أبجديّة

عيوني عند غيرك كن صايبها عمى وارهاق ‏وعندك كل حاجه فيك لازم تخطف انظاري ‏اشوفك خير من حبه تمكن داخل الخفاق ‏واشوفك ملجئي فـ اللافيات ومأمن اسراري ‏بذلت التضحيات اللى تخلد لك ثمن واسياق ‏على ميدان " حبك " والله ان ماكلت امهاري ‏حفظتك عن عيون العذل في قلبي وفالاحداق ‏مثل حفظي لشيمة نفسي وحفظي لـ مقداري

أخلق لنفسك مساحه ماحدٍ قبلك وصلها حاول تكون بزمانك شي ، أكبر من زمانك

‏اطلبك ياربي لسانٍ صادق وقلبٍ سليم ‏وعزمٍ على التوبه من ذنوبي ومن تكرارها ‏ومن فيض جودك مايعيّشني حياتي في نعيم ‏ابيه فالدنيا .. وفي الجنه وبين انهارها

‏"تسهَّل… والسنين تعالج المجروح ‏ويرجع مثل ما كان الشجاع: أشجع ‏أنا ماني مثل غيري يجي ويروح ‏أنا مثل —العُمر— لا راح ما يرجع"

‏يا أرقَّ من يفضح هواه الأسارِيْر.. ‏طَيْرك ترك في غيْهب البَال عِشَّهْ ‏خذني على فال الهوَى، والمقادِيْر ‏واللي على ظَهْر المشارِيه.. طِشَّهْ ‏أشوف فيك أحلى السنين المداوِيْر ‏أمانتك.. وَجْه الرِّضا، لا تخشَّهْ! ‏أنا أعرِفك قبل الظمأ، والمعاذِيْر ‏الطيَّب أحيانًا.. ظْنونه تغشِّهْ.. ‏أحتاج أفكّ لك المدى، والأزارير ‏صدري إليَا شحَّ المطر عنه؛ رِشَّهْ ‏أجيك.. وظروفي: ثقيلة مشاوِيْر ‏وتعوِّد ظْروفي خفيفة وهشَّة!

‏فراغ قلبي غلاك ارهى على سدّه ‏ليتك تشوف الغلا وابراجه وعاجه ‏اقوى رياح العذل ما تقدر تهدّه ‏والا الجفى لو تنفس هدم ابراجه ‏تغانم الوصل . . لان البعد لابدّه ‏ياتيك في يوم ثم ياخذك بـ ادراجه ‏اللي لي انك . . تلين وتترك الشدّه ‏واللي لك اني ما اسولف لك لهرّاجه

‏أنا أكثر السكّات وأكثر من يسولف بالعيون ‏سعيد لأن أكثر خساراتي ما كانت من يدي ‏لولا الهقاوي ما عرفنا الصالحون السيئون ‏عيب الليالي ما تشين الا على صدر أجودي

‏يـارب انا عبدك ضعيفٍ بلياك ‏و عفوك اكبر طموحي و امالي ‏الفضل فضلك و العطايا عطاياك ‏مكاسب الدنيا ماهي راس مالي

‏أنت الصباح اللي خيوطه تبوج الظلام ‏والبسمه الدايمه والوجهه الراحبه ‏صبحٍ يجيبك نعانق به رحاب الغمام ‏وصبحٍ بدونك شحيب وطلته شاحبه

‏الرزق عند الله ماهو عندك ، ولا عند العباد ‏اختر لنفسك درب واعرف عاقبة ما يقتضى ‏اهون علي .. اعيش متصالح و قلبي في رماد ‏ما الله خلقني خلف رغباتي على جمرة غضى ‏قد نازعتني كلمة اللي من وراها .. ما استفاد ‏الا الوجيه اللي ما تقضي لك طلب والي قضى ‏عندي ضمير الله يدلّه كل ليله .. للرشاد ‏ولا لو اني بتركه يومين .. عديت الفضى

‏اللهم لك الحمد والشكر كما ينبغي لجلال ‏ وجهك وعظيم سلطانك

‏عن الفايت اللي فاتني قلت فالي خير ‏ولا فيه خيرٍ إلا في ما ربّي — اختاره ‏أنا راضي عن دبرة الله ، دُمت بخير ‏و لابد ما ارمي رميةٍ و أكسر اشاره ‏— عبدالرحمن بن منير

بخيل بـ معاناته على الناس ومضرّىَ ‏يعَذْر الكلام ان صار فايض ومتداخل ‏آعَرف الشحيح اللي على جوده مورّىَ ‏وآعَرف الكريم اللي على كلمته باخل ‏وآعَرف العزيز اللي لو يموت ما طرّىَ ‏مثل ما تعَرف الاندلس قيمة الداخل ‏يوزّع على الناس - ابتسامات من برىَ ‏على شان يدفن جرة الحزن من داخل

