Hule Addis Media ( ሁሌ አዲስ ሚዲያ)

በአፍሪካ ወደ ኤሌክትሪክ ተሽከርካሪዎች ለሚደረገው ፈጣን ሽግግር ኢትዮጵያ ማሳያ ናት ተባለ ** ኢትዮጵያ በነዳጅ ከሚሰሩ ተሽከርካሪዎች ይልቅ በኤሌክትሪክ ኃይል የሚሰሩ ተሽከርካሪዎችን የመጠቀም ልምድ እንዲያድግ የወሰደችው እርምጃ በአፍሪካ ጥሩ ምሳሌ መሆኑን ግሪን ቴክኒካ የተሰኘ የዜና አውታር አስታውቋል፡፡ በዓለም አቀፍ ደረጃ በሚሰሩ የአረንጓዴ ልማት ሥራዎች ላይ ትኩረት በማድረግ ዘገባዎችን የሚሰራው ግሪን ቴክኒካ፤ ኢትዮጵያ በሚቀጥሉት 10 ዓመታት ውስጥ በኤሌክትሪክ የሚሰሩ ተሸከርካሪዎችን ቁጥር 148 ሺህ ለማድረስ ማቀዷን ዘግቧል። አገሪቱ ባለፉት 2 ዓመታት ብቻ በሀገሪቱ ያሉ በኤሌክትሪክ የሚሰሩ ተሸከርካሪዎች 100 ሺህ እንዲደርሱ ማድረጓ ለአረንጓዴ ልማት ምን ያህል ቁርጠኛ መሆኗን ያሳያል። በኢትዮጵያ ጎዳናዎች ከሚነዱ የኤሌክትሪክ ተሽከርካሪዎች መካከል 10 በመቶ ያህሉ በሀገር ውስጥ የተገጣጠሙ መሆናቸው "አስደሳች ዜና ነው" ሲል ገልጾታል ተቋሙ፡፡ ኢትዮጵያ በሀገር ውስጥ በኤሌክትሪክ የሚሰሩ ተሽከርካሪዎችን ለሚያመርቱ ኩባንያዎች ልዩ ድጋፍ እንደምታደረግ ይፋ ማድረጓን ተከትሎ በዘርፉ ላይ የተሰማሩ ኩባንያዎች ቁጥር እያደገ መምጣቱን በዘገባው ተመላክቷል።

በደቡብ ኢትዮጵያ ክልል ደቡብ ኦሞ ዞን ትናንት እኩለ ላሊት ላይ በሬክተር ስኬል 4 ነጥብ 9 የተለካ ርዕደ መሬት ተከስቷል። የርዕደ መሬቱ ማዕከል በና ጸማይ ወረዳ ከከርሰ ምድር 10 ኪሎ ሜትር ጥልቀት ላይ ሲኾን፣ ክስተቱ ግን ባጠቃላይ በዞኑ አራት ወረዳዎችና ጂንካን ጨምሮ በኹለት ከተምች እንደተከሰተ የአካባቢው አስተዳዳሪዎች ለአገር ውስጥ ዜና ምንጮች ተናግረዋል። ባለፈው ሳምንት ማክሰኞ በደቡብ ምዕራብ ኢትዮጵያ ክልል ዳውሮ ዞን፣ በሬክተር ስኬል 3 ነጥብ ዜሮ  የተለካ ርዕደ መሬት ተከስቶ እንደነበር አይዘነጋም። የርዕደ መሬቱ ንዝረት በ474 ኪሎ ሜትር ርቀት ላይ በምትገኘው አዲስ አበባ እንዲኹም በኦሮሚያ ክልል መተሃራ ከተማ፣ በደቡብ ኢትዮጵያ ክልል ዲላ ከተማና ባለፈው ሳምንት ማክሰኞ በማዕከላዊ ኢትዮጵያ ክልል በሬክተር ስኬል 3 ነጥብ ዜሮ ርዕደ መሬት በተከሰተበት ዳውሮ ዞን ጭምር መሰማቱን ዓለማቀፍ የርዕደ መሬት ተከታታይ ተቋማት ገልጸዋል።

