдыларды немесе қосымша құзыреттерді игереді. Пайдаланушылар үшін дағдыларды игеру туралы сертификат беру көзделген, ол автоматты түрде Enbek.kz электрондық еңбек биржасындағы түйіндемеде көрсетіледі. Толығырақ: gov.kz Платформа: skills.enbek.kz @mumkindik

⚜ БАСПАСӨЗ КОНФЕРЕНЦИЯСЫ: 181 МЫҢНАН АСА ТАЛАПКЕР ҰБТ-ҒА ҚАТЫСУҒА ӨТІНІШ БЕРДІ Бүгін ҚР Ғылым және жоғары білім министрлігі Ұлттық тестілеу орталығының директоры Болатбек Абдрасилов негізгі ҰБТ-2024 басталуына орай ОКҚ алаңында өткен баспасөз конференциясына қатысты. Қазіргі таңда 181 мың талапкер тестілеуге қатысуға өтініш берген. Оның ішінде тапсырушылардың 75%-ы қазақ тілінде, 24,9%-ы орыс тілінде, 221 адам ағылшын тілінде тестілеуден өтуге өтініш білдірді. Атап өтсек, талапкерлер тестілеу күнін, уақытын және пунктін өздері таңдайды. Бұл ретте олар екі мүмкіндік үшін бейіндік пәндердің бір ғана комбинациясын белгілейді. Комбинацияларға келетін болсақ, қазіргі таңда талапкерлердің 16%-ы «Математика-Физика», 16%-ы «Биология-Химия», 13%-ы «Шығармашылық», 11%-ы «Математика-Информатика» пәндерін таңдады. Толығырақ: facebook.com

📑ҰБТ-ға қатысу үшін қандай құжат керек? 📕16 жасқа толған талапкерлер ✔️тек жеке куәлік (немесе паспорт) арқылы тестілеуге кіргізіледі. 📍жеке куәліктің электронды нұсқасын EGOV, KASPI.KZ және HALYK қосымшалары арқылы ұсынуға болады. 📕16 жасқа толмаған талапкерлер ✔️туу туралы куәлік, ✔️ көлемі 3х4 түрлі түсті фотосы бар мектептен анықтама ұсыну қажет. ☝️МАҢЫЗДЫ: Талапкер өзімен бірге қалам алып келеді, ал жұмыс үшін парақтар тестілеу орнында беріледі. 🔹🔹🔹🔹🔹🔹🔹🔹🔹 📑Какой документ нужно принести с собой на ЕНТ? 📕Абитуриенты, которым исполнилось 16 лет ✔️приносят лишь удостоверение личности (или паспорт). 📍 удостоверение личности можно показать в электронном формате в приложениях EGOV, KASPI.KZ и HALYK. 📕 Абитуриенты, которым не исполнилось 16 лет ✔️свидетельство о рождении, ✔️справка со школы с цветной фотографией размером 3х4. ☝️Важно: Ручку абитуриент приносит с собой, а черновики выдаются на месте тестирования.

«Негізгі ҰБТ-2024» Спикер: 🎤ҚР Ғылым және жоғары білім министрлігі Ұлттық тестілеу орталығының директоры Болатбек Абдрасилов. «Основное ЕНТ-2024»  Спикеры: 🎤Директор Национального центра тестирования МНВО РК Болатбек Абдрасилов. 🌐 Ссылка на трансляцию: https://www.youtube.com/live/iS3fqEU9av4?si=A4KtC2LgcS8MADgu

