وَقَفَات

"اللي مات النهاردة كان فاكر أنه هيعيش لبكره و هيبقى يتوب"  اعمِل لآخرتك

فكره انه الواحد يرجع لربنا ولعبادته تاني وربنا يهديه ويستقيم دي حاجه جميله جدا إنه يبدا يلتزم ويصلي ويقرأ قرآن ويصوم وووو ده شئ جميل بس فيه حاجه كده هتقابلك خد بالك منها الموضوع في الاول بيبقي صعب لأنك مش متعود فهتبدأ بعباده صغيره زي الصلاه في مواعيدها بس من غير سنن تقرأ قرآن بس مش كتير وهكذا هنا لازم تاخد بالك لأنه الشيطان مش هيبقي عاجبه حالك ده وانه ربنا هداك وهيحاول يبعدك عن الهدايه بس بالطريقه فببساطه هيجيلك ويقولك بص ده بيصلي ازاي الصلوات والسنن وتلاقيه كمان بيصلي قيام وانت يدوبك بتصلي الفروض بالعافيه يقولك بص ده بيقرأ كام جزء ولا ده حافظ كام جزء وانت مش حافظ غير سورتين تلاته طب قولي بقي توبه ايه دي بقي الطريق طويل عليك يابني وعمرك ما هتبقي زيهم اوعاك تسمع كلامه او تديله فرصه إنه يبعدك تاني اوعاك تقارن عبادتك بعباده الصالحين مره واحده كده علطول بس ده مش معناه إنك متحاولش تبقي زيهم  أنت حاول خطوه خطوه تبصلهم بس بنظره تانيه كالآتي ده بيصلي سنن وبيقرأ وحافظ ووووو انا هبدأ بعد كده بعد كل صلاه أصلي السنن بتاعتها وهلتزم بده تمام خلاص التزمت بده خش علي يلي بعده أنا بعد كل صلاه هقرألي صفحه ولا إتنين تمام خلاص التزمت تزود الورد شويه التزمت تزود اكتر وتبدأ تدخل في مرحله الحفظ تحفظ سور قِصار تصلي بيهم غير السور المعتاده (ده هيساعدك جدا إنك تركز في صلاتك وتخشع ) وتزود في حفظك شويه شويه تحاول تاخد وقت من الليل حتي لو ربع ساعه تصلي فيهم ولو ركعتين قيام وهكذا الكلام ده معناه إنه تحاول تجيبها واحده واحده وتلتزم وتبص للصالحين دول وتشوف بيعملوا إيه وتقلدهم ولما تحب تقارن نفسك ببساطه قارن نفسك بنفسك قبل كده انا كنت من فتره بعمل كذا ودلوقتي بعمل كذا وكذا وكذا وكل مره تحمد ربنا علي هداتك وتسأله الثبات والزياده المهم في الموضوع انك متبصش للطريق الطويل ده بنظره انه طويل ركز في الخطوات يلي قدامك الاول ركز علي نفسك وطورها في عباده ربنا مره في مره هتلاقي نفسك بتصلي فروض وسنن وقيام وبتقرأ قرآن وحافظ قرآن وبتصوم تطوع وبتقرأ اذكار وووو واهم حاجه انك متتكسفش من نفسك لما تشوف الصالحين وعبادتهم علطول تفتكر نفسك قبل كده وتحمد ربنا علي هدايتك وتحاول تقلدهم في يلي بيعملوه واوعي تلتفت لكلام الشيطان ليك إنه الطريق طويل وصعب 🌿🤎🤎🤎🤎🤎🤎

بتغاظ أوي من الأمهات ال زي كدا 🥲🥲 بنت عايزه تلبس حجاب يرضي ربنا سواء خمار أو نقاب وأمها وأهلها يرفضوا 😕 بحجة بنتي لسه صغيرة يا ست الكل بنتك بالغة وعاقلة وبتتحاسب وهتتحاسب عاللبس بتاعها دا بنتك عايزه تقرب من ربنا وتمتثل أوامره تنهيها بدل ما تشجعيها !!!!! هتعمليلها إيه حضرتك يوم القيامة ؟؟؟؟ بنتك وهي ماشية فِ الشارع ال رايح وال جاي يتفرج عليها وهي لابسة بنطلون اخر شياكة ومش عارف إيه وحاطة حاجة شبه المنديل على راسها يقال طرحة بتلم ذنوب مع كل نظرة واحد ليها فما بالك بقى إنها بتنزل كل يوم على هذا الوضع وكله فِ ميزان سيئاتك وسيئاتها 🥲🥲 كلكم راع وكلكم مسئول عن رعيته بالله عليكي سيبيها احنا في وضع مؤسف وزمن فتنة🥲🥲

