Multaqa-😍 الملتقى 💖

علامات التناغم بين شخصين متوافقان روحياً 1- أحاديث بلا نهاية المحادثات ليست مملة و لا تنتهي أبداً .. بطريقة ما ، عندما يكون لدى شخصين كيمياء ، يمكن أن يتحدثا عن أي موضوع تقريباً لساعات .. كل محادثة هي فقط للإستمتاع باللحظة الحالية . 2- مرور الوقت بسرعة الوقت "يطير" عندما يتحدث الشخصان عبر الهاتف أو يجتمعان معاً .. الوقت يمر بسرعة لدرجة أن محادثة لمدة 4 ساعات قد تبدو و كأنها دقائق معدودة . 3- الشعور بالراحة بطريقة ما يشعران بالراحة مع بعضهما البعض كما لو كانا يعرفان بعضهما البعض منذ فترة طويلة .. عندما يدخل أحدهما الغرفة ، يشعر الآخر على الفور بالحماس ، الإسترخاء و الثبات . 4- الإبتسام كثيراً عندما يكون الشخصان سعيدين ، يبتسمان و يظهر الفرح على وجهيهما بشكل طبيعي . عندما يكون هناك إتصال مرئي ، يبدأ الاثنان في الإبتسام و الإستمتاع بهذا النوع من التواصل . 5- قوة التواصل الروحي عندما يفهمان بعضهما البعض من دون أن يتحدثان ، و ينهيان جمل بعضهما البعض ، فهذا إتصال روحاني قوي قد لا يُعرَف مصدره ، لكنه من المؤكد انه يعني وجود إتصال روحي قوي بين الطرفين . 6- سهولة التضحيات عندما يكون هناك إنجذاب بين رجل ومرأة ، فإن التنازل يكون سهلاً اكثر .. يمكنكِ أن يغيّر الشخص جدوله بالكامل لمجرد رؤية الشخص الآخر . 7- تغييرات واضحة في لغة الجسد عندما تبدأ المرأة بالتلاعب بخصلات شعرها أو الميل إلى الأمام بجسدها للتقرب من الشريك ، و عندما يميل الرجل نحوها أثناء التحدث أو يحرص باستمرار على أن يجلس بجانبها .. كلها قد تكون علامات واضحة على وجود كيمياء قوية بين الطرفين . 8- تذكّر التفاصيل الصغيرة مهما كانت التفاصيل التي يتشاركانها معاَ صغيرة ، فهما يقومان بحفظها كلّها ، ذلك لأنهما يلاحظان كل شيء عن بعضهما البعض . 9- لا مجال للأسرار لا توجد مساحة للأسرار بينهما ، فكلاهما يريد أن يقول كل شيء عن نفسه من دون التفكير لثانية واحدة .. حتى الأسرار المحرجة لا تبدو سيئة للغاية لمشاركتها و البوح بها للطرف الآخر . 10- الطرفان كتاب مفتوح لا يخشيان إظهار جانبهما الضعيف و لا يريدان الإختباء وراء ما هو عكس حقيقتهما .. ليس هناك ستارة حول مخاوفهما و مشاكلهما .

أقترب السابع من أكتوبر ولازال الوضع كما هو عليه 💔😑

مساء الخير.❤️ متزعلش لما تخسر في حياتك او يضيع منك حاجه غاليه عليك، صدقني ان دي مش صدفة او سوء حظ .. دا ترتيب من ربنا ليك .. ربنا مش هيأذيك ربنا هيخليك احسن واقوي من اللي انت فيه دلوقتي .. اقرأ الرسايل اللي ربنا بيبعتهالك .. ركز هتستوعب قد ايه انه بيحبك وبيبعد عنك اللي بيأذيك ويضرك .. علشان كدا كل شخص مننا محتاج ع الاقل صدمه نفسيه واحدة تهز كيانه علشان يتعلم بعدها يحب نفسه ويركز في اختياراته للناس من غير ما يتنازل عن معاييره ولا يلعب دور الضحية .. علشان يتعلم فن الانسحاب من اي حاجه ماتتناسبش مع افكاره وراحته النفسيه وسعادته .

