قصص الأنبياء بالعامية للكبار والاطفاال ولكل الاعمار🌹

لال عشان ترضي نزوة أو هوى امرأة غيور، امشي على المنهج الصحيح بدون إفراط أو تفريط👌 وعلى فكرة يا جماعة ده إللي مضيعنا😑 إننا دايما بنضحي حتى بحقوقنا عشان نرضي ناس معينة في حياتنا وده بيخليهم يستغلونا وبنضيع نفسنا أكتر، والمشكلة إننا نرجع نشتكي من أفعالهم، واحنا أصلا إللي غلطانين عشان إديناهم المجال لكده، كل حاجة لازم تمشي بتوازن: 《إن لربك عليك حقا، وإن لنفسك عليك حقا، ولأهلك عليك حقا، فأعطِ كل ذي حق حقه》 من حق رسول الله ﷺ إنه يستمتع بما أحله الله له، ومش من حق زوجات رسول الله ﷺ إنهن يضطروه إنه يحرم نفسه من الحق ده👌 فبعد ما ربنا عاتب رسول الله ﷺ على تحريمه على نفسه ما أحل الله له وإفشاء حفصة لسره، وكمان مع موقف طلب زوجات رسول الله ﷺ زيادة النفقة ومواقف تانية، كل ده أدى إن رسول الله ﷺ يغضب ويحلف إنه يعتزلهن شهرا زي ما حكينا. وبكده انتهت قصة اعتزال رسول الله ﷺ لنسائه، لو في أي نقطة مش واضحة قولوا في التعليقات وانا هوضحها في بداية الجزء الجاي إن شاء الله😊 المرة الجاية إن شاء الله هنكمل باقي أحداث السنة التاسعة، وهنعرف إيه حكاية زواج علي بن أبي طالب من بنت أبي جهل👌 ☆ملحوظة: أي حد عايز يأخذ القصص وينشرها يتفضل أنا معنديش مانع نهائي، لكن مع ذكر المصدر أو كتابة منقول😊 #Eman_Shalapy

##قصص_الأنبياء(٢) #السيرة_النبوية #الحلقة_مائتين_وأربعة #أحداث_السنة_التاسعة_من_الهجرة #قصة_إفشاء_سر_رسول_الله هنتكلم النهاردة إن شاء الله عن السر إللي رسول الله ﷺ أسرّه لإحدى زوجاته وبعدين هي أفشت السر ده، ربنا بيقول في سورة التحريم: "وَإِذْ أَسَرَّ النَّبِيُّ إِلَى بَعْضِ أَزْوَاجِهِ حَدِيثًا فَلَمَّا نَبَّأَتْ بِهِ وَأَظْهَرَهُ اللَّهُ عَلَيْهِ عَرَّفَ بَعْضَهُ وَأَعْرَضَ عَنْ بَعْضٍ فَلَمَّا نَبَّأَهَا بِهِ قَالَتْ مَنْ أَنْبَأَكَ هَذَا قَالَ نَبَّأَنِيَ الْعَلِيمُ الْخَبِيرُ ۩ إِنْ تَتُوبَا إِلَى اللَّهِ فَقَدْ صَغَتْ قُلُوبُكُمَا وَإِنْ تَظَاهَرَا عَلَيْهِ فَإِنَّ اللَّهَ هُوَ مَوْلَاهُ وَجِبْرِيلُ وَصَالِحُ الْمُؤْمِنِينَ وَالْمَلَائِكَةُ بَعْدَ ذَلِكَ ظَهِيرٌ" العلماء اختلفوا في السرّ إللي قاله رسول الله ﷺ لإحدى زوجاته على قولين: ◇القول الأول هو قصة العسل وهي: إن رسول الله ﷺ كان بيحب العسل والحلوى وكان من عادته ﷺ إنه بعد العصر بيطوف على نسائه ويقعد مع كل واحدة شوية، فدخل عند زوجته زينب بنت جحش رضي الله عنها فتأخر عندها على غير المعتاد والموضوع اتكرر فالسيدة عائشة غارت واتضايقت فسألت عن السبب إللى بيخلى رسول الله ﷺ يتأخر عند زينب فعرفت إن عندها عسل وكانت تسقيه رسول الله ﷺ، ففكرت في حيلة عشان متخليهوش يشرب العسل تاني وبالتالي ميتأخرش عند زينب، فكلمت السيدة حفصة وقالت لها خلينا نحتال عليه حيلة، وإللي يدخل عليها الأول تسأله: أكلت مَغَافِير؟! ☆والمغافير دي عبارة عن عسل طعمه حلو لكن له رائحة كريهة، فهمّ لما يقولوا كده لرسول الله ﷺ هيفهم إن العسل إللي أكله عند زينب رائحته كريهة، ورسول الله ﷺ كان حريص إن رائحة فمه تكون رائحة طيبة، فكده هيمنع نفسه من إنه يشرب عسل تاني وبالتالي ميتأخرش عند زينب رضي الله عنها😅 فلما دخل رسول الله ﷺ على حفصة وعائشة كل واحدة في بيتها، هم الاتنين سألوه نفس السؤال، فرد