نـبـضـٱټ قـڵـم ♡

"شعورك بالتشَتُّت الآن لا يعني أنك ستبقى هكذا طويلًا، بطريقةٍ ما ستأخذ الأمور مسارها الصحيح، فوضى الأفكار في رأسك ستترتَّب، القلق الذي يسكنك ستحلّ الطمأنينة مكانه، القرارات التي تتخبَّط فيما بينها سيختار الله لك أصلَحها مادُمت قد استخرته و دعوته و صبرت، و الغد الذي كان كابوسًا غير واضح المعالم سيصبح واقعًا جميلًا.. فقط المزيد من الصبر و الدعاء، و الثقة الحق في ربِّ الأرض والسماء."

خُلِقنا ساكناتٍ؛ لا نبادر، لا نبوح، لا نبذل، ولا نخطو خطوةً واحدةً.. وخُلِقوا هم للمحاولات، مبادرين، معبِّرين، باذلين، أصحاب الخُطى العارفين للمسالِك هكذا نحن خُلِقنا من عاطفةٍ لا ينقصها عقل، وهكذا هم خُلِقوا من عقلٍ لا تنقصه عاطفة. بشكل عام جدًا؛ الراجل هو الذي يبادر . انتِ لست مطالبة ، لستِ مطالبة أن تحاولي معه أن يحبك ولا تتحايلي لأن يتقدم لك ولا أن يبقى معكِ و لا أن يحاول لأجلكِ لأن ببساطة هذه بديهيات فطرية لو الرجل يريدك فعلا بشكل حقيقي سيكون معك ، ويحاول بكل طاقته يصل لك ليس دورك! لكن مطالبة ان تحبِ نفسك وتقدريها وتحترميها وفي اللحظة التي تشعرين فيها انك لست في مكانك ستنسحبين ، في اليوم الذي ستدركين فيه أنك لست بحاجة إلى جذب إنتباه الآخرين، سيبدأ الآخرون بالإحساس بجاذبيتك، لأنها ضوء فرديتك. باختصار لولا تقديرك لنفسك وحبك لها واحترامك لها من سيفعل ويتحمل عناء ذلك !! و أخيرًا؛ المرأة في الإسلام مرغوبة لا راغبة ويُسعى إليها ولا تسعى هي البته! يُخطَى لها ألف ميل ولا تتزحزح هي حتى تأتيها طالبًا فتُقابلك الخطوة بمثلها ولرُبما فاقتك في الإحسان والعطف والرحمة ولهنّ في هذا على الرجالِ مِزية! تلك هي المرأة في ديننا رغم أنفِ الفسدة يقطَع لها الدربُ طويلًا، وعلى قدر عِفتها وكرامتها تزداد المشقة. اطلبوا الأشياء بعزة الأنفس فإن مقاديرها بيد الرحمن ...

⭕️⭕️⭕️⭕️ حوجة كبيرة لي واحدة أختنا، كبيرة بيت وسط بنات بس .. أبوها اتوفى قبل الحرب ربنا يرحمه ويغفر له، قامت الحرب وزي حال أغلبية السودانيين بي باقي العندهم سافروا مصر.. هنا بقت الأم (معلمة) هي مصدر الرزق الوحيد بعد وفاة الوالد .. أمها تعبت هناك وفحوصات وحركتها وقفت تماماً التشخيص الأول كان جلطة في الرأس وحركتها رجعت بس إلا يسندوها .. بعد فحوصات تانية في القلب اكتشفوا إنو في مشكلة في الشرايين والموضوع بقى أكبر من كده فقرروا ليها عملية قلب مفتوح لاستبدال صمامات في مصر. قال النبي ﷺ :"مَن تَصَدَّقَ بعَدْلِ تَمْرَةٍ مِن كَسْبٍ طَيِّبٍ، ولَا يَقْبَلُ اللهُ إلَّا الطَّيِّبَ، وإنَّ اللهَ يَتَقَبَّلُهَا بيَمِينِهِ، ثُمَّ يُرَبِّيهَا لِصَاحِبِهِ، كما يُرَبِّي أَحَدُكُمْ فَلُوَّهُ، حتَّى تَكُونَ مِثْلَ الجَبَلِ". ◆◆ التكلفة بالجنيه المصري : 320,000 ألف جنيه مصري (ثلاثمائة وعشرون ألف جنيهاً //) ◆◆ التكلفة بالجنيه السوداني : 12,800,000 ألف جنيه سوداني (أثني عشر مليون وثمانمائة ألف جنيهاً//) رقم حساب بنك الخرطوم بإسم أبرار عمر ... 3677091 رقم حساب بنك فيصل الإسلامي بإسم محمد الحبر محمد حمدان 51468829 للاستفسار وإرسال الإشعارات واتساب: 0909207389 بدرالدين عبدالباقي . 0916355201 الأمين عبدالقادر.

