"Hududiy elektr tarmoqlari" AJ bilan muloqot

Chilonzor va Yakkasaroy tumanlarining bir qismida elektr ta’minoti qayta tiklandi Ayni paytda Energetika vazirligi hamda “O‘zbekiston milliy elektr tarmoqlari” AJ rahbariyati podstansiyada bo‘lib, ular tomonidan nosozlikni tiklash ishlari nazoratga olingan. Energetiklar tomonidan nosozlikni bartaraf etish va barcha iste’molchilarning elektr taʼminotini bosqichma-bosqich qayta tiklash ishlari davom ettirilmoqda. Keltirilgan noqulaylik uchun iste’molchilardan uzr so‘raymiz. Telegram | Facebook | Instagram | YouTube | X | Veb-sayt

💙💙💙 Soat 20:45 da Toshkent shahridagi “Yuksak” podstansiyasida nosozlik bo‘lgan. Buning oqibatida Toshkent shahrining Mirobod, Chilonzor va Yakkasaroy hamda Toshkent viloyatining Zangiota tumanlarining ayrim hududlarida elektr ta’minotida vaqtinchha uzilish kuzatilmoqda. Hozirgi vaqtda energetiklar tomonidan nosozliklarni bartaraf etish hamda iste’molchilarning elektr ta’minotini qayta tiklash choralari ko‘rilmoqda. Keltirilgan noqulaylik uchun iste’molchilardan uzr so‘raymiz. Telegram | Facebook | Instagram | YouTube | X | Veb-sayt

📌📌📌📌📌📌 27-iyun — Matbuot va ommaviy axborot vositalari xodimlari kuni “Hududiy elektr tarmoqlari” AJ barcha jurnalistlarni, matbaa va nashriyot, televideniye va radio sohasining jonkuyar ijodkorlarini, Jamiyatimiz bilan yaqindan hamkorlik qilib kelayotgan soha zahmatkashlarini 27-iyun — Matbuot va ommaviy axborot vositalari xodimlari kuni bilan samimiy tabriklaydi.    Barchangizga sog‘lik-salomatlik, uzoq umr, oilaviy baxt, faoliyatingizda ulkan muvaffaqiyatlar tilaymiz. Har kuningiz quvonch va shodlikka to'la bо‘lsin. Mas’uliyatli va sharafli faoliyatingizda hamisha muvaffaqiyatlar hamroh bо‘lsin. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Prezident Shavkat Mirziyoyevning Matbuot va ommaviy axborot vositalari xodimlariga tabrigi Qadrli doʻstlar! Siz, azizlarni – mamlakatimizning bosma va internet nashrlari, teleradiokanallar, axborot va media xizmatlarida, nashriyot va matbaa korxonalarida sidqidildan mehnat qilayotgan ijodiy va texnik xodimlarni, zahmatkash jurnalistlar, muhtaram faxriylarni kasb bayramingiz bilan chin qalbimdan tabriklayman. Men sizlarni – yuksak bilim va salohiyatga ega, vatanparvar barcha jurnalistlarni oʻzim uchun doimiy maslakdosh, jonkuyar doʻst deb bilishimni yana bir bor izhor etaman. Batafsil 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Biz giyohvandlikka qarshimiz! Xalqaro giyohvandlikka qarshi kurash kuni munosabati bilan o’tkazilayotgan #STOPNARKO xeshtegi ostidagi “Biz giyohvandlikka qarshimiz!” chellenjiga “Hududiy elektr tarmoqlari” AJ Sirdaryo hududiy filiali jamoasi ham faol ishtirok etmoqda. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Avval xabar berilganidek, Qoraqalpog‘iston Respublikasining Nukus shahri hamda Taxtako‘pir tumanidagi “Qarateren” etno-turistik majmuasida “Yagona Vatan, yagona xalq bo‘lib, yangi hayot va kelajak yaratamiz!” shiori ostida Yoshlar forumi o‘tkazildi. Tafsilotlar "O‘zbekiston 24" telekanalining "Axborot 24" yangiliklar dasturi lavhasida. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Toshkent shahrida tadbirkorlar bilan ochiq muloqot tashkil etildi