عليهم رسول الله ﷺ وقال لهم: لا، ولكني شربت عسل عند زينب! فهنا رسول الله ﷺ فِهم إن العسل رائحته كريهة فحلف بالله إنه مش هيشرب منه تاني وقال لحفصة متقولش لحد على الموضوع ده، لكنها قالت لعائشة رضي الله عنها على نجاح الخطة بتاعتها بإن رسول الله ﷺ مش هيشرب عسل تاني عند زينب👌 ☆ملحوظة: في رواية تانية بتقول إن إللي كان بيشرب رسول الله ﷺ عندها العسل هي حفصة وإن إللي كانوا في الخطة مع السيدة عائشة هنّ السيدة سوْدة والسيدة صفية، لكن الرواية الأصح هي إللي احنا حكيناها؛ لأنها توافق ظاهر القرآن، ربنا بيقول: "إِنْ تَتُوبَا إِلَى اللَّهِ فَقَدْ صَغَتْ قُلُوبُكُمَا وَإِنْ تَظَاهَرَا عَلَيْهِ" فالكلام هنا بصيغة المثنى، ولو كانوا أكثر من اتنين كان ربنا خاطبهم بصيغة الجمع، وكمان في حديث عبد الله بن عباس لما سأل عمر رضي الله: مَن المرأتان من أزواج النبي ﷺاللتان قال الله تعالى: "إِنْ تَتُوبَا إِلَى اللَّهِ فَقَدْ صَغَتْ قُلُوبُكُمَا" قال عمر: هما عائشة وحفصة👌 ◇توضيح بقى يا جماعة عشان محدش يفهم غلط😅 السيدة عائشة لم تكذب ولم تحرّض غيرها على الكذب، كل إللي حصل إنها احتالت في الكلام، يعني سألت مجرد سؤال بس إذا كان رسول الله ﷺ أكل مغافير أو لأ، فالاحتيال هنا كان بالتعريض مش صريح كذب وإلا فالكلام مبقاش حيلة ده بقى كذب وده محرم، وحاشا أمهات المؤمنين إنهن يقعن في الكذب👌 والسيدة عائشة كانت صغيرة في السن وكانت بتحب رسول الله ﷺ بشدة وهي عارفة إنها أحب زوجات رسول الله ﷺ إلى قلبه فكانت بتغير غيرة شديدة جدا فكان رسول الله ﷺ بيعذرها في تصرفاتها، والسيدة عائشة والسيدة حفصة تابوا من الاحتيال ده على رسول الله ﷺ، والفعل إللي عملوه ده كان من الصغائر المعفو عنها وخصوصا إن لهن من الحسنات والفضل إللي يكفّر الخطأ ده👌 ◇القول الثاني هو قصة تحريم رسول الله ﷺ أمة على نفسه، القصة بتقول: أنَّ رسولَ اللهِ ﷺ كانت له أمةٌ يطؤُها ؛ فلم تزلْ به عائشةُ وحفصةُ حتَّى حرَّمها على نفسِه ؛ فأنزل اللهُ عزَّ وجلَّ : "يَا أَيُّهَا النَّبِيُّ لِمَ تُحَرِّمُ مَا أَحَلَّ اللهُ لَكَ" 《الحديث ده صحيح موجود في صحيح النسائي》 والحديث معناه إن رسول الله ﷺ كان عنده أمة يعاشرها معاشرة الأزواج، فعائشة وحفصة فضلوا ورا رسول الله ﷺ لحد ما رسول الله ﷺ حرّمها على نفسه عشان يرضيهم وميزعلهمش، إزاي بقى وصلوه لكده وعملوا إيه الله أعلم🤷‍♂️ مفيش حديث صحيح بيقول إيه إللي حصل بالتفصيل ولا مين هي الأمة دي، لكن يا جماعة في ثلاثة وعشرين حديث جاء فيهم إن الأمة دي هي مارية وإن إللي حصل إن في يوم من الأيام السيدة حفصة استأذنت رسول الله ﷺ إنها تروح تزور أباها عمر رضي الله عنه، فأَذِن لها رسول الله ﷺ، وبعدين رسول الله ﷺ أرسل لمارية إنها تأتي لرسول الله ﷺ في بيت حفصة، فعاشرها رسول الله ﷺ معاشرة الأزواج في بيت حفصة، فجاءت حفصة رضي الله عنها فلقت مارية في بيتها، فقالت لرسول الله ﷺ: يا رسول الله في بيتي وفي يومي