💎 Құрметті мектеп бітіруші жас достар, талапкерлер! Осы күндері Сіздер үшін аса жауапты әрі маңызды белестер легі бастау алғандығы белгілі. Болашақ мамандықтарыңызға жолдама беретін жоғары оқу орнына түсудің алғашқы баспалдақтарына аяқ бастыңыздар. Бүгін елімізде сол сынақ – негізгі Ұлттық бірыңғай тестілеуінің алғашқы күні. «Талпынғанның тоқпағы тасқа шеге қағады», - деген талапкердің талпыныс екпіні ҰБТ-ға есе жібермесіне зор сенім білдіріп, бүгін Астана қаласындағы бір топ сынақтан өтушілерге сәттілік тілеп қайттым. Кәдуілгі жас буынның біліммен қаруланған болмыстарын, жанарларындағы жалынды, көңілдерінде қылаң беріп тұрған аздаған абыржуды бақылап, бірге толқығандай болдым. 16 мамырда басталған бұл тестілеу 5 шілдеге дейін жалғасады. Дегенмен, төтенше жағдай режимі жарияланған 6 өңірде (Ақмола, Ақтөбе, Атырау, Батыс Қазақстан, Қостанай, Солтүстік Қазақстан облыстары) тіркелу уақыты 6-20 мамыр аралығында ұзартылды және ҰБТ 25 мамыр мен 12 шілде аралығында өтетіндігін естеріңізге сала кетейін. Биыл ҰБТ-ны 180 мыңнан астам түлек тапсыруды жоспарлауда. Тестілеуде талапкерлер негізгі ҰБТ-ны екі рет тапсырып, ең үздік нәтижемен грант конкурсына қатыса алады. Жалпы саны 120 сұрақты құрайтын тестілеуде жоғары 140 ұпайды алу мүмкіндігі барша талапкердің еншісінде болмақ. Аса мұқият назар аударыңыздар, тест тапсырушылар тестілеу аяқталғаннан кейін 30 минут ішінде апелляцияға өтініш бере алады. Сондықтан, тайм-менеджментті ұтымды қолдануға кеңес беремін. Бұған дейін Сіздер негізгі ҰБТ-ға дайындықты пысықтау мақсатында әр пән бойынша енгізілген жеке тақырыптық талдаулармен, іске қосылған онлайн байқау сынақтарымен, білім беру орталықтарының ұйымдастырған тегін онлайн сабақтарын қолдану мүмкіндігін иелендіңіздер. Енді міне, күні кеше жарияланған 2024-2025 оқу жылына арналған білім беру гранттарын иеленуге бәсекеге қабілеттілікті көрсететін сәт туды. Қосымша ақпарат үшін шекті балл жөнінде айта кетейін: «Құқық» және «Педагогикалық ғылымдар» білім беру салалары үшін кемінде 75 балл, «Денсаулық сақтау және әлеуметтік қамтамасыз ету (медицина)» кемінде 70 балл, «Ауыл шаруашылығы және биоресурстар», «Ветеринария» кемінде 60 балл (ұлттық жоо үшін); ұлттық жоғары оқу орындарына түсу үшін кемінде 65 балл, басқа жоғары оқу орындарына кемінде 50 балл жинау керек. Жоғарыда айтқанымдай, Жоғары білім берудің барлық деңгейлері бойынша 2024-2025 оқу жылына арналған білім беру гранттарын бөлу тізімі жарияланды. Биыл жоғары оқу орындарында оқу үшін 112 мың грант бөлінді. Соның ішінде бакалавриатқа түсу үшін 2024-2025 оқу жылында 79 мыңға жуық грант бөлінді. Ағымдағы аптада еліміздің батыс өңірінде талапкерлер үшін ең ауқымды көрме өткендігіне куәсіздер. Ол үшін Атырау және Маңғыстау облыстарының әкімдіктерімен бірлесіп, ақпараттық-түсіндіру жұмыстары бойынша жол карталарын бекіттік. Гранттар тізімінде 5 000 халық тығыз қоныстанған және батыс өңірлердің жастарын жетекші жоғары оқу орындарында оқыту үшін мақсатты білім беру гранты бар, оның ішінде гранттар Атырау және Маңғыстау облысы түлектеріне арналған. 2024-2025 оқу жылына аталмыш облыс талапкерлері үшін 3 200 грант бөлінді. Негізгі жаңашыл басымдықтары педагогикалық, өнер және гуманитарлық, IT, әлеуметтік, экономикалық, құқық, инженерлік сынды дайындық бағыттарының тізбесі кеңейтілді, сонымен қатар қысқартылған білім беру бағдарламалары бойынша колледж түлектеріне гранттар конкурсына қатысу мүмкіндігі ұсынылды. Осылайша, Маңғыстау және Атырау облыстарының талапкерлері еліміздің 40-тан астам жетекші жоғары оқу орындарында білім ала алады. Жалпы, біз балаларымыздың ҰБТ-ны ыңғайлы және стрессіз тапсыруына, тестілеуде өз білімдерін көрсетуі және мемлекеттік білім грантын алу мүмкіндігін иеленуі үшін бәрін жасадық деп айтқым келеді. Құрметті талапкер! Сіздерден ата – ана, мектеп, ел болып үлкен үміт күтеміз! Сынақтан сүрінбей өтіп, әлемдік көкжиекте бәсекеге қабілетті тұлға болуға ұмтылғайсыздар!