فيه جملة حلوة أوي بتقول: "اللي ميعرفش يبقى صاحب، مينفعش يبقى شريك حياة". أكتر حاجه تطمنك على مُستقبلك مع الإنسان اللي هتكمل معاه الباقي من عمرك إنه يكون "صاحبك قبل ما يكون حبيبك .. تقدر تتكلم وتفضفض معاه براحتك من غير ما تخاف إنه يفهمك غلط، أو تخاف من رد فعله لو غلطت بدل ما يوجهك بلُطف، وحتى لو زعل منك يتقبّل إنك إنسان وبتغلط عادي .. تحس إنه شريكك في كل حاجه ومتبقاش شايل العلاقة كلها على كتفك وتبقى انت المسئول عن نجاحها لوحدك ! مايحُطكش في وضع إنك "تدوّر عليه" بمعنى إنك تبقى متأكد لو محتاجُه معاك دلوقتي أو حصلك حاجة هتلاقيه أول حد جمبك من غير ما تطلب وتدوّر هو فين .. يكون بينكم أمان ناحية بعض، تناموا وانتوا متأكدين إن مفيش خوف، مفيش بُعد، مفيش غـدر، حتى لو متخانقين مليون خناقة .. يبقى فيه مساحة تقدر تعبّر فيها عن مخاوفك ومشاكلك، زعلك والتصرفات اللي بتضايقك، أحلامك وطموحاتك؛ من غير ما يقلل من كل ده .. تضحك معاه من قلبك بجد من غير تصنُّع، وتبقى حياتكم مليانة هزار وفرحة أكتر من أوقات الزعل والخلاف تقوله "صاحبك حبيبك تعب" فَيمسح التعب كله عن قلبك ويرسملك ضحكتك. ♥️

سترفضين مئات من العرسان ، ويُجن أهلك وجيرانك من رفضك الدائم غير المبرر من وجهات نظرهم ، ستخطب كُل رفيقاتُك، ويقولون لكِ (اتبطري، اتبطري) ستُقال آلاف من ( عقبالك) كناية لكِ في بعض المواقف عن ( هتفضلي قاعدة جمبنا كتير؟) ، ستتوتر كل الأجواء كلما اقتربتِ من نهايات الجامعة ومن التقدم في السن سنة تلو الآخرى.. ولا يعلم الأشخاص ولا كل من حولك أنه كل ما في الأمر قبولٌ ودقة قلب تعلمها الأنثى جيدًا وتبحث عنها مرارًا وتكرارًا .. نظرة واحدة حلالٍ شرعية تعطي الأمان، الطمأنينة، الدفء، ترسم ابتسامة على شفتَيكِ .. فقط شخص لا يتوقعه أحد ولا عقلك حتى، يأتي ليذيب تلك الشخصية الحديدية التي دومًا كانت صلبة قوية مع كل غريب عنها .. فتصبح فجأة شخصية لينة هادئة معه وكأن قد أصابتها لعنة ، شخص واحد يكركب كل تفاصيلها يجعلها لأول مرة تغوص في خيالها وتبني أحلامًا وردية كـكوخٍ صغير على قمة جبل يتخلله نهر وبيت يملأه النور و ذرية كـصبايا الحور .. ستتعلمين نوعًا آخر من الحب حين يأتي نصيبك الذي كُتب لكِ وسعى وقد جاء بالقَبول🤍.

بحساباتك أنت؟.. الدنيا متدربكة، ومكلكعة، ومش باين لها أول من آخر.. بحسابات ربك؟.. مترتبة، ومتنظمة، ومرسومة بالشكل الأنسب، والأريح ليك، واللي فيه خيرك كله.. ﴿وعسى أَن تَكرهوا شَيْئًا وَهُوَ خَيْرٌ لكمۖ وعسى أَن تُحِبُّوا شَيْئًا وَهُوَ شَرٌّ لكم وَالله يعلم وَأَنتُمْ لَا تَعْلَمُونَ﴾.

تخيلى كده يكون نصيبك واحد صوته حلو في تجويد القرآن الكريم و يفضل رايح جاي في الشقة يدندن و يقلب في المقامات...😊❤️

"بتر الله حُب الاغانى من قلبها عندما جاهدت نفسها وحذفتهم ابتغاء مرضاة الله.. فمنّ الله عليها بإتمام حفظ القرآن في عام ونصف."💛 والعاقبة عندكم ❤️

أيام الخطوبه كان بيجيلي بيتنا زيارة كُل أسبوع يقعد شويه ويمشي مكُنتش بلحق أشبع منه ، طب ياعم اقعد شويه كمان طب نُص ساعه طيب طب خُدني معاك ومش هعمل صوت ! كُنت دايماً أحلم باليوم اللي هيجي وأنزل أروح معاه ونبقى جايين سوا وميسبنيش وينزل ، مهما كُنت أحاول أتخيل اللحظه دي تفكيري ميجبنيش أعيش تفاصيلها فِ خيالي من كُتر ماأنا شايفاها حِلم بعيد ، بعيد أوي دلوقتي بقينا بنروح البيت دا سوا وبننزل سوا نروح بيتنا ♥️ عارف لما تكون بتحلم حِلم جميل وفجأه تفوق تلاقي نفسك عايشُه ..♥️

