Multaqa-😍 الملتقى 💖

في حاجتين فيا كل مرة بيأكدولي اني كلاون وهما: ان مهما حد آذاني نفسياً وعمل معايا مواقف مش كويسه مبقدرش اشوفه انسان وحش وبفضل اقنع نفسي انه اكيد عنده ظروف خلته يعمل كده وتاني حاجة ان لو الانسان ده اعتذرلي بنسي اني زعلت بسببه وانا اللي بفضل اتأسف

" لو سألتني هو إنتَ بتحب فُلان ليه؟ هتلاقيني ابتسمت لسؤالك وسكت مش عارف أرد قول لك إيه بس كُل اللي أعرفه إنّي بحب الشخص دا جدًا، إحساسي بيحبّه، روحي بتحبّه، وكُل حاجة فيا بتحب الشخص دا وبترتاح في وجوده، وغالبًا هو دا الحُب إنّك ما تلاقيلوش سبب واضح، لإن مشاعرنا تجاه الأشخاص بتبقى أعمق بكتير من إنها تتوصف بس هي حاجة حلوة كدا ما حدّش بيفهمها ولا بيحسها غير العاشق وبس .."

(أعتذر.. أنا غلطانة) هذي الجملة حفظت بيتا من الضياع. والله ليست بصعبة على من تراقب ربها ولا تريد أن تدمر بيتها. أما العيش بأوهام المسلسلات ومعاملة الزوج بالندية فضياع دنياها وآخرتها.

ينفع احط كريم فريندلافلى فى الرؤية؟ ج/ نعم مش الكريم ده بيفتح ياشيخ البشرة كده يبقى فيه غش ولا ايه؟ ج/ ولا بيفتح ولا نيلة! - الشيخ أحمد سالم

معايا الورقه بتاعت الارقام كل ما اشوف حد منزل الرقم اروح اشوف الحرف فالكشف ولا كأني بعاين ارقام الجلوس

فضل أذكار الصباح والمساء ♥️ عن أبي هريرة رضي الله عنه قال : قال رسول الله ﷺ: " من قال حين يصبح وحين يمسي : سبحان الله وبحمده. مائة مرة - لم يأت أحد يوم القيامة بأفضل مما جاء به، إلا أحد قال مثل ما قال، أو زاد عليه ". 📚رواه مسلم 2692

" كُل حاجة هتزرعها في الست اللي معاك هتحصُدها خير، هتزرع أمان هتشوفك ضهر وسند وسيد الرجالة، هتزرع حنيّة هتطلع بيك سابع سما وهتحكي للدُنيا كُلها عن طيبتك، هتزرع حُب هتلاقيها بتحوّل بيتك وحياتك لجنة، هتزرع تفاهُم هتلاقي عِلاقتكوا فولة واتقسمت نُصّين .. زرع بذرة العِلاقة على الراجل ورويها والإهتمام بيها على الست والحصاد في الأخر للطرفين .."

" كل سنة وإحنا مزاجنا رايق ، متحاوطين باللي شبهنا ، دايرتنا القريبة بخير ، وقلوبنا راضية .."

