ABDII SABAA

#cybersecurity INSA’n Sagantaa Qormaata Dandeettii Saayibarii Biyyaalessaa eegaluu beeksise. Dargaggoonni Itiyoophiyaa kutaa biyyattii kamittuu dandeettii fi fedhii addaa nageenya saayibarii fi dameewwan kanaan walqabatan irratti qaban hundi qormaata kana irratti hirmaachuu akka danda’an ibsameera. Gosoota Dandeettii: - Cyber Security - Cyber Development - Embedded Systems - Aerospace Leenjichi ji'a tokkoof Yunivarsiitii Finfinnee Inistiitiyuutii Teeknooloojiitti kan kennamu ta'a. Iyyattoonni har’a irraa eegalee hanga Caamsaa 30, 2016tti marsariitii https://talent.Insa.gov.et irratti galmaa’uu akka danda’an ibsameera. Odeeffannoo dabalataaf +251910974317 ykn +251904311837 bilbiluu dandeessu. 📡 MIIDIYAA @ABDII_SABAA 📡 SABA GUDDAA WAAN TAANEEF MIIDIYAA GUDDAATU NUUF MALA!T Yaadaa, Qeeqaa fi Eeru qabdan karaa https://t.me/AbdiiSabaaDM nu qaqqabsiisaa, sagalee keessan dhageessisaa.

#Oduu_Ammee Namnichi barattuu Daraartuu ajjeese hidhaa waggaa 18 itti murtaa'eera. Barattuu Yuunivarsitii Asoosaa kan ture Daraartuu Lammeesssa waraanuun yakka ajjeechaa namni raawwate hidhaa waggaa 18 itti murtaa'e. Caamsaa 9, 2016 naannoo sa’aatii 2:45 a.m.tti himatamaan Yohaannis Margaa Itichaa jaalallee isaa barattuu Daraartuu Lammeessaa gara jabinaan ajjeesuun hidhamee turuu isaa gabaasuun keenya ni yaadatama. Poolisiin qorataa fi abbaan alangaa mootummaa waliin ta’uun shakkamaa kana irratti ragaa namaa fi ragaa yaalaan erga sassaabbatee booda himannaa baneera. Galmeen dhimmichaa Mana Murtii Ol’aanaa Magaalaa Asoosatti erga qaqqabee booda manni murtichaa galmee sana qoratee himatamaan yakka himatamee tureen yakkamaa ta’uun isaa mirkaneessuun hidhaan waggaa 18 itti murtaa’eera. Miidiyaan @Abdii_Sabaa irra deebiin maatiifi hiriyoottan Daraartuuf jajjabina hawwa. 📡 MIIDIYAA @ABDII_SABAA 📡 SABA GUDDAA WAAN TAANEEF MIIDIYAA GUDDAATU NUUF MALA!T

Fuula Feesbuukii miidiyaa @abdii_sabaa ammuma hordofaa! Odeeffannoo hatattamaa argadhaa! 👇👇👇👇👇👇👇👇 https://www.facebook.com/AbdiiSabaaFb

#Falasxiin Har’a Aayirlaand, Noorweey fi Ispeen Falasxiin akka biyya walaba taatetti beekamtii akka kennan ifatti beeksisaniiru. "Har'a Falasxiin biratti guyyaa baayyee seena qabeessadha" jedhan. Muummichi ministeeraa Aayirlaand Siimoon Haaris, "Har'a Aayirlaand, Noorweey fi Ispeen walabummaa Falasxiin beekamtii kenneera. Murtee kana hojiirra oolchuuf tokkoon tokkoon keenya tarkaanfii biyyaalessaa kamiyyuu ni fudhanna" jedhan. Muummichi ministeeraa itti dabaluudhaan, "#torban_itti_aanu keessatti biyyoonni hedduun tarkaanfii barbaachisaa kana fudhachuuf nu waliin akka ta'an mirkanaa'adha" jedhan. Mootummaan Aayirlaand beekamtiin sabummaa kun furmaata mootummoota lamaa kan deeggaru ta’uu fi nagaa waaraa naannichaaf barbaachisaa ta’uu ibseera. Ministirri Muummee Ispeen Peedroo Saancheez fi Ministirri Dhimma Alaa Noorweey Espen Bart biyyi isaanii Caamsaa 28 irraa eegalee Mootummaa Falasxiin beekamtii akka kennan ifatti beeksisaniiru. Muummichi ministeeraa Noorweey Jonas Gahr Storr akka jedhanitti, "(Falasxiin) beekamtii argattu malee, Baha sana keessatti nageenyi jiraachuu hin danda'u" jedhan. Itti dabaluunis ''falasxiin biyya walaba ta'uuf mirga bu'uuraa qabdi,'' jedhan. 📡 MIIDIYAA @ABDII_SABAA 📡 SABA GUDDAA WAAN TAANEEF MIIDIYAA GUDDAATU NUUF MALA!T Yaadaa, Qeeqaa fi Eeru qabdan karaa https://t.me/AbdiiSabaaDM nu qaqqabsiisaa, sagalee keessan dhageessisaa.

