Multaqa-😍 الملتقى 💖

اسكريبت الحجاب ستر - مش ناوية تتحجبي بقي يا حور؟ - يووه يا ماما انتي كل يوم هتسمعيني الاسطوانة دي؟ - يا حبيبتي الحجاب عفة وستر، ومينفعش تبقي كبيرة كدا وماشية بشعرك! - ماشي يا ماما حاضر انا رايحة الجامعه عايزة حاجه يا حبيبتي؟ - لا يا حبيبتي عايزة سلامتك، ربنا يهديكي يبنتي. - يارب يا ماما. وصلت الجامعة واخدت بالي من بنت منتقبة ولبسها واسع جدا،بس كان شكلها حلو اوي فضلت بصالها وبقول هوا انا ليه مش زيها؟ فوقت من شرودي علي صوت نور صحبتي - اي يا نور بتقولي حاجه - بقول حاجه؟ دانا عماله اتكلم من الصبح وانتي مش هنا خالص في حاجه يا هنا؟ - لا يا حبيبتي مفيش حاجه،بقولك ايه انتي شايفه البنت اللي هناك دي..شكلها حلو اوي ضحكت وهيا بتقولي انتي قصدك علي اللي لابسه نقاب دي؟ هيا باينه اصلا من البتاع اللي هيا لابساه دا.. يلا نطلع يا هنا المحاضرة هتبدأ نور مش محجبة زيي بس مبتحبش النقاب ولا المنتقبين، انا بحبهم ونفسي اكون زيهم بس هكون زيهم ازاي وانا كدا..! نفضت الافكار دي من دماغي وطلعت المدرج ----------------- شوفت البنت المنتقبة معانا ف المدرج اتفاجئت لإني مكنتش بشوفها قبل كدا.. المحاضرة خلصت وروحت البيت وانا بفكر ف البنت دي.. حسيت اني ارتاحتلها اوي اول ما شوفتهة مع اني معرفهاش ولا شوفت شكلها قبل كدا!! --------------- تاني يوم روحت الجامعة وكنت مركزة مع حورية..اه منا عرفت من البنات اللي معانا انها اسمها حورية.. بعد المحاضرة لقيتها بتقدم عليا وقالتلي بصوت هادي - في حاجه يا جميلة؟ - لا مفيش حاجة بس ممكن اسألك سؤال؟ - اكيد اتفضلي. - هوا انتي ليه مخبية وشك كدا؟ بتستفادي ايه يعني؟ - طب ممكن اتشرف بيكي الاول او اعرف اسمك حتي؟ - اسمي هنا. - طب ممكن نروح نقعد ف اي مسجد يا هنا وانا هجاوبك علي كل اللي انتي عايزاه يا حبيبتي. روحت معاها وكانت اول مرة ادخل مسجد، حسيت براحة رهيبة اول ما دخلت. حورية رفعت نقابها وكان شكلها جميل اوي ووشها منور وفي قبول غير طبيعي. بصي يا هنا.. ربنا امرنا بالستر وامرنا نلبس واسع، وكمان امرنا بالحجاب.. عشان يكون لينا حِصن وساتر ف الدنيا - حِصن ازاي يعني؟! - ربنا قال "{ يٰٓأَيُّهَا النَّبِىُّ قُل لِّأَزْوٰجِكَ وَبَنَاتِكَ وَنِسَآءِ الْمُؤْمِنِينَ يُدْنِينَ عَلَيْهِنَّ مِن جَلٰبِيبِهِنَّ ۚ ذٰلِكَ أَدْنٰىٓ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا } ربنا ف الآية دي بيؤمرنا باللبس الواسع.. والحجاب سِتر لينا ف الدنيا، الحجاب فرض مش سنه ولما يكون فرض لازم نلتزم بيه ونعمل باللي ربنا امرنا بيه.. انتي بقي مش محجبة ليه يا جميلة؟ - رديت عليها ف خجل- معرفش بس انا مكنتش اعرف دا كله، نور صحبتي كانت دايماً تقولي ان الحجاب بيدفن البنت ومبيخليهاش تعرف تعيش حياتها. - يا حبيبتي الحجاب عمره ما كان كدا.. الحجاب بيمنع عنك الاذي وبيسترك وطبعاً الحجاب ليه قوانين لازم نلتزم بيها عشان يكون حجاب صحيح..يعني مينفعش تكوني لابسة حجاب وانتي مبينه جزء من شعرك،لا تبيني ولو جزء صغير من شعرك كإنك ظهرتيه كله ف الحكم.. وكمان مينفعش تكوني لابسه حجاب علي بنطلون، دا كله بيبطل الحجاب ومبيتحسبش ليكي حجاب عند ربنا. - ممكن سؤال كمان؟ انا بشوف بنات لابسين طرحه بس طويلة ومدورة كدا دا ايه بقي؟ - دا اسمه خمار، الخمار احسن عند ربنا من الحجاب، لأن الخمار اطول من الحجاب وكمان مينفعش نلبسه علي بنطلون صح ولا لأ؟ ف دا احسن من الحجاب. - وانا هينفع البسه، يعني ربنا هيقبل توبتي؟ - يا حبيبتي ربنا غفور رحيم وكمان ربنا قال:"وَهُوَ الَّذِى يَقْبَلُ التَّوْبَةَ عَنْ عِبَادِهِۦ وَيَعْفُوا عَنِ السَّيِّـَٔات" يعني ربنا هيقبل توبتك لو نيتك صادقه ومخلصه لله وهيعفو عن سيئاتك كمان. قولتلها بدموع- طب لو عايزة البس الحجاب اعمل ايه؟ عينيها لمعت وابتسمت ابتسامه حلوة اوي وقالتلي: هتدخلي دلوقتي حمام المسجد تمسحي اللي علي وشك دا واتوضي عشان تصلي ركعتين توبة لربنا دخلت مسحت الميكب واتوضيت وصليت ودعيت ربنا كتير اوي، لقيتني بعيط وفضلت اعيط كتير اوي.. بعد ما خلصت حسيت قلبي ارتاح اوي. - هعمل ايه بعد كدا يا حورية؟ - انا معايا طرحه ف الشنطة هتلبسيها لحد ما تروحي البيت. - هلبسها ازاي وانا لابسة بنطلون هوا انتي مش قولتي انه حرام؟ - هنزل انا وانتي دلوقتي بعد ما نصلي المغرب نشتري دريسات وجيب وهتغيري دولابك كله،والبناطيل ابقي البسيها ف البيت ماشي؟ - قولتلها بفرحه- ماشي بس هتصل علي ماما اعرفها اني هتأخر. صلينا المغرب ونزلنا روحنا محلات كلها دريسات واشتريت منهم كتير واحنا ماشيين لقيت حورية بتقولي:

