Multaqa-😍 الملتقى 💖

تخيل يكون معاك علبة شيكولاته حلوه أووي أووي وتمشي بيها في الشارع مشوار طويل رايح تهادي بيها حد بتحبه أووي ، وإنت ماشي طول الطريق بتقابل ناس بيبهرها شكل علبة الشيكولاته فيطلبوا منك وتديهم ، وتفضل تقابل ناس وناس وياخدوا من علبة الشيكولاته ، وفجأه تلاقي نفسك قدام الحد اللي المفروض تهاديه علية الشيكولاته ف تفرح بس تبص فيها تلاقيها فاضيه ! خلصت خلاص ! ما إنت وزعتها كلها علي كل اللي قابلوك في الشارع .. هو هو نفس الموضوع علي مشاعرك ، متديهاش لأي حد يقابلك في طريقك ، إستني لحد ماتقابل الشخص الصح ، إستني اللي ينفع تهاديه علبة الشيكولاته كامله مش ناقصه. نهال الراوي

أنا مش هاتكلم عن الفرح والتفاصيل اللي حسيتها فيه ، أنا هاتكلم عن أول ما مراتي دخلت الشقة ، أول ما الخوف بدأ يتزحزح لقلبها وأول ما أتقفل عليها الباب ، وقفت ساكتة بتبص لكل حاجة حواليها بعين زاهدة ، يمكن لو جبتها في يوم غير دا تتفرج علي المكان اللي هاتكمل حياتها فيه كنت لقيتها بتبص لكل حاجة بتمعن وفرحة مكان جديد أنا مش عارف هما قايلين لها إيه عن اليوم دا وإزاي بيمر ، ولا عارف هي حاليًا بتفكر في إيه ، بس لما بصيت لتعابير وشها لقيتها "خايفة" متوترة ومش عارفة تبص في عيني ، مخطوبين سنة كاملة ، عارفين بعض جدًا بس إنهاردة كإنها أول مرة تشوفني ، هي حافظة ردة فعلي علي كل مطب بنمر بيه مع بعض بس المرادي هي جاهلة التوقع تفاصيل الفرح ممكن تتنسي بس تفاصيل الكام ساعة دول مبتتنساش ، مش لإنك بتجرب حاجة جديدة ولا إنك بتبقي مستني اليوم دا من زمن ، لإنك بتشوف ضعف عن رضا ، إستسلام عن محبة وطيب خاطر ، خوف مداري حنية ، اليوم دا بالذات بيتبني جوه قلب الست سلالم إنت حطيت كل سلمة بتفصيلة من تفاصيل اليوم دا ، بكل فعل منك ، إحتويت مشاعر الخوف ولا عملت مش شايف ، إحترمت خصوصية جسمها ولا إنتهكتها بطريقة حسستها بإحساس وحش ، عاملتها بلين ولا كان عاميك غرضك ، إهتميت تراضي ولا تتجاهل ، قعدت وحكيت ورجعتلها تلقائيتها ولا عديت اليوم بخوفها وزرعت جوه الخوف خوف هي بتقرر تتخطبلك من قاعدة حست معاك "بأمان" فيها لكام ساعة ، بتقرر تديك فرصة تقتحم حياتها بمجرد ما حست بإرتياح من ناحيتك ، تخيل إنها هاتبني كل اللي جاي من حياتها معاك لمجرد ذكري اليوم دا؟! إنهاردة عدي علي جوازنا أزيد من أربع سنين ، بقي بينا بنتين ، بس اللي خلاني أكتب الكلام دا إنهاردة إني صحيت من النوم لقيتها مش موجودة جنبي وعادة بصحي قبلها عشان شغلي ، قبلها بساعات كتير وبفطر برا ف مابتضطرش أصحيها وعشان بتاخد ساعة كاملة بتحاول تستوعب فيها إنها كائن بشري زينا ، ولما سألتها عن السبب قالتلي "عيد جوازنا وبحضرله من بداية اليوم" وعلي وشها إبتسامة رضا وتقريبًا كانت بتغير فرش البيت ، الغريب مش إنها بتحتفل كل سنة بيه ، الغريب إنها "بتحب تحتفل بيه ومن أحب الذكريات عندها!" أظن إني بنيت فيه ذكري حلوة تخليها تصحي من عز نومها عشان تجهز لليوم دا ، وأظن إني عديت اليوم بيها هي مش بحاجة هي بتملكها "هي هاتكون راضية لما إنت تتعامل بالطريقة اللي تراضي مشاعرها مش تراضي الموقف"💙 أميمة عبدالله

