Multaqa-😍 الملتقى 💖

الحمد لله الذي لم يجعل لنا نصيب في أشياء كنا نحسبها خيرًا لنا

وإن خانتك اختياراتك فلن يخونك لطف الله ولن يخذلك إنقاذه

محدش قالنا ان فترة الشباب في عمرنا اللي كنا بنحلم بيها من واحنا اطفال اننا نوصلها هتبقا صعبه اوي كده ، وإننا هنكون مضغوطين وتايهين ما بين تحمل المسؤوليات ومابين اننا لسه حاسين إننا اصغر من الحمل ده ،ومابين إننا عايزين نعيش حياتنا وبين إننا لازم نبني مستقبل لينا. محدش فهمنا ان المرحله دي هتكون اكتر مرحله يتسرق فيها عمرنا وجهدنا وتضيع فترة الشباب لينا واللي نفسنا نعيشها في زمن كل حاجه بقت صعبه جدا علي الواحد ، وإننا هنضحي بحاجات كتير كانت بتسعدنا . الفتره دي الشباب بقا أقصي طموحها انها تحس بالهدوء وراحة البال ولو لوقت بسيط ♥️ بس الواحد مهما حصل راضي وراضي دايما باللي ربنا كاتبه واللي هيكون .. الحمدلله ♥️

" في ناس مش بنفكر قبل ما انزل معاها انا هعمل اي ، يعني هو مجرد نزولنا سوا عارف انه هيبسطني ، لو عملنا اي حاجه سوا هننبسط ، في ناس كدا هي الخروجه و الفسحه نفسها .."

وتبقى مشاعر الأم غير 🤍 اللهم أحفظ أمي وبارك في عمرها.

مع كل ملاية سرير بتتغير في انسان جديد بيتولد

من فترة كنت نازل أشتري ماوس للكمبيوتر وكان معايا بنتي ... فأديت الراجل ٢٠٠ جنيه ... رجعلي ١٣٠ جنيه . خدتهم ورحت أشتري طلبات تاني ... وأنا بطلع الفلوس علشان أحاسب لقيت ال ١٠٠ جنيه مقطوعة ، إتضايقت أوي !!! حاولت أبرمها في بعضيها علشان ياخدها من غير ماياخد باله . لكن للاسف خد باله 😁 ورجعهالي وقالّي شوف غيرها . بنتي قالتلي رجعها لعمو اللي إديهالك ، قولتلها بعدنا عنه وأنا مستعجل خدتها ومشيت وأنا متضايق إني مابصتش في الفلوس كويس نتيجة الإستعجال المهم بقى كل همي إني أصرفها . رحت السوبر ماركت ... لقيت عيل صغير بيبيع . قولت كويس مش هياخد باله منها. برمتهاله واديتهاله ! راح رماها في الدرج واداني الباقي . خدت الطلبات والباقي ومشيت وأنا فخور بنفسي إني إنتصرت وضحكت عليه وبقول لبنتي ... الولد خدها خلاص وضحكنا عليه ! لكنها قالتلي كلمة رنت في ودني . قالتلي " برافو يابابا ضحكنا عليه " ! إتضايقت من نفسي إن دي التعاليم اللي بعلمهالها . وقبل مافتح باب العربية ... لقيت نفسي برجعله تاني وبقوله . أنا إديتك فلوس مقطعة ... هاتها وخد مكانها سليم . الولد طلعها من الدرج ولقاها مقطوعة فعلاً . إدهاني وهو متضايق إنه مابصش فيها واستغرب إني راجعله. ساعتها مشيت فرحان إني ماضحكتش عليه خصوصاً لو صاحب المحل شافها كان ممكن يخصمها منه أو يمشيه بسببها . وفي نفس الوقت صلحت لبنتي تفكيرها ... وفهمتها إن اللي مقبلوش على نفسي ماقبلوش على غيري ... بعدها قررت أديها لبنتي تشيلها في حصالتها . قولتلها كل لما تبصي فيها إفتكري درس مهم جداً " الأمانة والتعامل بصدق " ... علموا أولادكم من صغرهم إن الفهلوة والضحك على الناس مش شطارة ... لكنها خيبة والأمانة في التعامل بينعكس عليها الأمانة في المشاعر وفي كل شئ. علشان أولادك يكبروا في مخافة الله أولاً ... وإنهم يكونوا قد المسؤلية بكل صدق.

"كان النبي ﷺ هيّن المؤنة، ليّن الخلق، كريم الطبع، جميل المُعاشرة، طلق الوجه بسّامًا، متواضعًا من غير ذلّة، جوادًا من غير سرف، رقيق القلب، رحيمًا بكل مسلم خافض الجناح للمؤمنين، ليّن الجانب لهم." اللهم صلِّ وسلم وبارك على سيدنا محمد ﷺ

"رعى الله فتاةً لم تُؤتَ من كيدِ النساءِ شيئًا.. بريئةً، نقيةً، صافيةَ الروح، لا تخدعُ ولا تُنافق، لا تكره ولا تتربّص، لا تحملُ ضغينةً ولا حِقدًا ولا حسدًا، لا تغتابُ ولا تنُمّ، و لا يشغلها من ترّهات فتياتِ أهل عصرنا شيئًا، تحملُ الخير للجميع، وتُجاهِدُ ألا تتركَ إلا أثرًا طيّبًا.. للهِ درُ فتـاةٍ أدّبها القرآن، فكانت خير مثلٍ بين الأهل والخلّان."