وعلى فراشي؟ فرسول الله ﷺ قالها إنها محرمة عليه وحلف إنه مش هيقرب لها وقال لها متقوليش لحد، فراحت السيدة حفصة بعدها وأخبرت عائشة إن رسول الله ﷺ حرم مارية على نفسه عشان خاطرها. الثلاثة وعشرين حديث إللي ورد فيهم التفاصيل إللي قلناها دي كلهم إما ضعيف أو ضعيف جدا أو موضوع😅 لكن العلماء قالوا إن بمجموع الأحاديث دي كلها ده معناه إن القصة لها أصل، وكمان الأحداث بصفة عامة بتشير إن الأَمة إللي حرمها رسول الله ﷺ على نفسه هي مارية لأنها كانت جميلة وكان زوجات رسول الله ﷺ بيغاروا منها وخصوصا إنها أنجبت ولد لرسول الله ﷺ. فاحنا إللي يهمنا هنا إن رسول الله ﷺ حرّم على نفسه شيء عشان يرضي زوجاته، وطبعا بسبب إن رسول الله ﷺ حرم على نفسه حاجة حلال سواء كان العسل أو مارية؛ ربنا أنزل القرآن يعاتبه فيه، قال: يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ ۖ تَبْتَغِي مَرْضَاتَ أَزْوَاجِكَ وَاللَّهُ غَفُورٌ رَّحِيمٌ" والآية الواحدة ممكن يكون لها أكثر من سبب نزول، يعني قصة تحريم رسول الله ﷺ العسل على نفسه حصلت في مرة، ومرة تانية حصلت قصة تحريم مارية على نفسه ﷺ، فالموقفين دول كانوا سبب في نزول آية التحريم، زي مثلا كده لو حصلت حادثة على طريق أدت لقتل خمس أشخاص، وحصلت حادثة تانية أدت لقتل بعض البهائم، وحادثة ثالثة أدت لحصول انفجار، فإدارة المرور أصدرت قرار إن السرعة على الطريق إللي حصلت عليه الحوادث لا تزيد عن مائة كيلو متر مثلا، فواحد هيقول القرار ده نزل بسبب مقتل الخمس الأشخاص، والتاني يقول لأ ده كان بسبب مقتل البهائم، وثالث يقول ده كان بسبب الانفجار، وكلهم كلامهم صحيح، فنقدر نقول إن القانون اتعمل عشان الثلاثة حوادث دول، ولله المثل الأعلى بقى، ربنا أنزل آية التحريم بسبب الموقفين إللي حكيناهم دول. فربنا بيقول لرسول الله ﷺ في الآية ليه تحرم على نفسك حاجة ربنا أَحلّها لك عشان ترضي أزواجك؟! وربنا حذر زوجات رسول الله ﷺ لما اجتمعن عليه في الغيرة، يعني كل واحدة غيرانة من التانية وبالتالي هتسبب لرسول الله ﷺ مشاكل أو أذى، سواء بقى إنه يحرّم على نفسه ما أحل الله له، أو يقعد يفض بين المنازعات بينهن أو...أو...، قال الله عز وجل: " عَسَى رَبُّهُ إِنْ طَلَّقَكُنَّ أَنْ يُبْدِلَهُ أَزْوَاجًا خَيْرًا مِنْكُنَّ مُسْلِمَاتٍ مُؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَارًا " والسبب إن ربنا شدد على زوجات رسول الله ﷺ وحذرهم كده وأنزل قرآن يعاتب رسول الله ﷺ إنه حرم على نفسه شيء حلال هو إن بيت رسول الله ﷺ هو المثال والقدوة للمسلمين والمفروض إنهم يقلدوا البيت النبوي ده، عشان كده ربنا أراد أن يُنَزّه بيت النبوة من ألاعيب النساء وحيلهنّ لكسب قلب الزوج وتحوّله عن ضرائرهن بسبب الغيرة النسائية. يعني تخيلوا كده مثلا لو الصورة إللي ترسّخت في أذهان المسلمين إن بيت رسول الله ﷺ عبارة عن ميدان للمؤامرات والحيل، وإن تصرفات رسول الله ﷺ تتأثر بالسلب أو الإيجاب بسبب الأحداث دي، وإن أقواله أو أفعاله ممكن تتبنى على أمور متوهمة؛ النتيجة طبعا هتكون زعزعة الثقة بشخص رسول الله ﷺ وخاصة بما يتعلق بالجانب العائلي من حياته👌 هقول لكم مثال عشان تفهموا المعنى بصورة أوضح😅 لو واحد متزوج واحدة وبين زوجته وبين أمه غيرة وكل شوية مشاكل بينهم، فهو عشان يحل مشكلة معينة بينهم أخد قرار إنه مش هيعمل الحاجة الفلانية، فتقوم أمه تقول أه، مانت بتعمل كذا عشان ترضي مراتك😒 وتيجي زوجته تقول انت بتعمل كده عشان والدتك وأنا مليش أي اعتبار😑 مع إن هو ممكن يكون هو المتضرر أصلا من القرار إللي أخده ده🤦‍♂️ فتخيلوا بقى كل مرة هتحصل مشكلة لا أمه هتثق في قرار ولا زوجته هتثق في قراره؛ لأن كل واحدة هتفكر إنه عمل كده