﴿ مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا﴾ ‏[ الأحزاب: 23]

آتوحّش كلّ دارٍ خلا منها السرور ‏مثل ما تستاحش الباديه من ناسها ‏كم يكلّفني حضورك ليا غاب الحضور ‏طيفٍ يْبدّد وحَش روحي بمجلاسها ‏إن بقيت؟ آوقّف الأرض لو كانت تدور ‏وان رحلت؟ اشرح لدنياي معنى افلاسها ‏قلت لعيوني تباكي على القلب الجسور ‏وسلهمت بدموع ورموشها حرّاسها ‏ماخذ من الليل ظلماه ومْن الفجر نور ‏حالفٍ تحفظ لعين المهاة نعاسها ‏ايه احبّك لو اعيش الهوى بين السطور ‏راضيه باحلامي اللي معَك نبراسها ‏وانت يا ساس الشعر لا يجي منّك غرور ‏تذبح الملهوف لك كلمةٍ من باسها ‏إكتب الشعر و تكلّم بما تخفي الصدور ‏القصيده منك ما أرتوي من كاسها ‏احفظك ما كنّي اللي اعرْفك من شهور ‏الثواني معْك ماجت على مقياسها ‏في مجيّك مرحبا بك واذا غبت مْعذور ‏لو ليال العمر دونك حفظت اتعاسها ‏منت منفى بالحياة او محطّة للعبور ‏أنت صحراء باختياري عشقت يباسها ‏يستميل القلب لك استماله للزهور ‏فيه من ريح الهوى وذعذعت نسناسها ‏كلّما اكتبك بقصيده تلقّاني الشعور ‏آه من بعض القصايد وجور إحساسها

يمكن اللّٰه شال من دربك مخاليق و قلوب ‏لأنه شاف اللي ما شفت وسمع مالا سمعت

‏على الله تكلت الشون كلّه و أنا لله ‏إمْن الراجعون إليه بـ العز و الذلّه ‏الله يقطع الحاجه ، ومشيً بلا مشهاه ‏والله يقطع اللي كل من قاربه — ملّه ‏والله يقطع اللي لا بغيناه ما نلقاه ‏والله يقطع اللي لا صفا ما صفا كلّه ‏— بن جدلان

‏يا لبيه ياللي كل ما قلّت لي لبيه ‏عطيت الهموم إيعاز والضيقه إباده ‏أنا العارف اللي منطقه يربك معاديه ‏وأمامك رهينٍ تربكه " عين وقلاده " ‏مع الناس صلف الا معك ليه مدري ليه ‏يجيني شعور ما أعرف أميّز أبعاده ‏لك الخافق اللي مانزل قبلك أحدٍ فيه ‏ولك الدعوه اللي بين مصحف وسجاده

ما طلبت ارواك ابد لو متّ ظامي بـ إنعزالي ‏والله اني مرتوي والعزّ مرويني بـ غيمه ‏ما رجيت اول تجيني مستحيل ارجيك تالي ‏كبريائي لو بـ انادي يعتبر صوتي جريمه ‏لي كيانٍ ما يحبّ من الهبوب الّا الشمالي ‏لو لمح ريح التحدّي يركض لـ أقصى نسيمه ‏كيف اسلّم لك جوارح ما رضت سلم احتلالي ! ‏لو تحارب هالجروح سنين بـ انغام العزيمه ‏مو أنا اللي تخضع دموعي على طول ارتحالي ‏مو أنا اللي يرفع المنديل في وجه الهزيمه ‏شخص عادي ما آتفاخر ما أقول انّي مثالي ‏وايه احبك حيل لكن أملك لنفسي حشيمه ‏يا نديمي كنت ماليك بـ مشاعر وانت خالي ‏كنت خالي وسط قلبٍ ممتلي بك يا نديمه ‏منت عادي بسّ رحت وما بدت لحظة زوالي ‏قيمة انفاسي عظيمه جيّتك ماتْزيد قيمه ‏عالي ابقى لو يطول البعد انا شامخ وعالي ‏ما رقيت بنور وصلك لاجل احدّر في عتيمه ‏دام عاجبك الغياب ان طال لا تنوي وصالي ‏خطوتي بك أو بدونك دوم تبقى مستقيمه

‏أعرفك مثل السماحه فوجه المستضيق ‏ضيقتك ما هي بعاده وضحكاتك جهر ‏عيّت غيوم السماء تخفي لنجمك بريق ‏كل ما غطّت بريقك و أراد الله ظهر ‏الحزن لو كبر فنظرتك ما لا يليق ‏خلّ عينك للتغاضي و ظهرك للسهر ‏كل ضيقه من حبيب وزله من صديق ‏ماهي بخيبة أماني و لا طعنة ظهر