في سنة رابعة في ولد شاطر اوي في القسم بتاعي عمل لينا جروب واتساب وكان قبل الامتحانات بيبعت لينا pdf نحله فيه كل اسئلة الدكتور اللي قال عليها او هو استخلصها واسئلة كانت صعبة وكان بيجي منها وفعلا كان سبب رئيسي اني جبت A+ في معظم المواد وتقديري التراكمي ارتفع بسبب أخر سنة الولد ده بالصدفة النهاردة عرفت إنه بعد فترة من التخرج أشتغل في مكان مكنش يحلم بيه وقالي بالحرف انا كنت بسعى لنجاحي ونجاح الناس وكنت معرفش ان ربنا هيأجرني على الاتنين النهاردة ويجبلي الرزق ده كله أتمنى الناس تتعلم منه حاجة واحدة بس...(في السماء رزقكم وما توعدون) وان مفيش حد بياخد نصيب حد واجتهاده لما يتعلم حاجة منه ، وان فعلا ربنا هيأجرك على اجتهادك لنفسك واللي ساعدتهم كمان

" صاحبتي فسخت خطوبتها من يومين سيبتها تهدي على اعتبار إنه خبر حزين وبعدين أكلمها بسألها السبب؟ قالتلي كنت بخلص ورق في مصلحة حكومية والجو مش ألطف حاجه حسيت بتعب ودوخه وطلعت رقمه ورقم بابا عشان حد يلحقني لو تعبت ووقعت زي كل مره أتعب فيها بابا قالي : أستنى مكانك ربع ساعة وأكون عندك هو قالي : روحي وارتاحي كده وكلميني ف ماحسيتش إني ممكن أسيب الحنية والجمال دول كلهم وأروح أعيش مع حد تاني عارف تعبي وبيهمشه عادي، وقتها بس أفتكرت فقرة عمرو حسن وهو بيقول : "أنا برضو علشان بعرف أنقي، أخترت اللي أبوها حبيبها، دلعها كأن مافيش في الدنيا بنات، وراها أمان صعب تعيش يوم في غيابه، أنا برضو عشان بعرف أنقي أخترت اللي أتربت تتصان" وحقيقي مش خسارة في اي بنت شويه أمان وطبطبة في مقابل أنها تسيب بيت أهلها وتديك عمرها وصحتها وشبابها عن طيب خاطر .."❤️

"عندما يتشاجر زوجان، فالرجل يتشاجر بالمنطق، أما المرأة فتتشاجر بالعاطفة، وفي النهاية يشعر الرجل أن المرأة تخالف المنطق، وتشعر المرأة أن الرجل لا يحبها!! وهذا سبب أدعى ألا نتحدث بالمنطق مع النساء.. فالمرأة يمكنها أن تُجري المنطق على أي شخص في الكون سواك، فأنت عالمها الكامل، وفي هذا العالم المنطق بلا عواطف، هي فقط تريد أن تشعر بحب أكثر، هي فقط تريدك أن تحبها، مع أنها تفهم بداخلها جيدًا المنطق الذي تحدثها به لكنها لا تعترف به." من الآخر ريح دماغك وخدها على أد عقلها.

بعيداً عن تريندات النحنحة والتلزيق ! فأنا أُجزِم إنه أكبر دليل علىٰ الحُب بعد الزواج أن يحترمك شريكك وقت الخصام وألاّ يتجاوز حق المسموح به في الخلاف. كُل النّاس تُحسن كلام الحُب والغزل ساعة الرضا، ولكن ساعة الخلاف يَظهر أسوء ما فيهم = فأعظم درجات الحب أن تشعر معه بالأمان وأنتم في أحلك المشاكل.

