حَيطةٌ

لا تساومني وأنا أدري وأنت تدري ‏إني أعاف الجفى لكن ما أخافه ‏خابرٍ قدرك بصدري بس صدري ‏ما تعـّود يلحق المقفي حسافه .

محيت من قلبي خيالك وذكراك مثلك حرام يكون في ذكرياتي   غلطاتك اكبر من سطورك ولو اقراك وصبرت لين الصبر فجر سكاتي   كم جرح اثر بي تالم وناداك ويقول لك بالله هذي جزاتي

يوجد الف سبب وأضح وصريح يدعوكَ للمغادره لكنك تختار المكوث فقط لأن للآن لديك امل صغير بأن الديار مازالت ديارك صباح الخير يا أعمى القلب

‏ودّك لو إن الهبايب توصل لـ آخر جوفك ‏لكن المشكله ! ‏إنك محتضن جمرةٍ دا ا اخليه .

ابشرك طيّب ومستويه أموري ونواقص الناس مافكّرت ارقّعها لاجاتني الكلمه اللي تجرح شعوري عرّضتها الريح ..ولا كنّي أسمعها

وقولوا لها لا خالط الشوق همسّي ‏هي غيير عن كل البنات اللذي غير 🤍

جيتي وخفاقي نفض شره الليله ليله من ليالي العمر واحلى ليالي العمر بالمره قالت غيابك وانتظارك جمر وابطت تعاتبني وتتشره قلت ابشري والرمش يا مر أمر يالول وجداني ويادره واللي جمعنا يا انتظار العمر ما اعود هالفرقا ولامره

‏أسلم يا أحلى وأغلى الناس وأجملها ‏سولف يا صوتٍ يموتني ويحييني ‏عطني علومك وطوّلها وفصّلها ‏وترحبّ أذني وقلبي وايدي وعيني ‏لبّيه يا همسةٍ يوم أتثاقلها ‏أحس كنّها تبعدني وتنفيني

وش نهاية الحاصل متى نهدا ونستريح؟

ماهمّني زعلك ولا همني رضاك ‏أنت بعيني تعتبر شخصٍ عادي ‏الذنب ذنبك والخطايا خطاياك ‏ياما نصحتك وانت مخطي وعادي ‏يا اللي تنادي قد محى القلب ذكراك ‏وأنا ليا صديت لا تنادي

‏أبرسم بالثرى وجهك وابدفن صورتك برمال ‏ أبشكي للعرب فرقاك واضحك عند عذالك ‏أبهديك الوصال فراق واهديك الفراق وصال ‏ بسوي مثل ما شوفك تسوي وافعل افعالك ‏عشان تعرف من فينا الزعول ومن وسيع البال ‏ أبيك تذوق فنجالي وانا بذوق فنجالك

‏لو خسرتك ما خسرت العمر والدنيا متاع ‏وأدري إني لو خسرتك ماخسرت إلا قليل ‏بس فكر زين تعرف من خسر فينا وضاع ‏وتعرف إنك لو تلف الارض وتدور بديل ‏والله إن تبطي ولو لفيت في كل البقاع ‏ولو تسوي وش تسوي ما أنت لاقي لي مثيل

‏اقسم قسم بالله ماعاد ادانيك ‏واكره منهو جميع الناس خاواك ‏واكره شبيهك واكره الي يناديك ‏واكره سميك واكره اخر مسماك ‏عفت الغرام وعفت حتى طواريك ‏يشهد علي ماقيل قلبٍ تناساك ‏بكره .. مع الايام تذكر لياليك ‏وتندم على الي عز نفسه وخلاك .

‏مْن أول آقول ياطيبك ويا غُلبك ‏إلين وصّلت ضن الطيّب لحده ! ‏مزعجني بقلبي وقلبي ، وأثر قلبك ‏أسود من كراع الأثيوبي ومن خده ..

‏عقب المشاريه لا تنشد عن احوالي ‏لاني لسود الليال العوج ما اصخيتك ‏لا شك يوم اختلف قدري ومنزالي ‏شفتك على قارعة دربي وعدّيتك ‏كف المراسيل وامسح رقم جوّالي ‏تجاهل انْك الوليف اللي تمنيتك ‏يطري علي شطر لا مريت في بالي ‏مانته بـ قد الغلا يا زين واغليتك .

امر بيتك واقبل بابه وسوره وأتعجب إنك سكنتيه وسكنتيني عفوا ثلاثه بيوتن لك ومعموره بيتن سكنتيه وفي قلبي وفي عيني راحت لغيري وانا واقف على دوره قدام عيني وانا ماعاد يمديني يابنت منتي من العشاق معذوره ليتك تركتي لي اللوحه تعزيني

‏قالوا حبيبك يسمع الشعر قلت إيه ‏يقراه بعيوني قبل تسمعونه ‏لولاه حتى طاري الشعر مابيه ‏مير اكتبه من شان خاطر عيونه ‏هو روح شعري وامنياته وماضيه ‏جذع الشجر وش كان لولا اغصونه ‏اكتب لغيره والقصايد تجي فيه ‏كن القصايد حالفه ماتخونه ‏هذاك لامنه زعل قمت اهاديه ‏حتى وهو مخطي تعذرت دونه ‏يمكن لوانه يلمس الجرح بيديه ‏يستغرب ان اللي لمسها طعونه

‏سلمت لك قلبٍ حرمته عن الغير ‏كنت احسبك قد الثقه والمحبه ‏خيبت ضني فيك من دون تبرير ‏وخنت بعهودك فجئٍه دون سبه ‏دور لفعلك ي اسود الوجه تكفير ‏اثرك عنا قلبي وانا احسبك طبه ‏كبر العشم يرث ندامه وتحسير ‏احسبك كبر اطويق واثرك مطبه .

يلعب علَي يحسّبني من ملاعيبه ما يدري إني على اللعّاب لعّابي .

ادور لعيني نوم لوكانه سلف من بارحة لأولى وأنا أودي وأجيب طواري منها شعر رأسي وقف تزاحم الضيقات بالصدر الرحيب نفتح ملف الهم ونقفل ملف يالله بجاهك من تريدية النصيب