🎚آيات و مسابقات من الكتاب المقدس📜

الاربعاء 17 يونيو 2026 10 بؤونة 1742 " والذي يؤمن به لن يُخزى” ( 1بطرس 2: 6) صباح الخير و البركة 🙏❤️🙏 من أجمل وعود الكتاب المقدس. مش معناها أن المؤمن مش هيمر بضيق أو تجربة، لكن معناها ..انه مش هيندم أبدا لأنه وضع ثقته في المسيح. ممكن تخذله الظروف… وممكن يخذله الناس… لكن المسيح لا يخزي من يتكل عليه خلينا نضع ثقتنا في ربنا اكتر ونسلم له كل أمور حياتنا وأحنا كلنا ثقة أنه عمره ما ها يتخلي عنا أو يكسفنا

الثلاثاء 16 يونيو 2026 9 بؤونة 1742 " كُونُوا أَنْتُمْ أَيْضًا مَبْنِيِّينَ كَحِجَارَةٍ حَيَّةٍ - بَيْتًا رُوحِيًّا " ( 1بطرس2: 5 ) صباح الخير و البركة ⛪️🙏⛪️ كلنا عارفين أن الحجر شيء.. جامد و. صامت و بلا حياة ؛ لكن معلمنا بطرس استخدم تعبير غريب " حجارة حية” وده عشان المؤمن متحد بالمسيح، والمسيح هو الحجر الحي يعني ربنا مش بيبني بيته بأحجار ميتة، لكن بأشخاص أحياء فيه " أنا حجر في بناء بيت ربنا " تعالي النهاردة انا وانت وهي نسأل نفسنا … هل أنا بساعد في بناء من حولي؟ ولا بكون سبب تعب أو عثرة لهم؟ هل كلماتي تبني أم تهدم؟ و تعالوا نصلي سوا الصلوة دي " يا رب، اجعلني حجرًا حيًا صالحًا في بيتك"

الأثنين 15 يونيو 2026 8 بؤونة 1742 " لأَنَّ كُلَّ جَسَدٍ كَعُشْبٍ، وَكُلَّ مَجْدِ إِنْسَانٍ كَزَهْرِ عُشْبٍ. يَبِسَ الْعُشْبُ وَسَقَطَ زَهْرُهُ". (1بطرس 1: 24 ) صباح الخير و البركة ❤️🙏❤️ بعدما أتكلم بطرس عن المحبة ، يفكرنا بحقيقة مهمة جدًا… ان كل شيء أرضي مؤقت.. الجمال يزول و الشهرة تزول القوة تزول و المديح يزول زي زهرة جميلة جدًا… لكن عمرها قصير. بطرس مش قصده يزعلنا بس قصده يحررنا لأن الإنسان لما قلبه بيتعلق بالحاجات المؤقتة بيتوجع منها

الأحد 14 يونيو 2026 7 بؤونة 1742 " فَأَحِبُّوا بَعْضُكُمْ بَعْضًا مِنْ قَلْبٍ طَاهِرٍ بِشِدَّةٍ " ( 1 بطرس 1: 22) صباح الخير و المحبة ❤️❤️❤️ عجبني قوي هنا أن معلمنا بطرس مش بيقول حبوا بعضكم بعضا وخلاص لا ..ده بيقول …من قلب …..يعني محبة حقيقية، مش مجرد مجاملات أو واجبات؛ قلب طاهر … يعني محبة خالية من المصلحة أو الغيرة أو المنافسة أو حب الذات بشدة…يعني محبة مش فاترة أو سطحية…لكن محبة تحتمل وتتعب وتسامح. الجميل في الآية أن بطرس بيربط بين طهارة القلب و المحبة يعني كل ما القلب يكون مليان …بالمرارة و بالإدانة أو بالحسد ؛ بتكون المحبة أصعب…أما القلب الذي يتنقى قدام ربنا فيقدر أنه يحب حتى اللي بيختلف معه