الله يطمن قلوبكم يا أهل الملتقى 🥺🤍

" اِشغِل نفسك واِملى أوقات فراغك عشان تتسحل وما تسيبش نفسك فريسة للحظات ضعفك، اِتعوّد على الحياة لوحدك، روح وتعالى لوحدك، اخرُج لوحدك، ومُجرّد ما توصل لحالة الاكتفاء دي وتبقى مش محتاج لحد ساعتها بس مش هيملى عينك أي حد كدا والسلام، وهتلاقي نفسك مش مستعجل وبتتأنَّى في اختياراتك .. وأي قرار هتاخده هيبقى مدروس 100%، ودي أعظم مراحل النُضج اللي مُمكن يوصل لها أي إنسان في الدُنيا .."

من 7 سنين لما قدمت فى جامعتى فى القاهره وفي سكن الطلبة كل واحد بيكون معاه شريك في الاوضه حاجه كلنا عارفينها ' وساعه لما جت تقسيمه الاوضه جه معايا واحد معرفهوش ولما صحابى عرفوا ' قعدوا يقولوا "يابني دا اهبل 'وههيبلك دماغك واليقول ده حرامي وكلام كتير عليه " انا خوفت جدأ ! ....لما جه سكن معايا ‘ كان عنده فرح فحب يتشيك وقف قدام المريا وقرب مني بعدها كان بيتكلم بتهتهه وتقل - ال ال كرافته ممم مع معدوله ؟ = ها أه -لون الكوتشي ماشي مع الجينز صح صح ! =جدأ - تعال مـ,ـمـ,ـ معايا =الجو برأ في لسعه برد خليها يوم تاني - انا بخاف انزل لوحدي السلم وصلني واطلع تاني ”نزلت معاه ولما وصلنا اخر سلمه طلع منه تلقائيا “ - انا بحبك ‘ ك ك كنت فاكرك ز زيهم صعب عليا جدا وروحت غيرت ورحت معاه الفرح 🌺 ومن يومها كان كل حاجه يورهالي قبل ما ياخد قرار ' حتي في أكله مش مجرد لبسه ‘ وكنت الوحيد اللي بيتكلم معاه وفي مره عجبتني ساعه وانا بدور علي حاجه online وكان قاعد بعدها باسبوع اشتراهالي. ودي كانت اكبر حاجه مكنتش متوقعها الحرامي. الاهبل ‘ طلع مجرد وحيد حابب حد يطمنه ويفهمه بس !💜 ”عيش بنفسك واحكم بعد كده متصدقش كلام حد “ ~لقائله

رق قلبي لعامل النظافة في الشارع، تناولت محفظتي لأعطيه من فضل الله، فلما انتقلت عيني من المحفظة إلى الرجل رأيته يدخن سيجارة، فقلت في نفسي : لقد كان أولى به أن يتوقف عن التدخين فيكون ثمنه عونا له، ووانصرفت ولم اعطه . وفي الطريق قلت : لو أن الله عاملني بمثل ما عاملت الرجل، فحجب عني فضله لذنب اذنبته أو تقصير قصرته كيف كان حالي ؟ أدركت عندئذ بعضا من رحمة الله ولطفه،وكيف يمهل العصاة والطغاة والمذنبين والمقصرين فلا يحجب فضله وعطائه عنهم إلى ما يشاء . الحمد لله الذي لم يجعل الأرزاق بيد البشر فتمنح وتحجب . [وَرَحْمَتِي وَسِعَتْ كُلَّ شَيْءٍ ۚ] .

الناس السُڪر اللِ بتتفاعل دي انتوا فـ قلبي جامد جمـوده وهعزمڪم عـَ فرحي وهتتعشوا مرتين 😂♥️♥️

