إنِتُ إسًـتُثًـنِآئيّ

ما علاج تشتت القلب؟ ج/ بالتخفف من اللغو وكثرة الكلام.. والنهل من القرءان ولو سماعًا بإنصات. واجعل لنفسك نصيبًا من الخلوة بك واملأها بالذكر والاستغفار والدعاء الشيخ وجدان العلي

في شخص النجاح بالنسباله إنه يدخل الحمام لوحده ! اسمع اللى بقولك عليه! عنده إعاقة أو مرض يخلي أقصي طموحاته ونجاحاته إنه بس يعتمد علي نفسه في دخول الحمام! في ناس النجاح ليها مجرد إنها تربي ولادها كويس في بيئة قذرة وبإمكانيات محدودة! في ناس النجاح بالنسبالها إنها بس تقدر تعيش! ليه ! لإن كل إنسان حالة خاصة! كل إنسان حدوتة وتاريخ ومكان ولادة وظروف ومستوي مادي وإجتماعي وثقافي وحاجات هو مالوش يد فيها ! فنجاح الشخص بيُقاس حسب ظروفه وتحدياته واتولد فين وعاش ازاي! فـ متزايدش علي حد انت لو اتحطيت مكانه متعرفش النجاح بالنسبالك هيكون شكله ايه! ▪️اسعى واتعب واتحرك، بس حط في بالك إن نجاحك نسبة كبيرة منه انت ملكش يد فيها أصلًا ..

وأنت بتدعي بلاش تتقشف .. - واحد صاحبي قعد يدعي ويقول يارب انا عايز شقة واتجوز وعربية أي عربية وخلاص ومش عايز حاجة تانيه .. بيقولي ربنا فتح عليا لحد ما جت ال 3 حاجات دي وبعدها كأن حنفية واتقفلت !! • واحدة قعدت سنين مش بتخلف راحت عند الكعبة وقالت يارب انا عايزه أي عيل حتى لو مشوه .. حملت فعلا ولما ولدت طلعت الطفل عنده عيوب خلقية وداخت بيه على المستشفيات وانت بتدعي بلاش تتقشف !! يعني مثلا انك تقول يارب ارزقني بعربية ولو حتى بباب واحد او انك تقول يارب ارزقني بأي شغل وخلاص .. سيدنا يوسف قال : {قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ}. يقول ابن كثير رحمه الله.. يوسف عليه السلام دعا الله أن يسجن فاستجاب له الله و سجن .. ولو أنه قال ربي العافية و النجاة أحب إلي لعوفي ونجا وانس المنطق وانت بتدعي !! يعني ايه ؟؟ يعني تدعي ربنا بكل اللي نفسك فيه وماتشغلش بالك ازاي الدعوة دي هتتحقق !! سيدنا زكريا دعى ربنا انه يرزقه بالولد مع ان سنة كان كبير قوي وزوجته مش بتخلف بس ربنا ﷻ قال ساعتها "هُوَ عَلَيَّ هَيِّن" .. وبرضوا سيدنا ابراهيم ساب اهله "بِوَادٍ غَيْر ذِي زَرْع" بس لما جه يدعي قال {وَارْزُقْهُمْ مِنْ الثَّمَرَات} وبعدين وانت بتدعي خليك طماع .. اسأل كتير وادعي باكتر من اللي نفسك فيه .. النبي (ﷺ) بيقول {إذا تمنى أحدكم فليستكثر، فإنما يسأل ربه } .. سيدنا موسى طلب من ربنا ﷻ 7 حاجات مرة واحدة وكان الرد ساعتها: {قَالَ قَدْ أُوتِيتَ سُؤْلَكَ يَا مُوسَىٰ}. وادعي ربنا بكل حاجه مهما كانت صغيره .. ورد في الأثر: أن موسى عليه السلام قال : يا رب ! إنه ليعرض لي الحاجة من الدنيا فأستحي أن أسألك . قال الله ﷻ : سلني حتى ملح عجينك وعلف حمارك. ولو عايز تعرف يعني ايه حسن الظن بالله !! شوف دعوة سيدنا سليمان يُفتن ويستغفر وفي نفس الدعوة يسأل ربنا مُلكاً لا ينبغي لأحد من بعده قال تعالى: {وَلَقَدْ فَتَنَّا سُلَيْمَانَ وَأَلْقَيْنَا عَلَى كُرْسِيِّهِ جَسَدًا ثُمَّ أَنَابَ قَالَ رَبِّ اغْفِرْ لِي وَهَبْ لِي مُلْكًا لّا يَنبَغِي لِأَحَدٍ مِّنْ بَعْدِي إِنَّكَ أَنتَ الْوَهَّابُ} سيدنا عمر بيقول ( أنا لا أحمل هم الإجابة ولكن أحمل هم الدعاء) وخليك متآكد وانت بتدعي ان الله هو القريب ، المجيب ، الرزاق ، الوهاب .

