Saut al Quran (صوت القرآن)

‏اس سے پوچھا گیا اپنی نماز کی پابندی کیسے کر لیتا ہے؟ جواب: مجھے یقین ہے کوئی بھی مجھے روزانہ پانچ مرتبہ ہر قسم کے حالات میں ملنا پسند نہیں کرے گا: خوشی، غمی، کمزوری، طاقت اور ٹوٹے ہوئے حال میں ۔۔۔ سوائے ارحَمُ الراحمین کے۔۔۔۔

‏رسول اللہﷺ نے فرمایا لوگوں سے اپنا شر روک لو (انہیں تکلیف نہ پہنچاؤ ) یہ تمہاری طرف سے خود تمہارے لیے صدقہ ہے۔ {صحیح مسلم۔۲۵۰}

سورہ البقرہ 214

ابن محیریزؒ (تابعی امام) دابق (شہر) میں ایک دکان پر ملبوسات خریدنے گئے۔ وہاں ایک آدمی دکاندار سے بولا: ارے یہ حضرت ابن محیریزؒ ہیں ان سے سودا اچھا کرنا۔ ابن محیریزؒ خفا ہو کر وہاں سے چل دیے۔ فرمایا: ہم اپنے پیسے کے عوض سودا لیتے ہیں بھائی، اپنی دینداری کے عوض نہیں! - شعب الإیمان، للبیھقی

بہن بھائیوں سے تعلق ختم کرنے والے پر ۔۔۔!

موبائل فون اور ہمارے بچے۔۔۔!

بسم الله الرحمن الرحيم تم لوگوں کو زیادہ سے زیادہ اور ایک دوسرے سے بڑھ کر دنیا حاصل کرنے کی دھن نے غفلت میں ڈال رکھا ہے (1) یہاں تک کہ (اسی فکر میں) تم لب گور تک پہنچ جاتے ہو (2) ہرگز نہیں، عنقریب تم کو معلوم ہو جائے گا (3) پھر (سن لو کہ) ہرگز نہیں، عنقریب تم کو معلوم ہو جائے گا (4) ہرگز نہیں، اگر تم یقینی علم کی حیثیت سے (اِس روش کے انجام کو) جانتے ہوتے (تو تمہارا یہ طرز عمل نہ ہوتا) (5) تم دوزخ دیکھ کر رہو گے (6) پھر (سن لو کہ) تم بالکل یقین کے ساتھ اُسے دیکھ لو گے (7) پھر ضرور اُس روز تم سے اِن نعمتوں کے بارے میں جواب طلبی کی جائے گی (8) سورہ التکاثر