واحدة بتقول: احنا ظروفنا المادية تعبانة .... واول يوم في العام الدراسي لقيت اخت جوزي جايه وجيبالي ٦ دست كراريس جديدة ..... واقلام كتير وألوان وصلصال ومقالم وبريات واساتيك وزمزميتين وعلبتين لانش بوكس لأولادي ...... وجايبة للبنت توك وكلونات وشربات للولد ..... وجايبة كرتونة لبن بالشوكولاته وجايبة كرتونة عصير وجايبة ٣ اطباق بسطرمة يعني حوالي كيلو ..... وجبنة رومي وجبنة كيري وزيتون وجبنة فلمنك ...... وانا كنت هودي أولادي بشنط السنة اللي فاتت وغسلاهم الاقيها جايبة شنتطين شيك وشكلهم غالي اوي ..... وجايبة كمان ازازتين برفان أولادي وبناتي خالي من الكحول وجايبة ازازة زيت شعر كبيرة وشامبو للأطفال .... وقالتلي معلهش كنت هاجبهم بالليل بس كنت تعبانه وقولت علي رقبتي اولاد اخويا يروحوا المدرسة بشنط قديمة اول يوم في المدرسة ...... ومن الفجر جات جري وقالت كل سنة وانت طيبة وجريت علشان تلحق توصل أولادها مدارسهم حتي كوباية الشاي مشربتهاش !!! لا عارفه اشكرها ازاي ولا ارد جمايلها ..... قلبي كان هيقف من فرحة أولادي وهما بيتفرجوا علي الشنط الجديدة والحاجات اللي عمتهم جابتهم ..... بصراحة مش عارفه ارد جمايلها ازاي وانا متواضعة ماديا جدا وبسيطة ومش هقدر اوصفلكم حبي ليها ولو تعبانة او فيها حاجة بيجييني اكتئاب .... والله بحبها اكتر من اخوها .... وعلشان ابقي اديتها حقها هي بتعمل ومش مستنيه الرد مني لأنها ملاك علي هيئة بشر ..... انا أولادي راحوا المدرسة وانا هموت من العياط من فرحتي بيها !!

تقول: زارنا خطيبي وجلست أنا وهو دخلت أمي ووضعت على الطاولة عصيراً وبيتزا ثم خرجت تكمل أعمال المنزل وتركتنا وحدنا. فأخذ قطعة بيتزا وأكلها . فقلت له : أأعجبتك ؟ فقال : نعم لذيذة ! فقلت : هذه من صنع يدي ..(قلتها له لكي يعجب بي اكثر ولا يهرب من يدي ) فأخذ يمدح في الطعام ويشكرني ويثني على مهارتي في الطبخ. وعندما غادر ذهبت إلى أمي وسألتها: من أين تلك البيتزا انها لذيذة ؟ فقالت : خطيبك أحضرها معه..🙂!!

الصلاة في البنطال للمرأة = صحيحة مع الكراهة يعني إيه؟ = يعني الصلاة صحيحة لكن أجرها ناقص. عبدالله الازهري.

مساء الخير يا جميل 🤍 ، "مكنتش صدفة ان ربنا يختبرك بتجربة صعبة فتصلي وتدعي كتير ان ربنا يهونها عليك ، مكنتش صدفة ان تضيع حاجة منك علشان ربنا كتبلك الاحسن هتكتشفه قدام ، مكنتش صدفة لما وقعت في ورطة فكشفلك ناس حواليك خاب ظنك فيهم ، مكنتش صدفة لما تلاقي رسايل بطريقة غير مباشرة تكون طبطبة من ربنا عليك فتعرف انه باعتها ليك علشان يقولك انا معاك بس اصبر ، مكنتش صدفة لما دموعك تنزل طول الوقت ومتعرفش تنام من الوجع اللي فقلبك وربنا يهون عليك دي كلها مش صدف دي مواعيد ربنا مقدرها علشان تصبر و تلجأله في عز ضيقتك و تثق انه الوحيد اللي هينجيك ويفرحك ويعوضك خير 🤍"

-كان نفسي اكون من البنات اللي تقدر تاكل عقل جوزها بكلمتين ... انا عندي قدرة رهيبة اغير رأي جوزي من لأ ؛ لـ اقسم بالله ما هيحصل 🙂🙂🙂

وتفاعل مبيظهرش مين اللى تفاعل فخدو راحتكم وبلاش المراقب ف صمت احنا مش على الفيس ها 😊😂😂😂❤️

ياريت كل الناس الجميلة اللى هنا تشيل الميوت او الكتم ومفيش اى اعلانات والرسائل كلها مفيدة وان شاء الله هنفضل نقدم حاجة تليق بيكم ❤️

شكرا على التفاعل وعلى نشر اللينك او الرسايل بشكل عام وشكرا على وجودك اللطيف والدعم وان شاء الله كل يوم هختار موضوع اتكلم بشكل عام واتمنى نكون عن حسن ظنكم ❤️