E3dady Channel

لو فكرت تشتري عربية ف انت بتروح لمكانيكي أو متخصص تسأله الأول لو رايح تشتري خشب بتروح تستشير نجار الأول لو مرضت لا قدر الله بتروح بتروح تدور على طبيب وتسأله في كل الحالات اللي فوق دي بتروح تدور على حد متخصص وتستشيره عشان محدش ينصب عليك ولا يقولك معلومات غلط اشمعنى في اللابات بقى اللي لما تحب تشتري بتروح تسأل أي حد اكبر منك أو تدخل تسأل في أي جروب و تاخد كلام من أي حد وخلاص ! وفي الأخر ترجع تعيط بعد كده! يعني حرام جدا يوميا يوصلني أكتر من 30 رسالة لأشخاص جابو لابات ومنصوب عليهم فيها ، إما إنهم جايبين اللاب أغلى من سعره ألفين أو تلات تلاف جنيه أو اللاب ملعوب فيه ومليان مشاكل وطالع عينه أو الجهاز غير مخصص أصلا لاستخدامهم ! ولما اجي اسأل حد منهم مين قالك أصلا تجيب المواصفات دي يكون رده كالتالي : 1- اصل واحد/ة أكبر مننا دخلونا في جروب وكتبولنا المواصفات دي ف احنا رحنا جبناها !! 2- اصل واحدة صاحبتي جابته وشغال معاها كويس فقولت اروح اجيب زيها 3- أصل شكله عجبني وانا بشتري ! 4- أصل سمعت فيديو على اليوتيوب له فحسيته حلو ! وغيرها وغيرها كتير من الحاجات التي لا يتقبلها عقل أو منطق أصلا !! الموضوع بيكون كارثي بكل المقاييس وحرام تكون رايح تدفع 8 أو 9 تلاف جنيه وحرفيا تكون كأنك بترميهم على الأرض وبتفضل تعاني 4 أو 5 سنين قدام رغم كثرة الانشغالات اللي عندي إلا إني بحاول متأخرش عن أي حد بيسألني عن اللابات أو محتاج أي مساعدة مني وبحاول اشرحله الموضوع وافهمه كل حاجة ومعنديش أي مشكلة في كده ودي حاجة انا بعملها تطوعا لوجه الله ،، لكن مينفعش سيادتك تستهر وتكسل وتروح تشتري يتنصب عليك وبعد كده تيجي تشتكي وتعيط وتقول يا باشمهندس انا اتنصب عليا وعاوزك تساعدني !! طب ما كنت تسأل من الأول ولا لازم تجرب بنفسك !! والله يا جماعة مفيش حاجة اسمها أفضل مكان اشتريه منه ولا افضل نوع اجيبه ،، الموضوع كله متوقف على عوامل كتير جدا وفيه شروط ومواصفات معينة لو انطبقت على الجهاز أو المكان بتروح تجيبه وانت مطمن والموضوع بيختلف تماما من شخص لشخص ومن استخدام لاستخدام ومفيش قاعدة ثابتة في الموضوع رغم إني كتبت مقالات كتير جدا قبل كده وتحذيرات كتير بسبب الموضوع ده إلا إن ناس كتير لسه لم تتعظ ومصرة تجرب بنفسها وكونك بتشتري عن غير فهم ده بيخليك فريسة سهلة جدا للتاجر إنه يلبسك في أي جهاز بأغلى سعر وصدقني مفيش أسهل من إنه يخدعك بالكلام ! ووالله يا جماعة مفيش حاجة اسمها النصب في الاستيراد بس وهنجيب جديد عشان مضمون ،، السوق المصري مبيرحمش وكله ممكن يتلعب فيه عادي والجديد بيتلعب فيه وبعدين يتغلف ويتحط في الكارتونة ويطلعلك على إنه جديد وانت تشتري وانت مش حاسس بحاجة وانت واخد أحلى مقلب أصلا وميعديش كام شهر وتلاقي الجهاز بقى بيسيح منك وانت شغال لذلك بقول ديما أهم حاجة انك تكون عارف خطوات الشراء كويس جدا قبل ما تشتري وتكون عارف خطوات الفحص كويس جدا الأول عشان مترجعش تندم بعد كده وكنت كتبت اكتر من مقال قبل كده في الموضوع ده اللهم بلغت #علي_عبدالناصر