‏"تظُن أنّها النهاية، وفجأةً يُصلح الله كُل شئ." ❤️

" كنت تغيب مهما تغيب واحلف بكل يمين لما ترجع هعمل فيك واسوى ، وتو ما تهل عليا كل حاجه كل حاجه تروح لحالها وقلبى يصفالك زى ندى الفجر .."

زوجتي متدينة وأنا بحبها وهي بتحبني لكن أوقات كتير بيحصل بينا مشاكل على أسباب تافهة ، عاوز نصيحة من حضرتك. ج/ ترفع عن هذه المشاكل التافهة واحفظ حبك بعدم إطالة أمد "الزعل".. صالحها ولو كانت هي المخطئة واستمتع بحبها لك وحبك لها. إنما جمال الرجولة في الاحتمال والتغافل. - الشيخ وجدان العلي.

أتمنىٰ أن تكون رؤوسنا خفيفة على كتف الأصدقاء والأعزاء أن نترك أثراً طيباً ولو كان بسيطاً في قلوب العابرين الغرباء أن نبقىٰ في تلك الحياة لا نحمل للغير سوىٰ الحب أن نبقىٰ ضيوفاً أخفاء على القلوب وأصحابها إذا رحلنا أتمنىٰ أن يقصدنا المرهق وأن يجد لدينا الظل الذي يبحث عنه من قطع مسافات طويلة ❤🌻

الأنسان مش محتاج غير شوية ناس حنينة ، مش مُهم يڪُون عنده ناس بتڪلمه طول اليوم قد ما مُهم أنهم يڪونوا حنينين حتي لو ڪلامنا قليل ، محتاج ناس يڪون واثق أنهم بيحبوه من غير ڪلام ، ناس بيحبوه عشان روحه مش عشان شڪله حلوة ولا فلوسه ڪتير ولا عشان هو وسيم محتاج ناس صافية ، ناس خفيفة ع القلب ، الانسان محتاج ناس لسه فيها الخير مزروع 💖🌿

خلي نفسك وكرامتك في المكانة الأولى مهما كانت الخسارة هتتعوض، الأشخاص بتروح وتيجي، الفلوس بكرا الأيام تعوضك عنها، لكن كرامتك ملهاش بديل، وخليك فاكر كسرة النفس ملهاش جبس، حافظ علي خاطرك من أنه يتكسر، اللي بيكسب نفسه مبيخسرش حاجة 🫰🏻❤️🌿

مساء الخير: شعور الأمـَان أحلىٰ من الحُب بألف مرة ، لأن اي شخص علىٰ وجه الأرض قادر يمنحك الحُب، لكن نادرًا ما تلاقي شخص يحسسك بأمان ويخلي كُل أيامك تمر وكُل شيء جواك مطمن وبارد بدون خوف🤎🫰'.

