غلاي

تبقى المبادئ ثابتة كل الاوقات ‏مانشتريّ بايع ولا نبيع شـاريّ .

ياكثرهم وقت الرخا والسواليف ‏ويا قلهم وقت الأمور العظيمه .

خيرةٍ لي يوم راحوا مع وساع الدروب ‏يا عسى دربٍ خذاهم معاد ، يردهم

ان مارقيت بكف يمناك السحاب  ‏محدٍ على متنه يشيلك للسماء .

لامن زعل كنه محمّلني ذنوب ‏وإذا ضحك كنه يسوق البشاره .

عسى الرفيق اللي نحبه ونغليه  ‏تبطي صواديف الدهر ماتصيبه .

راح الزمان اللي به الخير مرغوب  ‏والطيّب اللي بالمواصل يبادر  ‏وجانا زمان يجمّع الناس بـ ( قروب)  ‏آطيبهمْ اللي لاتضايق .. يغادر .

الرفيق اللي يسّر العين وينومس رفيقه ‏نشتريه ونشتري عرفه وحنا الرابحين .

لا هو مثل ربعي ولا مثل الاحباب  ‏له منزل بـ اقصى الضماير لحاله .

اما تفضلني على اللي حواليك ‏ولا بلاش وجعلهم يسعدونك .

الكلمه اللي تضايقنا نعدّيها ‏وإن جاتنا من سفيه العقل طنشنا .

عليك باللي " ما يقوده مزاجه " ‏من وين مالقّيت وجهك بـ تلقاك .

والله ان الحاجه اللي متاحه لـ الجميع ‏ترخص ويرخص ثمنها و يخسر سوقها .

عن مناوي غاية النفس تقنعك السنين ‏ما صفت عوج الليالي ولا دامت لحد .

أحب كل إرتفاع إلا إرتفاع الخشوم ‏وأعاف كل النزول ، إلا نزول المطر .

قبل لا تزرع ثقه في انسان خلك والم ‏الليالي والبشر مافيه احد يضمنها.

لا ضاعت الخوّه من يدين الانذال ‏يبقى لها عند النشاما بقايا ‏وان خرّبوا سمعة هل الطيب جهّال ‏سقنا المراجل مثل سوق المطايا .

ان رضينا وان زعلنا يازمن ‏ماعلى وجه البسيطة مستريح ‏كل حي لغايته يدفع ثمن ‏والنهاية مايصح الا الصحيح .

من بغى قربك يسوي المستحيل  ‏ومن يشوف انك خساره أخسره .

الصبر زين وتالي الصبر الافراج ‏وخلك على درب التصبر مبادر ‏واليا تصافق حلم قلبك بالامواج ‏الله على تحقيق الاحلام قادر .