بنت اتقدملها شاب بتحكي إنه لما قعد معاها واتكلموا هي وافقت بيه لكن هو رفضها لأنها تخينه وبعد فترة قررت تخس وصدفة شافها تاني واتقدملها لكن هي بنت عندها كرامة ورفضت، بتقول من ايام بسيطة شافت اسمه فـِ خبر محكوم عليه بالسجن.. واحدة اتخطبت لشخص تتمناه أي بنت زي ما بيقولوا لقطة كانت سعيدة فـ البداية، لكن مع الوقت اتغير وزادت المشاكل ومكانتش عارفه تحل مشاكلها أزاي معاه، لكنها استسلمت للأمر الواقع وقررت تنفصل عنه برغم إنها لسه بتحبه.. وبعد فترة عرفت من صديقه ليها إنه اتجوز و بدأ رحلة العذاب من أول شهر جواز لإنه مصاب بالمرض الخبيث.. واحد بيحكي إنه كان مسافر فـ القطر وأكتشف فجأة إنه نسى أوراق مهمه خاصة بشغله وقرر ينزل من القطر اللي كان مسافر فيه قبل ما يتحرك من بلده ورجع بيته مراته استقبلته بخوف وبكاء شديد ولما سألها عن السبب قالت إن جه فـ الأخبار خبر إنقلاب القطر اللي كان مسافر فيه.. الخلاصة: مش كل حاجة بتضيع من ايدينا بتكون مناسبة لينا، أو هتكون سبب سعادتنا، فيه حاجات لو مضاعتش هاتضيعنا أحنا، فَالأحسن نسيبها تضيع ولو نصيبنا فيها وخير هترجع، ولو مش خير ربنا هايعوضنا بالأحسن و مفيش أحسن من اختيار ربنا 💙💙

من طرائف المصلين 😅 أخر مرة صليت التهجد في المسجد دا قبل ماسافر كان الإمام دايما بيخصص فقرة كاملة في الدعاء ل " ولا عازبا إلا زوجته" وكان الجميل في الأمر إنه بيصر في الدعاء لدرجة البكاء جزاه الله خير يارب ، النهاردة بقا رحت صليت معاه بالصدفة واستنيت الدعاء بفارغ الصبر لقيته دعى للأحياء والأموات والفقراء والأغنياء وجميع المستضعفين في الأرض وراح مصلي على النبي وساجد ! بعد ماسلمنا بسأل صاحبي أمال فين الدعاء إياه قالي ماهو اتجووز ياعم السنة اللي فاتت انت لسه فاكر! إتجوز ؟ طب ماشي بالرفاء والبنين ياسيدي وكل وحاجة بس واحنا !!! ماشي يامولانا ياغدار ماشي منقول

السلام عليكم ورحمة الله وبركاته محتاج تلتزم بالصلاه والأذكار وقيام الليل وتسمع اقتباسات عن الدين انضموا هنا 💜🌿 ليست مُجرد جروب إنَّها بيتُك الآمن، كُل ما يدُور بعقلك وينبِضُ به قلبك. 💜 تَجدُ هنا خيرًا كثيرًا  ، لن تمِلَّ، ولن ترحَل. 💜 دا الأول https://chat.whatsapp.com/GAMRNTsFqpHBdXRxH585z1 لو مدخلكش علشان العدد دا الجروب التانى https://chat.whatsapp.com/ChOGRq6ZF5m3OSKkveUa2J تشرفونا ❤️

" اللهم إني أحاول فأعني، وإني أتعثر فأقمني، وأني أتشتت فدلني ، اللهم قوني ولا تضعفني وعوضني ولا تخيب أمالي، أنت وحدك من يعلم ما أخفي وما أعلن فيسر لي أمري .."

حسبي الله ونعم الوكيل، الجامعة عايزة تنزلنا تاسع يوم العيد😭

وبينما الجيشان يستعدان للمعركة .. إذ يتفاجئ المسلمون بأن الفرس قد أحضروا معهم أسدا مدربا علي القتال !! وبدون سابق إنذار يركض الأسد نحو جيش المسلمين وهو يزئر ويكشر عن أنيابه !! فيخرج من جيش لمسلمين رجل بقلب أسد .. ويركض البطل نحو الأسد في مشهد رهيب لا يمكن تصوره !! لم تحدث في التاريخ أن رجل يركض نحو أسد مفترس مدرب علي القتال !! الجيشان ينظرون ويتعجبون فكيف لرجل مهما بلغت قوته أن يواجه أسد إنطلق البطل كالريح نحو اللأسد لا يهابه ولا يخشاه .. ثم قفز عليه كاليث على فريسته وطعنه عدة طعنات حتي قتله !! فتملك الرعب من قلوب الفرس كيف سيواجهون رجال لا تهاب الأسود .. فدحرهم المسلمون عن بكرة أبيهم .. ثم ذهب سيدنا سعد بن أبي وقاص (رضي الله عنه) إلي بطلنا وقبل رأسه تكريما له .. فانكب بطلنا بتواضع الفرسان على قدم سيدنا سعد فقبلها وقال .. ما لمثلك أن يقبل رأسي !! أتدرون من الأسد .. إنه #هاشم_بن_عتبة_بن_أبي_وقاص قاتل الأسود