تنبيه مهم جداً من شوية نزلت مقال بتكلم فيه عن اخطاء متكررة يقع كتير من الطلبة فيها اثناء شراء لاب من اللينك ده https://t.me/e3dady21/1436 فلاحظت إن فيه ناس خدت الكلام ده على نفسها يا جماعة وبعتولي ان مينفعش اتكلم عليهم كده وزعلو جدا من الكلام رغم إني لم أشير إلى أي شخص مطلقاً سواء بالتصريح أو حتى بالتلميح ،، الكلام مطلق تماماً وأتكلم بوجه عام مطلقاً عن أخطاء منتشرة بشكل عام يقع فيها مئات الناس ويصلني عشرات الرسايل منها يوميا فكون فيه أشخاص خدت الكلام ده على نفسها فهم شايفين إن عندهم مشكلة 😅 ولكن فعلياً لم أقصد أي شخص بعينه في هذا المقال ولكن الكلام يحمل على مطلقه بوجه عام وأي فهم خلاف ذلك فلست مسؤول عنه لذلك وجب التنبيه

- أخبرني عن مجال تفهمه جيدا وتتابعه وأصبحت خبيرا فيه.. - الموبايلات، أحبها وأتابع جديدها وأعرف تفاصيلها! - ممتاز، تصور أن أحد الأشخاص كتب يسأل هل ريدمي 9A مضاد للماء أم لا، وأجبته أنا بأنه مضاد للماء، فما رأيك؟ - أنت بهذا تسببت في أن يخرب موبايله لأن هذا الموديل غير مضاد للماء! لز نزل به حمام سباحة فسوف ينتهي أمره. - لماذا اعتبرتني أنا السبب؟ - لأنك غير متخصص ولا تعرف المعلومة الصحيحة فأجبت بالخطأ وسوف يتصرف هو على أساسه! - لكن أحد الأصدقاء أخبرني أن هذا الموبايل سقط منه في الحوض ولم يحدث له شيء، فعرفت أنه ضد الماء! - حادثة عابرة كهذه ليست مقياسا، كما أن الموبايل قد يتحمل سقوطا سريعا لكنه لا يتحمل الغمر في الماء لمدة أطول. - لماذا تضايقت الآن؟ - ليس هناك مبرر لأن يتحدث أحد في أمر ليست له علاقة به ولا يفهمه. - جميل.. لماذا إذن أجبت أنت على سؤال أحد الأشخاص عندما سألك بترشيح لابتوب مناسب له فقلت له إمكانيات لا تناسبه إطلاقا بناء على ظن وتخمين ،،، نعم ولكني سمعت فيديو على اليوتيوب أو قرأت مقالا على النت يقول ان هذه الامكانيات ممتازة ! - جميل، أرسل لي المقال ؟ بعد إرساله والنظر إليه أرى أن المقال أو الفيديو تكلم على الجهاز بناء على جانب او اثنين فقط مثلاً من حيث سهولة الاستخدام وراحة العين اثناء الاستخدام لفترات طويلة ! إذن أين الباقي ، أين الكلام عن المواصفات وعلاقتها بالاستخدام والمقارنات والأرقام التي تثبت أنه أنسب جهاز بالنسبة لك ! - ما هذا كله ! انا وجدت المقال يقول ان الجهاز مناسب ووجدت سعره مناسب فرشحته لمن يسأل - أرجوك لا تفتي فيما لا تعلم - ولكن ما الناقص ؟ كثيير وكثيير لإن عشان أي حد يقدر يحدد مواصفات لابتوب فهو محتاج يعرف حاجتين أول حاجة : محتاج يعرف كامل المواصفات بتاعت الجهاز زي ( processor - Generation - Frequency - Cache - suffex - Vega - Up to of Vega - resl of screen - size - Ram - power - type of - hard ....) وأشياء أخرى فطبيعي لما حد يجي يذكرلي معلومة أو اتنين بس من المعلومات دي معرفش ارد عليه وإلا هيكون الرد محض غلط ، لذلك لما حد من زمايلك يقولك روح هات لابتوب برامات 8 وهارد 500 زي بتاعي اسئله عن بقيت المواصفات عشان متتسوحش ، لإن انت لو رحت أي شركة وقولتلهم كده هيعرفو انك مش فاهم حاجة وهيعرفو كمان إنك زبون لقطة وسهل ينضحك عليك وهتلبس في لاب تعبان بسعر عالي وهترجع تعيط بعد كده بقى وتقول اللاب بيهنج وبيفصل ومش راضي يشتغل كويس 🥲 طب تاني حاجة بقى إيه : انك تكون عارف استخدام الشخص ده تحديدا هيكون اي للجهاز وإيه البرامج اللي ناوي يستعملها لإن بناء على استخدامه هيتم اختيار المواصفات بدقة اللي تلبي الاستخدام ده ، لإن كل قطعة في اللي ذكرتها فوق لو اتغيرت بتغير في الأداء العام بتاع الجهاز فطبيعي طالب في عمارة هيجيب لاب مختلف عن حد في حاسبات هيجيبه مختلف عن طالب في طب عن واحد جيمر عاوز يلعب عليه حتى لو كلهم جايبينه بنفس السعر بس كل واحد هينقي المواصفات اللي تكون أصلح وأنسب لاستخدامه ،، فأي حد تسأله عن لابتوب كويس ويرد عليك مباشرة بدون ما يفهم استخدامك الأول كويس جدا أعرف إنه مش فاهم حاجة ،، اتمنى تكون وضحت كده 😃 وكنت شرحت الموضوع بالتفصيل في مقال من اللينك ده https://t.me/e3dady21/1308 - هذه أشياء منطقية! - هذا ما أريد أن أوصله لك، المنطقي لا يشترط أن يكون صحيحا! شعورك بالغضب من كتابتي لنصيحة في مجال أنا غير متخصص فيه هو شعوري تماما عندما أقرأ مشاركاتك في مواضيع أنت غير متخصص فيها! والمصيبة أنها نصائح في قد تتسبب في خسارات قد تصل لآلاف وتسبب المتاعب والمعاناة لأربع أو خمس سنوات لمن يقرؤون نصائحك إذا اقتنعوا بها ونفذوها (سواء أكان صاحب السؤال أم غيره من المشاركين)! يصلني كل يوم مئات الرسايل الكارثية لهذا الأمر وفي النهاية أسأل الشخص من الذي رشح لك هذا الجهاز يكون رده فلان ،، إذن ما تخصص فلان ؟ يرد : بيقولو فاهم فيهم !!! - أشعر بأنك تضخم الأمر، فهمت ما تريد أن تقوله لكن ليس لهذه الدرجة. - أنا واحد ممن كادت نصيحة سيئة أن تفسد عليه عمله لولا كرم الله ولطفه، وأعرف معنى أن أحتاج للمعلومة التي لا أمتلكها وأن أضع ثقتي فيمن أسأله وأتصرف بناء عليها بالكامل فيتبين أنها مبنية على ظن وتخمين ومنطق لا علم وخبرة. كل ما أطلبه منك هو ألا تتحدث في أمر دون أن تكون ملما به بالفعل. - حسنا سأنتبه لذلك. - شكرا لك. #علي_عبدالناصر

E3dady Channel 2022☺️.: شباب الميتنج بدأ علي الجروب المختلط.. انصحكم تدخلوا واسألوا براحتكم.. وان شاء الله هتستفيدوا جدا. والأسئلة بس مش مختصة بقسم نظم.. اللي عنده سؤال محيره يسأل. https://t.me/+QI_MyBv7DjYzZmVk

