أبجديّة

https://t.me/Iaivl @RYK66

تبادل نشر .. @eis_almutiri

‏ترى غناة النفس هي أصدق غناه ‏وترى جمال الشي ما قلّ و ندّر ‏وترى البعاد أحيان نوع من النجاة ‏والسكوت أحيان من باب العذر ‏لا تكبرون إلا على ظروف الحياة ‏ولا تحزنون إلا على غالي قدر

من جرب وصالك ماعاد يطيب له غيرك بديل ‏يشوفك لحالك سحابه — والبشر كلها ظمى

سبحانه اللي يزرع بذور المحبّة فـ القلوب ‏وإليّا عطى عبده قبول النّاس جاته مقبلة

هذا هو من مولده لآخر فصوله ‏من يِجسّ النبض مايقدر يجسّه ‏يبتسم ، والابتسامات الخجولة ‏امّا يِرخي " حبلها " .. ولا يمسّه ‏القليل " يبيّنه " لـ الناس حوله ‏والكثيير اللي عن العالم يدسّه ‏والله إن كل الكلام .. اللي يقوله ‏ما يجي ربع الشعور اللي يحسه

‏تفنى القلوب وطيبها يعيش مذكور ‏ويبقى لها من طيب الأفعال سيره ‏من عاش بالدنيا مع الناس مستور ‏يرضى على المقسوم شرَّه وخيره ‏محدٍ على طرد المقفّين مجبور ‏مـن يتبع المقفّين ماله بصيره ‏خلّك سما وشامخ مثل مطلع النُور ‏تشبه علوِّ الشمس في كل ديره

‏اليا غسلت الثرى يالوابل الصيّب ‏ليتك تغسل النفوس الزينه - الشينه ‏ما يوجع الطيب إلا قلبه الطيب ‏ولا الخساير فدى راسه ورجلينه

‏كامل الزين ، من حقّه ليا شاف حاله ‏وإن تغطرس على جيله من ابسط حقوقه