-الو مساء الخير .. حضرتك عارضة عربيتك للبيع؟ =ايوه تمام -فيها ايه؟ =مفيهاش حاجه! .. واحده عايزه تبيع عربيتها فيها ايه دي! -يافندم العربيه العربيه فيها ايه؟ =ااه .. فيها اربع شبابيك ودركسيون و و … -يافندم ايه اللي حضرتك بتقوليه ده؟ انا قصدي العربيه نفسها من جوا فيها حاجه؟ =كان فيها علبة عصير مرميه ورا شربتها الصبح .. بس هشيلها متخفش -عصير ايه حضرتك متعصبنيش بقا .. هسألك السؤال بطريقه تانيه ؟ .. العربيه فابريكا؟ =لأ لانسر -لانسر ايه يا استاذة قصدي فبريكا يعني عملت حادثة قبل كدة ؟؟؟ =ايه اللي انت بتقولو ده .. انت شايفني لسه بتعلم سواقه -طب تمام حلو جدا =بس للامانه مره كنت بركن عالكورنيش فنزلت بيها في النيل .. بس لما طلعت نشفتها كويس والله -سبحان الله انها طلعت سليمة اساسا .. طب هي عامله كام كيلو؟ =معرفش والله موزنتهاش -استغفر الله العظيم يارب =حضرتك بتتعصب ليه انا اول مره اشوف حد بيسأل عن وزن عربية -وزن ايه خلاص يا فندم مش عايز اعرف خالص .. =احسن -طب بصي عشان نخلص .. و مستعد اجي اخلص النهارده .. اخرك كام بما يرضي الله؟ =بما يرضي الله اخري عشرة بليل -هو ايه اللي عشرة بليل؟! = عندي شغل الصبح والله -شغل ايييه يافندم هتجنني امي .. بقولك ايه اديني جوزك او اي حد فاهم اكلمه =اوي اوي استنى .. احمااااااد … خد كلم مشتري بس شكله ملوش في العربيات خالص -يا استاذ احمد ارجوك انقذني المدام عندك جننتني +مساء الخير.. معلش حضرتك عارف الستات بقى ملهمش في العربيات وكدة .. انا معاك اهو اتفضل -حضرتك شكلك فاهم ياريت تقولي العربية فيها ايه؟ +فيها اربع شبابيك ودركسيون …… - *صوت مراته من بعيد: والله قولتله نفس الكلام*