اييي زول محتاج استفسار صوره من الاوراق يدخل لي خاص بفيدو❤️شيرك بفرق 💙

ي أخوانا عندي حوجه ضروريه شديييد الناس بتقدر تتشايله معانه ولا مااتعب روحي وانزله ساي 😭 @Nasobto

خالتي جاها سرطان في الثدي سفرناها مصر عملو ليها عمليه وشالو ليها الاتنين بس ما بدت جلسات الكيماوي بسبب نقص القروش الدكتور قال مابتقدر تصبر اكتر من 20يوم وحالتها صعبه من الالم بترقد في الارض وعايشه على المسكنات لو عندك ناس بيقدرو يساهمو خليهم يرسلو في رقم الحساب دا 3115406 بي اسم عبدالرحمن محمد عبدالرحمن

كتير مننا بحس نفسو هذييييل 🥺 ما هزيل في شكلو هذيييييييل في شخصيتو مفروض يعمل حاجات بسيطة لقطها ليكم في النقاط دي اول حاجة يا عزيزي حافظ علي وجهك دائما هادئا برضو اذا دخلت الي مكان انظر الي الاشياء والاشخاص نظرة مسيطرة م نظره مسكينه وهذيله تمرن كيف تتكلم بدون سخف عشان توزن نفسك قدام الناس دايما حاول انك تتسرع في الحديث اصمت حين توجه اليك سخرية من جماعة حتخلي الناس تفكر انت بتفكر في شنو عارض الهجمات بأدب ايوااااااا بأدب لانو معظم الناس متوقعة الردود السلبية والادب بخوف فكر كثيرا وتكلم قليلا لو قابلت شخصا لأول مرة انظر الية وجه لوجه ولاتتردد لا تجعل لاحد نفوذ عليك لانو انت سيد نفسك لا تتسامح مع من يخطئ في حقك الا وانت عاوز الحاجة دي سيطر علي نفسك حدد هدفك لانو الرؤية الواضحة بتختصر ليك كتير واجة الاحقاد بأنك تنجح في كل حاجاتك امتنع عن الجدال واحتفظ بأسرارك ادرك ما في نفوس الاخرين وراقب لغة جسدهم جيدا لانو ممكن الزول يكذب في كلامو لكن حركات جسمو صعبه لا تغضب ايوا لا تغضب اصغي للحديث لاحظ الاشخاص احتفظ بهدوئك وخليك روييييييح لا تسمح لاحد بان يكلمك فيما عزمت علي عدم الخوض فيه ابق صافي الذهن في المواقف العدوانية عشان تقدر تفكر بشكل إيجابي توقع الأذى من غيرك لانو نحنا ما ملائكة يا عزيزي تعلم قراءة الوجوه انصف الاخرين لانو ما كلهم شياطين افهم وجهة نظر الاخرين اذا أتممت القرائه وجب عليك ترك بصمتك بتعليك عشان يصلك كل ما هو مفيد وجديد #النفساني #نفسية_غير #oubai_adil

"تحتاج في كل مرة أن تذكر نفسك بأن الله لا يفعل شيئًا سيئًا، حاشاه .. المكان الذي تعيش فيه الآن هو أنسب مكانٍ لك، والمكان الذي ستعمل فيه مستقبلًا سيكون لك الأنسب حينها، ما تمنيت ولم يحدث كان خيرًا لك ألا يحدث ، وما خشيت حدوثه وحدث كان خيرًا لك أن يحدث .. فكم لله من لطف خفيّ."💙