الإنسان ضعيف والله يجماعةة.. يعني إيه بجد كائن كيوت لطيف لا حول له ولا قوة يدرس في نظريات وتواريخ وقصص كتير لا ليها أول ولا آخر العلماء إحتاروا فيها سينين وقرون في كام شهر بس ' الإنسان ضعيف وبيعيط ."🥹❤❤❤❤❤❤❤❤❤❤❤🫂)))""""

فكرت مرة تُحضن مامتك أو باباك، معتقدش ده لأن مُعظمنا بيخاف، أو بيتكسف من حاجة هي المفروض واجب عليه، واجب عليك تديهم حُب حقيقي، واجب عليك تطمنهم، تحسسهم أنهم ليهم مكان كبير جواك، مكان غير الناس اللي حواليك، ذي ما هو واجب علي ولدك يراعيك، واجب عليك أنك تطمنه ولو بحُضن واحد🤏🏻🥹❤️🌱

يقول أحدهم : أردت أن أتوضأ قبل الصلاة ، فوجدت طفلاً فى المكان المخصص للوضوء ، ظننته يلعب بالماء فقط ؛ لأنه كان صغيرًا جدًا.. اقتربت منه فسمعته يقول بصوت عالٍ وهو يغسل يديه : " واحد ، اثنان ، ثلاثة " ، فانتظرته حتى أكمل وقلت له : ما شاء الله تحسن الوضوء.. فقال : الوضوء أمر سهل بالنسبة لى ، فأنا لا أخطىء فيه أبدًا.. لكن المشكلة أننى حين أود الصلاة معكم يطلبون منى أن أقف فى الصفوف الأخيرة ، لأننى صغير ، ولكننى لا ألهو مثل أصدقائى ، أريد فقط أن أصلى .. ! قلت له : قف قرب أبيك فقط. فقال : رحل أبى ، أتيت للمسجد مع أمى ، أخبرتنى أنها ستصلى فى المكان المخصص للنساء ، وأن على أن أصلى مع الرجال وقالت أننى سألتقى بأبى فى مكان جميل جدًا إن دعوت له وحافظت على صلواتى.. " فاللهم بارك فى من غرس غرسًا طيبًا "💛.

مش عايزك تنسى أنك جميل، جميل بصدق مش هه وهزار وكدا ولا كلمتين التنمية البشرية لأ! أنت جميل لأنك عبد لله، مُسلم بتصلي فروضك وبتحاول تجاهد نفسك أنك تبعد عن الحرام، وتطلع أفضل نسخة منك حتى لو بتذنب بس بتحاول .. «كلُّ بني آدم خَطَّاءٌ، وخيرُ الخَطَّائِينَ التوابون» بلاش الدونية وإحساس النقص والمقارنات! أنت جميل، افتكر لنفسك الإنجازات اللي بتعملها في يومك حتى لو كانت أداء فروضك وإدخال سرور على قلب مسلم دا مش قليل أبدًا واملى نفسك طاقة، أنت مش مطالب بأنك تخترق العالم أنت مطالب بالسعي على أد جهدك علشان توصل لغايتك الأساسية فاستمتع بالرحلة. ومتنساش وأنت بتسعى تمتن لله على كل شيء") صاحبك اللي قالك صباح الخير طمني عليك، أخوك وهو بيضحكلك، عمو اللي على أول الشارع وهو بيدعيلك، السماء اللي بتبص لها تلقائي وتقول يا رب، وبعدها ترتاح وتحس بهدوء كوباية الشاي اللي شربتها وعدلت مزاجك، الكوتش اللي مريح رجلك طول اليوم، والساندوتش اللي سد جوعك لحد ما روحت لقيت مأوى.. امتن لله، وادعي ربك يوريك الجمال علشان أنت جميل وعبد للجميل سبحانه وبحمده.🍃