واحد بيحكي: من أوسخ المرات الي ابويا عزقني فيها علقه وحشه وعمري فحياتي ما أنساها هي يوم وفاة خالتي الكلام ده وانا 7 أو 8 سنين بس والله فاكر أحداثه بظبط ذي ما تكون امبارح اليوم بدء اننا كنا صايمين بس مش فاكر كنا صايمين ليه لأننا ما كناش فرمضان المهم وبعد المغرب وقبل ما امي تبدء تحط الأكل جه تليفون لأمي الحقي اختك فالمستشفي كله قام يلبس انا دخلت الحمام وفضلت عامل نفسي مش قادر اطلع لحد ما هما يزهقو ويمشو المهم مشيو ف انا طلعت ولعت التليفزيون وغرفت أكل وقعدت مع حالي وبعد كام ساعه كتير لقيت الباب بيرزع قمت فتحت لقيت اختي الكبيره بتعيط خالتك ماتت وكلهم جاين وجايبينها ودي كانت أول جنازة احضرها فحياتي ومفيش أي معلومات عندي أو المفروض اعمل ايه ومعملش ايه المهم اعمل ايه أعمل ايه المهم أخش البس وسبت كل الهدوم الي عندي ودخلت طلعت جلابية وشال وجلابيه سوده مفتوحه الي هي بتتلبس فوق الجلابية البيضا ولبستهم وطلعت قعدت اطبطب علي بنت خالتي الكبيره واقولها لا تحزني يا ابنتي لا تحزني فهي بصتلي كدا مش فاهم كاتمه الضحك ولا بتسب الدين فسرها ومره وحده ابويا جه من ضهري شالني أو مش شالني لا جرني ورماني فالاوضه ورزعني كام قلم وقالي ماتطلعش من الاوضه واقلع الهدوم دي وطلعلي لبس عادي بعدها بشويه كدا جم طلعوني من الاوضه عشان هيحطو خالتي جوه وأمي خدتني علي جمب وقعدت تقولي معلش أن أبوك ضربك أصل الي انت عملته ده غلط ومش عارف ايه المهم انت راجل دلوقتي اطلع ساعد أبوك فا قولتلها أساعد ابويا اذاي قالتلي شوف الناس بتعمل ايه فالجنازه وقلدهم هي كان قصدها أقلد الناس إلي برا إنما انا فهمت غلط المهم قعدت أفكر مع نفسي شويه افتكرت فيلم هندي كدا شوفت فيه جنازة وأنهم بيغنو فالجنازه وبيحرقو الميت وانا كنت مفكر أن ده الي هيحصل فا رحت مجمع عيال خالتي الي من سني وطلعنا الشارع نلم خشب ومش عارف ايه وبعدها طلعت انا والرجاله لابويا هو والناس وفوسط ما هما قاعدين بيقسمو مين هيعمل ايه ومين هيروح يجيب العربيه ومين الي هيبلغ فالجامع وكدا ادخل انا واقولهم يا جماعه انا جيبت الخشب تحت اطلعه هنا ولا هتنزلو خالتي تحت فا ستي أم امي قالتلي خشب ليه ف قولتلها عشان نحرق خالتي وبعد نحرق خالتي دي لقيت قلم مش عارف ابويا اتلافاني اذاي رغم أني كنت بعيد عنه وقعد يهبد ويشيل فيا ويرميني فالأرض بمعني الكلمه وطلعوني من تحت أيده بالعافية.

سيأتي شخص يحبك كما أنت، يُحبك لتفَاهتك لعصبيتكَ ، لمزاجَك المُتقلب ، لَبُكائك عَلي أشياء لا تَستحق البُكاء شَخص يُحبك لرَوحك، شَخص يَفهمك ، شخص يُحب وجودك لا يستَطيع تَحمل غيابك، شَخص يُحبك كما أنتَ بعِيوبك قَبل مُميزاتك وهَذا الشَخص سَوف تَجده عاجلاً امَ اجلاً ولكَنهُ سَيأتي ♥️

واعلم أن من علامات قبول طاعتك توفيقك لطاعة بعد الطاعة ، لا تنسوا صيام الست من شوال صيام ال ٦ من شوّال = كصيام سنه كاملة. يجوز صيام أي ٦ أيام من شوّال ( أول الشهر ، وسط الشهر ، آخر الشهر ) يجوز صيام ال ٦ من شوّال مُتتابعين أو مُتفرّقين يجوز تستنّي كل إثنين وخميس من شوال ، أو الأيام القمريه ( ١٣ و ١٤ و ١٥ ) وتصومهم بنيّتين نيّة صيام ال ٦ من شوّال ، ونيّه صيام الإثنين والخميس والأيام القمريه ( في الحاله دي يجوز الجمع بين نيّتين لإن كلاهما صيام تطوع )