Update ከሐዋሳ ወደ አዲስ አበባ በመጓዝ ላይ የነበረዉ አዉሮፕላን ዉስጥ ታይቷል የተባለዉ ጭስ በዉስጡ ያለዉ ዘይት በመቃጠሉ የተነሳ መሆኑ ተገለፀ! የኢትዮጵያ አየር መንገድ ከሰሞኑ በአዉሮፕላኑ ላይ የተከሰተው ጉዳይን አስመለክቶ እንዳስታወቀው ከእሳት ወይም ከሌላ ነገር ጋር የተያያዘ ሳይሆን አዉሮፕላን ዉስጥ ያለዉ ዘይት ተቃጥሎ ነዉ በወቅቱ የተከሰተው ጭስ ሊፈጠር የቻለዉ ይህም አልፎ አልፎ የሚያጋጥም ችግር ነዉ ብሏል። የአየር መንገዱ ስራ አስፈፃሚ አቶ መስፍን ጣሰዉ በተለይ ለካፒታል እንደተናገሩት " በአዉሮፕላኑ ዉስጥ ያለዉ ዘይት መጋጠሉ እና ከእርሱ ጋር ተያይዞ የተፈጠረ ጭስ ነዉ ይህ ደግሞ የተለመደ ነዉ ብለዋል። የኢትዮጵያ አየር መንገድ በረራ ቁጥር ET154 ሚያዝያ 29፣ 2016 ከሀዋሳ ወደ አዲስ አበባ በመጓዝ ላይ እያለ በአውሮፕላን ውስጥ ጭስ መታየቱን አስታዉቆ እንደነበር ይታወቃል። via Capital

በኢትዮጵያ ዉስጥ የሚገኙ ከ 6 ሺህ በላይ ሱዳናዉያን ስደተኞች በዉሃና በምግብ እጦት እንዲሁም በከፋ የፀጥታ ችግር ምክንያት ህይወታቸው ለአደጋ መጋለጡን አስታወቁ ከግንቦት ወር መጀመሪያ ጀምሮ በኢትዮጵያ ዉስጥ የሚገኙ ከ 6 ሺህ የሚበልጡ ሱዳናዉያን ስደተኞች በሀገሪቷ ታጣቂዎች የጥቃት ሰለባ ከመሆናቸው በላይ ከፍተኛ የምግብ እጥረት እና የህክምና አገልግሎት እጦት አጋጥሞናል ብለዋል። በሱዳን በጦር ኃይሎች እና ፈጣን ድጋፍ ሰጭ ሃይሎች መካከል እኤአ በሚያዝያ 2023 ጦርነት ከተቀሰቀሰበት ጊዜ ጀምሮ ኢትዮጵያውያን በአማራ እና በቤኒሻንጉል ጉሙዝ ክልሎች በሚገኙ ካምፖች ውስጥ ስደተኞችን መቀበላቸው ይታወቃል ። በአማራ ክልል ኦላላ እና በቤንሻንጉል ጉሙዝ ካርሙክ መጠለያ ካምፕ ዉስጥ የሚገኙት እነዚህ በሺዎች የሚቆጠሩ ሱዳናዉያን ስደተኞች ለሀገሪቱ መገናኛ ብዙሃን እንደተናገሩት በውሃ እጥረት እና በኢትዮጵያ የጸጥታ ሃይሎች ሳቢያ ህይወታቸው ለአደጋ ተጋልጧል። የችግሩን አሳሳቢነት በማረጋገጥ ትኩረት እንዲሰጣቸው የጠየቁት ስደተኞቹ በካምፕ ዉስጥ እየገጠመው ካለዉ ችግር ለመሸሽ በማለት ወደ ጫካ በመሰደድ ላይ መሆናቸው ታዉቋል። የመንግስታቱ ድርጅት የስደተኞች ኤጀንሲ (UNHCR) በአማራ ክልል 27,000 ሱዳናውያን ስደተኞች እና 20,000 በቤኒሻንጉል ጉሙዝ እንደሚገኙ ግምቱን አስቀምጧል ። ካፒታል

በቻይና የተገነባው ግዙፉ የኢትዮጵያ-ጁቡቲ የባብር መስመር ከግማሽ ሚሊዮን በላይ መንገደኞችን እና 9.5 ሚሊዮን ቶን ጭነት ማጓጓዝ መቻሉ ተነገረ የኢትዮጵያ -ጁቡቲ የባቡር መስመር የመንገደኞች እና የጭነት አገልግሎት የንግድ ስራ ከጀመረበት ጊዜ ጀምሮ 9.5 ሚሊዮን ቶን ጭነት ያላቸው 7,700 የእቃ ማጓጓዣ ባቡሮች አገልግሎት መስጠት መቻላቸው ታዉቋል። በቻይና የተገነባዉና ሁለቱ ሀገራትን የሚያገናኘዉ የባቡር መንገዱ 752 ኪሎሜትር ርዝመት ያለዉ ሲሆን ስራ ከጀመረበት ዓመታት ወዲህ 2,500 የመንገደኞች ባቡሮችን እና  7,700 የጭነት ባቡሮች ማስተናገድ መቻሉንና 680 ሺህ መንገደኞች መጓጓዛቸዉን ካፒታል ያገኘው መረጃ ያመለክታል ። የአዲስ አበባ ጅቡቲ የባቡር መስመር ሥራ ከጀመረ ወዲህ የጅቡቲ ወደቦች የትራንስፖርት መጠን 20 በመቶ ገደማ ጭማሪ ያሳየ ሲሆን የንግድ ትራንስፖርት ገቢም 11.3 ቢሊዮን ብር  በተመሳሳይ ጊዜ ውስጥ መገኘቱን የባቡሩ ማኔጅመንት ቡድን አስታውቋል ። መረጃዎች እንደሚያመላክቱት የባቡር መስመሩ የተገነባው ከቻይና ኤክስፖርትና ኢምፖርት ባንክ በተገኘ የገንዘብ ድጋፍ በ4 ቢሊዮን ዶላር ብድር ነዉ። እ.ኤ.አ. በ2011 ከአዲስ አበባ ወደ ጁቡቲ የሚደረገው የባቡር ኮንትራት ግንባታ በሁለት የቻይና መንግሥታዊ ኩባንያዎች ማለትም በቻይና ምድር ባቡር ግሩፕ (CREC) እና በቻይና ሲቪል ኢንጂነሪንግ ኮንስትራክሽን ኮርፖሬሽን የተጀመረ ሲሆን እኤአ በጃንዋሪ 2018 የመጓጓዣ አገልግሎት መጀመሩ ይታወቃል ። ካፒታል