عشان يرضي التانية، وهو ده موقف رسول الله ﷺ هنا، طبعا مع الفارق بين وضع الزوجة والأم وحقوق كل واحدة😅 فلما نلاقي رسول الله ﷺ كل شوية ياخد قرارات عشان محدش من زوجاته يزعل هيبقى كده بياخد القرار حسب هوى زوجاته مش لأن ده هو القرار الصحيح، وكده الناس هتفقد الثقة في آراء وقرارات رسول الله ﷺ، وفقد الثقة ده هيبق طبيعي على فكرة، يعني أنا لما ألاقي كل شوية واحد بياخد قرارات على حسب هواه أو على هوى حد تاني أكيد عمري ما هثق في رأيه حتى لو رأيه في موضوع معين هو الصح، بس خلاص مبقاش في ثقة🤷‍♂️ ولأن رسول الله ﷺ قدوة لينا في كل تعاملاته فمينفعش نفقد الثقة فيه، عشان كده ربنا صحح المسار وقال إن الصح كذا ودي حريتك الشخصية تاكل إللي تاكله ما دام مش حرام، هم إللي محتاجين يضبطُوا غيرتهم👌 وده يعلمنا إننا منحاولش أبدا نرضي البشر لأننا مستحيييل هنقدر نرضيهم لأنهم متقلبين أصلا ومحدش بيثبت على حال، لكن نمشي على القواعد إللي ربنا وضعهالنا وتكون غايتنا هي رضا ربنا وبس👌 فكان من كرم أخلاق رسول الله ﷺ إنه ضحّى بحاجة بيحبها عشان ميزعلش زوجاته، لكن ربنا بيقول إن ده مش صح، متحرّمش على نفسك حاجة ح

بعد النهاردة مش هنطلب من رسول الله ﷺ حاجة مش عنده تاني👌 فكانت الحادثة دي سبب نزول آية التخيير إللي قلناها. بالنسبة بقى لقصة إفشاء السر، فدي هنعرفها الجزء جاي إن شاء الله 😊 ☆ملحوظة: أي حد عايز يأخذ القصص وينشرها يتفضل أنا معنديش مانع نهائي، لكن مع ذكر المصدر أو كتابة منقول😊 #Eman_Shalapy

⭐المصادر⭐ https://dorar.net/hadith/sharh/73151 https://www.dorar.net/hadith/sharh/20645 https://www.dorar.net/hadith/sharh/1703 https://www.alukah.net/spotlight/0/112495/ https://www.google.com/amp/s/islamqa.info/amp/ar/answers/259654 Watch "بيت النبوة - زوجات النبي عليه السلام يشتكين النفقه - للشيخ الطريري HD الإسلام القادم ." on YouTube https://youtu.be/CFUV82nB9Es

تقوليهوش لحد، يعني حصل حاجة بين رسول الله ﷺ وبين السيدة حفصة فقالها متقوليش لحد فراحت قالت للسيدة عائشة، وهنعرف بالتفصيل إن شاء الله إيه هو السر ده، والحادثة دي كانت سبب رئيسي لاعتزال رسول الله ﷺ لنسائه. ◇السبب الثاني: إن زوجات رسول الله ﷺ أكثروا عليه في طلب النفقة. والحادثة دي كانت سبب في نزول آية التخيير إللي قلنا عليها. ☆احنا هنبتدي بشرح السبب التاني لأن قصة إفشاء سر رسول الله ﷺ طويلة ومش هينفع أحكيها النهاردة فهنخليها المرة الجاية إن شاء الله😁 احنا قلنا قبل كده إن زوجات رسول الله ﷺ كانوا بيجتموا كل يوم في بيت الزوجة إللي رسول الله ﷺ هيبات عندها ويقعدوا كلهم مع بعض ومعاهم رسول الله ﷺ، وفي الليل كل واحدة ترجع لبيتها وبيوتهم كانوا جنب بعض، في يوم كانوا كلهم متجمعين في بيت السيدة عائشة وكان ده يومها، جاء أصحاب رسول الله ﷺ يستأذنوا للدخول على رسول الله ﷺ فلم يُؤذن لهم، يعني كل واحد ييجي يستأذن لا يُؤذن له بالدخول وبقى في تجمُّع عند باب رسول الله ﷺ، فجاء أبو بكر الصديق رضي الله عنه فاستأذن في الدخول فلم يُؤذن له هو كمان😕 فقعد مع الناس إللي اتجمعت عند باب رسول الله ﷺ، وبعدها جاء عمر بن الخطاب رضي الله عنه فاستأذن بالدخول فلم يُؤذن له وقعد مع أبو بكر وباقي الصحابة، والسبب في عدم السماح بالدخول لكل إللي جاء واستأذن هو