البلافكس أصلي ومش شغال !!
رغم ان الشرح دا من شرحنا فى جزء Cardio من دبلومة فارماكاديمي
ولكن احنا مش بخلاء عليكم فى المعلومات الحلوة دى بس عايزين دعوة حلوة مش أكثر ..
يلا بينا .. عائلة
ADP Receptor Antagonists
او
P2Y12 Receptor Antagonists
هي عائلة من الأدوية
تستخدم كمضادات للصفائح
Antiplatelets
لانها بتقفل مستقبل
ADP Receptor
او
P2Y12 receptor
هى ليها اسمين كدا
المستقبل دا موجود فين بقى وايه وظيفتة
المستقبل دا موجود على الصفائح الدموية
ولما يشتغل ينشطها ويغير من شكلها
Conformational Changes
بعد التنشيط وتغيير شكلها يظهر مستقبل
Glycoprotein IIb/IIIa
اللى هو مربط الفرس !!
بمعنى بيربط الصفائح ببعضها البعض
وكمان بيربط الصفائح بالSubendothelium
الخلايا اللى تحت بطانة الاوعية الدموية في حالة ظهورها
لو مش فهمت انظر الصورة فى التعليقات
جزيئات
Adenosine Diphosphate (ADP)
بيتم فرزها من الصفائح نفسها وهي المسؤول عن تفعيلها..
بكل بساطة "انا اللى مني مفعلني"
العائلة الدوائية اللى بتقفل مستقبل ADP
كان بيفكروا فى البداية انها تستخدم كمسكن ومضاد للإلتهابات
ولكن في بداية السبعينيات اكتشفوا شغلها كمضاد للصفائح
وبدأ استخدامها كمضادة للصفائح
Antiplatelets
وتعالوا بينا نشوف افراد العائلة دى وتاريخ الموافقة على استخدامها
Ticlopidine (1978)
Clopidogrel (1997)
Prasugrel (2009)
Ticagrelor (2010)
Cangrelor (2015)
اما عن الإختلاف بينهم بينقسموا الى عائلة قديمة وهى
Ticlopidine (1978)
Clopidogrel (1997)
Prasugrel (2009)
ودول Irreversible ليهم Long duration
كمان دول Pro-Drug يعنى محتاجين خطوة Activation
عشان كدا شغلهم بيتأخر
اما New Generation
Ticagrelor (2010)
Cangrelor (2015)
دول Reversible عشان كدا Short Duration
وعشان هما Active بيشتغلوا بسرعة اول ما يستخدموا
اما عن دواء Cangrelor دا الوحيد اللى فيهم IV , وبيستخدم قبل واثناء قسطرة القلب PCI
نحاول نركز بقا كلامنا بعيد عن الكلام عن كل دواء
او بعيد عن دواء Ticagrelor اللى هو بريليك
اللى اكتشفوا انه له فعالية كمضاد حيوي مضاد للبكتريا المقاومة Gm+ve حاجة كدا زى Linezolid
نتكلم فقط عن بلافكس
الدواء اللى حقق ثاني اكثر دواء مبيعا فى العالم عام 2010
بمبيعات تجاوزت ال 9 مليار دولار
انها مادة Clopidogrel
الدواء اتفقنا هو Prodrug
وعشان يحصل له Activation بيحتاج انزيم اسمة CYP2C19
الانزيم دا للأسف له حاجة اسمها genetic polymorphism
يعنى ممكن يكون عندي بشكل غير كافي
وعندك بشكل كافي
وهنا الدواء بيحصل له Activation بشكل كافي عندك وعندي لا
كمان الأنزيم دا CYP2C19 مسؤول عن Metabolism لأدوية PPIs
خاصة Omeprazole وهنا تركيزة الانزيم يقل في وجود Omeprazole
هنا بقى نقف وقفة ونقول مقاومة البلافكس
Clopidogrel Resistance
المقاومة دى موجودة وسببها الرئيسي حاجتين
1) CYP2C19 Polymorphism (30-55% patients).
2) Drug Interaction with CYP2C19 (Omeprazole).
وعشان كثير من مرضي القفلب اللى بيعملوا قسطرة او يركبوا دعامة بيمشوا سنة على Aspirin مع P2Y12 inhibitor زى Clopidogrel مع Statin
هنا معظم المرضي بيعاني من مشاكل في المعدة ويتطلب الأمر وصف ادوية PPI
خلينا متفقين ان منذ عام 2009 وحتي الان في تحذير من FDA
عن التفاعل بين Clopidogrel و Omeprazole وان الجمع بينهم خطير
ولكن لو درسنا Kinetics ال Omeprazole كويس
هنلاقي ان بيحصل له metabolism بشكل سريع
و Half life بتاعتة اقل من ساعة ونصف
وان كمية الإنزيم CYP2C19 اللى بتقل بيتم تعويضها خلال ساعات
وممكن ال Dose spacing يكون حل !!!
ولكن احنا أصلا ليه نستخدم Omeprazole
الدواء الأكثر تعرضا لل CYP2C19 وتفاعلا وجدالا
عايز اوضحلكم ان ترتيب ادوية PPIs الأقل تفاعلا مع Clopidogrel كالأتي
Pantoprazole
Rabeprazole
Lansoprazole
Esomeprazole
Omeprazole
وهنا ممكن نستخدم Pantoprazole
مع عمل Dose Spacing
بمعنى دا الصبح والثاني بالليل
ولكن هنا بنحل مشكلة واحدة فقط
وهي Drug Interaction وليس مشكلة CYP2C19 Polymorphism
ومشكلة ال Polymorphism كبيرة وملهاش حل ومش شرط يكون الإنزيم مش موجود ممكن يبقى موجود ومش شغال بشكل فعال او موجود وتركيزة ضعيف يعنى بنلاقى اكثر من شكل من اشكال ال Polymorphism فى امريكا حوالى 30% من السكان عندهم المشكلة دى وفى بلاد اسيا المشكلة اكبر وفى التعليقات ضيفت لحضراتكم مؤشرات وجودها حسب البلدان
عشان كدا البلافكس ممكن يكون أصلي ولكن مش شغال
اما عن التحديث عن أخر إصدارات العائلة الكريمة فهناك دواء
Vicagrel
لسا شغالين عليه ..
#تحياتنا لحضراتكم
صوما مقبولا وإفطاراً شهياً 🥰