مش عارفه ليه الإنسان يحب يعيش دور المظلوم ! ايه الحلو في بجد ! ده انا ببقي مظلومه وبعيش دور الظالمه عشان محسش ان خدت ع قفايا وحد علم عليا 😂😂😂😂😂

شكلك ولبسك وتعليمك وفكرك وإنجازاتك العلمية والعملية، مجموعها صفر لو اجتمعت بقلبٍ قبيح، ونوايا سيئة. ‏"إنَّمَا المَرءُ بِقَلبِهِ!" ‏(إِلّا مَن أَتَى اللَّهَ بِقَلبٍ سَليمٍ).. فإن سلِمَ القلب سلمَت الصُدور والنَّوايا، وصَلُحَ سائر الجسد كله.

"معلش متزعلش مني أنت عارف إني قلبي أبيض بس كلامي دبش" لا علاقة لي بجميل قلبك طالما قبح لسانك يؤذيني.

عايزة أبوس الظروف اللي خلتني بياعة للدرجادي

"إذا سمعت المؤذن يؤذن وأنت تقرأ القرآن فاقطع القرآن و أجب المؤذن". -----• 📚« فتاوى نور على الدرب / ١٧١/٤ »

طبعًا أنت مش هتصدقني لو قولتلك إن أنا رأيت الثُقب في سفينتهُ مُنذُ اليوم الأول للرحلة، ومع ذلك قررت -بكامل إرادتي- الإبحار مَعُه. عارف بقى أنا عملت كده ليه؟ علشان كان فـ مُخيلتي إن الحُـب بيقدر يصنع المُعجزات. "")

- شكرًا لمن ذهبوا إلى أرقى الفنادق ولم يكتبوا على صفحاتهم أنهم متواجدون الآن فيها. - شكرًا لمن قابل شخصية مشهورة ولم يطلب منه صورة ليظهر أمام متابعيه أنه شخص مهم. - شكرًا لمن يحب زوجته ويغازلها يوميًا دون أن يعلم كل من لديه على مواقع التواصل أنه يحبها. - شكرًا لكل من يعمل في مكان مرموق ولم يصور مكتبه مراعاة لمشاعر أصدقائه العاطلين. - شكرًا لمن يأكل في المطاعم أكثر من بيته ولم ينشر صور الطعام على مواقع التواصل الاجتماعي مراعاة لظروف الاخرين. - شكرًا لمن يساهم يوميًا في مساعدة الفقراء والمحتاجين دون أن يصورهم ويوثق ذلك ليظهر أمام الناس. شكرًا لكل من حسنت أخلاقه وراعى مشاعر الناس.

- واحد كان معدي على قهوة خبط التربيزة الكوبيات وقعت اتكسرت ١٠٠ حتة فـ صاحب القهوة قاله فداك يا باشا فـ بقي زبون القهوة. - واحد عنده غضروف في رجله فـ طبيعي انه بيصلي على كرسي لما يصلي فـ المسجد ، الناس انتقدته اكتر من مرة وقالوا انت شاب ازاي تصلي على كرسي و زعقوله .. من ساعتها غير المسجد. - سيدنا عمر شاف ناس مولعين نار فـ نادى فيهم ( يا اهل الضوء ) ومقالش يا اهل النار خوفاً من ان الكلمة تجرحهم. - الحسن والحُسين رضي الله عنهما شافوا راجل كبير بيتوضي غلط .. فكروا ازاي ينصحوه فقالوا نُريدك ان تحكم بيننا من الذي لا يُحسن الوضوء و بدأوا يتوضوا و لما شافهم الراجل ضحك وقال انا والله الذي لا اُحسن الوضوء. * قال النبي ﷺ : ( حُرم على النار كل هِين لين سهل قريب من الناس ) .. ♥️

الجلوس بعد صلاة الصبح للاشتغال بأذكار الصباح وقراءة القرآن من السنن التي يستحب للمسلم أن يحرص عليها " .

" اتأخر في الجواز زي ما انت عاوز، فركش ألف خطوبة لو مش حاسس ان ده الشخص المناسب، سيب الشغل اللي بيستهلكك وبيهدر قيمتك وآدميتك والأرزاق على الله، متقولش السلام لحد ميستاهلش السلام، امشي من المكان إللي مفيهوش راحتك، قوم من القعده اللي مش مقامك، اهجر الناس اللي مش مقدره وجودك. متختارش اختيارات غلط عشان الناس قالت وعادت وضغطت عليك. وقت ما هتكتئب وتندم وتتعب هتكون لوحدك، هتقع ومحدش هييجي يطبطب عليك ويقولك معلش انا زقيتك في الاتجاه الغلط وكنت سبب في وقعتك دي. شوف كام حد حواليك حسبها بحسابات الناس واختار غلط فعاش حياة الناس هي اللي اختارتهاله وهو غريب عنها ومش حاسسها ولا حاببها ولا مبسوط بيها، وبعدها انطفى واتدفن وبقى مجرد جسم بيتحرك بطريقه آلية من غير روح ولا مشاعر بعد ما كان كله طاقة وحيوية. متموتش نفسك عشان تعيش في نظر الناس. راحتك النفسية أهم من كلام الناس ومعتقداتهم القديمة المتهالكة الرجعية اللي متسواش مليم في تراث البشر الحضاري والثقافي .."

واحدة جايبة عريس لصاحبتي، هي أكبر منه بسنتين.. بس هو الموضوع عاجبه أوي وبتحكيلنا إنه معجب بيها جداااا وسويت توكر وبيصبحها وبيمسيها بوعود وأحلام لطيفة وبتاع ومسميها ماي كوين والحب ولع في الدرة.. فوافقت وبتقوله هات أكونت فيسبوك نضيف بعض هناك. قالها هسألك سؤال الأول.. هو لو عرفتي إن أنا خاطب هتزعلي؟