Суполка беларускіх пісьменнікаў
Навіны і гісторыя, тэксты, цікавосткі, кніжныя навінкі, крытыка.
Больше941
Подписчики
Нет данных24 часа
+17 дней
-630 дней
- Подписчики
- Просмотры постов
- ER - коэффициент вовлеченности
Загрузка данных...
Прирост подписчиков
Загрузка данных...
Фото недоступноПоказать в Telegram
⭐️ «Мы яшчэ не наеліся чорнага хлеба праўды»
Фрагмент гутаркі Юрася ЗАЛОСКІ з Васілём БЫКАВЫМ — пра ісціну, абагуленую ў мастацкай форме, гістарычную памяць, вайну, мараль і свабоду творчасці.👍
👉 чытаць тут
#лонгрыд
❤ 10🎉 1
Фото недоступноПоказать в Telegram
🎧 "Роднае карэнне" Гарэцкага ў аўдыёфармаце
Праект "Беларуская літаратура" агучыў апавяданне Максіма Гарэцкага "Роднае карэнне".👍
👉 Слухаць тут
#аўдыё
👍 5❤ 4
Фото недоступноПоказать в Telegram
🔎 Комікс "Trip mit Tropf" па-беларуску шукае дабрачынцаў
Фонд “Кніжны вырай” запусціў кампанію па зборы сродкаў на выданне смешнага і добрага коміксу пра сяброўства, адвагу і прыгоды. Гаворка ідзе пра кнігу “Trip mit Tropf” (даслоўна “Падарожжа з кропельніцай”) нямецкай аўтаркі Жазэфіны Марк.👍
Гэта біяграфічны комікс Ж. Марк, які выйшаў у 2022 г. ў нямецкім выдавецтве Kibitz Verlag. У кнізе аўтарка перапрацоўвае свой уласны досвед змагання з анкалагічным захворваннем. За гэты кароткі час твор паспеў атрымаць шэраг узнагародаў.🔥
👉 Дэталі тут
#анонс
👍 7
Фото недоступноПоказать в Telegram
Чорны кот
Як ветрык, ён адначасова ўсюды.
То круціцца на месцы, як ваўчок,
а то знарок, нібыта з перапуду,
як апантаны кінецца наўцёк.
Падыдзе збоку — на сябе ў люстэрку
глядзіць: няўжо ён сапраўды такі?
Скамечаную кінь яму паперку —
парве з уяўнай злосцю на шматкі.
Такі заўжды ў яго настрой — мажорны.
Ён непаседа і кумір дзятвы.
Няўцям яму, што ён, як вугаль, чорны,
як ноч, увесь — ад лап да галавы.
Спаткаць такога — дрэнная прыкмета:
пашчасціць, не пашчасціць — як каму,
але найперш расплачвацца за гэта
так ці іначай суджана яму...
Стракаты свет яго нясцерпна вабіць
вясёлкай светлых колераў жыцця.
Гуллівы ён і бесклапотны — мабыць,
таму, што сам пакуль што, як дзіця,
шчаслівы, што жыве, што нарадзіўся.
А ўжо гвалтоўны свет з яго ярмом
бязглуздых звычаяў распарадзіўся,
з якім яму ў жыццё ісці кляймом.
Васіль Гадулька
#раптамверш
👍 10❤ 6
Фото недоступноПоказать в Telegram
⭐️ Конкурс рукапісаў “Шуфлядка” - вынікі
Абвешчаныя пераможцы другога сезону конкурсу рукапісаў “Шуфлядка” у трох катэгорыях: “Дзіцячая і падлеткавая кніга”, “Нон-фікш і дакументальная проза” і “Масавыя жанры”.👍
Лаўрэатамі сталі:
✔️ Ганна Кручкова “Хто ты, дрон?” (намінацыя «Дзіцячая і падлеткавая кніга»)
✔️ Аляксей Правалоцкі “Цягнік да Познані” (намінацыя «Нон-фікшн і дакументальная проза»)
✔️Аліна Б. Карповіч (псеўданім Клёк Штучны)“Забойства ў Менску” (намінацыя «Масавыя жанры (фантастыка, фэнтэзі, дэтэктыў, прыгоды)”.
Віншуем!💐💐💐💐💐
#навіны
🎉 8
Фото недоступноПоказать в Telegram
Кніга Алексіевіч трапіла ў Toп–100 кніг XXI ст. па версіі The New York Times
У рэйтынгу найбольш важных кніг эпохі апынулася і кніга беларускай пісьменніцы Святланы Алексіевіч «Час сэканд-хэнд». 👍
Твор у класічным для аўтаркі жанры нон-фікшн выйшаў у 2013 г. і расказвае пра феномен савецкага «чырвонага чалавека» як прадукта СССР.