إن رسول الله ﷺ كان مشغول بالكلام مع زوجاته، ◇عايزاكم بس يا جماعة تتخيلوا كده إن أمهات المؤمنين رضي الله عنهن مكنوش ملائكة كانوا بشر وفيهم من الصفات البشرية إللي موجودة في النساء عادي جدا😅 يعني تخيلوا واحد متزوج من أربع نساء وقاعد بيتكلم مع الأربعة، تخيلوا الدماء إللي ممكن تسيل من مجرد النقاش بس😅 فرسول الله ﷺ كان قاعد مع زوجاته إللي الواحدة فيها كانت ممكن تهجر رسول الله ﷺ ومتكلموش وتزعل منه، فكان بيت رسول الله ﷺ زي أي بيت فيه مشاكل وشد وجذب👌 فهمّ في الوقت ده كانوا عمالين بيكلموا رسول الله ﷺ وفي بينهم حوارات ساخنة وشد وجذب، فدماغه هتبقى فاضية إزاي إنه يقابل حد من الصحابة😅 بعد شوية، نقدر نقول لما الحوار وصل لنقطة معينة وسكتوا، أَذِن رسول الله ﷺ لأبي بكر وعمر فقط إنهم يدخلوا على رسول الله ﷺ؛ لأن بناتهم حفصة وعائشة رضي الله عنهما كانوا موجودين في المجلس، فلما دخلوا لقوا إن زوجات رسول الله ﷺ متجمعين حوله وهم في حالة من السكوت الغير طبيعي، شوفوا كده لما ندخل على اتنين كانوا لسه متخانقين أو شادين مع بعض في الكلام وبيبقى في سكوت كده مش طبيعي ونحس إن في حاجة مش مضبوطة، أهه نفس الإحساس ده كان عند أبو بكر وعمر، لقوا إن الوضع مش مريح وفي حاجة مش طبيعية، هم ميعرفوش المشكلة فين ولا إيه إللي حصل، وطبعا رسول الله ﷺ كان واضح عليه إنه متضايق وساكت سكوت مش طبيعي، محدش قدر يسأل رسول الله ﷺ إيه إللي مضايقه أو فين المشكلة، كل إللي كان شاغل عمر ساعتها إزاي يطلع رسول الله ﷺ من الحالة إللي هو فيها دي ويخليه يضحك، فقال عمر لرسول الله ﷺ: يا رسول الله، لو رأيْتَ بنتَ زَيدٍ- زوجة عمر-سألَتْني النَّفقةَ آنِفًا، فوجَأْتُ عُنُقَها😤 يعني يا رسول الله لو شوفتني لما زوجتي طلبت من النفقة وأنا معنديش حاجة أديهالها قمت أطعن في رقبتها بإيدي وأقولها انا معنديش حاجة...أنا معنديش حاجة، فرسول الله ﷺ لما سمع كلام عمر ضحك لدرجة إن أضراسه ظهرت ﷺ، وهو ده إللي كان عمر عايزه، إنه يلطف الجو عن طريق إنه يضحه، وسبحان الله الموقف إللي حكاه عمر مع زوجته جه في صميم الموضوع إللي زوجات رسول الله ﷺ بيكلموه عنه👌 قال رسول الله ﷺ لعمر: "هُنَّ حَوْلي كما تَرى يَسألْنَني النَّفقةَ" يعني زي مانت شايف هم متجمعين حولي بيطلبوا مني زيادة في النفقة، والسبب في كده إن زوجات رسول الله ﷺ لما شافوا إزاي المسلمين انتصروا على أعادءهم، دولة الإسلام بقت لها مكانة وشافوا الغنائم إللي بتتوزع على المسلمين وظهر أثر النعم دي على نساء المسلمين من المهاجرين والأنصار، زي مثلا لما واحدة زوجها يبقى معاه فلوس ويروح يوزّع على الناس كلها وهي ميديهاش أي حاجة زيادة، أكيد هتطلب منه هي كمان ده إذا معملتهاش خناقة😅 فكان طبيعي إن نفوسهن تميل إلى الرزق الحلال من الدنيا فطلبوا من رسول الله ﷺ إنه يوسّع عليهن في النفقة، ودي طبيعة المرأة، بتميل أكثر من الرجل لحياة الرفاهية والراحة، لكن زوجات رسول الله ﷺ مينفعش يكونوا زي باقي النساء، ربنا أراد إنه يقوّم الطبيعة دي عندهم ويخليهم مَثَل وقدوة للنساء في الزهد وتحمل أعباء الدعوة على مدى الزمن👌 فعمر وأبو بكر لما سمعوا رسول الله ﷺ بيقول كده؛ كل واحد فيهم توجه لبنته عايز يضربها وكل واحد فيهم بيقول لبنته: تَسألانِ رسولَ اللهِ ﷺ ما ليس عنده😠 يعني بتطلبوا من رسول الله ﷺ حاجة مش عنده ومش هيقدر يعملهاكم، فنهى رسول الله ﷺ أبا بكر وعمر عن ضرب عائشة وحفصة رضي الله عنهما، فزوجات رسول الله ﷺ قالوا: "واللهِ لا نَسألُ رسولَ اللهِ ﷺ بعدَ هذا المَجلِسِ ما ليس عنده" يعني