شباب الميتنج بدأ علي الجروب المختلط.. انصحكم تدخلوا واسألوا براحتكم.. وان شاء الله هتستفيدوا جدا. والأسئلة بس مش مختصة بقسم نظم.. اللي عنده سؤال محيره يسأل. https://t.me/+QI_MyBv7DjYzZmVk

البنات الي كانت عايزه تغير الرغبات وبعتت بطاقته واسمها للدكتور دلوقتي تقدرو تغيرو الرغبات علي الموقع دكتور فتحه ليكم #ءالاء_حسن #مريم_مجدي

السلام عليكم ورحمة الله وبركاته، اذيكم ياشــبــاب أتمنى تكونوا بخير.❤️ ▫️نظم ولا كهربا؟! نظم ولا باقي الأقسام؟! أسئلة غلبت الكتير مننا وإن لم يكن كلنا. يا ترى نظم الأفضل ولا كهربا، يا ترى المُستقبل فين، يا ترى في شغل ولا الموضوع كما تقول الأسطورة: هندسة ملهاش شغل!🙂 أسئلة كتير بخصوص القسم والتخوف من المستقبل بتدور في عقلنا وتفكيرنا. علشان كدا كان لازم من حد يحسم الموضوع.. شخص نثق فيه وناخد رأيه على محمل الجد. علشان كدا إن شاء الله هيكون في النهارده سشن على الجروب هنا.. وهيتم فيه الحديث عن قسم نظم، الساعة ٤ العصر بإذن الله. ▫️هيكلمنا عن القسم م.أحمد مجدي: - خريج قسم ال والحاسبات لهذا العام. - ليدر Az_SENCS مسبقًا. - من أفضل 9 طلبة في مسابقة Huawei ICT Competition مجال ال Cloud Computing على مستوى الجمهورية. _حاصل على المركز الثالث على مستوى الجمهورية في تدريب وكالة الفضاء المصرية. _تم اختيار فريقه لتصميم أول قمر صناعي كامل برعاية أكاديمية البحث العلمي ودعم من وكالة الفضاء. ▫️من النهاية كدا شخصية عظيمة كدا حاجة يعني اللهم بارك. علشان تعرفوا مش بجيب لكم أي حد.😌 #يوسف_إبراهيم #لنُمهد_دربًا

ردت على سؤال تكرر كذا مره بالنسبه لأقسام البنات اللي مبتدخلش اختبار القدرات بتدخل أما نظم أو كهرباء على حسب التنسيق 👍

هَل حَنَّ قلبُكَ للنَّبيِّ مُحمدِ؟ ورَجَوتَ لُقيا في المقامِ الأسعَدِ؟ أكثِر عليهِ مِنَ الصَّلاةِ وردد يا ربِّ صلِّ على النَّبيِّ مُحمدِ ﷺ.

‏إن من مغرب يوم الخميس إلى مغرب الجمعة كل ثانيه فيها خزائن من الحسنات فليكثر من الصلاة على النبي ﷺ 🤍

السلامه عليكم ورحمة الله وبركاته بكره ان شاء الله الساعه 10 م ميتنج لنظم #ءالاء_حسن #مريم_مجدي

ياشباب الكلام مهم جدا للناس اللي ناوين ع قسم عمارة أو تخطيط، اللي ناوي ع احدي القسمين يدخل الجروب ع الكورس المجاني للاستعداد لاختبارات القدرة هيبدا قريب جدا. طب واللي مش ناوي، ركز معايا، ادخل الاختبارات احتياطي، يعني؟ انت ممكن تكون قررت مثلا ع قسم اخر، ولا قدر الله مجموعك مجبش القسم ده، تلقائي هتتحول لقسم مثلا انت ممكن تكون أقل حبا فيه، ويكون عمارة من وجهة نظرك مقارنة به كان هيكون احلي، فانت كده ضيعت ع نفسك القسم بعدم دخولك اختبارات القدرة. وبالتوفيق للجميع.✨

