Әдебий БлоGнот

Фаридам, Фаридим, Периштем дедиң.. "Қосық - бул жүрекке сыймаған дәрт, жүрекке сыймаған Муҳаббат" ФАРИДА АФРЎЗ @aydinguli

Бирақ, сениң Жәмийлаң болғым келе береди...

"ЖӘМИЙЛА"НЫ КӨРГЕНДЕ... "Жәмийла"ны көргенде, сен ҳаққында ойладым, Дәниярдың ролине мен өзиңди сайладым. Қолларыңнан тутыўға қорықты қолым мениң, Бул өмир сахнасында жақсы ойнай алмадым. Жәмийланы көргенде өксип- өксип жыладым, Өкиништиң көксине бас қойып, мен қуладым. Әрман мени жубатып, арзыўларға силтеди, О тәғдир, ҳаял кеўлин неге бунша сынадың... Жәмийланы  көргенде делбе қыял ереди. Дәниярға илесип, қашып кетким келеди. Тәғдирим мениң солай, Садық пенен қаламан, Бирақ сениң Жәмийлаң болғым келе береди... Абадан ТУРДЫМУРАТОВА http://t.me/a_blognot

Инсан өзи шыннан жақсы көретуғын адамына ҳеш қашан жаманлықты рәўа көрмейди. Ҳақыйқый муҳаббат пенен ҳәўесликтиң парқы да мине усында. Ашық болған жүрек ийеси ҳешқашан өзин ойламайды. Ашық өзин қурбан қылып сүйиклисин сақлап қалыўға таяр турады. Шыңғыс АЙТМАТОВ "Тик жар астындағы аңшының зары" китабынан. http://t.me/a_blognot

Шыңғысхан: - Қорықсаң ислеме, иследиң бе қорықпа.

Истиң ең жақсысы бул соңына дейин алып барылған ис.

ӨЗГЕРТ ДЕЙДИ Психологлар:өзиңди өзгерт дейди, Өзиңди өзгертсең өмириң өзгереди. Өзиң болыў бәринен жақсыдай тап, Адамлардан шаршадым өзгермели. Өзгертеди бәрибир ўақыт сени, Жасыңды да күн сайын үлкейтеди. Ҳүждансыз адам етип өзгерткен ким? Туўылғанда гүнәсиз нәрестени. Өзгертеди онысызда ўақыт бәрин, Өзгереди қасыңда дос-яраның. Өзгерсе де жағдайлар, заманлар тап, Өзгермесин өзиңниң ҳүждан-арың. Өзгермеймен, адамлар өзгермеңиз! Ҳәр биримиз тамшымыз, өмир - теңиз. Миллиардлар арасында өзиң болып, Өзгермей жасаў өзи үлкен жеңис! Абадан ТУРДЫМУРАТОВА https://t.me/a_blognot

Бирақ... қызықпайман мен тирилиўге, Егер қарақалпақлар күтип алмаса... Пәтийма МЫРЗАБАЕВА https://t.me/a_blognot