السبت 13 يونيو 2026 6 بؤونة 1742 " بَلْ نَظِيرَ الْقُدُّوسِ الَّذِي دَعَاكُمْ، كُونُوا أَنْتُمْ أَيْضًا قِدِّيسِينَ فِي كُلِّ سِيرَةٍ.” (1بطرس 1: 15) صباح الخير و البركة 🙏😇🙏 بطرس مش بيقول "كونوا قديسين عشان ربنا يحبكم” لكن بيقول … “نظير القدوس الذي دعاكم” يعني القداسة مش محاولة لكسب محبة الله…بل استجابة لدعوته والجميل كمان أنه بيقول .." في كل سيرة” يعني القداسة مش بس في الكنيسة ولا في الصلاة بس و لا في الخدمة بس لكن كمان في الكلام و في التعامل مع الناس في ردود أفعالنا … يعني في الخفاء قبل العلن …القداسة مش لحظات متفرقة… لكن أسلوب حياة

الجمعة 12 يونيو 2026 5 بؤونة 1742 " فَتَبْتَهِجُونَ بِفَرَحٍ لاَ يُنْطَقُ بِهِ وَمَجِيدٍ" (1 بطرس 8: 1 ) صباح الخير و الفرح ❤️ بطرس كتب الرسالة دي لأشخاص كانوا بيمروا بضيقات وتجارب، ومع ذلك بيقول لهم … " تبتهجون” مش لأن حياتهم سهلة…ولا لأن مشاكلهم انتهت…لكن لأنهم عرفوا المسيح. هنا بطرس بيتكلم عن نوع مختلف من الفرح…فرح لا يُنطق به …يعني أعمق من الكلمات ..أحيانًا الإنسان يحس بسلام وفرح داخلي …. ولو حد سأله..إيه اللي مفرحك؟” ما يعرفش يشرح ومجيد … يعني فرح له ريحة السماء. مش فرح وقتي بسبب خبر حلو أو مكسب، لكن فرح نابع من حضور ربنا ووعده ورجائه

الخميس 11 يونيو 2026 4 بؤونة 1742 " مُبَارَكٌ اللهُ أَبُو رَبِّنَا يَسُوعَ الْمَسِيحِ، الَّذِي حَسَبَ رَحْمَتِهِ الْكَثِيرَةِ وَلَدَنَا ثَانِيَةً لِرَجَاءٍ حَيٍّ، بِقِيَامَةِ يَسُوعَ الْمَسِيحِ مِنَ الأَمْوَاتِ" ( 1بطرس 1: 3 ) صباح الخير و البركة ❤️🙏❤️ لو خدنا بالنا هنا بطرس قال… لرجاء حي لأن في فرق بين.. أمنية ضعيفة ورجاء حي الأمنية مرتبطة بالظروف…أما الرجاء الحي فمرتبط بالمسيح القائم عشان كده مهما كانت …الخسارةو الخيبة و التعب أو التأخير يبقى فيه رجاء … لأن مصدره مش الظروف، بل الهنا الحي والاجمل أن اللي كتب الكلمات دي هو بطرس نفسه، اللي عرف الفشل والإنكار والدموع… ومع ذلك اختبر أن الرجاء لا يموت

الاربعاء 10 يونيو 2026 3 بؤونة 1742 "الذي يعطي المطـــر المبكر والمتأخر في وقته" ( ارميا 34:5 ) صباح الخير و البركة ☔️☔️☔️ آية غريبة فعلاً كنت بأستغرب منها ... ازاي يارب يبقي المطر مبكر او متأخر وفي نفس الوقت في وقته…؟ في ناس مطرها مبكر ...يعني ربنا بيديها كل حاجة بدري ... ؛ بس ده ممكن يكون بالنظرة البشرية ؛ بس بالنسبة لربنا ده وقتهم ... ده معاد مطرهم…!!! ناس تانية مطرها متأخر ...يا اما متاخرين في حاجة واحدة او متأخرين في كل حاجة .. بس المطر المتأخر ده يمكن بيجي متأخر شوية في نظرنا ... وبيجي فجأة ... لكن بييجي بفرحة يمكن مطر متأخر ... بس هو ده وقت مطركم…!!!‼ ثق فى مواعيد الله