Гулистон янгиликлари

Ташқи реклама воситаларининг қонунга мослиги ўрганилмоқда Гулистон шаҳри ҳокимлиги ва вилоят монополияга қарши курашиш бошқармаси ҳамкорлигида Гулистон шаҳри Тошкент йўли кўчасидаги тадбиркорлик субъектлари томонидан чиқарилган ташқи реклама воситаларининг қонунга мослиги ўрганилди. Ўрганиш давомида тадбиркорлик субъектларига «Реклама тўғрисида»ги қонуннинг мазмун-моҳияти, ташқи реклама ёзувларини давлат тилида ёзилиши кераклиги, савдо объектларининг номлари, давлат тилида ёзилиши бўйича тушунтириш ишлари олиб борилиб, огоҳлантириш хатлари берилди. Бугунги кунда ўрганиш олиб борилган тадбиркорлик субъектларининг эълонлари, номлари давлат тилида ёзилиб, аниқланган камчиликлар бартараф этилмоқда. ❗️ Эслатма ўрнида, «Давлат тили ҳақида»ги қонун талабларига кўра, бирор реклама ёки эълон, кўргазмали ёзувлар бўлса, аввал давлат тилида, яъни ўзбек тилида, кейин бошқа тилларда ёзилиши шарт. 👉 https://t.me/guliston_yangiliklari

🌾Зафар муборак, гулистонлик ғаллакорлар! Гулистон тумани миришкор деҳқонлари қишлоқ хўжалиги тарихида вилоятда биринчи бўлиб ғалладан юксак хирмон яратиб, зиммаларидаги вазифани шараф билан адо этди. Эътиборли жиҳати, белгиланган марра жуда қисқа муддат — 16 кунда забт этилди. Жорий йилнинг 22 июнь холатига давлатимиз ғалла хирмонига 18 минг 632 тоннадан ортиқ дон топширилиб, ғалла топшириш бўйича шартномавий режа 100,1% га бажарилди. Ҳар гектар майдондан ўртача ҳосилдорлик 70-80 центнерни ташкил қилди. Бу меҳнат зафарида Президентимизнинг соҳада амалга ошираётган илғор ислоҳотлари, дон етиштиришнинг кластер усулига ўтказилгани, ғаллани етиштириш ва сотишда бозор тамойилини жорий этилганлиги, ерга, мулкка эгалик ҳиссини, ғаллакорларнинг моддий манфаатдорлигини янада оширди. Қолаверса, гулистонлик миришкорларнинг йиллар давомида тўплаган тажрибасини илмий асосда, уйғун олиб бораётгани муҳим омил бўлди, дейиш мумкин. Меҳнат зафарингиз муборак бўлсин, азиз гулистонлик ғаллакорлар! ➡️ Гулистон янгиликлари

#Диққат_Тезкор Бугун, 22 июнь куни соат 14:00 ларда 110 кВ ли «Марказ-1» ҳаво тармоғида носозлик юзага келган. Шу сабабли Гулистон шаҳрининг айрим ҳудудларида электр таъминотида узилишлар кузатилмоқда.

«Ҳозирда мутахассислар томонидан носозликни бартараф этиш чоралари кўрилмоқда. Келтирилган ноқулайликлар учун узр сўраб қоламиз», - «Ҳудудий электр тармоқлари» АЖСирдарё ҳудудий филиали.

👉 https://t.me/guliston_yangiliklari

Гулистон шаҳри ҳокими Жамолиддин Ходжиманов ҳамда шаҳар сектор раҳбарлари томонидан шаҳарнинг тозалиги ва ободлигига ўз ҳиссаларини қўшиб келаётган ободонлаштириш бошқармаси ишчи ходимлари учун ош дамланди. 👉 https://t.me/guliston_yangiliklari

Гулистон шаҳрида «Ёшлар ойлиги» доирасида «Кибер спорт» бўйича мусобақаларнинг Сирдарё вилояти босқичи бўлиб ўтди. ➡️ Мусобақада Гулистон шаҳри жамоалари қуйидаги ўринларни эгаллади: ▪️CSGО — Намуна маҳалласи ёшлари 1-ўринни; ▪️FIFA — Нурафшон маҳалласи ёшлари 1-ўринни; ▪️PES — Дўстлик маҳалласи ёшлари 3-ўринни; ▪️DOTA2 — Навбаҳор маҳалласи ёшлари 1-ўринни. 👉 https://t.me/guliston_yangiliklari

Гулистон шаҳрининг Ибратли маҳалласида ёшлар учун ажратиб берилган ер майдонларидан унумли фойдаланиб келинмоқда. Ҳозирда ушбу ер майдонларида экинлар ҳосилга кирган. 👉 https://t.me/guliston_yangiliklari

Марказий банк 24 июндан хорижий валюталарнинг ўзбек сўмига нисбатан янги қийматини белгилади: 🇺🇸 1 USD — 12 625,18 сўм (–14,63); 🇷🇺 1 RUB — 146,62 сўм (–0,34); 🇪🇺 1 EUR — 13 505,16 сўм (–51,04). 👉 https://t.me/guliston_yangiliklari

📣 Барча фуқаролар диққатига! Сизни e-auksion.uz электрон онлайн савдо платформасида иштирок этиш бўйича саволлар қийнаяптими? — Давлат активларини хусусийлаштириш соҳасидаги ислоҳотлар (ПҚ-162 сонли қарор) — E-auksion электрон онлайн савдо платформасидан фойдаланиш тартиби Сизда e-auksion.uz электрон онлайн савдо платформаси бўйича савол ва муаммоли вазиятлар юзага келаётган бўлса, сизни «Электрон онлайн-аукционларни ташкил этиш» АЖ Сирдарё вилояти ҳудудий вакиллари иштирокида онлайн мулоқотга таклиф қиламиз. ⏰ Мулоқот бошланиш вақти 21 июнь соат 16:00 да👇 Бу ерда ➖ https://t.me/GulistanUz 👉 https://t.me/guliston_yangiliklari

Ниғматилла Йўлдошев яна 5 йилга Бош прокурор лавозимига тайинланди Сенат ялпи мажлисида Ниғматилла Йўлдошев номзоди сенаторлар томонидан Бош прокурор лавозимига маъқулланди. Йўлдошев 2019 йил 20 июндан ушбу лавозимда ишлаб келаётганди. 👉 https://t.me/guliston_yangiliklari

21 июнь соат 14:00 ҳолатига кўра, Chevrolet Cobalt автомобили учун 15 622 та шартнома тузилди Savdo.uzavtosanoat.uz сайтида 25 минг дона Chevrolet Cobalt автомобилининг 2024 йилги ишлаб чиқариш ҳажми учун бошланган онлайн контрактация жараёни давом этмоқда. 👉 https://t.me/guliston_yangiliklari