📢 ҚҰРМЕТТІ АТЫРАУ ТАЛАПКЕРЛЕРІ МЕН АТА-АНАЛАР! 📌 ҚР Ғылым және жоғары білім министрлігі 16-17 мамыр аралығында сіздер үшін жетекші қазақстандық жоғары оқу орындарының ауқымды көрмесін өткізеді. Көрмеге 40-тан астам ЖОО қатысады. 📎 Еліміздің үздік жоғары оқу орындарының өкілдері сіздермен өздерінің бағдарламалары, гранттары, тұру жағдайлары және батыс өңірлерінің жастарына арналған нысаналы білім беру гранттары туралы ақпарат беру үшін жеке кездеседі. 📚 «Грант түрлері және талапкердің жол картасы» тақырыбындағы кәсіптік бағдар беру семинарында кәсіптік бағдар беруші Айдос Жұманазар, «Tarih mektebi» негізін қалаушы Оразбек Әбсаттар, «Kzchemistry» негізін қалаушы Бауыржан Бақытжанұлы, «JOO High School» мектептер желісінің кәсіби бағдаршысы Диас Асанов, физика-математика мектебінің басшысы Мұхамеджан Нұрболат және GeOnline платформасының басшысы Дамир Самарханов қатысады. 🧭 Сіздерді Атырау қаласы, Студент даңғылы, 1, Х.Досмұхамедов ат. АМУ «Жайық» спорт кешені мекенжайында күтеміз! 🕘 Басталуы: 09:00.

⚜ ТҮРКІСТАН ОБЛЫСЫНДА «МАМАНДЫҒЫМ-БОЛАШАҒЫМ» ЖОБАСЫ ІСКЕ ҚОСЫЛДЫ Қожа Ахмет Ясауи атындағы Халықаралық қазақ-түрік университетінде Түркістан облысы бойынша «Мамандығым – болашағым» атты өңірлік жобалық кеңсесі ашылды. Жоба ҚР Үкіметінің қаулысымен қабылданған «Халық табысын арттырудың 2029 жылға дейінгі бағдарламасы» аясында жүзеге асырылуда. Оның негізгі мақсаты – аймақтың еңбек нарығындағы өзгерістерін болжау және оқушыларға ерте кәсіптік бағдар беру. Кеңсенің тұсаукесеріне бейнебайланыспен ҚР Ғылым және жоғары білім министрі Саясат Нұрбек, «Мамандығым-болашағым» бағдарламасы жобалар тобының жетекшісі Олжас Сәкенов, Жоғары білім беруді дамыту ұлттық орталығы жобалық кеңсесінің өкілдері және оқу орнының оқытушы-профессорлар құрамы қатысты. Жиында сөз бастаған министр Саясат Нұрбек білім беру жүйесін кадрлық қажеттіліктерге неғұрлым нақты бағдарлау мақсатында форсайт-зерттеулер жүргізудің, кадрларға өңірлік қажеттілік карталарын әзірлеудің маңыздылығын атап өтті. Толығырақ: facebook.com

🔔 Елімізде 186 мың түлек үшін соңғы қоңырау 25 мамырда соғылады Биыл 3,8 млн-нан астам қазақстандық оқушы оқу жылын аяқтайды, оның 186 мыңы – 11-ші сынып оқушысы. 📌11 сыныптар үшін қорытынды емтихандар 28 мамыр-11 маусым аралығына жоспарланған. 📌Аттестаттарды салтанатты тапсыру 12-15 маусым аралығында өтеді. ТЖ жарияланған өңірлерде оқушылар аралық және қорытынды емтихандардан босатылды. Олар: Ақтөбе облысында 9 мектеп, Атырау облысында 3 мектеп және Солтүстік Қазақстан облысында 5 мектеп. 📌156 мың техникалық және кәсіптік білім беру ұйымдарын бітірушілер үшін қорытынды аттестаттау 28 маусымға дейін жүргізіледі, ал диплом тапсыру рәсімі 28 маусым мен 1 шілде аралығында өтеді. @qazaqstantv