Yestahil يستاهل

الحرب لم تنتهي للأسف والعشم في شويه رحمه لإخوتنا المحاصرين غلبنا، اللهم رحمتك ونصرك، شارك بنشر أخبارهم والدعاء لهم ومقاطعة منتجات قاتليهم قدر استطاعتك..

بإذن الله انتهت الحرب، يا رب تتم على خير، حرب نتيجتها اذلال اسرائيل عالمياً وهدم صورتها اللي بنتها خلال عقود، دلوقتي أغلب الشعوب فهمت الحكايه وأصبحت كارهة للكيان القذر وحتى قيادات الدول الداعمة وحتى الشركات أصبح دعم الكيان علانيه تهمه تجلب الخسائر عكس ما قبل السابع من أكتوبر المجيد، الشعوب العربيه اتفلترت واتزعت القضيه من جديد في أجيال اتصرف عليها مليارات عشان تتولد مُطّبعة ناسية للماضي، ٧ أكتوبر تضحيه كبيره نتايجها بدأت ولم تنتهي بعد وغالباً هتنتهي بتدمير اسرائيل داخلياً وخارجياً، رحم الله الشهداء والمجد كل المجد لأبطال المقاومه والشعب الصامد اللي تحمل ولم ينحني وظل خير سند لمقاومته حتى وان ماتو من الجوع أو القصف، ملحمه عظيمه سيذكرها التاريخ الى الأبد.. مقاطعتنا لكل منتج صهيوني لم تنتهي، بل بدأت بعد ما اتكشفت كل الحقائق بفضل السابع من أكتوبر.. اللهم نصرك للمظلومين

كل عام وانتم بخير وغزة العزة بكرامة ونصر وعوض عن كل ما لاقوه من أهوال وظلم، يا رب نصرك لمقاومتهم الباسله وصبراً على قلوب أهلهم ورحمة في قلوبنا 💜

الفكه! شوية القروش والهللات والفلسات والسنتات اللي بنستصغرها ودايماً بيحاولو يقنعوك انها ولا حاجه هيا اللي بتصنعلهم المليارات اللي خايفين عليها، كنزاية البيبسي اللي ب ٨ج مبيكسبوش منها ٢٠٠ دولار لأ عادي بيكسبو جنيه أو نص أو ربع مش هتفرق بس الفكرة كام واحد هيشتريها في اليوم وهنفضل كام يوم بنبيع منها نفس العدد وده اللي هيحقق مليارات الدولارات.. عارفين ليه الأفلييتورز "المسوقين" بيزنو عليك في كل حته عشان تشتري منتج ب ١٠ أو ١٠٠ج وعمولتهم فيها في أغلب الأحيان متعديش النص أو الربع جنيه فالمنتج ابو عشره جنيه اللي انتا اشتريته عشان ببساطه بيلعبو على كميه الناس اللي هتشتري مش كام العموله فالمنتج الواحد، الشركات الكبيره بتلعب على الفكه مضروبه في عدد المشتريين مضروبه في مده استمراريه العمليه دي.. لما تقاطع فانتا مينفعش تبص من منظورك انتا بس وانك خسرتهم النص جنيه اللي كانو بيكسبوه من وراك كل يوم، بص من منظورهم وافهم ليه الموضوع مرعب بالنسبه ليهم وقاتل، المعادله بتاعتهم صرفو ملايين وسنين ومليارات في الاعلانات عشان المعادله تفضل ماشيه مظبوط عشان لما يحبو يعملو مليون صاروخ الصاروخ بمليون دولار ميكونش عندهم مشكله بفضل مزرعه زباين الفكه المنتجين للأموال والدعم اللازم.. انتا أهم عنصر فالمعادله وانتا اللي تقدر توقف تروس المكنه بتاعتهم.. استمر ولا تستصغر عملك واحتسب عند الله.. ودمتم بخير

رمضان مبارك عليكم وعلى الأمة الإسلامية واللهم شهر رحمه وخير ونصر لإخوتنا في غزه..

رجاء خاص من متابعينا الأعزاء، إستمرو في المقاطعه، إستمرو في عدم التعامل مع من يمول الإرهاب، كل قرش يكسبونه منا يحاربوننا وسحاربوننا به.. المقاطعه مش مجرد تضامن، عدم المقاطعه تضامن مع العدو في حربنا القادمة، عدم المقاطعة خيانه لشعبنا.. وخيانة لإخوتنا الآن..

المقاطعة مستمره حتى من الأجانب في لوس انجلوس ولسه فيه عرب بيبيعو القضيه مع أول تخفيض فالسعر..

تذكير لحبايبنا، قاطع كل منتج يدعم الكيان المحتل.. لا تشارك في قتل إخوتك فيكفي ما هم فيه وتأكد أنه من ترك شيء لله عوضه الله خيراً منه.. ودمتم بخير 💜

اي حد بينشر عروض أتمنى بس يراعي عدم نشر اي عرض عن منتجات داعمة للكيان المحتل وده أضعف أضعف الايمان، وتحية عزه وكرامه لكل واحد امتنع نهائياً عن شراء منتجات بني صهيون ✊

أعذروني أعزائنا مشتركي قناة يستاهل على تليجرام، لن نغطي أية عروض لشهر نوفمبر كما تعودتم منا طالما لنا إخوة وأحباب لا يجدون شربه ماء وينامون تحت قصف ومجازر يومية، كان الله في عونهم ولنا لقاء بعد انتهاء العدوان.. دمتم بخير دائماً وأبداً 💜