مابعد سنين من التوهة ومن قلة أمل خدني يشاء ربك يعوضني وتيجي حياتي تمليها ♥️

كتير بسيب آدم في البانيو لواحده وانا في الصالة بعمل حاجة، معتمدة على انه بيغني بصوت عالي فببقى سامعاه، ولما بيسكت شوية بنده عليه، أقوله انت كويس؟ يقول اه، أقوله بتطمن عليك بس.. النهاردة لقاني غبت في المطبخ فنده عليا قالي انتي كويسة يا ماما؟ قولتله أيوة عايز حاجة! قالي بتطمن عليكي.. ازرع عسل تحصد شربات 🍯

من يذكُر إسمك في سجوده .. يحبك مِلئ أفلاك الفضاء 🌸💚 :")) . تهادوا الحب غيبًا بالدعاء 💙.

والدُّنيا بزخارِفها لا تُغني عن لحظة أُنس مَع مَن نُحب :))

فايتك كتير جدا على قناة الواتساب تذكرة بالصلاة ورسالة تشجعك على الصلاة تذكرة بقيام الليل وأذكار الصباح والمساء بجد الشباب معنا عاملين شغل جامد ربنا يبارك فيهم يلا مستنى اى بجد بنشجع بعض ونبقا صحبة صالحة زى ما متعودين ♥️

‏"فإنَّكَ قَد سَكنْتَ خِلالَ روحي ومَن يسكُن خِلالَ الرُّوحِ غالٍ" 🦋

﴿كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقًا﴾ أتَاها رِزقها في مِحرَابها ومَوضع عِبَادتها، فيَا ضِيعة مَنْ يَبتَغون الأرز‌‌َاقَ بإضَاعةِ الصَلوات ..!

وانا قاعد ف الباص كانت قاعده جمبي واحده وكانت بتكلم حبيبها ع الوآتس ومسمياه MY love بصيت بعيني علي الشات لاقيته كتبلها .. انا مش عايز اعرفك تاني وانتي وانتي وانتي ..... فانا مش عارف اي اللي حشرني وخلاني انسحب من لساني وقولتلها اكتبيله ..خلاص ماشي سلام .. بصتلي باستغراب وكانت عنيها خلاص هدمع بس فرحت لما لقيتها سمعت كلامي وقالتله كده .. ف الواد رد عليها وقالها سلام؟؟ .. يعني ده اخر كلام عندك .. روحت قولتلها اكتبيله .. اه مش انت مش عايزني وعايز نسيب بعض معنديش مشكله .. بعتتله اللي قولتلها عليه رد عليها قلها مانتي اللي عصبتني.. قولتلها اعمليلو Seen ومترديش وعملت وبعد شويه لقيت الواد بيقولها .. متزعليش انا اسف .. لقيتها فرحت والدنيا كلها بتضحكلهاا وراحت بصتلي وقلتلي لو سمحت خليك في حالك وقامت قعدت بعيد ..ده بدل ما تشكرني

قناة الواتساب هتكون محتواها دينى فقط وهنساعد بعض ان شاء الله فى الأذكار والصلاة وكل حاجة فى حياتنا اليومية وكمان فى مساعدات للمساجد ولاهل غزة من باب الصدقة الجارية ف بجد تعالى هناك هتستفاد ان شاء الله لينك القناة https://whatsapp.com/channel/0029VanehCDEwEk1VcXsNL1o

