GULRUX XUDOYOROVA IJODI

*** Men ayolman, paranjilarim qachonlardir yonganlari bor. Muhabbat deb ko'ksim qonatib, So'ng baridan tonganlari bor. Men ayolman, qiyshiq qovurg'a Egriligi boshimga balo. Nodiraman, mana yuz yilki O'ldiradi Amir Nasrullo! Men ayolman, Dushmanim ayol. Qòllaridan zahar yutdim jim. "Siz o'shami?" Men o'sha edim! Kumushlaring o'ldi, azizim. Mana ketdi Sibirga kimdir, O, kimnidir dorga tortdilar. Yo'q bilmaysiz, ular ortiga Onalarin qo'yib otdilar. Mana tulpor. Uning qo'lida- Doro boshi, oqib borar qon. Ey, To'maris, qonlar yuvolmas Isnodlar bor. Qutqar,onajon. Xonzadaman, taqdirim sulhdir, Hali hamon sulhga ko'naman Qizlarimning qismati talxdir Orzularin o'zim ko'maman. Men ayolman, Nomardni tuqqan, O'ylayverib esdan og'aman. Ey qattol dun, qachon Alisher Yana qachon Temur tug'aman. Men ayolman, kim yomon boqsa O'tda kuygay qorachig'lari. Ayolining nomusin sotgan Elning odam bo'lmas erlari. Men ayolman, Menga gullar ber, Sharaf bergin, shafoat bergin. Men ayolman, nomusim uchun Qilich tutgin, himoyat bergin. Men ayolman, agar xor bo'lsam Tulpordan tush, Bosh egib yurgin. Ey Sen erlar, nomusing qutqar, O'z qavmingga hidoyat bergin

Oydin hayot LIVE | 3 Aprel 🎥  @oydin_hayot_tv │YOUTUBE│INSTAGRAM │TELEGRAM │ TIK TOK

E'tibor va ajoyib ijro uchun ustozga ko'pdan ko'p rahmat aytaman.

*** Meni sog'inmasang hech yo'q bir lahza, Umr o'taversa boladay ma'sum. O'sha xotiralar hammasi qaytsa, Va ortiga qaytsa o'sha tabassum. Meni o'ylamasang, Tushlar kòrmasang, Ko'glingga kirmasa birorta vahm. Yurakda suronlar turgan mahalda, Bir qo'shiq kuylasang, sadosiz va jim. Birga yurgan yo'ldan o'tsang jilmayib, Birga yurgan yo'ldan qaytsang parishon. Ketishingga sabab yursang axtarib, Demakki, baxtiyor emassan, ishon. Men shunday dard edim, Shunday baxt edim, Kechib ham, ketib ham bo'lmaydi mendan. Axir bu dunyoda mening kulgimni - Baxtni sog'inmagan odam bormikan?!

О, ўшанда барига кўнишим лозим эди, Долғаларга на ҳожат, тинишим лозим эди. Ҳа, сен менга аталган милён йиллик бахт эдинг, О, ўшанда мен сени танишим лозим эди. Нурамоқнинг аввали бунёд бўлмоқ эканин, Кетмоқликнинг аввали фақат келмоқ эканин, Юрагимнинг қисмати минг бор синмоқ эканин, О, ўшанда мен буни билишим лозим эди. Ортга боқиб, ортига юрарга чораси йўқ, Куйиб бўлган юракнинг куярга чораси йўқ. Тутаб ўтган умрнинг тутунлари бўғгайдир, О, ўшанда мен аниқ куйишим лозим эди. Керагида қилинмас мардлик, номардликдандир, Ёлғон фиғон чекмоқлик асли бедардликдандир. Айтмоқ оғир-ку жуда, лек барибир, барибир О, ўшанда мен сени суюшим лозим эди.

*** Термуламан. Бирам чиройли, Бузилмаган ҳаётий мантиқ. Узилади барглар иболи, Гўзаллик йўқ бунданда ортиқ. Бир тартибда одамлар кезар, Қайғу билан бахт орасида. Дунё шундай батартиб яшар, Деразанинг ташқарисида. Ташқаридан тамоман фарқли, Алғов- далғов бўлган бир юрак. Тўрт томони аламли, дардли, Хона узра сочилган тилак. Юрагини андуҳлар эзар, Минг қайғу бор кўз қорасида. Вайрон бўлган битта дил яшар, Деразанинг ичкарисида.

*** Менга гуллар қилди ҳикоя, Ҳаммасини сўйлади бошдан. Худо ерга солганда соя, Мен тушингга кирган эмишман. Менга барглар берди ишорат, Садо келди ҳаттоки тошдан. Оромингни қилиблар ғорат, Мен тушингга кирган эмишман. Кузни қучиб сўзлади хазон, Хабар олдим кўкдаги қушдан. Тунларингдан ўғирлаб фурсат, Мен тушингга кирган эмишман. Менга кўнгил қилди шикоят Ва барини сўйлади бошдан. Сен тушимга кирмасдан туриб, Юрагимга кирган эмишсан...

#ijodiy_video Qadamlari og'ir mardlarmi tog'lar? Ko'ksimdagi mayda dardlarmi tog'lar? Yoxud kiprikdagi gardlarmi tog'lar? Tog'lar ko'hna erur, savollar ko'hna Tog'lar yoniga bor, yonimga qaytma. 📄Gulrux Xudoyorova 🎙 Muattar Mamatkarimova 🎙Abbosbek Mo‘minov T.me/pegas_portali — Har lahza — ilhom vaqt

*** Бугун санчиб кетди юраги қаттиқ, Минг йилки меҳнатдан ортмаган бўйни. Энди меҳр кутиб яшолмас интиқ, Бугун тарк этади шу нурсиз уйни. Аёл хомушгина қўзғалди оғир, Ниҳоят, Барига ниҳоя бугун. Сўнгра йиғиштирди нарсасин бир-бир, Уйнинг ўртасида бўзлади тугун. Тугунга ғам солди биринчи бўлиб, Афсус эгаллади энг катта ўрин. Сўнгра алам солди эски тугунга, Йиғиб солаверди бирма-бир барин. Нарсалар ичидан чиқди эски бахт, (Ҳаттоки йўқ эди унинг ёдида) Бироз термулдию,ўтказмасдан вақт, Аста тахлаб қўйди дарднинг ёнига. Ҳамма нарсасини жойлади бир-бир, Барин солса ҳамки тугун тўлмайди. Аёл ҳаммасига тушунди охир, Бу тугун тўлмасдан кетиб бўлмайди.

*** Бир кун умрингдан кетсам, Ўхшайманми керакка?! Одамликни тарк этсам, Айланаман юракка. Фироғинг қалбим тилар, Бўлмишинг жабр сенинг. Нолисам гуноҳ бўлар, Турмушим сабр менинг. Кел, яшайвер кўнглимда, Юрак — покиза жойдир. Кириб келсанг шеъримга, Сўзларим пойма-пойдир. Келгин, шеърларим ҳаққи, Сен қалбимнинг жафоси. Севмоқ — эркакнинг бахти, Лек аёлнинг хатоси. Келгин, қилмайсан афсус, Кўзларим бир саройдир. Уялишни билган кўз Ўзи ярим чиройдир.