Buta.Media

Bakının mərkəzi küçəsində hər kəsi təəccübləndirən görüntü

İddialara görə, Eynulla Fətullayev sahibi olduğu rusdilli haqqın.az saytını satıb. Bu barədə baş redaktor dünən axşam saatlarında kollektivlə vidalaşıb. Eynulla Fətullayev bundan sonra Türkiyədə yaşamağa qərar verib.

Qəbələdə Zelenskinin Prezident İlham Əliyevlə görüşündən görüntülər Ukrayna Prezidenti Volodimir Zelenski Azərbaycanda işgüzar səfərdədir.

Bakı metrosunun bütün stansiyalarına giriş müvəqqəti bağlanıb Bakı metropoliteninin bütün stansiyalarında sərnişinlərin girişinə müvəqqəti məhdudiyyət tətbiq edilib. Bu barədə Trend-ə “Bakı Metropoliteni” QSC-dən məlumat verilib. İlkin məlumata əsasən, bu gün saat 12:10 radələrində "Ulduz–Nərimanov" mənzilində təmas relsinə yüksək gərginliyin verilməsində nasazlıq yaranıb. Təhlükəsizlik məqsədilə "Ulduz" və "Nərimanov" stansiyalarında sərnişinlərin təxliyəsi həyata keçirilir. Bu səbəbdən qatarların "Nərimanov–Əhmədli" istiqamətində hərəkəti məhdudlaşdırılıb. Hazırda problemin aradan qaldırılması və gərginliyin bərpası istiqamətində tədbirlər görülür.

Ermənistan Silahlı Qüvvələri 5 döyüş postunu Azərbaycan tərəfinə təhvil verib. Proses Qazax rayonunun Bağanıs Ayrım kəndi ilə Ermənistanın Bağanis və Voskepar kəndləri istiqamətində baş tutub. (KİV)

Azərbaycan Ermənistandan mal idxal etməyə başlayıb Bu ilin mart ayında Azərbaycan Ermənistandan ilk dəfə 960 ABŞ dolları dəyərində mal idxal edib. Bu barədə Dövlət Gömrük Komitəsi xəbər verir. Bundan başqa, bu ilin I rübündə Azərbaycan Ermənistana 5 milyon 757 min ABŞ dolları dəyərində məhsul ixrac edib. Bunun 1 milyon 537 min dollarlıq hissəsi mart ayının payına düşüb. Ermənistana ixracdan əldə olunan gəlirlər Azərbaycanın ümumi ixrac gəlirlərinin 0,1 %-ni təşkil edib.

Vado Korovin vəzifəsindən azad edildi “Space” Televiziyasının baş direktoru Vado Korovin tutduğu vəzifədən azad edilib. Manset.az xəbər verir ki, hazırda “Space”də bütün idarəetmə və səlahiyyətlər İcraçı direktor Nəriman Əbdüləliyev tərəfindən icra olunur. Məlumat üçün bildirək ki, Nəriman Əbdüləliyev Vado Korovinin kürəkənidir. Onun həyat yoldaşı Zemfira Korovina da “Space”də rəhbər vəzifələrdən birini tutur. Qeyd edək ki, ötən gün “Space”də yoxlamalar aparıldığına dair məlumatlar yayılmışdı.

Prezident İlham Əliyev martın 17-si Xocavənd rayonunun Xanoba kəndində sakinlərlə görüş zamanı balaca Ayazla da söhbət edib. Səmimi dialoq zamanı azyaşlı ölkə başçısından “Kamaz” markalı yük avtomobili istədiyini bildirib. Qısa müddət sonra Prezident Ayazın arzusunu yetirinə yetirib. Dövlət başçısı Ayazın yaşadığı ünvana “Kamaz” markalı yük avtomobili göndərib.

İçərişəhərdə Qala divarlarının bir hissəsi uçdu Aprelin 9-da səhər saat 05:00 radələrində Kiçik Qala küçəsi ünvanında, 13-14 saylı bürclərin kəsişdiyi hissədə tarixi Qala divarlarının kiçik bir sahəsində aşınma müşahidə edilib. Bu barədə İçərişəhər” Dövlət Tarix-Memarlıq Qoruğu İdarəsindən məlumat verilib. Mütəxəssislərin ilkin rəyinə əsasən, aşınmaya əsas səbəb son günlər müşahidə olunan aramsız atmosfer yağıntıları nəticəsində yaranan rütubət və təbii erroziya prosesləridir.