الطريقه الطلعنا بيها من بيوتنا حتفضل جرح جوانا عمرو ما يبرأ .. حنغطغطو .. ونضاريهو ونلفو ونعمل فيها انو شفى وبقى كويس ، لكن مع اول هبشه فيهو بنلقاهو لسه بنزف .. عدت الايام والأسابيع والشهور ، ولسه كل واحد فينا واقف في اليوم الجره فيهو شنطتو وخلى حياتو كلها وراهو ومرق .. ايوه جربنا حياه جديده ، حاولنا نبدأ من تاني ولسه بنحاول .. بنفتش للسعاده في أصغر التفاصيل .. بنصنعها برانا وبنلاوي الدنيا ملاومة عشان نكمل ونضحك ونعيش من تاني .. ماف زول فينا من جوه كويس .. ماف زول فينا مُستقر نفسياً .. ولا في زول فينا نسى الشافو والعاشو والقهر الحسينا بيهو .. طيلة الشهور دي ، كم مره ومره العبره خنقتنا واتضارينا في ركن وفكيناها برانا وبعدها استغفرنا وقلنا " الحمدلله يارب .. ما اعتراض بس اغفر لينا ضعفنا " وقشقنا دموعنا ومرقنا للناس كأنو مافي شئ .. وكم مره انهزمنا وانفعلنا بسبب تافه حيير كل الموجودين .. طيلة الشهور دي فضل جوانا أمل بيزيد وينقص .. مابين راجعين ومابين نعتبر حياتنا الفاتت فصل وانتهى ، ونبدأ فصل جديد .. طيلة الشهور دي واحنا في صراع داخلي عظيم مع نفسنا .. وانو كيف نخليها لسه واقفه وصالبه طولها وتفتش للنور جوه احلك ظلام ، وتلقى المخرج في كل سكة مقفوله .. استسلمنا .. ويئسنا .. رجعنا عافرنا وفقدنا الشغف .. نجحنا وفشلنا .. فرحنا وزعلنا .. بكينا وضحكنا .. ووقعنا كتير شديد ، لكن في كل مره ربنا كان بيدينا القوه عشان نقيف ونعافر ونحاول من تاني .. وبيرزقنا الأسباب عشان نكمل ونواصل .. وبذكرنا كل مره انها ما النهاية .. انو لسه عندنا نصيب حلو .. لسه في ايام حلوه .. لسه في جبر خاطر.. لسه في فرح.. لسه في وصول .. ولسه في تلااااقي .. وانو بإذن الله ماكان اخر وداع .. لا للخرطوم .. لا لشوارعها .. لا لزحمتها .. ولا لتفاصيلها .. ماكان اخر فراق لكل اهلنا الاتشتتو .. اخوانا البقو بعيدين .. حبايبنا الفتناهم من غير وداع .. جيرانا .. وحلتنا .. واصحابنا الكان اخر لقاء لينا بنقول فيهو " يلا ي خوانا لحدي بداية الاسبوع ان شاء الله" .. بس صباح السبت كان شايل لينا تفاصيل تانيه غير اللقاء .. ماحيكون آخر وداع .. #على_الهامش : حتجي عليك لحظات حيخنقك الحنين خنق .. وحتتجمع عليك كل لحظات حياتك القديمه .. حتضعف .. حيتملكك الحزن .. وحتحس بشئ ثقيل قاعد على صدرك .. وقتها خت يدك على قلبك وقول : رضيت يارب .. رضيت في وقت الرضا صعب عليّ شديد .. رضيت رضيت رضيت يارب .. كل الحصل ده قضاء منك .. وكل قضاء من عند الله حبيبي ، هو حبيبي 🤍.. حتهدأ .. وحتطمئن .. ونارك حتبرد .. مالينا الا الرضا والصبر .. وانو نسأل الله يطلعنا من كل المحن دي بالحسنات 🤍.. #ختاماً : ماتضايقوا ولا تندموا عشان طلعتو من بلدكم حفاظاً على ارواحكم .. الرسولَ صلَّى اللَّهُ عليهِ وسلَّمَ كان بحب مكة شديد ، بس وقت زادت عليهو أذية قريش ربنا أمرو بالهجرة .. وهو طالع منها عليه الصلاة والسلام وقف على الحزوَرةِ فقالَ: "واللَّهِ إنَّكِ لخيرُ أرضِ اللَّهِ، وأحبُّ أرضِ اللَّهِ إلى اللَّهِ، ولولا أنِّي أُخرِجتُ منكِ ما خرجتُ " (صحيح الترمذي ). وربنا بعدها بشرو بقوله تعالى : " إِنَّ الَّذِي فَرَضَ عَلَيْكَ الْقُرْآنَ لَرَادُّكَ إِلَىٰ مَعَادٍ ۚ "🤍.. فاللهم ونحن .. ونحن يا الله 🤲🏻.. #ختاماً_تاني : الدعوه الثابته ! " أعادنا الله لمنازلنا وهُون علينا وعلى قُلوبنا وحشة البُعد وغفر لنا وعفى عنا لحظات عدم الصبر والتشاؤم والتجزع وربط على قلوبنا وجعل الأمل فينا حيَّاً باقياً " اللهمّ حنانًا منكَ يلملم شتاتنا ويملأُ فراغَ قلوبِنا 🤍. آمين. قبل نطلع .. كنا بنسأل : متييين تضحك سما الخرطوم حبيبتنا ومتييين تصفا !💔 حالياً بقينا نسأل : متييين تضحك سما السودان ومتييييين تصفا ! اه💔🇸🇩 .وبكرة حانقول متين تصفي سماء الخرطوم ونعود تاني. منقووول