🇺🇿 Jarqo‘rg‘on tumani hokimligi AXBOROT XIZMATI

📣 E'LON !!! 📣 ☝️ Tumanimiz yoshlari va aziz kurash ishqibozlari joriy yilning 17-may kuni tuman sport maktabida “1-IYUN XALQARO BOLALAR KUNI” munosabati bilan sportning KURASH turi bo‘yicha 2009-2010 YILLARDA TUG‘ILGAN KICHIK O‘SMIRLAR o‘rtasida SURXONDARYO VILOYATI PROKURORI SOVRINI uchun Jarqo‘rg‘on tuman bosqichi musobaqasi bo‘lib o‘tadi. Musobaqalar 2009-2010 yillarda tug‘ilgan yoshlar o‘rtasida o‘tkaziladi. Musobaqada ishtirok etadigan sportchilar kurash yaktagi bilan ta`minlangan bo‘lishlari shart. Vazn toifalari: (o‘g‘il bolalar) 42, 50, 65, +65 kg vazn toifalari (qizlar) 40, 52 kg vazn toifalarida ishtirok etadi.

#Jarqo'rg'on_tuman Maktablardagi tarbiya va maʼnaviyat hamda o‘quvchilarni vatanparvarlik ruhida tarbiyalashga qaratilgan masalalar yuzasidan belgilab berilgan ustuvor vazifalarning amaliy ijrosi taʼminlanmoqda Xususan, Jarqo'rg'on tuman Maktabgacha va maktab ta'limi bo'limi boshlig'i S.Adinayev hamda voyaga yetmaganlar va yoshlar bilan ishlash guruhi katta inspektori litenant Sh.Yusupov  bilan hamkorlikda tuman 20-sonli Madaniyat markazida barcha maktab direktorlari va umumta'lim maktablari ma'naviy-ma'rifiy ishlar bo'yicha direktor o'rinbosarlari  bilan uchrashuv o'tkazildi. Unda maktab o‘quvchilarini  vatanparvarlik ruhida tarbiyalash orqali ularda “Huquqbuzarlikka qarshi immunitet” hosil qilish borasidagi masalalar muhokama qilindi. Shuningdek o'quvchilarning darsdagi davomat tahlili yuqori sinf o‘quvchilari bilan bog‘liq muammoli masalalar va ularning yechimi yuzasidan takliflar tinglandi.

ЖАРҚЎРҒОН ТУМАНИДА ЗАМОНАВИЙ СТОМАТОЛОГИЯ ИШ ФАОЛИЯТИНИ БОШЛАДИ. БИЗНИ КУЗАТИШДА ДАВОМ ЭТИНГ.....

Уюшмаган ёшлар ва ўқувчилар иштирокида ватанпарварлик тадбирлари ташкил этилди Миллий гвардия Сурхондарё вилояти бўйича бошқармаси, вилоят Қўриқлаш бошқармаси, Ёшлар ишлари агентлиги ҳамда туман ҳокимлиги ҳамкорлигида ҳарбий ватанпарварлик тадбири ташкил этилди. Унда иштирок этган оталиққа олинган ёшлар ҳамда умумтаълим мактабларининг ўқувчилари Миллий гвардия бўлинмаларидаги мавжуд махсус жиҳозлар, ҳарбий хизматчиларининг кўргазмали чиқишларидан баҳраманд бўлиб, камондан отиш, от спорти турлари бўйича дастлабки билим ва кўникмаларга эга бўлишди.

📢 Diqqat e’lon: Tanlovda ishtirok etib, mahallangizda sport maydonchasi qurilishi tashabbusini yutib oling! O‘zbekiston Respublikasi sport vazirligi tashabbusi bilan 1-iyun – Xalqaro bolalarni himoya qilish kuni arafasida respublikamizning barcha tuman, shaharlarining har biriga bittadan sport maydonchasi qurib berish bo‘yicha tanlov o‘tkazilmoqda. Sport maydonchalari ovoz berish yo‘li bilan g‘olib bo‘lgan mahallalarga qurib beriladi. ❗️Ovozlar joriy yil 10-may tashabbus.sport.uz sayti orqali qabul qilish boshlangan. Siz ham o‘z mahallangizni tanlang va quyidagi havola orqali ovoz berib, mahallangiz hududida farzandlaringiz uchun sport maydonchasi qurilishi tashabbbusini yutib oling! ✅ https://tashabbus.sport.uz/vote Telegram | Facebook | Instagram | YouTube | Web-site | X