عشان مؤمن ربنا يفتح عليه من ألوان النعيم في الدنيا وميتعرضش لأي بلاء، ولا هو شرط إن لو واحد كافر لازم يعيش في فقر وميشفش أي نعيم ويفضل طول عمره في ابتلاءات، مهما كان الكافر والظالم عايش في قمة النعيم في الدنيا فده نعيم هينتهي في يوم من الأيام والعبرة بالآخرة إللي نعيمها لا ينتهي أبدا، ومش بس كده، ده حتى الناس إللي احنا شايفينهم عايشين مبسوطين ومُنعمين وهمّ من أهل النار الواحد فيهم لما يتغمس غمسة واحدة بس في النار هينسى كل نعيم شافه في حياته، رسول الله ﷺ بيقول: يُؤْتَى بأَنْعَمِ أهْلِ الدُّنْيا مِن أهْلِ النَّارِ يَومَ القِيامَةِ، فيُصْبَغُ في النَّارِ صَبْغَةً، ثُمَّ يُقالُ: يا ابْنَ آدَمَ هلْ رَأَيْتَ خَيْرًا قَطُّ؟ هلْ مَرَّ بكَ نَعِيمٌ قَطُّ؟ فيَقولُ: لا، واللَّهِ يا رَبِّ!! هيحلف بالله إنه عمره ما شاف نعيم أبدا مع إنه كان أنعم أهل الدنيا، في حين بقى إللي احنا شايفينه عايش في كرب وبؤس وهو من أهل الجنة ويتغمس فيها غمسة واحدة بس هينسى بعدها كل بؤس وألم وظلم وقهر اتعرض له👌 رسول الله ﷺ بيقول: ويُؤْتَى بأَشَدِّ النَّاسِ بُؤْسًا في الدُّنْيا، مِن أهْلِ الجَنَّةِ، فيُصْبَغُ صَبْغَةً في الجَنَّةِ، فيُقالُ له: يا ابْنَ آدَمَ هلْ رَأَيْتَ بُؤْسًا قَطُّ؟ هلْ مَرَّ بكَ شِدَّةٌ قَطُّ؟ فيَقولُ: لا، واللَّهِ يا رَبِّ ما مَرَّ بي بُؤْسٌ قَطُّ، ولا رَأَيْتُ شِدَّةً قَطُّ!! دي بس غمسة واحدة ومع ذلك خلت كل واحد فيهم ينسى هو كان عايش في إيه، فما بالكم باللي هيعيش فيهم بقى حياته هتبقى عاملة إزاي👌 فمحدش يزعل لما يشوف ظالم أو كافر عايش في قصور ونعيم ورخاء والمؤمن عايش في بؤس وفقر وابتلاءات، العبرة بالآخرة، عمر ما كانت الدنيا مقياس لمحبة ربنا للعبد أبدا، لو الدنيا تساوي عند ربنا جناح بعوضة ما سقى فيها كافر شربة ماء زي ما رسول الله ﷺ قال: " لو كانتِ الدُّنيا تعدلُ عندَ اللهِ جناحَ بعوضةٍ ما سقى كافرًا منها شربةَ ماءٍ" يعني هي أحقر عند ربنا من جناح البعوضة بكتير جدا، والدليل على كده إن ربنا مش بس سامح لهم إنهم يشربوا شربة مية دول كمان عندهم الأموال وعايشين براحتهم وعايشين في نعيم👌 فاحنا ننفذ وصية رسول الله ﷺ بإننا نصبر، قال رسول الله ﷺ: "اصْبِرُوا حتَّى تَلْقَوْنِي علَى الحَوْضِ" نصبر شوية على الفقر....نصبر شوية على الأذى...نصبر شوية على فقد الأحبة وكل الابتلاءات إللي بنتعرض لها، وهي ساعات هنقضيها في الدنيا وبعدها ربنا يرزقنا الجنة برحمته وفضله إن شاء الله😊 رسول الله ﷺ قعد شهر معتزل لنسائه، فلما عدى تسعة وعشرين يوم دخل رسول الله ﷺ على السيدة عائشة وكانت هي أول واحدة من زوجاته بدأ بها رسول الله ﷺ بعد ما انتهى الشهر، فقالت له: "إنَّكَ أقْسَمْتَ أنْ لا تَدْخُلَ عَلَيْنَا شَهْرًا، وإنَّا أصْبَحْنَا لِتِسْعٍ وعِشْرِينَ لَيْلَةً أعُدُّهَا عَدًّا" فقال لها رسول الله ﷺ: "الشَّهْرُ تِسْعٌ وعِشْرُونَ" وكان ساعتها الشهر ده تسعة وعشرين يوم مش ثلاثين، وهم كانوا معتمدين الشهور العربية مش الشهور الميلادية. بعد ما انتهى اعتزال رسول الله ﷺ لنسائه حصل الحدث الثاني إللي قلنا عليه