У 2019 г. кніга «Час сэканд-хэнд» заняла трэцяе месца ў топ-100 найлепшых твораў XXI ст., складзеным брытанскім выданнем The Guardian.🔥
#навіны
❤ 10👍 6🔥 1
Фото недоступноПоказать в Telegram
Памерла чэшская беларусістка Францішка Сокалава
На 86-ым годзе жыцця ў Празе памерла дачка чэскага дысідэнта Яна Патачкі даследчыца старадрукаў Францішка Сокалава.
Беларусь абавязаная ёй многімі адкрыццямі звязанымі з дзейнасцю Францішка Скарыны і Пятра Мсціслаўца, якія яна зрабіла працуючы ў Славянскай бібліятэцы ў Празе.
Таксама зацікавіўшыся беларушчынай яна пераклала на чэшскую мову асобныя творы Васіля Быкава, Уладзіміра Арлова, Рыгора Барадуліна, Алеся Разанава.
#навіны
😢 13❤ 3💔 1
Фото недоступноПоказать в Telegram
📙 "Паліяна" па-беларуску ўжо ў продажы
Пераклад дзіцячага бестсэлера Элінор Х. Потэр “Паліяна” на тыдні з'явіўся ў кніжных крамах.👍
«Паліяна» – адна з самых вядомых сучасных дзіцячых кніг у свеце. Гэта гісторыя пра маленькую дзяўчынку, якая ўмее знаходзіць, чаму парадавацца ў любых абставінах. Пасля смерці бацькоў адзінаццацігадовую Паліяну з пачуцця абавязку бярэ да сябе яе цётка. Паліяна вучыць усіх навокал “гуляць у радасць” так, што ўвесь горад перамяняецца і нават самыя зласлівыя і няшчасныя людзі пачынаюць зноў радавацца жыццю.🔥
Пераклад Францішак Корзун, малюнкі - Дар'я Заяц.👍
👉 Купіць навінку ўжо цяпер можна ў сталічнай “Акадэмкнізе” і “Параграф 45”.
#палічка
👍 10❤ 2
Фото недоступноПоказать в Telegram
⭐️ РАКУЦЁЎСКАЕ ЛЕТА
"Фальварак Ракуцёўшчына" (Мінская вобласць, Маладзечанскі раён, в.Ракуцёўшчына) запрашае 27 ліпеня а 16-ай на літаратурнае свята.👍
Ракуцёўшчына, невялічкая вёсачка каля Маладзечна стала месцам натхнення для Максіма Багдановіча. Творчым наробкам сталіся два цыклы вершаў і паэмы, што сталі падмуркам для зборніка вершаў “Вянок”.🔥
У праграме свята:
☀️прывітальная імпрэза каля памятных камянёў з ускладаннем кветак;
☀️сустрэчы з беларускімі літаратарамі, музыкамі, мастакамі;
☀️экскурсіі і квэсты;
☀️гульні, майстар-класы, разыгранкі і шмат іншых цікавостак.
❗️Уваход вольны.
👉 Даведкі: + 375 17 363 07 61, + 375 17 355 22 95.
#анонс
👍 4❤ 1🥰 1
Фото недоступноПоказать в Telegram
📙 "Без Айчыны"
Новая кніга паэзіі Уладзіміра Някляева з такой назвай выйшла ў 78-ы дзень ягоных народзінаў. 🔥
У кнігу ўвайшлі творы аппошніх гадоў.👍
Віншуем аўтара з днём нараджэння, а чытачоў з добрай кнігай!💐💐💐
САНЭТ
Жывеш скрозь болі, роспачы, знямогі,
Каб прачытаць урэшце ў кнізе вед:
“Убогі свет, калі народ убогі,
Народ убогі, калі ўбогі свет”.
І не змяніць закон спрадвечна строгі,
Як не змяніць рух зорак і планет,
І хоць на небе абівай парогі –
Такі ж закон і той жа запавет.
І калі ўжо нідзе няма збавення,
Калі, як смецце, свет цябе грабе,
Са свету выйдзі – і ўвайдзі ў сябе,
Як у адзіны дом твой на зямлі,
І пасялі ў ім гонар і сумленне,
Якія, як бяздомныя, жылі.
#навіны
❤ 16👍 4👏 1
Выберите другой тариф
Ваш текущий тарифный план позволяет посмотреть аналитику только 5 каналов. Чтобы получить больше, выберите другой план.