#Bilasizmi ❗️Ishga qabul qilinayotganda qanday hujjatlar so'raladi? ✅ Qonunchilikka ko'ra, ishga qabul qilish chog'ida ishga kirayotgan shaxs quyidagi hujjatlarni taqdim etadi: 🔹pasport yoki uning o'rnini bosuvchi hujjat yoxud identifikasiyalovchi ID karta (16 yoshgacha bo'lgan shaxslar esa tug'ilganlik to'g'risidagi guvohnoma yoki identifikasiyalovchi ID karta); 🔹oxirgi ish joyi bo'yicha tasdiqlangan qog'oz shaklidagi mehnat daftarchasi yoki elektron mehnat daftarchasidan ko'chirma (bundan birinchi marta ishga kirayotgan shaxslar mustasno). ❕ O'rindoshlik asosida ishga kirayotganlar mehnat daftarchasi o'rniga asosiy ish joyidan ma'lumotnoma; 🔹harbiy xizmatga majburlar yoki chaqiriluvchilar uchun tegishincha harbiy guvohnoma yoki harbiy hisobda turganlik haqidagi guvohnoma; 🔹oliy yoki o'rta maxsus, kasb-hunar ta'lim tashkilotini tamomlaganligi to'g'risidagi diplom; ❕qaysi ishni bajarish uchun faqat maxsus ma'lumotga yoki maxsus tayyorgarlikka ega bo'lgan shaxslar qo'yilishi mumkin bo'lsa, o'sha ishga kirish chog'ida ushbu ishni bajarish huquqiga doir guvohnoma (sertifikat) yoxud boshqa tegishli hujjat; 🔹soliq to'lovchining identifikasiya raqami (STIR); 🔹jismoniy shaxsning shaxsiy identifikasiya raqami (JSHSHIR); 🔹jamg'arib boriladigan pensiya daftarchasi, birinchi marta ishga kirayotgan shaxslar bundan mustasno.

ЭЪЛОН! Ўзбекистон Республикаси Судьялар олий кенгаши ҳузуридаги Судьялар олий мактабида Судьялик лавозимларига номзодларни тайёрлаш курсига 2024/2025 ўқув йили учун фуқаролик, жиноят, иқтисодий ва маъмурий ҳуқуқ ихтисосликлари бўйича қабул эълон қилинди. Тайёрлаш курсига ўттиз тўрт ёшдан кичик бўлмаган (шунингдек, жорий йилнинг 31 декабрь кунига қадар ўттиз тўрт ёшга тўладиган), олий юридик маълумотга ва юридик ихтисослиги бўйича камида етти йиллик иш стажига эга бўлган Ўзбекистон Республикаси фуқаролари қабул қилинади. Судьялик лавозимларига номзодларни тайёрлаш бир йиллик магистратура таълим дастури бўйича давлат грантлари асосида амалга оширилади. Талабгорлар қуйидаги ҳужжатларни топширишлари лозим: - тайёрлаш курсининг тегишли ихтисослиги йўналишини кўрсатган ҳолда Судьялар олий мактаби директорининг номига ариза; - шахсини тасдиқловчи ҳужжат (паспорт ёки ID-карта) нусхаси; – маълумотнома-объективка (ёзма ва электрон шаклда); – таянч олий юридик маълумот тўғрисидаги бакалавр дипломи (таълим йўналиши: юриспруденция; таълим шифри: 5240100 ёки 5380100) ва иловасининг нотариал тарзда ёки ташкилотнинг кадрлар бўлимида тасдиқланган нусхалари, агар диплом тан олинган (нострификация қилинган) бўлса, бу ҳақдаги ҳужжат нусхаси; – меҳнат дафтарчасининг нотариал тарзда ёки ташкилотнинг кадрлар бўлимида тасдиқланган нусхаси ёки my.gov.uz интерактив хизматлари орқали олинган ва махсус код (QR-код) мавжуд бўлган электрон нусхаси; – Ўзбекистон Республикаси Соғлиқни сақлаш вазирининг 2020 йил 31 декабрдаги 363-сонли буйруғи билан тасдиқланган шаклдаги одил судловни амалга оширишга тўсқинлик қиладиган касалликлар ва жисмоний нуқсонлар йўқлиги ҳақидаги тиббий маълумотнома (086/1 шакл). Талабгорлардан ариза ва ҳужжатлар 2024 йилнинг 7 майидан 7 июнига қадар (якшанба ва байрам кунларидан ташқари) қабул қилинади. Ариза ва ҳужжатлар вилоят ва унга тенглаштирилган судлар судьялари малака ҳайъатлари ёки бевосита Судьялар олий мактаби қабул комиссиясига тақдим этилиши мумкин. Маълумот учун тел: (998) 55-501-02-40. Манзил: Тошкент шаҳар, Чилонзор тумани, Чўпонота кўчаси, 6-уй. Қабул комиссияси