وهو: ◇ تخيِير زوجات رسول الله ﷺ بين البقاء معه أو إنه يطلقهن. نزلت الآية بتقول: "يَا أَيُّهَا النَّبِيُّ قُلْ لأَزْوَاجِكَ إِنْ كُنْتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلا ۩ وَإِنْ كُنْتُنَّ تُرِدْنَ اللَّهَ وَرَسُولَهُ وَالدَّارَ الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنْكُنَّ أَجْرًا عَظِيمًا" يعني ربنا بيأمر رسول الله ﷺ إنه يخيّر زوجاته ويقول لهم: لو انتم عايزين الحياة الدنيا وزينتها فخلاص أنا هطلقكم وهعطكيم نفقة المطلقة، وتقدروا بعد العِدة تتزوجوا باللي انتم عايزينه من إللي عنده أموال ويقدر يلبي لكم طلباتكم، لكن لو انتم عندكم استعداد تصبروا معايا على شدة الدنيا وعلى الفقر واخترتم إنكم تفضلوا معايا فربنا هيكافئكم بجزيل الثواب والأجر يوم القيامة👌 أول واحدة عرض عليها رسول الله ﷺ التخيير هي السيدة عائشة رضي الله عنها، قال لها: "إنِّي ذَاكِرٌ لَكِ أمْرًا، ولَا عَلَيْكِ أنْ لا تَعْجَلِي حتَّى تَسْتَأْمِرِي أبَوَيْكِ" يعني أنا هعرض عليكِ حاجة ومش عايزك تستعجلي في الرد لحد ما تستشيري أمك وأبوكِ، وقال لها الآية، فقال السيدة عائشة رضي الله عنها: أفِي هذا أسْتَأْمِرُ أبَوَيَّ؟! فإنِّي أُرِيدُ اللَّهَ ورَسوله والدَّارَ الآخِرَة. يعني هي دي حاجة محتاجة أستشير فيها أبويا وأمي؟! طبعا أختار ربنا ورسوله والدار الآخرة، وخيّر رسول الله ﷺ باقي زوجاته وكلهم قالوا زي ما قالت السيدة عائشة، اختاروا الله ورسوله والدار الآخرة. السؤال بقى: ☆إيه السبب في كل الأحداث إللي حصلت دي😳 شوفوا، العلماء ذكروا أسباب كتير، لكن احنا هنتكلم عن أهم الأسباب دي بالتفصيل، ◇السبب الأول: إفشاء حفصة لعائشة سر رسول الله ﷺ كان قالها م

#قصص_الأنبياء(٢) #السيرة_النبوية #الحلقة_مائتين_وثلاثة #أحداث_السنة_التاسعة_من_الهجرة #تخيِير_زوجات_رسول_الله وقفنا المرة إللي فاتت عند عمر رضي الله عنه لما دخل على رسول الله ﷺ في المَشْرُبَةِ، إللي هي الغرفة إللي بيطلعوا لها بسلالم دي وإللي كان رسول الله ﷺ معتزل فيها، لما دخل عمر رضي الله عنه لقى رسول الله ﷺ مُضْطَجِعٌ علَى رِمَالِ حَصِيرٍ ليسَ بيْنَهُ وبيْنَهُ فِرَاشٌ، قدْ أثَّرَ الرِّمَالُ بجَنْبِهِ مُتَّكِئٌ علَى وِسَادَةٍ مِن أدَمٍ حَشْوُهَا لِيفٌ، يعني عمر شاف رسول الله ﷺ نايم على جنبه على حصيرة مفيش بينه وبين الحصيرة أي فراش، وعلامات الحصيرة مأثرة في جنبه وساند إيده على مخدة من جلد حشوها من الداخل ليف، فسلم عمر على رسول الله ﷺ وقال له وهو لسه واقف: طَلَّقْتَ نِسَاءَكَ؟! يعني انت طلقت زوجاتك زي ما هو الناس بتقول، فرفع رسول الله ﷺ بصره لعمر وقال له: لَا! فهنا عمر قال وكأن كان في حِمل وانزاح من على قلبه: اللَّهُ أكْبَرُ. كبّر من الفرح إن رسول الله ﷺ لم يطلق نسائه، بس لسه حاسس إن الجو فيه توتر ورسول الله ﷺ لسه غضبان وواضح عليه علامات الزعل😅 فبدأ عمر يلطّف الأمور مع رسول الله ﷺ، زي كده لما يبقى في حد عزيز علينا وشايفينه متضايق فبنحاول نضحكه ونقول أي حاجة تخفف عنه همه وضيقه، فده إللي عمر رضي الله عنه عمله، بدأ يحكي له الموقف إللي حصل بينه وبين زوجته قبل كده واحنا حكيناه المرة إللي فاتت، قال لرسول الله ﷺ: لو شفت يا رسول الله إللي حصل معايا، احنا معشر قريش بنغلب النساء وبنمشي كلامنا عليهم، فلما جينا هنا