فاضل اقل من 24 ساعه واكون جوا لجنه ثانويه عامه 🙂 ادعووووولي وادعوا لكل اللي في ثانويه عامه ❤️

الله أكبر الله أكبر الله أكبر لا إله إلا الله الله أكبر الله أكبر ولله الحمد إنها كلمات النور التي تلقي بحبالها لنجدة الغارقين في شقاء الحياة وأحزانها. يا لها من كلمات عظيمة، تملأ زوايا المدينة بأريج السكينة والطمأنينة. #رؤى_المخلافي

ياريت اي حد تيجي عينه ع الرسالة دي اياا كان يعرفني او لا يدعيلي بظهر الغيب انا وكل ال زيي ان ربنا يسهلنا الايام الجايه دي ويقوينا ونعديها ع خير ويفرح قلوبنا احنا واهلنا ف الاخر‌♥️. احنا تعبنا السنه دي تعب اول مره نجربه لو مكناش بنذاكر عدل كفايه تعب الاعصاب والظروف النفسيه ال كنا فيها طول السنه‌♥️. لطفا خذوني بين دعواتكم ♥️. دعواتكم لي بالتوفيق والسداد ♥️.

• ناس بتسافر وناس بتتخطب وناس بتصيف وناس فـ المطاعم، واحنا فالبيت قاعدين بين أربع حيطان! طيب ثانية؟! ليه متقولش ناس فالمستشفى، وناس فالسجون، وناس فالعزاء فاقدين عزيز، وناس بتموت من الجوع، وناس فالحروب.. واحنا قاعدين في بيتنا متنعّمين مرتاحين عايشين بين عيلتنا آكلين وشاربين أحسن حاجة! ‏{وَإِن تَعُدُّوا نِعْمَةَ اللَّهِ لَا تُحْصُوهَا} 🤍.

بقولكو اي تيجي نحوقلو بنيه التوفيق والنجاح لان انا الخوف والتوتر ماسكني جامد ف ممكن لعل وعسي حد فيكم اقرب مني الي الله ودعواتنا جميعا ل بعض الحوقله هيا(لا حول ولا قوه الا بالله العلي العظيم:) ربنا يوفقنا جميعاا خلي أبائكم وامهاتكم يحوقلو بنيه التوفيق والنجاح ل طلاب تالته ثانوي جميعاا ويارب انت قادر ع كل شئ وهوا رب كل شئ ومليكه🥺💕 مستنيه الحوقله؛ يجماعه وربنا يجعلهاا ف ميزان حسناتكو يارب❤️❤️❤️❤️❤️❤️❤️❤️❤️

أنا علي علاقه بشاب وبحبه .. بس هُو محترم جدًا والله و بيساعدني أقرب من ربنا  وبنعمل خير سوا  .. هل كدا ربنا هيبقي راضي عن علاقتنا ؟! طيب هنعتبر   الخير اللي بتعملوه سوا " زي اللبن  " تمام ؟! وصداقتك بالشاب " تِشبه طبق مليان  تُراب  غير نضيف .. وجيتي لربنا عملتي الخير اللي زي اللبن  وقدمتيه اٍنتي وهو  في طبق صدقاتكم " المليان تُراب " هل اللبن هيكون صالح وكويس بعد لما يتعفر بالتُراب ؟! بالطبع لاء غير صالح للاستخدام ولا هيكون مقبول .. اذا الخير + صداقتك بالشاب  .. لا يجمعان ..  ولا متخذات أخدان " مينفعش البنت يكون ليها صديق .. ودا لمصلحتك علشان ميتقلبش الصداقه حُب وتنجرحي لما يفارقك وميكلمش !! حافظي علي نفسك وقلبك ومتخليش حد يضحك عليكي انتي عاقله وفاهمه  #ربنا_يحبك :)