كورس قدرات عماره& تخطيط: حيران ولسه مش بدأت ومش عارف تبدا منين؟🤔 بتفكر في عماره أو تخطيط وخائف من القدرات .😥 إن شاء الله هيبدا تدريب كورس عماره وتخطيط، مع م/جهاد&م/مروة.✨ واللي شايل هم الفلوس.😥 أحب أقولك الكورس هيكون مجاني إن شاء الله.🎊🎊 وكمان الكورس هيكون اون لاين. ممكن تسالوا ع الشغل السنه الي فاتت لو حابين والمتابعة اول باول ان شاء الله معاكوا بالتوفيق يا بشمهندسين. لينك الجروب للبنين فقط.👇 https://t.me/+vF4hrbdONg41NDM0 بالتوفيق.✨

ادخل الرغبات حتى الان 317 ارجو التنبيه على باقي الدفعه ان تقوم بادخال الرغبات دخلو الرغبات يا بنات🙂

السلام عليكم انهارده أن شاء الله في ميتنج الساعه ١٠ الباشمهندس هيتكلم عن قسم كهرباء و لو حد عنده اي اسئلة الباشمهندس أن شاء الله هيقرأها من الجروب خلال الميتنج #مريم_مجدي #الاء_حسن

لو نويت على كهربا ولسه تايه ومش عارف نظام الدراسة بيكون ازاي فالبوست ده ليك التعريف بالفرقة الأولي قسم الهندسة الكهربية... الفيديوا مهم جداً لأي حد ناوي علي قسم كهرباء وهيركز علي جزئيتين : 1- ازاي تستعد لقسم كهرباء كويس (هيوفر كتير عليك جدا في المذاكرة والتقدير). 2- نبذة سريعة عن مواد أولي كهرباء. ( الفيديو حوالي 6 دقائق فقط ) 👇👇👇👇👇👇👇 https://youtu.be/6pbSm-A9H3M دمتم موفقين✨