#EXITEXAM Dhaabbileen barnoota olaanoo dhuunfaa odeeffannoo barattoota isaanii qormaata Ba’iinsaa fudhatan hanga Caamsaa 16/2016tti akka dhiyeessan Abbaan Taayitaa Barnootaa fi Leenjii dhaamaniiru. Dhaabbata ion I odeeffannoo barattoota isaanii unkaa Ministeerri Barnootaa qopheesse fayyadamuun erguu akka qaban abbaan taayitichaa akeekkachiiseera. 📡 MIIDIYAA @ABDII_SABAA 📡 SABA GUDDAA WAAN TAANEEF MIIDIYAA GUDDAATU NUUF MALA!T Yaadaa, Qeeqaa fi Eeru qabdan karaa https://t.me/AbdiiSabaaDM nu qaqqabsiisaa, sagalee keessan dhageessisaa.

#Wallaggaa Daandiin Qilleensa Itoophiyaa balallii gara Naqamtee eegaluufi Daandiin Qilleensaa Itoophiyaa Waxabajjii 10 bara 2016 eegalee torbetti guyyaa 4 balallii gara godina Wallagga Bahaa, magaalaa Naqamteetti akka taasisu beeksise.

Sirni awwaalchaa Raa’isii bor gaggeeffamuu jalqaba. Miidiyaan mootummaa Iraan akka gabaasetti sirni awwaalchaa pirezidaantii Iraanii fi jila isa waliin balaa helikoopteraan du’anii Kibxata boruu gara Tehraanitti gaggeeffamuu jalqaba. 📡 MIIDIYAA @ABDII_SABAA 📡 SABA GUDDAA WAAN TAANEEF MIIDIYAA GUDDAATU NUUF MALA!T Yaadaa, Qeeqaa fi Eeru qabdan karaa https://t.me/AbdiiSabaaDM nu qaqqabsiisaa, sagalee keessan dhageessisaa.

PIREZIDAANTOOTA BALAA Aviyeeshiniin DU'ANII: 🇵🇾 Pireezidaantii Paaraaguway (1940) 🛩️ 🇵🇭 Pireezidaantii Filippiins (1957) 🛩️ 🇧🇷 Pireezidaantii Biraazil (1958) 🛩️ 🇮🇶 Pireezidaantii Iraaq (1966) 🛩️ 🇧🇷 Pireezidaantii Biraazil (1967) 🛩️ 🇧🇴 Pirezidaantii Booliiviyaa (1969) 🚁 🇪🇨 Pireezidaantii Ekuwaadoor (1981) 🛩️ 🇲🇿 Pireezidaantii Moozaambiik (1986) 🛩️ 🇵🇰 Pirezidaantii Paakistaan ​​(1988) 🛩️ 🇷🇼 Pireezidaantii Ruwaandaa (1994) 🛩️ 🇧🇮 Pirezidaantii Burundii (1994) 🛩️ 🇲🇰 Pireezidaantii Kaaba Maqedooniyaa (2004) 🛩️ 🇵🇱 Pireezidaantii Poolaandi (2010) 🛩️ 🇨🇱 Pireezidaantii Chiilii duraanii (2024) 🚁 🇮🇷 Pirezidaantii Iraan (2024) 🚁 Maddi: istaatiksii Addunyaa

Deeggaraan Arsenaal Keeniyaa erga gareen kun waancaa dhabee booda of ajjeese Miidiyaaleen Keeniyaa akka gabaasanitti, Maanchistar Siitiin waancaa Piriimiyerliigii Ingiliiz gareen kun waliin dorgomaa ture irraa injifachuu booda namni Keeniyaatti deeggaraa Arsenaal ta'e of ajjeese. Namichi kun tapha halkanii erga ilaalee booda uffata garee isaa uffatee funyoodhaan of fannise. Akka gabaasaaleen mul'isutti eenyummaan nama kanaa hanga ammaatti hin mirkanoofne. Waggaa 20 booda waancaa eegaa kan ture Arsenaal shaampiyoonaa liigichaa ta'uuf dorgomaa ture, kaleessa garuu Maanchistar Siitiin yeroo 4ffaaf walitti aansuun kabaja liigii kanaa galmaan gahuu danda'eera. Maanchistar Siitiin liigii kanaan qabxii 91 yoo galmeesse Arsenaal ammoo qabxii 89 walitti qabuun waggaa kana qabxii lama qofa gadi bu'uun sadarkaa 2ffaan xumureera. Taatee Keeniyaatti mudate hordofuun lammiileen biyyattii miidiyaa hawaasaa irratti gaddi kan itti dhaga’ame yoo ta’u, gariin akka ajaa’ibsiifaman barreessaniiru. Dhimmi kun dubbii biyyattii ijoo yeroo ammaa ta'eera. Yaadaa, Qeeqaa fi Eeru qabdan karaa https://t.me/AbdiiSabaaDM nu qaqqabsiisaa, sagalee keessan dhageessisaa. 📡 MIIDIYAA @ABDII_SABAA 📡 SABA GUDDAA WAAN TAANEEF MIIDIYAA GUDDAATU NUUF MALA!