E3dady Channel

*المجوع ودرجات المواد* - المجموع الكلي ١٧٠٠ درجة - الرياضيات ٢٠٠ درجة (١٠٠ درجة كل ترم) ٣٠ درجة اعمال سنة كل ترم ٧٠ درجة امتحان كل ترم - الفيزياء ٢٠٠ درجة (١٠٠ درجة كل ترم) ٤٠ درجة اعمال سنة كل ترم ٦٠ درجة امتحان كل ترم - الفقه ١٠٠ درجة (كلهم لامتحان الترم الاول ومفيش اعمال سنة) - الانجليزي ٥٠ درجة  ١٥ درجة اعمال سنة ٣٥ درجة امتحان الترم الاول - الميكانيكا ١٥٠ درجة ٥٠ درجة اعمال سنة ١٠٠ درجة امتحان اخر السنة - الوصفية ٢٠٠ درجة ٦٠ درجة اعمال سنة ١٤٠ درجة امتحان اخر السنة - الرسم الهندسي ٢٠٠ درجة ٨٠ درجة اعمال سنة ١٢٠ درجة امتحان اخر السنة - هندسة الانتاج ١٠٠ درجة ٥٠ درجة اعمال سنة (الورش) ٥٠ درجة امتحان اخر السنة - مقدمة الحاسب ١٠٠ درجة ٣٠ درجة اعمال سنة ٧٠ درجة امتحان اخر السنة - الكيمياء ١٠٠ درجة ٤٠ درجة اعمال سنة ٦٠ درجة امتحان اخر السنة - قرآن ١٠٠ درجة ٥٠ درجة تحريري اخر السنة ٥٠ درجة شفوي اخر السنة - العقيدة ١٠٠ درجة (كلهم لامتحان الترم التاني ومفيش اعمال سنة) - تطور التكنولوجيا ١٠٠ درجة (كلهم لامتحان الترم التاني ومفيش اعمال سنة) - لو قدر ربنا ونقصت في ميدتيرم او كويز او شيت او اتمينصت اوعى تحبط او تزعل دا شيء طبيعي وبدل ما تزعل على الي فاتت ركز في الي جاي وهتالاقي فرص كتير تعوض فيها إن شاء الله #بوستات_تعريف_لاعدادي

*الجدول والتقسيم* - الدفعة بتتقسم مجموعتين أ و ب - بتتقسموا ٢٠ فصل كل مجموعة ١٠ فصول - التقسيم بيتأخر شوية -التقسيم حسب ترتيب الاسماء الابجدي - الجدول بينزل اول اسبوع دراسة - اول اسبوع كل الدفعة هيحضروا مع بعض من غير تقسيم - لما تبدأوا تمشوا بالجدول و تبدأوا كمان تاخدوا سكاشن ساعتها ممكن تمشوا على نفس تقسيم فصول السنة الي فاتت تشوف اسمك الي زيه فصل كام وتعتبر نفسك في الفصل ده لحد ما التقسيم الرسمي بتاع السنادي ينزل - حاولوا تختاروا المناديب من اول اسبوع عشان يتواصلوا مع الدكاترة والمعيدين وتعرفوا عندكم ايه كل يوم لحد ما الجدول يتظبط والدكاترة يكونوا بدأو كلهم - الجدول بيبقى فيه مواعيد المحضرات والسكاشن والعملي والورش - بيبقى فيه جدولين جدول لجروب أ وجدول لجروب ب كل جدول من فوق بيبقى متقسم جدول أ من ١ ل ١٠ وجدول ب من ١١ ل ٢٠ الارقام دي معناها ارقام الفصول - يهمك الفصل بتاعك وتشوف عليك ايه كل يوم - الخانة الي بتبقى واخدة كل فصول الجروب بتبقى محاضرة على الجروب كله اما الي بتكون على فصل بس او اكتر بتكون سيكشن او عملي للفصول دي بس والباقي مش معاهم - الشرطة الي على بعض الخانات معناها المحاضرة بتكون اسبوع عليكم واسبوع لا - البنات قريبين من البنين في الكلام ده ما عدا بعض الاختلافات زي إنهم بيبقوا 10 فصول كل مجموعة 5 فصول وإن البنات عندهم جدول واحد فيه المجموعتين #بوستات_تعريف_لاعدادي