1_ كان حنين❌ .. بس أما سابنى او أخر أيام كان قاسى✅ 2_ كان بيقولي كلام حلو جدا وأحساس حلو ..❌ بس بعد ما مشى سابلي أفظع أحساس أحسة يعني مكنش صادق اصلا ✅ 3_ حبيته عشان راجل ❌ .. وعدني وخلي ميبقاش راجل ✅ 4_ كان بيغير عليا ❌ مبقاش بغير عليا وهو عارف ان ممكن ابقي لحد غيره يعني كانت غيرة مصطنعه 5_ كان بيحافظ عليا ❌ أخر ايام مكنتش بفرق معاه ✅ 6_ كان محسسني اني ملكة ❌ قهرني أما راح لغيري وخلاها مكاني ✅ احبة لية ؟! هل هينفع اب لولادي ؟ هل هيشيل المسؤليه ؟ أنا اقوي ولا هو ؟ هل كان راجل ؟ وفي بوعده ؟ مفضلش عليكي حد ؟ هل دة سند يفضل معايا طول العمر ؟ هل هينفع انسب نفسي ليه .. واتباهي بيه ؟ هل شخص طبيعي بيكتفي بيا ؟ هل حسسني بالأمان الدايم ولا سابني في وسط الطريق ؟ جاوب علي الاسأله واساله تانية حطوها .. وجاوبوا بصدق عشان تعرفوا أنتو كنتوا في (علاقة شكلها ازاي) الأنسان معلق بـ(قوله) لو أعتقدت وقولت أن حظك وحش هيبقي حقيقي وحش .. لو قولت مش هحب تاني ( عقلك وصله انطباع ان يا الشخص دة يا بلاش / لو مش هبقي سعيدة مع شخص جديد ) عقلك هينطبع عليه كدا .. وهيبقي حقيقي مش هتقدر تفك نفسك أنت اللى هتقدر (تفك أسرك وتقرر أنك تعيش سعيد مع شخص يستاهل تقديرك وتضحياتك انت اللى بأيدك القرار )