Kecha, 25-iyun kuni Toshkent shahrida Energetika vazirligi tomonidan tadbirkorlar bilan navbatdagi ochiq muloqot o‘tkazildi. Unda Energetika vazirligining Elektr energiyasini ishlab chiqarish bo‘limi boshlig‘i Saidatham Anvarov, shuningdek, “Hududgazta’minot” AJ, “Hududiy elektr tarmoqlari” AJ hamda “O‘zbekiston milliy elektr tarmoqlari” AJning Toshkent shahar filiallari mas’ul xodimlari ishtirok etdi. Muloqot davomida tadbirkorlar tomonidan elektr energiyasi va tabiiy gaz ta’minoti bilan bog‘liq murojaat hamda takliflar bildirildi. Ularning asosiy qismiga joyida huquqiy tushuntirishlar berilib, amaliy ko‘mak ko‘rsatildi. Qo‘shimcha o‘rganishni talab etadigan murojaatlar nazoratga olinib, ularni hal etish yuzasidan tegishli mutasaddilarga topshiriqlar berildi. Bunday ochiq muloqotlar tadbirkorlarni qiynayotgan masalalarni bevosita o‘rganish, mavjud muammolarni tezkor bartaraf etish hamda energetika xizmatlari sifatini yanada yaxshilashga xizmat qilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Elektr energetikasi sohasi mutaxassislarining malakasi oshirilmoqda  

Bugungi kunda elektr energetikasi sohasida amalga oshirilayotgan islohotlar mutaxassislardan nafaqat chuqur nazariy bilim, balki zamonaviy texnologiyalar bilan ishlash bo‘yicha amaliy ko‘nikmalarni ham talab etmoqda. Shu bois Energetika vazirligi tomonidan tizim xodimlarining kasbiy salohiyatini oshirishga alohida e’tibor qaratilmoqda.   Jumladan, “Hududiy elektr tarmoqlari” aksiyadorlik jamiyatining “Xodimlarni qayta tayyorlash va malakasini oshirish markazi” filiali tomonidan navbatdagi malaka oshirish kurslari tashkil etildi. Unda elektr energiyasi oqimlarini nazorat qilish, texnologik yo‘qotishlarni hisobga olish va tahlil qilish yo‘nalishlarida faoliyat yuritayotgan muhandis-texnik xodimlar, muhandislar, dispetcherlar hamda boshqa mutaxassislar ishtirok etmoqda.   Mashg‘ulotlar davomida tinglovchilar sohada joriy etilayotgan zamonaviy yechimlar, ilg‘or tajribalar va yangi texnologiyalar bilan yaqindan tanishib, o‘z bilim va ko‘nikmalarini mustahkamlash imkoniyatiga ega bo‘lmoqda.   Ushbu malaka oshirish kurslari energetika sohasida ilg‘or tajribalarni ommalashtirish, xodimlarning kasbiy mahoratini yuksaltirish hamda tizim faoliyati samaradorligini oshirishga xizmat qiladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Hududlarda elektr tarmoqlaridagi o‘zboshimchalik va qonunbuzarliklarga chek qo‘yilmoqda Avval xabar berilganidek, hududlarda “Hududiy elektr tarmoqlari” AJ mutaxassislari tomonidan sohaga oid davlat va shartnomaviy xizmatlar ko‘rsatilishini tartibga solish, shuningdek, ichki nazorat tizimini yanada kuchaytirish maqsadida keng qamrovli o‘rganishlar olib borilmoqda. Navbatdagi tahliliy tadbirlar jamiyatning Navoiy hududiy filiali tasarrufidagi hududlarda o‘tkazildi. O‘rganishlar davomida belgilangan tartibda rasmiy shartnomalar rasmiylashtirmasdan, o‘zboshimchalik bilan noqonuniy qurilish-montaj ishlarini amalga oshirgan obektlar aniqlandi. Aniqlangan qonunbuzilish holatlariga yo‘l qo‘ygan, xizmat vazifalarini lozim darajada bajarmagan tegishli xodimlarga nisbatan qat’iy intizomiy choralar ko‘rilmoqda. Aytish о‘rinliki, elektr xo‘jaligiga oid har qanday qurilish va montaj ishlari faqat amaldagi qonunchilik talablari, tuzilgan shartnomalar hamda tasdiqlangan meyoriy hujjatlar asosida amalga oshirilishi shart. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 ELEKTR ENERGIYASIDAN 3,2 MLRD SO‘MLIK NOQONUNIY FOYDALANISH HOLATI ANIQLANDI “Hududiy elektr tarmoqlari” AJ Qashqadaryo hududiy filiali Korrupsiyaga qarshi kurashish va komplayens nazorati bo‘limi, Chiroqchi tuman elektr ta’minoti korxonasi hamda huquqni muhofaza qiluvchi organlar xodimlari hamkorligida o‘tkazilgan nazorat tadbiri davomida qonunbuzarlik holati aniqlandi. Xususan, Chiroqchi tumani “Dodiq” MFY hududida fuqaro D.F. ga tegishli fermer xo‘jaligi elektr ta’minoti korxonasi bilan shartnoma rasmiylashtirmasdan, o‘zboshimchalik bilan elektr tarmog‘iga ulanib, elektr energiyasidan noqonuniy ravishda foydalanib kelgani aniqlandi. Mazkur holat yuzasidan belgilangan tartibda dalolatnoma rasmiylashtirildi. Amalga oshirilgan hisob-kitoblarga ko‘ra, ushbu noqonuniy harakatlar oqibatida jamiyat manfaatlariga 3,2 milliard so‘m miqdorida zarar yetkazilgani ma’lum bo‘ldi. To‘plangan hujjatlar qonuniy chora ko‘rilishi uchun tegishli huquqni muhofaza qiluvchi organlarga yuborildi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Yoshlar bilan ochiq muloqot va samimiy uchrashuv Prezidentimiz tashabbusi bilan har payshanba kuni tashkilot va korxonalarda yoshlar bilan uchrashuvlar о‘tkazilib, ularning fikr-mulohazalari, taklif va tashabbuslarini qо‘llab-quvvatlash hamda munosib shart-sharoitlar yaratishga alohida e’tibor qaratilmoqda. Shu munosabat bilan “Hududiy elektr tarmoqlari” AJ Boshqaruv raisi Asrorjon Akramovich Namangan hududiy filialiga tashrif buyurib, filial tizimida faoliyat yuritayotgan 300 nafardan ortiq yoshlar bilan ochiq va samimiy muloqot о‘tkazdi. Uchrashuv davomida yoshlarning taklif va tashabbuslari tinglanib, ularni qо‘llab-quvvatlash masalalari muhokama qilindi. Shuningdek, faolligi, tashabbuskorligi hamda tengdoshlariga о‘rnak bо‘layotgan bir guruh yoshlar qimmatbaho sovg‘alar va Boshqaruv raisi tashakkurnomalari bilan taqdirlandi. Tadbir yakunida yoshlar uchun bayramona dastur tashkil etilib, ishtirokchilarga kо‘tarinki kayfiyat ulashildi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Qonunchilikka ko‘ra, 2026-yil 1-iyuldan “Raqamli komplayens” axborot dasturiy kompleksi sinov rejimida ishga tushiriladi hamda u quyidagi imkoniyatlarga ega bo‘ladi: — Korrupsiyaning oldini olish klasteri ishtirokchilari o‘rtasida tezkor ma’lumot almashish; — davlat organlari va tashkilotlarining axborot tizimlarini Dasturiy kompleks bilan integratsiya qilish orqali Korrupsiyaga qarshi kurashish agentligi faoliyatini axborot jihatdan ta’minlash; — Dasturiy kompleksning “E-Komplayens” modulini ishga tushirish orqali korrupsiyaga qarshi ichki nazorat bo‘linmalari faoliyatini to‘liq raqamlashtirish. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 HURMATLI ELEKTR ENERGIYASI ISTE’MOLCHILARI! Yashash hududingizdagi elektr energiyasi ta’minotiga oid xabarlar, noqonuniy ulanishlar hamda elektr energiyasida rejalashtirilgan o‘chirishlar haqidagi tezkor e’lonlar va shu kabi sohaga oid boshqa zarur ma’lumotlarni kuzatib borish imkoni mavjud. Quyida “Hududiy elektr tarmoqlari” AJ tizimidagi hududiy elektr tarmoqlari korxonalarining rasmiy telegram kanallari havolalari keltirilgan. «HUDUDIY ELEKTR TARMOQLARI» AJ QORAQALPOQ HUDUDIY FILIALI «HUDUDIY ELEKTR TARMOQLARI» AJ ANDIJON HUDUDIY FILIALI «BUXORO HUDUDIY ELEKTR TARMOQLARI KORXONASI» AJ «HUDUDIY ELEKTR TARMOQLARI» AJ JIZZAX HUDUDIY FILIALI «HUDUDIY ELEKTR TARMOQLARI» AJ QASHQADARYO HUDUDIY FILIALI «HUDUDIY ELEKTR TARMOQLARI KORXONASI» AJ NAVOIY HUDUDIY FILIALI «HUDUDIY ELEKTR TARMOQLARI» AJ NAMANGAN HUDUDIY FILIALI «HUDUDIY ELEKTR TARMOQLARI» AJ SAMARQAND HUDUDIY FILIALI «HUDUDIY ELEKTR TARMOQLARI» AJ SURXONDARYO HUDUDIY FILIALI «HUDUDIY ELEKTR TARMOQLARI» AJ SIRDARYO HUDUDIY FILIALI «TOSHKENT SHAHAR ELEKTR TARMOQLARI» MCHJ «HUDUDIY ELEKTR TARMOQLARI» AJ TOSHKENT HUDUDIY FILIALI «FARG`ONA HUDUDIY ELEKTR TARMOQLARI KORXONASI» AJ «HUDUDIY ELEKTR TARMOQLARI» AJ XORAZM HUDUDIY FILIALI Shuningdek, elektr energiyasi ta’minoti bilan bog‘liq muammolar yoki shu sohaga oid o‘z taklif va mulohazalaringizni "Hududiy elektr tarmoqlari" AJning Telegram messenjeridagi "Hududiy elektr tarmoqlari" AJ bilan muloqot kanali orqali yo‘llashingiz mumkin. Murojaat uchun: @HET_admin 📞 1154 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 “Toshkent shahar elektr tarmoqlari” MCHJ tomonidan poytaxt tumanlarida past kuchlanishli elektr uzatish tarmoqlarini yangilash va rekonstruksiya qilish bo'yicha olib borilayotgan keng ko'lamli sa'y-haratlar, sohada amalga oshirilayotgan ishlar “Toshkent” telekanalining “Teletahlil” tahliliy dasturining navbatdagi sonida.   Sohaga bag'ishlangan ko'rsatuvning navbatdagi sonida Olmazor hamda Uchtepa tumanida olib borilayotgan ishlar tahlil qilindi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 "Xavfsizlik texnikasi ko‘rik oyligi" doirasida Farg‘ona shahar elektr ta’minoti korxonasi xodimlari ishtirokida o‘quv-seminar mashg‘uloti o‘tkazildi. Batafsil, Fargʼona televideniyasining “Farg'ona24” yangiliklar dasturi orqali efirga uzatilgan mazkur lavhadan tanishib olishingiz mumkin. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

#TEZKOR KUCHLI SHAMOL VA YOMG‘IR OQIBATLARI BARTARAF ETILMOQDA 2026-yil 24 iyun kuni soat 19:30 holatiga ko‘ra, Andijon viloyatida kuzatilgan kuchli shamol va yomg‘ir (shamol tezligi 16 m/s) sababli Andijon, Asaka, Marhamat, Xo‘jaobod hamda Jalaquduq tumanlaridagi 10 kV havo elektr tarmoqlarida daraxt shoxlari tushishi natijasida ayrim nosozliklar yuzaga keldi. Ayni vaqtda barcha ishchi guruhlar jalb etilib, elektr ta’minotini tiklash hamda nosozliklarni bartaraf etish bo‘yicha tezkor ta’mirlash-ishlari olib borilmoqda. Yuzaga kelgan holat bo‘yicha qo‘shimcha ma’lumotlar taqdim etib boriladi. “Hududiy elektr tarmoqlari” AJ Andijon hududiy filiali matbuot xizmati Het.uz | Facebook | Instagram | YouTube | Telegram

