Ҳаётий сабоқлар

Бисмиллаҳир Роҳманир Роҳийм Ассалому алайкум вараҳматуллоҳи вабарокатух! #муножот Аллоҳим! Мени Сени мамнун қиладиган ишларга машғул қил! Шайтонни севинтирадиган ишлардан  йироқ қил.  Сен ҳожатларни раво қилувчи ва бандаларига сўраганини ато этгувчи марҳаматли Роббисан! Аллоҳим! Фазлу марҳaматинг эшикларини менга очгин! Баракотларингни устимга соч ва мени Сени мамнун қиладиган ишларга васила бўлгувчи амалларга муваффақ қил! Мен ва яқинларимни Жаннату фирдавсларга муносиб кўргин! Сенки, кўнгли синиқларнинг дуосини қабул қилишни севган Аллоҳим!  Мени гуноҳ ва нуқсонлардан поклагин! Иймон имтиҳонида менга қалб тақвосини ато эт! Сен гуноҳкорларнинг хатоларини авф этишни севган Роббим! Аллоҳим! Сендан Сени розилигингга эришадиган нарсаларни тилайман ва Сенинг ғазабингни келтирадиган нарсалардан Ўзингга сиғинаман!  Сенга итоат қилмаслик, Сенга бўйинсунмасликдан Ўзингдан тавфиқ ва мадад истайман! Сен Ўзингга қўл очиб сўраганларга сахийлик қилишни севадиган Карамли Роббимсан!

ОТА ҲАҚИДАГИ ҲАҚИҚИЙ ТУШУНЧАЛАР 👉 Отанг сенга босим қилганида у сени ўсишингни истайди. 👉 Отангни жим турганини кўрганингда у сени келажагинг ҳақида бош қотираётган бўлади. 👉 Отанг иқтисод қилган пайтда билиб қўй, у ўз нафсини бутунлай маҳрум қилган бўлади. 👉 Отанг ҳансираб қолганини кўрсанг билиб қўй, у сен сабабли шундай бўлган. 👉 Отанг кулган пайтида билиб қўй, бунинг ҳам сабабчиси сенсан. 👉  Отанг қаттиқ қўл бўлиб қолса билиб қўй, сен унинг кўрсатмаларига юрмаган бўласан. 👉  Отанг эшик хонасини қулфлаб олган пайтида билиб қўй, у йиғлаётган бўлади. 👉  Отангга нисбатан овозингни баландлатсанг уни тириклайин гўрга тиққанингни билиб қўй. 👉  Сен ўзингни дарбадар ва саргардон ҳолда кўрсанг билиб қўй, отанг сендан ғазабланган бўлади. 👉  Отанг тўшакка чўзилиб олиб, гапирмаётганини кўрсанг билиб қўй, сен улкан суянчиқ тоғни йўқотиб, бўшлиққа юз тутган бўласан. У бўшлиқни ҳеч қандай хотира тўлдира олмайди.

Ассалому алайкум ва раҳматуллоҳи ва барoкaтуҳ! Бугун якшанба! 26 май, 2024 18 зулқаъда, 1445 Аллоҳ таоло бугунги дам олиш кунимизни барчамиз учун хайру баракотга ва савобларга тўла қилсин! Соғ-саломат, тинчлик-хотиржамликда уйғотган Раббимизга ҳамду санолар бўлсин! Алҳамдулиллаҳ!

ОНАНИНГ КУНДАЛИГИДАН Жоним болам! Шундай пайт келадики, мен қарийман. Ўшанда сабрли бўл ва мени тушунишга харакат қил... Агар еётган овқатимни бехосдан тўкиб қўйсам, кийимларимни сенинг ёрдамингсиз эгнимга киёлмасам, «ёш боладан хам баттар» деб оғринма. Сен шундай қилсанг, юрагим оғриса хам маъюс жилмайиб эслайман: кичиклигингда сен хам шундай эдинг, буларни ўргатаётганимда қанча вақтим кетаётганини хатто хаёлимга хам келтирмаганман. Чунки ... ахир сен учун вақт нима бўпти, жонимни хам аямайман. Худди хозиргидай... Агар сен билан сухбатлашиб ўтирганимизда, битта гапни минг марта такрорласам, эзмаликда айблама, мени эшит. Кичкиналигингда ухлашинг учун битта эртакни минг марталаб ўқиб беришимга тўғри келарди, хар гал жон деб тинглардинг. Менинг хаёт эртагим охирлаб боряпти, қачондир надоматда қолмаслигингни хохлайман, шунинг учун хозирча мени эшит... Рўзғордаги янгича буюмларга тушунмасам, айбга буюрма, тушуниб олишимга бироз вақт бер. Ахир сенга тўғри ейиш, чиройли кийиниш, хаёт ташвишларига қарши қандай курашишларни ўргата олгандим, буни хам эплай олишимга ишонаман. Шундан кўнглим тўқ, ахир сен ёнимдасан... Агар қачондир ниманидир эсдан чиқариб қўйсам ёки сухбатлашиб ўтириб, нима демоқчилигим эсимдан чиқиб қолса, койима. Агар эслолмасам, қайғурма. Ахир энг асосийси, гапираётганим эмас, сен билан биргалигим... Ёдингдами, кичиклигингда мендан бир зум хам нари кетишни истамасдинг... Агар хориган оёқларим менга хизмат қилишдан, суянч бўлишдан бош тортса, қўлларингни узат. Худди қачонлардир илк қадамларингни ташлаётганингда сенга қўлларимни узатганим каби... Қариётганимга қараб хафа бўлма, ўзингни ожиз хис қилма. Ёнимда бўл, мени тушунишга ва менга ёрдам беришга харакат қил. Худди қачондир эндигина хаётингни бошлаганингда мен сенга ёрдамлашганим каби... Менга яшашда давом этишимда, хаёт йўлим якунига мехр-мухаббат ва тоқат билан етишимда ёрдам бер. Бунинг учун сени табассумим, хеч қачон сўнмаган, охири йўқ мехрим билан тақдирлайман... Сени яхши кўраман, жоним болам. Манба: mehrob.uz 👉 @ota_ona_N1

Фарзандларингизга эҳтиёт бўлинглар. Сўнги пушаймон ўзинга душман. Эҳтиёткорлик қўрқоқликка кирмайди.

*Табрик! Гуруҳимиз 6 ёшга тўлди.* Ҳаётий сабоқлар номи билан юритиладиган гуруҳларнинг ватсапда очилган гуруҳига бугун 6 йил тўлди. Ҳозирда бу гуруҳдан 3 таси фаолият олиб бораяпти. Ҳаётий сабоқлар 1, 2, 3. Бундан роппа роса олти йил олдин, инсонларга бирон фойдамиз тегсин мақсатида ушбу гуруҳни очкандик. Бошида йигирма ўттиз киши билан бошланган бу гуруҳ, ҳозирда мингдан ортиқ қатнашчини ўз ичига олади. Аввал айтиб ўтканимиздек бу гуруҳни очишдан мақсад фақатгина Аллоҳни розилиги ҳамда мусулмонларга фойдамиз тегсин деб очганмиз. Бу гуруҳ очилганидан бери бизни кузатиб келаётган иштирокчилар бор. Баъзилар ёзганларимизни ҳаммасини ўқийдилар. Баъзилар расмиятчилик учунгина шу ердалар, баъзилари эса фақат видео томоша қиладилар🙂, баъзиларидан фойдали маълумотлар учун раҳмат ҳам эшитамиз, баъзи бетайин инсонлардан дакки ҳам. Ўйлашимизча кўпчилик қолдирмасдан кузатиб борадилар. Нима бўлганда ҳам Ҳаммаларидан Аллоҳ рози бўлсин. Кўпчилик сўрайдилар, ватсапдаги группадан пул тушадими деб. Йўқ ватсап иловасида бундай нарса йўқ. Шундай бўлса ҳам бу савобларга биз ҳам шерик бўлиб қолайлик деб, интернетимиз учун, рақамимизга единица солиб берадиганлар бўлади! Барчаларидан Аллоҳ рози бўлсин, савобларга шерик қилсин. Сўзимни охирида шуни айтаманки, қилаётган меҳнатимизга розимиз, сизлардан сўраладиган нарса ҳаққимизга, ота онамизнинг ҳақларига дуо қилсангизлар шу кифоя! Эътиборларингиз учун ташаккур! Ҳурмат билан Админ!

ОНА НОЛАСИ Болажоним куйдирма бунча, Кўпайтирдинг сочим оқини. Ҳавотирим ортяпти шунча, Босиб ўтсанг жахл тоғини. Кеч келяпсан кўчадан қўзим, Дарвозага термулиб толдим. Келгунингча илинмас кўзим, Шу йил болам тез қариб қолдим. Зарда қилсанг оғрийди жоним, Жеркишинга тўкаман кўз ёш. Хаста бўлсанг ёмон аҳволим, Етказолмай қоламан бардош. Нури дийдам ёшлигинга қайт, Ўша пайтлар меҳрибон эдинг. Аввалгидек “онажон” деб айт, Мехрибонсиз ҳаммадан дердинг. Этагимдан қўймасдинг сира, Қидирардинг кўринмай қолсам. Овқат ердик ўтириб бирга, Қарашардинг меҳнатдан толсам. Суйинардим, дуо қилардинг, Онажоним омон сақла деб. Ёш тўксам хомуш турардинг, Юрар эдинг далдалар бериб. Лекин нега ўзгардинг болам, Соғиндимку эски ҳолга қайт. Меҳр билан десанг бас онам, Дилингдагин ҳамммасин айт!

Ассалому алайкум ва раҳматуллоҳи ва барoкaтуҳ! Бугун шанба! 25 май, 2024 17 зулқаъда, 1445 Аллоҳ таоло бугунги кунимизни барчамиз учун хайру баракотга ва савобларга тўла қилсин! Соғ-саломат, тинчлик-хотиржамликда уйғотган Раббимизга ҳамду санолар бўлсин! Алҳамдулиллаҳ!