Sanjar

​​Тўрга тушган балиқ Камина асримни шундай яшагум, Қармоқлар ичида, пушмонлик ичра. Севгилим, бир куни тушишим аниқ Ошқозон-тортишиш идишчасига. Руҳоний пичоқнинг талпинишлари, Етади умримнинг ниҳоясига. Танадан ташланган бошим қолган сўнг, Боқма кўзларимнинг доирасига! Бошимни кесаркан шеър ўқиб тургин, Шеър ўқи ҳалқумга пичоқ етган он. Кесилган каллага шеър ўқиб бериш Кўк китнинг қорнига киришдек осон... Камина асримни шундай яшадим, Денгиз тушунмайди, қирғоқлар билмас. Тўрга тушган балиқ менман азизам, Тўрга тушганлардан умид қилма, бас! Санжар

КАРБАЛО Асқар Маҳкам шеъри.

​​Тўкилиш Истеъмол қилади хотиржамликни, Ноябр оқшоми, сершовқин шаҳар. Соямни майдалаб, сўнгсиз жимликни Шошмасдан, бирма-бир, ютмоқда башар. Бўшаб бораяпман қадам-бақадам, Бўшатиб боряпман тўлмас ҳовучни. Юз чайиб изтироб томчиларига, Унутиб юбордим бокира тушни. Энди ўнгланмайди, тош қотди бари, Тасаввурдан бунёд минглаб ҳайкаллар. Чизиб тугатилди рассом сурати, Сўнгги жумлагача айтилди алла. Ниҳоят бўм-бўшман, тирноғим қонаб, Қонталаш жумлалар, сўзлар чўзди бўй. Энди бағрингга ол сукунат-онам, Пешонангни узат ўйланмаган ўй. Санжар Тошбеков

​​Suratchi kerak bo'layapti shu kunlarda. 10, 15 ta hajmi kattaroq suratim bor, qolgani kegabaytlik. Tiniqlarida soqolliman. Soqolsizlarida miriqib suhbat qurayotgan vaqtlaridagi emotsiyalar ko'rinib qolgan. Yo gapirayotgan, yoki barmog'imni to'pponcha qilayotgan, yoki sharbat ichayotgan bo'laman. Gazeta, jurnallarga rasm so'rab qolsa topolmayapman. Tunov kuni "soqolsiz suratingiz yo'qmi?" deb qoldi gazetada ishlaydigan tanishim. O'zimni o'zim rasmga olish yoqmayapti. Hullas qayerdadir ko'rishib qolsak tayyorgarliklarsiz, ogohlantirishlarsiz rasmga olaveringiz. Xuddi "Yoshlar ovozi" bosib chiqargan shu rasmga o'xshash bo'lsa ham.

Eng qadimgi qo'shiq Eshqobil Shukur

"Yoshlik" jurnalida yoziqlarim bosib chiqarilganmish. Rasm shu yerda turaqolsin. "Yoshlik" degan jurnalda negadir qariyalar chiqadi doim. Men tenggi 3 4 kishini inobatga olmasa.

#Mujda Yangi sonimiz mundarijasi bilan tanishing! Mundarijaga sig‘may qolgan mualliflar bor. Ikkitasi birda bo‘ldi! @yoshlikjurnali yoshlikjurnali.uz

​​Туғилган кунингиз муборак бўлсин, Муҳаммад Сиддиқ ака. Бирам қаттиқ ёпдинг юрак эшигин, Билмадим, қай сўзим келганди малол. Қия очиқ қолса, бу юрагимга, Бошқалар ҳам кирармиди эҳтимол. Хўкизнинг шохида, дедим, бу замин, Сўнг балиқ устида, деб бўлдим амин. Аммо, бир кун йиғлаганинг билинди, Кўзларингни кўриб бағрим тилинди. Шунда билдим ёлғон билганим бари, Кўрдим, кипригинда экан Ер шари. Ўчираман лаҳзали лотереяни, зора, исминг чиқса бу сафар. Ҳисоблагич ўрнатилса кўзларимга, Иссиқ сувдан қарздорлигим битмас эди... Худбин бўлиб қолар экан севса ким, Ҳеч ким мендек суйиб, ёниб куймасин, Уни хунук кўрсатиб қўй, Худойим, Мендан бошқа уни ҳеч ким суймасин. Уруш одамлари Бобомнинг енгига қараб билар эдик, Шамол қай тарафга эсаётганин. Куйларинг бирам маҳзун,    куйларинг бирам оғир. Шалоббо бўлиб кетдинг, кел, уйимга кир ёмғир.... Аввал сени  СЕН, дедим, Кейин СИЗ, дедим. Кетдинг, "СЕН" билан "СИЗ" ни қўшиб айтдим, СЕНСИЗ, бўлиб қолдим.

Bugun soat 20:00 da jonli chat qilamiz. Suhbatlashish istagida bo'lganlar kirishi mumkin

​​Avvallari kimyoviy elementlardan reaksiya o'tkazardim. Yangi olinadigan moddalarning rangi, hidi issiqlik ajratishi yoki cho'kma hosil qilishini kuzatish zavq edi. Hozir ham kasbim o'zgarmadi. Elementlar SO'Zga evrildi xolos. So'z reaksiyasidan qolajak maxsulot-she'r. Har bir she'rning ham alohida rangi, hidi va ta'mi bo'ladi. So'zni ma'lum muhitda masalan bosim, harorati me'yorda bo'lgan joyda qo'llasa maxsulot sifatli bo'ladi. Yo'qsa olingan sariq toshni oltin deb chaynab yuraveramiz.