فك التعلق لـيـه بنتكس بعد ما بنسى !! بيجيلى شعور في أيام أنا فيها بقاوم نفسى وأقنع نفسى انى خلاص ( أتأقلمت ) أنه مش معايا ومش نسيتة بس عادى مش فارق .. ومراقبش اليوم دة .. ويبقى عندى شعور أنتصار عظيم انى بنساهـ .. بس بمجرد أنى أفتح صفحته على الفيس والاقيه ( فرحان او حاطط حاله حب ) برجع أشد من الأول فى الحزن .. بحس بـ ( ندم شديد / اشتياق شديد / بتمني نرجع / بشوف صورته بضعف / بشوف صفحة البنت اللى آخدته منى بعيط من الالم وبحط أيدي علي قلبى أنا ببقي موجوعة وجع شديد / بنعزل / بفتح الشات بينا وبقراه وبفتكر أد اية كنا بنحب بعض / بفتكر لحظاتنا الحلوة ) بيحصل ليه معايا كدا !! أنا عملت زى ما أنتي قولتى كله ( بعدت / مبقتش أراقب / اهتميت بمظهري / نزلت شغلي / دخلت ناس في حياتي ) بس هو فيه ( حته ) مهما قابلت غيره مبعرفش أنساه !! أنا (محبوسة فيه ) = برمجة الدماغ .. لو أنت حبيت شخص .. و( حضنك / تخيلت أنه حضنك ) .. اللحظة دى فى الحقيقة او في التخيل جسمك بيفرز هرمون (هرمون أوكسيتوسين /هرمون نورإبينفرين: يشعرك بالسعادة، التأهب، و مكافحة الاكتئاب، السيطرة على الشهية، الطاقة، الإثارة الجنسية.) الهرمونين دول بس كافيين يعملوا (أدمان لجسمك ) أنت محتاج تحصل عليهم بأى شكل .. أرتبط مفهومهم عندك بـ (شخصية الحبيب / الزوج / الصديق) فـخلاص أنت أتأكدت أنك مش هتعرف تحصل علي نفس الشعور دة الأ من ( الشخص دة ) مهما هتفهم في نفسك هتلاقى التقبل صعب والشعور الأدماني دة اللي بيدفعك أنك تتواصل معاه ( أنت عايز تحصل على السعادة بأى شكل فهتروح للى حسسك بيها .. او هتراقبه وتتحسر عليه ) في الحاله دى مفيش خيارات قصادك الإ أنك تتقبل فكرة إن ممكن أحصل على الشعور دة من شخص تانى أو هو موجود في ناس تانية ازاى !! خلينى أقولك الأول اية كريمة بتقول ( إن الله لا يغير ما بقوم حتى يغيروا ما بأنفسهم ) مش هيحصل تغيير لو أن كتبت من هنا لسنين قدام طالما (أنتـ/ى ) واقف مكانك 1_ الشخص اللي عنده ( سمنه ) مش بيخس بالتابلت او الحبوب مهما عمل لاء هيقدر يخس أمتا أما (ياخد قرار + عزيمة + أصرار ) انه يخس فبيبدأ يقطع أحب حاجة إلى نفسة (الأكل ) ويبدأ يتعب نفسه في الچيم ويبدأ انه ياكل أكل صحى 2_ لو شخص عنده ( كانسر ) لازم يستئصل الورم علشان مينتشرش .. بيحس بألم ولا لاء اه بيحس بألم وبيقاوم في جلسات وادوية .. وعلاج نفسى علشان يرجع زي الأول ** طب أنت بقى (مجروح فى شعورك ) أية العمل ؟!! لازم تتعب وتقاوم .. ويكون عندك عزيمة ازاى أول حاجة ( الكلام الجاى +18) أنت حبيت شخص .. أتعلقت بيه .. ( زوج انفصلنا/ خطيب اتفركشت / أرتباط مكملش ) وسابنى .. وأنا بحبة .. هفضل افتكر كلامه كله وهو بيقولي أنا بحبك .. او واحنا بنحضر لبيتنا .. او بعد ما نتجوز .. او واحنا متجوزين لو كنتوا متجوزين هتبدأ ( تتخيل نفسك وهو بيحضنك / وهو بيقول كلام رومانسي / او حتى علاقة ) الوقت دة بيكون فعليا جسمك بيفرز ( هرمونات الأدمان اللى قولنا عليها ) + أنت وحدك وتفكيرك شغال يحصلك ( ران على القلب ) ختم يعنى الختم دة عبارة عن ( مس شيطانى ) هيخيل ليك دايما وجود الشخص دة في حياتك وهيربط قلبك بية دايما لذلك كل ما تنسى هيرجعك تانى لأنة حسسك بـ(النشوة ) مع الشخص دة حسسك أن ملكك .. أنه بيلمسك أو أنه قادر علي التواصل معاك حتي لو كنتوا بعيد .. دماغك ينطبع عليها وعلى قلبك إنة خلاص دة مفيش منه العمل اية ( سورة البقرة يوميا تقريها كل يوم مرة + المحافظة علي الاذكار + التقرب من ربنا ) يارب ( أنا عايزة شريك / شريكة / زوج عن حب ) ادعى في الثلث الأخير من الليل بيقين حتي لو ( شخص بعينه ) اه لو شخص بعينه لو كل المستحيلات قصادك يبقي فيه يقين بس مع اليقين + طهارة بمعني كل ما يراودك شعور ( التخيل ) تطردة من بالك بالاستغفار او الاستعاذة ولو غير مسلمين يبقي هتتقرب لربنا علي حسب دينك صلاتك دى من روحك وبتتقبل ليه هطرد شعور التخيل اللي بيحسسني انه معايا لان دة حضرتك الـ(ران ) علي قلبك .. اللى بيختم ( شيطان )( وَمَنْ يَعْشُ عَنْ ذِكْرِ الرَّحْمَنِ نُقَيِّضْ لَهُ شَيْطَانًا فَهُوَ لَهُ قَرِينٌ) [الزخرف:36].. دة مربط الفرس الشيطان دة اللي بيحسسك بالتعلق الشديد بعد عدة ايام من التقرب من ربنا مع الاذكار مع سورة البقرة يوميا ويستحسن لو رقيه تحصين وابقي مستقبله بيقين ( اللي ربنا هيجيبة ) أنه خير ليا وفي صفي .. وان اللي بعد دة كان شر ولو كان خير لبقى في اية في سورة الواقعة ( أَفَرَأَيْتُم مَّا تَحْرُثُونَ (63) أَأَنتُمْ تَزْرَعُونَهُ أَمْ نَحْنُ الزَّارِعُونَ (64) لَوْ نَشَاءُ لَجَعَلْنَاهُ حُطَامًا فَظَلْتُمْ تَفَكَّهُونَ (65) إنت بتحرث الأرض (بالدعاء ) .. وبتنبت زرع (استجابة ) من مين !؟ من ربنا ** الشخص دة بقى .. هقعد وابدأ اشوف حبيت فيه اية