فترة الخطوبة إسمها الحقيقي فترة التعارف في نطاق رسمي .. 🤚 يعني متعتمدش إن الفترة دي إتعملت عشان يلا بينا نخلص الشقة والعفش ونفضل ملخومين في الحاجات دي وناسيين أهم حاجة أننا نتعرف علي بعض بشكل صح عشان نشوف هنكمل ونقدر نعيش مع بعض ولا مش هنقدر ونتجنب الخسائر اللي ممكن تحصل في المستقبل ... طب إزاي نتعرف علي بعض بشكل صح ✅ بالمواقف والمشاكل حضرتك 🤚 اه زي ما سمعت كده لو فاكر إن فترة الخطوبة المفروض معمولة عشان الحب والفسح والخروج تبقي غلطان لأن كده هتبقي الحياة بمبي زيادة عن اللزوم .. في ناس كتير بتتجنب تقع في مشاكل وتقعد تلصم وتكتم غيظها وتتغاضي وتتلاشي عن حاجات كتير وهوب يتجوزوا ومع اول مشكلة بينهم يكتشفوا عجب العجاب الناس كلها تسمع بيهم ومش عارفين يتكلموا كلمتين مع بعض وهوووب طلااق ... طب ليه كده لأنهم أجلوا الكلام ده في فترة الخطوبة ما هو حضرتك أنا لما بيكون في مشكلة في فترة الخطوبة بناقش وبحاور وبيحصل شد وجذب وحاجات تانية كتير بعرف منها طباع اللي قدامي اومال هعرفوا منين وازاي يعني ؟!! من الهوا ولا من كلام الحب والنحنحة ٢٤ساعة... ده إنت المفروض تخاف وتقلق لو لقيت طول فترة الخطوبة محصلش بينكم شد وجذب ومشاكل لأن كده انتم بتمثلوا علي بعض مفيش شخص طبيعي هيقابله مليون موقف حياتي وهتلاقي شريكه موافقه فيه طول الوقت ده مستحيل بل من رابع المستحيلات 👌 طيب حصل مشاكل بعد المشاكل هعمل ايه همسك ورقة وقلم كده زي الشاطر واحلل المشاكل اللي بتحصل بينا ١. المشكلة كانت ايه ؟ ٢. المشكلة اخدت وقت قد ايه ؟ ٣. مدي التوافق بينا والخلاف في هذه المشكلة ؟ ٤. مدي قدرة تحمل كل طرف للآخر ؟ طيب وبعدين بعد ما تجاوب علي الاسئلة دي شوف بقي حضرتك علي مدار علاقتكم إتكررت نفس المشكلة دي وتعالي رد علي الاسئلة دي ... ١. كم مرة أتكررت نفس المشكلة ؟ ٢. هل الخلاف علي نفس التفاصيل بالظبط ؟ ٣. هل وجدت إختلاف جذري هذه المرة أم لا ؟ ٤. هل نفس الفكر قائم ونفس الأسلوب ؟ طب وبعدين لما نجاوب علي الاسئلة دي ايه هيحصل ؟! هتعرف شريك حياتك أكتر هل هو قادر يتعايش مع عيوبك قبل مميزاتك ولا القصة صعبة ... هل في عيب خطير متأصل من هذا الشخص وأصبح طبع صعب تغييره ولا لاء .. ولو نعم هل هتقدر تعيش وتتكيف مع هذا العيب ولا صعب عليك ! هل ممكن تغير من نفسك أو من بعض طباعك ولا ممكن توهم اللي قدامك بده وبعد الزواج يجد الشريك مفيش اي تغيير ولازم تكون صااااادق جداااا مع نفسك ومع الشريك وده في مصلحتك وفي مصلحته لأن الفترة دي بروفه لحياة كاملة قدام ومشاكل اكتر بكتيييير ومسؤوليات أكتر بكتيييير فبلاش نضحك علي بعض ونكون في منتهي الصراحة والشفافية اللي نقدر نعمله نقول عليه واللي منقدرش نقول عليه وأوعي بقي تمشي ورا الناس العظيمة اللي تقولك بكرة هتبقوا مع بعض وهتغيروا من بعض .. حضرتك دي أكتر جملة بتغرق المركب مفيش حد بيتغيير ياعزيزي واللي مش هيغير دلوقتي من نفسه وعن إقتناع ويوازن أموره عمره ما هيتغير بعدين وهتعيشوا في جهاد رهيييب ... اللي عايز يتغير هيتغير من نفسه دلوقتي وهتشوفوا النتيجة مع بعض غير كده محدش هيتغير صدقني وبعدين هنعمل ايه تاني نسهل علي بعض المهمة عشان اكيد مش كل المواقف هتقابلوها دلوقتي نمسك كده ورقة وقلم وتكتب لشريك حياتك أنت مين بتحب ايه .. بتكره ايه .. ايه اكتر حاجة بضايقك.. ايه اكتر حاجة بتفرحك.. ايه عايزه من العلاقة دي .. ايه عايزه يكون مشترك بينكم .. ايه عايزه ميحصلش بينكم .. واكتب كل طباعك بمنتهي الشفافية وزود اي حاجة تانية عايز تقولها او تعرف بيها الطرف الآخر اكتب زي ماانت عايز أن شاله تكتب كتاب كبير ... أعتقد بعد كده بقي مش هيبقي في حجة ونبقي لمينا الدنيا أهو ووفرنا طاقة ومجهود وشوف انت بقي مدي توافق الحياة بينكم ... الجواز في الزمن ده بقي مش سهل نهائي ومحتاج مننا مجهود جبااار قبل الدخول لعش الزوجية ومجهوود جبار بعد الدخول لعش الزوجية .. فرجاء ده مشروع حياه إوعي تسهيين بيه عشان الخسائر بتوجع وهنا مش بتكلم عن خسائر مادية مع إنها مهمة برضو لكن الأهم الخسائر النفسية للطرفين والأهم للأولاد اللي ممكن تدفع التمن طول عمرها بسبب غلطة واحدة...