معيد بيقول نزلت اتمشى شويه في حرم الجامعه ، لقيت طالب بيقولي ممكن حضرتك ناخد البريك وقت الصلاة .. كان اول مرة اسمع الطلب ده و وافقت لانه قريب من وقت البريك اللى انا محدده.. مرة بعد مرة حبيت الولد ده جدا هو واتنين صحابه وسننا كان لسة قريب جدا من بعض .. عجبنى جدا روحهم الحلوه وابتسامتهم.. على طول بقيت فى البريك بنزل اصلى معاهم و نرجع المحاضره .. فى اخر الترم واحد منهم جه قالى اطلع معانا عمره ، حبيت الفكرة وقولتله اشطا ، قالي بس هنطلع برى ! قولتله ليه كده.. مفيش طيران؟ قالى فيه بس احنا هناخدها رحلة نستمتع بالصحبة والثواب باذن الله اكبر ! بصراحة انا مكنتش فاهم صحبة ايه و احنا رايحين عمره.. ايه هنقعد فى الاتوبيس نغنى و نرقص ونعمل مقالب فى بعض ونلعب افلام يعنى وننزل المية على ما العبارة تيجى مثلا؟ المهم وافقت ركبنا الاتوبيس بعد شوية واحد مسك الميكروفون وعرفنا بنفسه بعدين قال انشوده وكان صوته تحفه ... بعدها كذا واحد يطلع يعرفنا بنفسه .. اللى قرا قران واللى قال اذكار واللى هزر شويه واللى بص على الجبال وقالنا "خواطر" لما بيتامل فى خلق الله ! انا كنت قاعد مش فاهم ايه ده فين التسقيف والرقص طيب ؟ كنت بتفرج على اللى بيتكلم وعلى الناس اللى قاعدين كلهم كنت مستغرب نفسى وسط الناس دى .. بس مش عارف ليه كنت حاسس انى مبسوط جدا.. وصلنا الميناء قبل العباره صاحبى خدنى يعرفنى على واحد قاعد على الارض مع سواق الاتوبيس واتنين كمان بياكلوا قاللى ده صاحب شركة السياحة اللى طالعين معاها !! استغربت وقولتله هو مطلعش مع رحلة الطيران؟ قالي لا هو بيحب يطلع البرى علشان لو الناس احتاجوا حاجة .. مش هاعرف اقول حسيت بإيه ولا الراجل ده بابتسامته وتواضعه اثر فيا ازاى ... ركبنا العباره.. لا الكباين صالحة للنوم ولا السطح ينفع حتى نفرد ظهرنا عليه لان كان فيه طبقة غريبة لزجة شوية مغطية السطح كنا بنعانى حرفيا.. بس الناس دى فى كوكب تانى بيتكلموا و يضحكوا و يهزروا.! واحد مره واحده بص للسما وقال بصوت عالي : "احنا متبهدلين اهو ، مش عارفين نمدد جسمنا حتى ، كان ممكن نطلع طيارة ، الثواب يا رب !" انا لسه فى حالة اللاوعى اللى انا فيها.. حاجات كتير مش مستوعبها و لا شوفتها قبل كده هو بيكلم ربنا ؟ بحب كده ؟ بهزار محترم اوي كده ؟ بردو كانت لحظة غريبة عليا جدا.. وصلنا بعد يومين معاناه تامه.. دخلنا فندق المدينة بعد نص الليل.. طبعاً جريت على السرير هاموت وانام لقيت صاحبى بيقوللى ياللا ! ياللا ايه ؟ ننزل نسلم على الرسول ونصلى قيام عند الحرم !!! يا عم انت مش طبيعى انا هنام شويه علشان افوق كده وبعدين اعمل كل ده.. انزلوا انتو.. فعلاً نزلوا هما وانا نمت.. كنت تقريبا بقعد فى الاوضه لوحدى كل فتره يرجعوا يناموا ساعه ولا اتنين وينزلوا الحرم يكملوا !! صاحبى ده كان نايم مره .. سمعت صوت بصيتله لقيته فى سابع نومه بيتكلم وهو نايم بيقول: لا يا " عمر"... "ابو بكر" ذهب الى ....!!! انت بتحلم بايه ياعم انت ؟ انت بتكلم مين طيب ؟ بالله عليك دخلنى معاك فى الحلم ده يا اخى ! واحنا فى الحرم قبل الصلاه واحد منهم قال: النهارده اخر يوم فى المدينه والامام ده بعشق صوته يا رب يقرا سورة الرحمن .. ابتدينا الصلاة و بعد الفاتحة بدأ الامام: " الرحمن .. علم القران..." !!! انا فى اللحظة دى بكيت.. بكيت على نفسى جدًا..🥺💙 هما ازاى الشباب دول كده! هما ازاى وصلوا لكده مع ربنا ؟ ازاى ربنا مراضيهم كده والفرحه وابتسامة الرضا مش بتروح من على وشهم كده! طب هو ليه انا مكانش صحابى زى دول ؟ كانت حاجات كتير اوي اتغيرت! انا كنت فاكر إنى عايش كويس ومبسوط .. بس معاهم فهمت الفرق بين انى "اعيش" و انى "احيا" " مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ " . " وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا ..."💙 مقتبس 💙💙💙