الجواز حلو لو قررت إنك تتحمل عناء السنين الأولى أنت و شريك حياتك بنقص خبراتكم و اختلافاتكم بقى و خناقاتكم و أحلامكم المتضاربة وقراراتكم الغير مدروسة .. و قررتم إنكم تنجحوه بكل طاقتكم ، ساعتها هيكون الجواز هو الملجأ و الأمان و المكان الأساسي اللي بتلاقي في راحتك و هو قرار ارادي مابين الطرفين بس من غير تدخل طرف تالت ! - أهم صفة لازم تتوافر في الطرف الآخر : ( القدرة على التغيير ، و تقبله ) . - أهم قانون لازم كل الاطراف تحترمه بجدّية : ( الاستقلاليّة عن الأهالي ، أيْ الخصوصيّة ) . - أهم فكرة لازم الطرفين يؤمنوا بيها : ( النقص البشريّ ) . - أهم أداة يجب تفعيل ها : ( الاستيعاب ) ... - و أهم شعور يجب أن يتعمق مع الزمن : ( الأمان ) . - و أهم رصيد يجب الالتفات إليه : ( العِشرة ) . - و أهم اتفاق يجب التوقيع عليه : ( الصراحة بلطف ) . - و أهم مسؤولية يجب التفقّه بها : ( تربية الأبناء ) . - و أهم معرفة يجب التنوّر بها : ( طبيعة المرأة و الرجل ) . - و أهم بوْح يجب الالتزام به : ( أنت عندي أمانة الله ) . •• الجمله اللي مقتنعه بيها طول حياتي وكنت حطاها ادام عيني من زمان ونفسي الكل يفهمها ( الحب وحده لايكفى ) ❤! Cpd

لو حد بتتعامل معاه كتير قالك لفظ ماعجبكش أو عمل تصرف معاك ماعجبكش سواء بهزار أو بجد ففرصتك إنه مايكررش ده، هتكون أعلى لو أظهرت اعتراضك من أول مرة لأن وقتها الاعتراض هيكون هاديء غالبًا لكن لو قررت إنك تعديها؟ ففي احتمال لا بأس به إن اللفظ أو التصرف هيتكرر وبعد عدد تكرار معين لو طهقت وحبيت تاخد رد فعل؟ هتضطر تاخد رد فعل عنيف هيقطع العلاقة غالبًا لأن الشخص هيستغرب وهيشوفك غلطان ورد فعلك أكبر من الموقف بكتير وهيتهمك بالتعدي على حدوده كمان! ما يحدث بشكل عرضي، يتحول إلى واقع وحق مكتسب مع التكرار شكرًا

بحب دايما اوضح إن الصفر عندك غير الصفر بتاع غيرك. يعني انا لما اقول ابتديت من صفر لما كنت ١٨ سنة بتكلم انجليزي احسن من العربي و في ٢٠١٠ كنت شغال بمرتب ٢٦٠٠ جنية غير طبعا وجودي في القاهرة كنت بلاقي فرص بسيطة لترجمة فورية او شغل يوصل دخلي ب٣٥٠٠ جنية. . مع ذلك لما جيت اسافر كنت شايف اني مبتدي من الصفر لأن حتى فلوس الجامعة برة كانت عالية و احتاجت سنتين عشان احوش بس اول سنة. ..... هل هقدر اقارن نفسي بواحد الصفر بتاعة انه دخل في بيزنس العيلة و بعدها سافر بفلوس اهله يدرس برة و رجع و فتح مشروع لوحدة بعلاقات العيلة؟ ..... هل هقدر اقارن برضة بولد عايش في الوادي الجديد و متخرج هناك و ملوش علاقات بالقاهرة و مش بيتكلم لغة ولا يقدر ينقل لمصر و بالطبع مش هيعرف يسافر و اتخن مرتب هياخدة في ٢٠٢٤ هيبقى نفس ال٣٠٠٠ الي كنت باخدهم من ١٥ سنة؟ ..... تعميم نفس النصيحة للجميع غلط، اكيد في خطوط عريضة كلنا لازم نمشي عليها عشان نوصل لحاجة و لكن النصايح التعجيزية و المقارنات عموما هي سبب احساس الجيل دة بالتوهان و الاكتئاب. محدش هيعرف انت بتعمل الي عليك بجد ولا لا غير نفسك يبقى متنظرش approval من حد على مجهودك. و رأيي الشخصي ان السواد الاعظم من الجيل دة مش محتاج نصايح حماسية ولا خطوات للثراء، هو محتاج يتواجد في بيئة صالحة بس و دة للاسف بقى رفاهية.

✨

بحس دايما اني بخير لما بشوف الزرع💚🌿