ግብጽ፣ እስራኤል በጋዛ በምታካሂደው ጦርነት የዘር ማጥፋት ወንጀል ፈጵማለች በማለት ደቡብ አፍሪካ በተመድ ፍርድ ቤት የመሠረተችውን ክስ እንደምትቀላቀል ትናንት አስታውቃለች። ግብጽ ይህን አቋሟን የገለጠችው፣ እስራኤል ጦሯን ለግብጽ አዋሳኝ ከኾነው ራፋህ አካባቢ እንድታስወጣ ፍርድ ቤቱ ትዕዛዝ እንዲሰጥ ደቡብ አፍሪካ በጠየቀች ማግስት ነው። ካኹን ቀደም ኮሎምቢያና ቱርክ የደቡብ አፍሪካን ክስ መቀላቀላቸው አይዘነጋም። ይህ በእንዲህ እንዳለ፣ ጦርነቱ የኹለትዮሽ ግንኙነታችን ንፋስ እንዲገባው አድርጓል በማለት የግብጽ ባለሥልጣናት ለእስራኤል ባለሥልጣናት ቅሬታቸውን እንደገለጡ መናገራቸውን ሮይተርስ ዘግቧል። [ዋዜማ]

ታጣቂ ኃይሎች ወደ ሰላማዊ ሕይወት እንዲመለሱ ትናንት በባሕርዳር ተገኝተው በአዲሱ የአባይ ድልድይ ምረቃ ላይ ባደረጉት ንግግር ጥሪ አቅርበዋል። ዐቢይ በዚኹ ንግግራቸው፣ "በማይገባ ነገር መገዳደል ይብቃ” የሚል መልዕክት አስተላልፈዋል። ጠቅላይ ሚንስትሩ፣ ታጣቂ ኃይሎች ወደ ሰላም ተመልሰው ከክልሉ ርዕሰ መስተዳድር አረጋ ከበደ ጋር ከሠሩ፣ ፌደራል መንግሥቱም የራሱን ትብብር ለማድረግ ዝግጁ እንደኾነ ገልጸዋል።

ኢትዮጵያውያን ታዳጊ ህፃናት በአሜሪካ በተካሄደው የአለም አቀፍ የሮቦ ፌስት ውድድር አሸናፊ ሆኑ ኢትዮጵያውያኑ ሶስት ሽልማቶችን የግላቸው ያደረጉ ሲሆን የመጀመሪያው ከ 10 አመት በታች በተወዳደሩበት ሮቦ ፓሬድ የውድድር ዘርፍ ተሸልመዋል። ሁለተኛው ደግሞ በሲንየር ኤግዚቢሽን ከ14 -16 አመት ስፔሻል አዋርድ ሽልማትንም ማግኘት ችለዋል። በጁንየር ኤግዚብሽን ዘርፍ ደግሞ በአለም አቀፍ ውድድሩ የሶስተኛ ደረጃን በመያዝ አጠናቀዋል።

መድፈኞቹ ቀያዮቹ ሴጣኖችን ረቱ! በእንግሊዝ ፕርሚየር ሊግ የሰላሳ ሰባተኛ ሳምንት መርሐ ግብር አርሰናል ከማንችስተር ዩናይትድ ጋር ያደረጉትን ጨዋታ 1 ለ 0 በሆነ ውጤት ማሸነፍ ችለዋል። የመድፈኞቹን ብቸኛ የማሸነፊያ ግብ ሊያንድሮ ትሮሳርድ ከመረብ ማሳረፍ ችሏል። ሊያንድሮ ትሮሳርድ በዘንድሮው የውድድር አመት ለአርሰናል በሁሉም ውድድሮች አስራ ሰባት ግቦችን ማስቆጠር ችሏል። 👉 አርሰናል በ86 ነጥብ ሊጉን ዳግም መምራት የጀመረ ሲሆን እሁድ ከ ኤቨርተን የሊጉን የመጨረሻ ጨዋታ ያደርጋል።