-اتكلمنا قبل كدا عن قسم الهندسه الكهربيه،وهنكمل النهارده كلامنا عن شعبة اتصالات ،فلو انت حابب دراسته المجال وعاوز تدخل قسم اتصالات لازم تكمل قرأه لحد للآخر !! ✨قبل ما نبدا كلام عن قسم اتصالات ،ومجالاته والمواد اللي فيه هجاوبك عن السؤال الوجودي اللي لازم اي حد داخل القسم بيساله ،ألا ايه هو الفرق بين نظم وحاسبات، وهندسه اتصالات؟؟! -تعالا معايا واقولك ،بص بقا ي سيدي بتوع نظم بتكون دراستهم متعلقه بمجال السوفت والبرمجه اكتر وبيدرسو شويه صغيرين هارد ،اما بقا اتصالات بيكون تخصصهم اكتر بالهارد، وبتاع نظم لو اشتغل ع نفسه شويه واخد كورسات ممكن يوصل لشغل مهندس اتصالات. -فمن خلال البوست دا هنعرف ايه هي هندسة الإتصالات وأقسامها ومجالاتها واهم المواد اللي بندرسها فيها. -ندخل بقا علي الاسئله المهمه،ايه هي هندسه اتصالات؟! -هندسة الإتصالات أحد أقسام كلية الهندسة ومن فروع الهندسة الكهربائية، وفي بعض الجامعات يكون قسم الإتصالات مع قسم الإلكترونيات تحت مسمي هندسة الإتصالات والإلكترونيات ،والهدف من قسم هندسة الإتصالات هو تصميم وتطوير وتحسين وسائل الاتّصالات الحديثة السلكيّة واللاسلكيّة، فوسائل الإتصال أصبحت لا غني عنها وجعلت من العالم الكبير قرية صغيرة نستطيع الإتصال ببعضنا في أي مكان ولذلك قسم هندسة الإتصالات يلبّي احتياجات الاتّصال المختلفة التي يحتاجها المجتمع سواء عن طريق الإنترنت أو عن طريق الهاتف ،وهندسة الإتصالات برضو بتهتم بدراسة الطرق العلمية لنقل البيانات والمعلومات عن طريق النبضات الكهربية أو الموجات الكهرومغناطيسية من المرسل إلى مستقبل واحد أو عدة مستقبلين . ✨ايه بقا المواد اللي هدرسها في القسم؟! هندرس في اتصالات مجموعه من المواد المختلفه وهي: 1- مواد أساسية الرياضيات – الفيزياء – الكيمياء. 2- مواد كهربائية الدوائر الكهربية – خواص المواد الكهربائية – أجهزة القياس المتخصصة – دوائر فتح وقطع – تكنولوجيا الدوائر المتكاملة – نظم القدره الكهربائية. 3- مواد إلكترونية أسس الهندسة الإلكترونية – رسم العناصر والدوائر الإلكترونية – الدارات الإلكترونية – إلكترونيات صناعية – إلكترونيات دقيقة. 4- مواد اتصالات نظم الاتصالات – تخطيط شبكات الاتصالات – السنترالات – الاتصالات البصرية – الاتصالات الرقمية – اسس هندسة الاتصالات – نظم الاتصالات الحديثة. 5- مواد آخري متنوعة الصوتيات – نظرية الشبكات – هندسة التردد العالي – هندسة الهوائيات – الهندسة التليفزيونية – نظرية المجال- اللاسلكي السيار – هندسة الاتصال بالأقمار الصناعية – نظرية المعلومات و التشفير. -بندرس برضو مواد اضافيه في مجالات كثيرة مثل الإتصالات الرقمية والتناظرية وأساليب تصميم الشبكات وتقنياتها وطرق الربط بينها والإشارات الكهربية والكهرومغناطيسية وغير ذلك من تقنيات مستخدمة فى هذا المجال، كل المواد دي تؤهلك وتزيد من كفاءتك كمهندس،يتخصص مهندس الإتصالات فى إحد أقسام هندسة الإتصالات مثل الأقمار الصناعية، الشبكات بأنواعها السلكية أو اللاسلكية، وتكنولوجيا المعلومات وغيرها من الأقسام هنتكلم عنها دلوقتي بالتفصيل😌 ✨اقسام هندسة الإتصالات!! 1️⃣الاقسام الرئيسية:- .Wireless, fiber optics, Microwave, GSM, wimax, satellite, GPRS WiFi, Antenna, Networks. 2️⃣الاقسام الفرعية:- .Electronics, Electrics, Computers, IT. ✨مجالات العمل بالنسبه لمهندس اتصالات: 1- مجال شبكات المحمول وتنقسم لي اكتر من وظيفة مثل: FM Engineer :Field maintenance engineer). Optimization engineer. Planning enginner. Transmission Engineer. RF Engineer. Drive Test engineer (Radio Network Engineer). 2- مجال الشبكات Network Engineer. 3- مهندس تحكم Control Engineer. 4- صيانه اجهزه المحمول نفسها. 5- البرمجه و السوفت وير. 6- الاقمار الصناعيه. - حاليا تعتبر دراسة هندسة الإتصالات من الدراسات العملية الهامة ذات المستقبل الجيد فى عصرنا الحالى، خاصة مع تطور ثورة تكنولوجيا الإتصالات والمعلومات وتزايد نفوذ تلك التكنولوجيا بعد تعزيز عملها بالحاسب الألى أصبحت الحاجة إلى مهندسى الإتصالات ضرورية للمشاركة فى منظومة التقدم التكنولوجى فى هذا المجال،فنصيحه لازم تطور من نفسك وتاخد كورسات كتير وتنزل تدريب علشان تقدر تثبت نفسك في سوق العمل خصوصا أن المجال حاليا أصبح مفتوح ،ومش هيقدر يوصل إلا اللي عنده خبره ومهاره اكتر، #علم_يُنتفع_بة ✨ #مهندس_علي_الطريق👷‍♂️

#كتابة_الرغبات لفل الوحش كهربا باور ❤ الجزء التاني (مجال التوزيع الكهربي distribution ) : كنت اتكلمت قبل كده عن طبيعة المواد اللي بتدرسها في قسم كهربا وكان فاضلنا الكلام عن مجالات العمل قبل ما أبدأ هكرر تاني لو انت في كهربا باور بلاش ياخدك الشوق الغلاب وتقول عايز انزل تدريب وانت لسا في سنه اولى مخدتش غير سيركت أو لسا مخلص تانيه كهربا ومخدتش غير مقدمه في الباور سيستم والمحولات والماشين يا باشمهندس انت محتاج تتعلم المجال صح عارف ان حماس البدايات ده غلاب بس طلاما متحمس يبقا تبدأ صح في أولى وتانيه كهربا يا باشمهندس عندك 3 حاجات تطور نفسك فيهم ولا غنى عنهم ( لغة \برامج أوفيس \تنمية ذات ) (لكن....) لو قدامك فرصة تدريب كويسه وواثق انك هتطلع منها بكم معلومات هتستفاد منه وتقدر تحتفظ بيه لوقت حاجته أكيد وقتها تقدر تروح تدرب وانت حاطط رجل على رجل بس برضو مش وانت في سنه أولى بالذات لكن سنه تانيه وكده تمام والرأي ده أغلب رأي المهندسين المتخرجين وانا شخصيا لو جاتلي فرصة تدريب انزل ورش عمليه للكلاسيك والplc اكيد مش هضيعها بس اكون ضامن اني هستفاد منها وده المغزى من كلامي استثمر وقتك صح ... للأسف أغلب الطلبه داخلين القسم مش عارفين اي مجالات شغلهم بعد كده واي طبيعتها فيروحو بعد سنه اولى وتانيه يبحثو 😂 واغلبهم لما بيبحثو على اليوتيوب أو جوجل بيطلعلهم الآتي: يعمل مهندس القوى الكهربية لدى شركات الكهرباء والتي تتضمن : (محطات التوليد \أبراج النقل \محطات التوزيع ..الخ) طب هل الكلام ده غلط ؟ .. قطعاً لأ الكلام صحيح بس نسيو يذكرولك كلمة (بواسطه 🙂 ) انت كمهندس كهربا باور زي ما ذكرت سابقاً مجالك يعتبر أكبر وأوسع المجالات لأنك تقدر تشتغل في المقاولات والمصانع والشركات وحتى شركات البترول بس مش كلهم من غير وسايط ومش معنى أنهم بوسايط يبقا متحاولش لأ حاول واعمل الي عليك احنا واسطتنا ربنا في البدايه نتكلم عن اكتر مجالين في مصر وأولهم التوزيع الكهربي (distribution)❤ شغلك هنا يا باشمهندس غالباً بيكون في المقاولات وبتعمل توزيع كهربي على مبنى أو مستشفى او حتى منطقة سكنيه كامله شغله جميل جدا ومنتشر ولا غنى عنه وفيه حاجات حديثه اتوجدت فيه زي نظام التيار الخفيف وده ممكن تقرا عنه ونظام KNX على سبيل المثال لا الحصر الديستربيوشن بتشتغل بيه مهندس مكتب فني أو موقع وعشان تتقنه صج وده رأيي ورأي اغلب المهندسين تبدأ تتقن الآتي لما تخلص سنه تانيه كهربا اتعلم اوتوكاد بشكل مش قوي يعني الي هو تكون ملم بأهم الاوامر بتاعته وطريقة استخدامه وخلي بالك الاوتوكاد هو روح الديستربيوشن وكذلك الريفيت ولو قدرت اتعلم إيتاب بالمره وكمان ياريت تتعلم كلاسيك كنترول وده مش هياخد منك وقت هو اه مهم اكتر في مجال الاوتوميشن بس بيفتح مخك شوية وهتحتاجه بعد تالته كهربا تاخد كورسات ديستربيوشن محترمه بحيث تبقا ثابته في دماغك لمشروع التخرج وبعد التخرج في الشغل كمان ومن أفضل الاماكن الي برشحها ليه ( Eduvade ) وتتثقف وتتفنن اكتر بكتب الدكتور الجيلاني\ مجال الديستربيوشن مهروس كورسات أون لاين ومجانيه كمان بس الأفضل انك تحضر عملي بنفسك