Fisəbililləh

Faydalı, ibrətamiz paylaşımlar etməyə çalışırıq. Fi səbililləh, yəni Allah yolunda!

Tövbə ilə (Şeir) Xaliq imkan yaradıbmış bəşərə tövbə ilə, Ki özün bəlkə xilas etdi hərə tövbə ilə. Oda çəkmişdi mələklər şəhəri, son anda, Yağdı göz yaşları leysan şəhərə tövbə ilə. Bir ömür haqqa itaətsiz ötərsə, puç olar, Həyatın bir anı getməz hədərə tövbə ilə. Gecə bir kimsə günah etsə səhər pis baxma, Gecədən bəlkə də çıxmış səhərə tövbə ilə. Qəm edən tövbəkarın qüssəsi bayram sayılır, Fərq barizdi kədərdən kədərə tövbə ilə. Belə bir tövbəyə ilk dəfə inan rast gəlirəm, Biri yem eylədi cismin Xəzərə tövbə ilə. Demə ki, Qasim ölümdən çəkinir, əsla yox, Qaçır amma ki, qəzadan qədərə tövbə ilə. #Şeir Q. Səfərov 09.03.23 T.me/Fi_sabilillah14

Haqlı bildiyim məsələ və "bəs onda o boyda alimlər, ağalar səhv edib?" fikri Allah faydalı eləsin! #Səsli #münasibət T.me/Fi_sabilillah14

Haqq əvvəldən qalibdir! Allahın adı ilə! Məlunlar İmam Hüseyni (ə) öldürəndən sonra Xanım Zeynəbə (s.ə) dedilər ki, gördün Allah sizinlə neylədi? Dardüşüncəlilər elə bilirdilər ki, qələbə nəticə ilə olur. Elə bilirdilər ki, nəticənin necə olması, zahiri qələbə kiminsə haqq olmasını göstərir. Vallahi belə deyil! Nəticə zahiri qələbənin batini qələbə ilə üst - üstə düşüb - düşmədiyini göstərir sadəcə. Əslində isə haqlı insan əvvəldən qalibdir. Haqlının əzildiyi məqamların ən kiçiyi bir qonaqlıqda batil insanlar tərəfindən təklənməsidir. Ən böyüyü isə zindana atılmaq, dar ağacına çəkilmək, Kərbəlada başının nizəyə vurulması... İnsanlar haqla olsalar əvvəl gündən qalibdilər. Haqlının əvvəli - sonrası olmur. Haqlı haqqı dəstəklədiyi andan onu tərk edənə qədər qalibidir. Zahiri qələbə cismin əldə etdiyi qələbədir. Batini qələbə haqqın əldə etdiyi qələbə. Ona görə də qonaqlıqda sizin əleyhinizə 100 nəfər də danışsa narahat olmayın. Sonra onlara gəlib daha 100 nəfər də qoşulsa, yenə narahat olmayın. Daha sonralar…

Zillətlə sillət arasında Allahın adı ilə! İmam Hüseynin (ə) məşhur bir şüarı var, zalım düşməni, eləcə də zalım düşmən önündə izzət əhlinin vəzifəsini bir cümlə ilə ifadə edəcək şüar. اَلا اِنَّ الدَّعِی بن الدَّعِی قَد رَکَزَ بینَ اِثنَتَینِ؛ بَین السَّلِّةِ والذِّلَّةِ و هیهاتَ مِنّا الذِّلَّةُ "Bu alçaq (abırsız, zinazədə) oğlu alçaq məni iki işin - ölümlə zillətin arasında (seçim etməyə) məcbur edib. Zillət (xarlıq) bizdən uzaqdır." Bu məşhur şüar dünyada bütün izzət əhli üçün şüar olmalıdır. Amma nəinki cismani döyüş meydanında, yəni, kiçik cihadda və nəinki gözə görünən tağut qarşısında. Hər şeydən əvvəl bilinməlidir ki, nəfs ən böyük tağutdur və zalımdır. Zatən İmam Hüseyn (ə) və Ona qoşulanlar nəfslə mübarizədən qalib çıxdıqları üçün İmam Hüseynə (ə) qoşuldular. Nəfsin əsiri olanlar isə zilləti seçdilər. Hər günah zillətdir, günah qabağında pak yaşamaq, günah etməmək isə izzətdir. İmam Hüseyn (ə) bütün həyatı boyu izzətli yaşadığı üçün həmin imtahanda da izzəti seçdi. 57 illik mübarək bir ömürdə…