Ravzai mujda

"Halol va harom bilan boqib, o'stirgan tanamizni bir kuni qurt - qumursqalar yeb bitiradi". (Filmdan) Rasmda akatsiyaning bir turi. Men bu daraxt gullarining endi-endi uchib ketadigandek tasavvur uyg'otadigan ko'rinishi uchun ham juda yaxshi ko'raman. Odamzotning umriga o'xshataman o'zimcha.

...kuni kecha o'tganlar bugun nima bo'lishini bilmagaylar, lekin bugun kun kechirayotganlar kecha nimalar bo'lganligini bilgaylar, ertaga esa bugunning kishilari kechagi kun kishilariga aylangaylar... Chingiz Aytmatov_ [QIYOMAT].

Kundalikdan Bugun turmush o'rtog'imning tug'ilgan kuni. Umrimda shirinlik pishirgan odam emasdim. Butun e'tiborimni tortning yaxshi chiqishiga qaratganim uchun yoshlarini bir yil oldinga surib qo'yibman. Ilohim, ikki yilning barokatini bersin. Hamma o'z ahli bilan baxtli bo'lsin. Va bir farzand, bir yigit ota-onasiga qila oladigan hamma yaxshiliklarni qila olishida Alloh homiy bo'lsin! Hech birimizning ota - onalarimiz bilan bog'liq armonimiz qolmasin.

Agar fidokorlikka ko'zingiz yetmasa, o'qituvchilikdan voz keching. Suratlarda Amira Rashad va uning o'quvchilari. Facebook sahifasini doimiy kuzatib boraman. Mittivoylar qolib men ham qiziqib ketaman ba'zan. Shunday ustozlar ko'paysin!