" ربنا ماخلقش حد كامل أو مثالي ف بلاش تتكلم على عيوب الناس و تكرههم في نفسهم و تأذي نفسيتهم و أنت كلك عيوب لولا ستر ربنا ، الكلمة الطيبة مهمة وبتسيب أثر حلو عند الناس مهما كانت بسيطة و سهل إنك تقولها .."

" أنا بشوف إن التجاهُل دا موهبة؛ أصل مش أي حد كدا ينفع يبقى تقيل وراسي وباعد نفسه عن أي وجع دِماغ، الناس دلوقتي بتثور والدُنيا بتقوم ما بتقعُدش بسبب كلمة مش على هواهُم، فلما تلاقي حد رغم كُل الضغط والصُداع اللي حواليه دا لسه مُتماسك وقادر يحافظ على هدوئه وسلامه النفسي إعرف إن الشخص دا معلّم .."

وَمِن طَبعِ المَرأَةِ أنها إذَا أحبَّت امتَنَعَت أنْ تَكونَ البَادِئَة. دي كلمة للرافعي بجد يعني بنات الجيل ده واللي جاي لا يعرفون هذا الكلام نهائيا. "والمرأةُ في الإسلامِ مرغوبةٌ لا راغبة ويُسعى إليها ولا تسعى هي البتة! يُخطَى لها ألف ميل، ولا تتزحزح هي حتى تأتيها طالبًا، فتقابلك الخطوة بمثلها، ولربما فاقتك في الإحسان والعطف والرحمة، ولهنّ في هذا على الرجالِ مِزية !

قال رجل لامرأة: ‏قد أخذتِ بمجامع قلبي فلستُ أستحسنُ سواكِ! ‏فقالت: ‏إنَّ لي أختًا هي أحسنُ منّي وها هي خلفي، فالتفتَ الرّجلُ ..فقالت: ‏يا كذَّاب !! ‏تدّعي هوانا، وفيك فضلٌ لسوانا.

‏زوجة سيدنا "الزبير بن العوام " كانت جميلة جداً جداً، وكان يغار عليها من الهواء، وكان يحبها كثيرا، ومن شده حبه وغيرته عليها كان يريد منعها من الذهاب إلى الصلاة في المسجد، لكن لم يستطع أن يمنعها لأن الرسولﷺقال:"لاتمنعوا إماء الله مساجد الله"،وعندما طلب منها عدم الذهاب إلى المسجد ‏قالت له أنها سمعت النبيﷺيقول:"لا تمنعوا إماء الله مساجد الله"وفي يوم من الايام خرجت زوجته للمسجد،فمرَّ من جانبها وهي تمشي في الطريق وقام بلمس ذراعها، تتوقعون ماذا فعلت عندما لمسها؟! ماكان منها إلا أن عادت لبيتها ولم تعد للمسجد أياما، فسألها زوجها، لماذا لا تذهبين إلى المسجد؟ ‏قالت له: " كنا نصلي في المسجد ونخرج أيام كان الناس أصحاب حياء، امّا الآن يا أبا عبد الله لا ناس ولا حياء فصلاتنا في البيت افضل" .. يا الله!! ياليت نساءنا مثل الزبير فهي امرأة صالحة، عفيفة حيية، فقد غضت بصرها، والدليل أنها لم تكن تعرف أن زوجها هو الذي لمسها! ‏ومن عفتها أنها رجعت إلى بيتها لتصون نفسها! ولم تخرج للمسجد أياما، لأنها استشعرت أن في خروجها خطرا على نفسها.

طفلة بتقرأ من التحفة تقول: وبعدُ هذا النظم للمريدي. للنونِ والتنوينِ[ وأم دودي 😂]

السلام عليكُم يا بتاعة النقاب ، يا بتاعة المعهد الشرعي ، يا بتاعة قال الله ، وقال الرسول. - قال كعب الأحبار : ليأتين على الناس زمان يُعيَّر المؤمن بإيمانه كما يُعيَّر اليوم الفاجر بفجوره ، حتىٰ يُقال للرجل : إنك مؤمن فقيه. اثبتِ فإنكِ على الحق.💜🫂