لو في اي حاجة مش مفهومة في الجدول شوف الرسالة دي 👆

جدول الفرقة الاعدادي بنين

*المواد* - المواد الي هتدرسها في اعدادي هندسة ١٣ مادة : ١- فقه ٢- انجليزي ٣- رياضيات ٤- فيزياء  ٥- ميكانيكا ٦- هندسة وصفية ٧- كيمياء ٨- مقدمة حاسب ٩- هندسة انتاج ١٠- رسم هندسي ١١- عقيدة واخلاق ١٢- تطور التكنولوجيا ١٣- قرآن - اول حاجة مواد الترم الاول (بتدرسها الترم الاول وتمتحن عليها الترم الاول) ١- رياضيات ١ ٢- فيزياء ١ (نظري وعملي) ٣- انجليزي ٤- فقه - اما مواد الترم التاني (بتدرسها الترم التاني وتمتحن عليها الترم التاني) ١- رياضيات ٢ ٢- فيزياء ٢ (نظري وعملي) ٣- عقيدة واخلاق (توحيد) ٤- تطور تكنولوجي - المواد الممتدة (بتدرسها الترم الاول والتاني وتمتحن عليها كلها الترم التاني اخر السنة) ١- ميكانيكا (استاتيكا وديناميكا) ٢- هندسة وصفية ٣- رسم هندسي ٤- كيمياء (طبيعية وصناعية وعملي) ٥- هندسة الانتاج (نظري وورش) ٦- مقدمة حاسب (نظري وعملي) ٧- قرآن #بوستات_تعريف_لاعدادي

*نظام هندسة الازهر* - هندسة جامعة الازهر بتكون خمس سنين سنة اعدادي واربعة قسم - اول سنة اعدادي مش بتضاف للتقدير التراكمي (تقدير التخرج) بس مهمة لان فيها بعض الحجات تأسيس للاربع سنين الي بعدها غير إن مجموعها مهم عشان تنسيق الاقسام وبعد ما بتخلص اعدادي بتخش القسم عندنا سبع اقسام بنين واربعة بنات بيبقوا بتنسيق ورغبات زي ثانوي ومعتمدين على مجموع اعدادي هندسة - حط هدفك من الاول إنك تجيب مجموع عالي واشتغل على ده ومتحبطش نفسك ولا تقلق حتى لو حاجة وقعت منك في حجات كتير هتعوضها وإن شاء الله تجيب تقدير عالي السنة الي فاتت البنين كان فيهم ٩٤ واحد جابو جيد جدا و ٥ جابو امتياز فالتقدير مش مستحيل إن شاء الله اهم حاجة بس متهملش في المذاكرة ولا تكسل ولا تحبط نفسك - متبخلش بمعلومة انت عارفها عن اصحابك وحب الخير لغيرك وإن شاء الله ربنا هيكرمك #بوستات_تعريف_لاعدادي

قَال رَسُولُ اللهِ ﷺ : «إنَّ لله مَلاَئِكَة سَيَّاحينَ فِي الأَرضِ يُبلِّغُوني مِن أُمَّتي السَّلاَم. » فأكثرو في الصلاة علي النبي ومتنسوش سورة الكهف ودعوة مستجابة عند المغيب .💚🍃

انا لله وانا اليه راجعون . علياء عز الدين زملتنا في ذمة الله 🥺💔 اللهم ارحم علياء واغفرلها وآنس وحشتها ووسع قبرها ، اللهمّ اجعل قبرها روضةً من رياض الجنّة، ولا تجعله حفرةً من حفر النّار . اللهم ان علياء فى ذمتك وحلت بجوارك فقها فتنة القبر وعذاب النار , وانت اهل الوفاء والحمد , اللهم اغفر لها وارحمها انك انت الغفور الرحيم . اللهم أنت ربها، وأنت خلقتها، وأنت هديتها للإسلام، وأنت قبضتها إليك، وأنت أعلم بسرِّها وعلانيتها، فاغفر لها.

الأحد القادم بدء تسكين المرحلة الأولى للقبول بالمدن الجامعية بجامعة الأزهر. https://azu.edu.eg/azharsr/home/cityresult

*اماكن محضرات وسكاشن البنين* - دا مكان مبنى اعدادي بنين جامعة الازهر في مدينة نصر في القاهرة https://maps.app.goo.gl/WgxihGJF58xFcatq9 - اغلب المحضرات والسكاشن في مبنى اعدادي في مدرج أ أو ب حسب الجدول - مدرج أ في مبنى اعدادي اول دور (اول ما تخش المبنى الارضي يعني) - مدرج ب في مبنى اعدادي تاني دور - سكاشن الرسم في مبنى اعدادي تالت دور في قاعات الرسم - عملي الفيزياء في مبنى اعدادي اول دور في معامل الفيزياء - اي مكان مش عارفه في مبنى اعدادي اسأل عم سعيد وهيقولك عليه - عملي الكيمياء في مبنى علوم قسم كيمياء في معامل الكيمياء في اول دور (الارضي) https://maps.app.goo.gl/ytAGqaqeUaSSYeXf6 - عملي الحاسب في مبنى هندسة النظم والحاسبات (المبنى الي قدام مبنى اعدادي) https://maps.app.goo.gl/sN2bNbXzbTRMJztKA - ورش الانتاج في مبنى ميكانيكا في العباسية https://maps.app.goo.gl/4SNSQ8sSobebhNn19 - نصيحة اي مكان عاوز تروحه عموما خش على خرايط جوجل اكتب انت عاوز تروح من فين لفين وهيقولك تاخد قد ايه راكب او ماشي ولو موصلات تركب ايه الموضوع ده هيفيدك جدا #بوستات_تعريف_لاعدادي

*الجدول والتقسيم* - الدفعة بتتقسم مجموعتين أ و ب - بتتقسموا ٢٠ فصل كل مجموعة ١٠ فصول - التقسيم بيتأخر شوية -التقسيم حسب ترتيب الاسماء الابجدي - الجدول بينزل اول اسبوع دراسة - اول اسبوع كل الدفعة هيحضروا مع بعض من غير تقسيم - لما تبدأوا تمشوا بالجدول و تبدأوا كمان تاخدوا سكاشن ساعتها ممكن تمشوا على نفس تقسيم فصول السنة الي فاتت تشوف اسمك الي زيه فصل كام وتعتبر نفسك في الفصل ده لحد ما التقسيم الرسمي بتاع السنادي ينزل - حاولوا تختاروا المناديب من اول اسبوع عشان يتواصلوا مع الدكاترة والمعيدين وتعرفوا عندكم ايه كل يوم لحد ما الجدول يتظبط والدكاترة يكونوا بدأو كلهم - الجدول بيبقى فيه مواعيد المحضرات والسكاشن والعملي والورش - بيبقى فيه جدولين جدول لجروب أ وجدول لجروب ب كل جدول من فوق بيبقى متقسم جدول أ من ١ ل ١٠ وجدول ب من ١١ ل ٢٠ الارقام دي معناها ارقام الفصول - يهمك الفصل بتاعك وتشوف عليك ايه كل يوم - الخانة الي بتبقى واخدة كل فصول الجروب بتبقى محاضرة على الجروب كله اما الي بتكون على فصل بس او اكتر بتكون سيكشن او عملي للفصول دي بس والباقي مش معاهم والشرطة الي على بعض الخانات معناها المحاضرة بتكون اسبوع عليكم واسبوع لا - البنات قريبين من البنين في الكلام ده ما عدا بعض الاختلافات زي إنهم بيبقوا 10 فصول كل مجموعة 5 فصول #بوستات_تعريف_لاعدادي

#بنات

*اول اسبوعين دراسة* - اول اسبوع اغلب الدكاترة مبتكونش لسه بدأت ما عدا الوصفية الدكتور غالبا هيخشلكم في اول اسبوع يشرح (درس صغير المعيدين غالبا بيعيدوا شرحه في السيكشن) ودكتور الفيزياء بيخش اول يوم الساعة ٨.٥ او ٩ (السبت) يعرفكم على المواد والدرجات ونظام المادة ويكلمكم شوية عن نظام الكلية - تاني اسبوع في دكاترة بتبدأ تشرح زي دكتور الرياضة ودكتور الوصفية وممكن دكتور الرسم يخشلكم يديكم مقدمة ويقلكم على الادوات وممكن دكتور الميكانيكا يخش برضو يديكم محاضرة خفيفة تمهيد وممكن برضو دكتور الانتاج يخشلكم - هيبقى كويس لو حضرت اول اسبوع عشان تعرف مكان الكلية ونظامها وتتعرف على الجامعة وتتعرف على اصحابك وبرضو عشان لو في دكتور قرر يبدأ بدري السنادي وفي ناس من دفعات اكبر هتجيلكم اول اسبوع المدرج إن شاء الله تساعدك ولو حد عنده استفسار وكده وهيدخلوكم جروبات وقنوات الدفعة وهتختاروا المناديب (الطلبة الي هيتواصلوا مع الدكاترة والمعيدين طول السنة) - مهم تلتزم في الحضور وخصوصا من بعد تاني اسبوع وكمان عشان متضيعش درجات حضور واحضر لكل الدكاترة ومتعتمدش على كلام حد قالك دكتور فلان شرحه مش كويس روح انت وجرب الاول كله - اطبع ورقة الترشيح عشان هتخش بيها الجامعة مع البطاقة الشخصية عشان الكارنيه بيتأخر واحتمال متاخدوش اول سنة حتى #بوستات_تعريف_لاعدادي

*الادوات 4* - قبل ما تشتري الادوات دي اسأل لو في حد من دفعة اكبر مش محتاج الادوات تاني يديهالك وتجيب الي ناقص منها بس وفي ناس بالفعل شغالين على إنهم يجمعوا الادوات من الدفعات القديمة الي مش محتاجينها - لو عاوز تشتري الادوات دي فاحسن مكان تجيب منه الفجالة او مكتبة سمير وعلي ولو متعرفش الفجالة ولا سمير وعلي في معرض بيتعمل في مبنى اعدادي اول السنة بيبيعوا ادوات وفي ناس برضو من معارض بيجوا الكلية وبيعملوا عروض بس الصراحة متعاملتش معاهم قبل كده - لو حاجة ناقصه منك او عاوز تجيب حاجة صغيرة ومكسل تروح تشتريها في مكتبة صغيرة كده قدام مبنى اعدادي بتبيع الادوات بس سعات بتبقى اغلى شوية - عموما في اماكن كتيرة تشتروا منها ويستحسن متستعجلوش وتقارنوا الاسعار بينهم وتشتروا الارخص الي بيبيع انواع كويسة - مش هتحتاج تروح بالادوات اول اسبوعين والاحسن متروحش بيهم لحد ما يقولولك تعالى بيهم ومش هتحتاج تروح بالادوات الجامعة إلا في يوم سيكشن الرسم ماعدا الارسطو والبرجل وشلبونة المنحنيات هتحتاجهم برضو في سيكشن الوصفية - الانواع الي مكتوبة تحت بعض الادوات دي احسن واشهر الانواع بس فيها حجات غالية شوية يمكن سمير وعلى ارخصهم ومفيش مشكلة لو جبت نوع تاني غير الانواع دي لو حد قالك عليه كويس #بوستات_تعريف_لاعدادي

*الادوات 3* - وفي ادوات متجبهاش غير لو محتاجها بس زي *بوردة* (هاتها بس لو معندكش حاجة في البيت او السكن ترسم عليها) *طقم براجل* (برجل واحد عادي كفاية) *اكتر من قلم سنون* (لو جبت اكتر من نوع سنون وبتستخدمهم كلهم مع بعض ممكن تجيب كذا قلم سنون عشان تبدل بينهم من غير ما تضيع وقت) #بوستات_تعريف_لاعدادي

*الادوات 2* - وفي ادوات كويس لو جبتها هتساعدك وهتسهل عليك *اسطمبة مسح* (بتسهل عليك المسح من غير ما تمسح اي خط بالغلط وخصوصا لو عاوز تمسح خص صغير) *فرينش كيرف او شلبونة منحنيات* (كويسة جدا لتظبيط الايلبس في الوصفية-ممكن روترينج او كانسون او سمير وعلي او اي نوع تاني) *شلبونة دواير* (بتساعدك وانت بترسم الدواير الصغيرة اوي الي بتبقى صعبة بالبرجل-ممكن روترينج او كانسون او سمير وعلي او اي نوع تاني) *مسطرة سكيل* (بيكون القياس بتاعها دقيق وكويسة لو بتقيس فتحة البرجل بس مش مهمة اوي) *مسطرة ٢٠-٣٠ سم* (مش مهمة اوي ممكن تكتفي بالمثلثات) *منقلة* #بوستات_تعريف_لاعدادي

*الادوات 1* - بالنسبة للادوات المطلوبة فهنقسمها لحجات مهمة لازم تجيبها وحجات كويس لو جبتها وحجات مش مهمة اوي - بالنسبة للادوات المهمة الي لازم تجيبها *بالطو ابيض* *بالطو ازرق كحلي* (متجبش بالطوهات غالية اي خامة هتقضي الغرض) *ادوات معمل كيميا* (٦انابيب والحامل بتاعهم وسحاحة وفرشة وماسك-لو قولت للي بيبيع عاوز ادوات معمل كيميا لاعدادي هندسة هيديهملك على بعض) *مسطرة T ٨٠ سم* (ممكن روترينج او كانسون او سمير وعلي او اي نوع تاني-لو ناوي على عمارة ممكن تجيب مسطرة اطول) *رول* (مش مهم اي نوع حتى لو رخيص هو بس عشان تحافظ على الورق الي هتروح بيه السكاشن) *مثلثين* (مثلث خمسة واربعين ومثلث تلاتين ستين بيجوا مع بعض- ممكن روترينج او كانسون او سمير وعلي او اي نوع تاني) *مثلث ارسطو* (مهم جدا عشان الوصفية ويستحسن يكون وسط مش صغير ولا كبير - ممكن روترينج او كانسون او اي نوع تاني) *برجل* (اي نوع كويس شغال مش لازم تجيب حاجة غالية اوي-انا عن نفسي كنت مستخدم حوالي خمس انواع-واكتر نوع ريحني برجل مابيد سنون وسعره مقبول) *استيكة او قلم استيكة* (ومهم تكون نوع نضيف عشان متبهدلش اللوح والاسكتش-فبري كاسل نوع كويس جدا) *اسكتش كانسون 35×50* *اسكتش نص سم كبير* (و يكون مثلا 100 ورقة وبيقولوا عليه سعات اسكتش تفصيل) - متجبش لوح رسم خالص الدكتور بيديهالكم مع الكتاب بسعر كويس وارخص من برة ومتسطرة تسطيرة الجامعة *الالة الحاسبة* *2 فوطة صفرا* (مهمة لمسح الادوات ومسح اللوحة) *بكرة سلوتيب بقطاعة* *قلم سنون* (ويكون 0.5 او 0.7 ملي-اهم حاجة نوع كويس مش بيكسر السنون ومش لازم يكون روترينج هو اه كويس جدا بس غالي جدا) *سنون HB* (ولو في امكانية تجيب اكتر من درجة هات واحد 2H او H وممكن برضو واحد B او 2B) (سنون H معناها خفيف وكل ما الرقم جنب H يزيد بيبقى اخف وده بيبقى كويس في خطوات الوصفية وفي الرسم لو هتمسح كتير بس مشكلته لو دوست جامد وانت بترسم بيه بيحفر في الورقة ويسيب علامة سنون B معناها الخط تقيل وكل ما الرقم زاد جنب B بيكون اتقل وبيكون حلو في تحديد الشكل النهائي في الوصفية وفي تفنيش الرسم بس صعب يتمسح سنون HB دي الوسط بين ال H و ال B ومع التدريب ممكن تجيب بيه كل الدرجات التقيلة والخفيفة وفي ناس كانت بتستخدمه بس لوحده وبيرسموا بيه حلو هات HB ومع التجربة شوف هتعرف تخفف وتتقل بيه لوحده ولا هتحتاج نوع تاني وفي البرجل يستحسن تسخدم HB او B وتبعد عن H الدكتور اول محاضرة رسم هيشرحلكوا انواع السنون وبيتعمل بيهم ايه إن شاء الله) #بوستات_تعريف_لاعدادي