📌📌📌📌📌📌 Tayinlov O‘zbekiston Respublikasi Prezidentining qarori bilan Egamberdiyev Umarjon Usmonaliyevich — O‘zbekiston Respublikasi Energetika vazirining o‘rinbosari lavozimiga tayinlandi. U.Egamberdiyev bunga qadar O‘zbekiston Respublikasi Prezidentining energetik xavfsizlik bo‘yicha vakili bo‘linmasining yetakchi inspektori lavozimida ishlab kelayotgan edi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Tayinlov O‘zbekiston Respublikasi Prezidentining qarori bilan Mamadaminov Umid Mahmudovich — O‘zbekiston Respublikasi Energetika vazirining birinchi o‘rinbosari lavozimiga tayinlandi. U.Mamadaminov bunga qadar O‘zbekiston Respublikasi Energetika vazirining o‘rinbosari lavozimida ishlab kelayotgan edi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

Ertaga — “Avtomobilsiz kun” Ertaga, 25-iyun kuni “Atmosfera havosi sifatini yaxshilashga qaratilgan “Toza havo” umummilliy loyihasini amalga oshirish bo‘yicha chora-tadbirlar to‘g‘risida”gi prezident farmoniga muvofiq, respublikaning barcha hududlarida “Avtomobilsiz kun” aksiyasi o‘tkaziladi. Shu munosabat bilan, davlat xizmatchilariga xizmat avtomobillaridan foydalanmaslik tavsiya etiladi. Eslatib o‘tamiz, Prezident farmoniga ko‘ra, endilikda har oyning 10 va 25-sanalarida “Avtomobilsiz kun” aksiyasi o‘tkazib boriladi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 “Korrupsiyaga qarshi kurashish to‘g‘risida”gi Qonunda: - Korrupsiyaga qarshi kurashish bo‘yicha milliy kengash tarkibi O‘zbekiston Respublikasi Prezidenti tomonidan tasdiqlanishi va Kengashning rahbar organlari qonun darajasida belgilandi; - korrupsiyaga qarshi kurashish bo‘yicha hududiy kengashlarning maqomi va vazifalari alohida moddada aniq aks ettirildi; - Korrupsiyaga qarshi kurashish agentligiga qo‘shimcha tarzda jamiyatda korrupsiyaga nisbatan murosasiz munosabatni shakllantirish bo‘yicha 8 ta yangi vazifa yuklatildi. Qonunda komplayens va korrupsiyaga qarshi ichki nazorat tuzilmalarining vazifalari va huquqlari, shuningdek, xavfsizlik kafolatlari mustahkamlandi. Unga ko'ra, komplayens va korrupsiyaga qarshi ichki nazorat tuzilmalari xodimlari davlat himoyasida bo‘ladi, ularga nisbatan tergov va protsessual harakatlar Bosh prokurorning ruxsati bilan yoki uni xabardor etgan holda amalga oshiriladi. Qonunga muvofiq, korrupsiyaga oid jinoyatlarni sodir etgan shaxslarning elektron reyestri yuritiladi. Elektron reestrga kiritilgan shaxslarga davlat xizmatiga kirish, saylanadigan tayinlanadigan lavozimlarga nomzodini ko‘rsatish, davlat xaridlari va DXSH bitimlarida ishtirokchi sifatida qatnashish taqiqlanadi. O‘z mehnat faoliyatini olib borayotgan tashkilotda korrupsiyaga oid jinoyat to‘g‘risida xabar bergan shaxslarga nisbatan Agentlikni xabardor qilmasdan 2 yil davomida intizomiy jazo qo‘llash mumkin emas. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz