AHMADXON DOMLA KOSONIY

🌸 🌱 ХАЙРЛИ ТОНГ! 🌱 🌸 Расулуллоҳ соллаллоҳу алайҳи васаллам: «Кимки бирор нарса кўриб ажабланса: مَا شَاءَ اللهُ لاَ قُوَّةَ إِلاَّ بِاللهِ «Маа шаа Аллоҳу лаа қуввата иллаа биллаҳи», деса унга зарар етмайди», дедилар. Маъноси: «Аллоҳ хоҳлагани бўлади. Аллоҳдан бошқа қувват йўқ». Ибн Сунний ривояти. @AhmadxonKosoniy

🌙 Қуръон Ҳофизи… Ёдлаган нарсангизни бирор ерини унутган бўлсангиз хафа бўлманг, чунки унутиш одатий ҳол… Сиз ҳам, мен ҳам, бошқалар ҳам унутамиз. Агар унутиш бўлмаганида, Қуръонингизга талпинмай қолган бўлар эдингиз… Устозингиз хатоларингиз учун сизни урушса, хафа бўлманг. У сизни мукаммал билишингизни истайди… Агар сиз учун бир оятни ёдлаш қийин бўлса, хафа бўлманг. Уни ҳар бир ҳарфини яхшилаб такрорланг… Агар ёд олишда сиздан биров олдинроқда бўлса ва сиз қийинчилик билан ёд олаётган бўлсангиз, хафа бўлманг… Хафа бўлманг, эй Қуръон ҳофизи! Қачонки Қуръонни ёд олиш йўлини тарк этсангиз, шундагина хафа бўлинг ва ғамгин бўлинг 🌧✨ Қуйидагиларни эслаб қолинг! Қуръон қорисининг беш илоҳий даражаси: 1. Шафоат: «У қиёмат куни ўз эгаларига шафоатчи бўлиб келади». 2. Жаннатдаги юксалиш: «Сенинг манзилинг сен ўқиб бориб тўхтаган энг охирги оятни ўқиган жойингдадир». 3. Ҳамроҳлик: «Олийжаноб ва энг яхши фаришталар билан бирга бўлади». 4. Умматнинг яхшиси бўлиш: «Умматнинг энг яхшиси Қуръон ўрганиб, уни ўргатганларингиздир». 5. Аллоҳга аҳил бўлиш: «Қуръон аҳли Аллоҳнинг аҳли ва Унинг хос бандаларидир». 🤲 Аллоҳим бизни ҳам шулардан қилсин! Аллоҳим, Ўзинг бўлишига шак-шубҳа йўқ кунда инсонларни тўплайдиган Зотсан! Китобингни қалбларимизга ҳидоят қилувчи ва унга амал қилишга чақирувчи ва илм олишни ато этувчи Зотсан! Қуръонни бошқаларга ўргатадиган ва унинг тиловатини кечаю кундузда ўқилишини лозим тутадиганлардан қилгин! Ўзингни фазлинг, раҳматинг ва гўзал саховатинг ила Қуръонни ер устида ҳам, ер остида ҳам ва Сенга йўлиқадиган кунимизда ҳам кўз қорачиғимизга айлантир! Аллоҳим, бизларни мағфират эт ва Ўзингни фазлинг ва гўзал саховатинг билан бизга шундай даражаларни ато эт, албатта, Сен неъматларни кўплаб берувчи Зотсан! Амийн! @AhmadxonKosoniy

Киргизистон республикаси Алабука райони Початабуво кишлоги

Ассалому алайкум! 🍃 Хайрли тонг! 🍃 #дуо Эй Роббим, Сенинг ёрдам беришингни, ҳидоят қилишингни, гуноҳларни кечишингни сўрайман. Сенга тавба қилдим, иймон келтирдим ва Сенга суяндим. @AhmadxonKosoniy

Мени ўзгартирган салом Бир ДАН ходими айтиб берди: "Ойлик олган куним эди. Қўшимчасига мукофот пули ҳам беришди. Кайфият зўр. Бугун ҳеч кимга жарима ёзмайман дедим-да, ишга чиқдим. Хизмат жойимда турсам, узоқдан янги иномарка келяпти. Тўхтатдим. - Ассалому алайкум, ака яхшимисиз? - Ва алайкум ассалом. Аллоҳга шукр. - Мошиналар муборак бўлсин! - Сизга бунданам яхшисини насиб этсин! - Ака, мен Фалончи Фалончиев... Хизматчилик, ҳужжатларингизни текшириб қўйсак. Ҳайдовчи бемалол деди-да, ҳужжатларини тақдим этди. Синчиклаб текширсам-да бирон муаммо тополмадим. Базадан штрафларни текширдим: топ-тоза. Шунда шайтон қурғур эски синалган усулингни қўлла, деб қулоғимга қуйди. Ҳайдовчига жиддий қараб: - Ака нима қоидабузарлик қилганингизни биласизми, - дедим. Одатда, бунақа пайтда малакасиз ва эътиборсиз ҳайдовчилар ўзини йўқотиб қўяр, уларга биронта навбатчи қоидабузарликни қўйворса бўлаверарди. Ҳайдовчи ака ўзгармади ҳам, ўша-ўша кайфиятда "билмасам" деди. "Тузоққа илинди" дедим ичимда. - Полосани босдингиз. Протокол қиламизми? Ҳайдовчи ҳеч бўлмаса мен билан тортишиши, ҳақини талаб қилиши, жилла қурса, "ёзмай қўёвринг, камандир" дейиши керак эди. Иномарка эгаси фавқулодда хотиржамлик билан: - Қоидани бузган бўлсак, ёзаверинг, - деди. Тўғриси бунақа хотиржам ҳайдовчини умримда биринчи марта кўриб турибман. Бир тарафдан жаҳлим чиқади, иккинчи тарафдан виждон қийналяпти. Охири мақсадга ўтдим: - Ғалати одам экансиз, ким нима деса ишонаверасизми? - дедим кулги аралаш. У эса менга шундай жавоб бердики, бошим ғовлаб кетди: - Ғалати эмасман. Менга Аллоҳнинг саломини йўллаб, гўзал муомала қилган одам мени алдамаса керак. Жавоб ўқ бўлиб юрагимга жойланган эди. Терс ўгирилдим-да, додлаб юбормаслик учун чуқур нафас олдим. Ҳужжатларни қайтариб берарканман: -Узр сўрайман, кетаверинг, ҳеч қандай қоидабузарлик қилмадингиз, дедим. Иномарка эгаси, ҳужжатларни қутига соларкан, ичидан кичик бир атирни олди-да, менга бераркан: "Мана бу ҳадяни қабул қилинг, чин дилдан, умрадан олиб келгандим. Ассалому алайкум!" деди. Қўлларим қалтираб зўрға олдим. Ерга чўккалаб узоқ ўйланиб қолдим. Иномарка эгаси менга мўминликни ўргатиб кетган эди. Ўшандан бери бировга ноҳақ жарима ёзмадим, ҳеч кимга ёмон муомала қилмадим... Давронбек Тожиалиев @konspektor