المدينة لقينا النساء هم إللي بيمشوا كلامهم، ونساءنا اتعلموا من نساؤهم لدرجة إن زوجتي نفسها لقيتها بتراجعني وبتدخل في شؤوني😳 يعني عمر عايز يقول لرسول الله ﷺ: انت يا رسول الله أخذت بسيرة الأنصار وسمحت للنساء بالكلام وادتهم مساحة في الحرية فهجرنك ونشزن عليك، لكن لو كنت مشيت معاهم بطريقة القرشيين مكنش الحال وصل للي احنا فيه دلوقتي، فلما رسول الله ﷺ سمع كلام عمر تبسم ﷺ😊 فعمر كمّل كلامه عشان يلطف الجو أكثر فحكى له إنه بعد الموقف إللي حصل بينه وبين زوجته راح بعدها لحفصة وقالها ميغركيش إن رسول الله ﷺ بيدلل عائشة فتفكري نفسك زيها، مكانتك عند رسول الله ﷺ غير مكانة عائشة عنده، هو ممكن يتقبل منها إللي ميتقبلوش منك، فمتعمليش زيها، فتبسم رسول الله ﷺ مرة تانية، وهنا عمر رضي الله عنه قعد بعد ما كان واقف طول الحوار ده كله، هو خلاص حقق إللي كان عايزه بإنه يضحّك رسول الله ﷺ ويخرجه من إحساس الضيق إللي كان فيه، لما عمر قعد بدأ ينظر للغرفة إللي رسول الله ﷺ قاعد فيها، الغرفة دي هي غرفة رئيس الدولة والقائد الأعلى للجيوش الإسلامية، فلقى إن الغرفة مفيهاش غير: ثلاث قطع من الجلد غير مدبوغة، وفِراش من حصير، وقبضة من شعير، فهنا عمر تأثر إن رسول الله ﷺ على مكانته وعظمته مفيش في بيته غير الحاجات البسيطة دي وشاف الحصير أثّر في جنب رسول الله ﷺ فبكى عمر رضي الله عنه، فسأله رسول الله ﷺ: "مَا يُبْكِيكَ يَا ابْنَ الْخَطَّابِ" فقال له عمر: "يَا نَبِيَّ الله وَمَا لِي لَا أَبْكِي وَهَذَا الْحَصِيرُ قَدْ أَثَّرَ فِي جَنْبِكَ وَهَذِهِ خِزَانَتُكَ لَا أَرَىٰ فِيهَا إِلَّا مَا أَرَىٰ وَذَاكَ قَيْصَرُ وَكِسْرَىٰ فِي الثِّمَارِ وَالْأَنْهَارِ وَأَنْتَ رَسُولُ الله وَصَفْوَتُهُ وَهَذِهِ خِزَانَتُكَ" وفي رواية تانية قال له: "ادْعُ اللَّهَ فَلْيُوَسِّعْ علَى أُمَّتِكَ، فإنَّ فَارِسَ والرُّومَ وُسِّعَ عليهم، وأُعْطُوا الدُّنْيَا وهُمْ لا يَعْبُدُونَ اللَّهَ" يعني عمر بيقول إزاي يعني يا رسول الله لا أبكي وانت الحصير مأثر في جنبك ومعندكش خزين غير قبضة من شعير وقيصر وكسرى بيتنعموا في القصور والثمار والأنهار، وانت رسول الله وصفوته من خلقه عايش في فقر، فادعو الله يا رسول الله إنه يوسع على أمتك فهو وسّع على فارس والروم وعايشين متنعمين على الرغم من إنهم لا يعبدون الله. فهنا رسول الله ﷺ جلس بعد ما كان متكئ على جنبه وقال لعمر عشان يعلمه ويعلمنا قاعدة مهمة جدا👌 قال رسول الله ﷺ: "أَوَفِي شَكٍّ أنْتَ يا ابْنَ الخَطَّابِ؟!! يعني هل انت عندك شك في أن التوسّع في الآخرة خير من التوسع في الدنيا؟! "أُولَئِكَ قَوْمٌ عُجِّلَتْ لهمْ طَيِّبَاتُهُمْ في الحَيَاةِ الدُّنْيَا" يعني الناس دي ربنا عجّل لهم المتع بتاعتهم في الدنيا وملهمش حاجة في الآخرة، "يَا ابْنَ الْخَطَّابِ أَلَا تَرْضَىٰ أَنْ تَكُونَ لَنَا الْآخِرَةُ وَلَهُمْ الدُّنْيَا" يعني رسول الله ﷺ بيقوله انت متحبش إن يبقى همّ لهم الدنيا إللي مهما طال نعيمها فهي زائلة واحنا لنا الآخرة إللي فيها النعيم الأبدي👌 فعمر قال لرسول الله ﷺ: يا رَسولَ اللَّهِ، اسْتَغْفِرْ لِي! يعني بيطلب من رسول الله ﷺ إنه يدعي له ربنا إنه يغفر له جرأته على إنه يقول الكلام ده لرسول الله ﷺ. ☆القاعدة أو الدرس إللي احنا محتاجين نتعلمه هنا إن مش شرط أبدا إن الإنسان