عَوْن–E3dady SVU 📒

أحس دفعتنا قفّلت الكلية 😞

اللي في مدني جنوب الوادي القناة دي فيها كل داتا القسم للأربع سنين من دفعتنا دفعة 13 ربنا يبارك فيهم.

الهشتاجات اللي هتساعدكم انكم توصلوا للمواد اللي محتاجينها #اولي_مدني_الترم_الاول #اولي_مدني_الترم_الثاني #تانية_مدني_الترم_الاول #تانية_مدني_الترم_الثاني #تالتة_مدني_الترم_الاول #تالتة_مدني_الترم_الثاني #رابعة_مدني_الترم_الاول #رابعة_مدني_الترم_الثاني #إمتحانات #كورسات --------------------------------------------------- وده لينك القناة https://t.me/Madany2025

السلام عليكم ي بشمهندسين يارب تكونوا بخير 🤍 الحمدلله تم تعديل وتحديث القناة لتصبح مجمعة لداتا قسم مدني بالكامل خلال الأربع سنين ، وللتسهيل فعلنا هشتاج لكل ترم ف الأربع سنين بمجرد ما تضغط ع الترم اللي انت فيه هتظهرلك المواد الخاصة بالترم ده اختار اي مادة منهم هتلاقي ظهرلك كل حاجة تخص المادة من ملفات شرح وتبييضات وفيديوهات من مختلف المصادر وامتحانات داتا كاملة تخص المادة ، إن شاء الله الداتا تفيدكم ونكون عند حسن ظنكم دايما ، وف الآخر حابب اشكر كل آدمنز القناة ع المجهود اللي عملوه خلال الأربع سنين وكذلك اشكر دفعتي بالكامل ع الدعم والمساعدة انتم بعد فضل الله وكرمه السبب في أن تصبح القناة هكذا قناة عامة تعليمية لقسم مدنى. { وَآخِرُ دَعْوَاهُمْ أَنِ الْحَمْدُ لِلهِ رَبِّ الْعَالَمِين } بالتوفيق للجميع 🤍 والسلام عليكم ورحمة الله وبركاته

وهنا تبدأ النهاية.. خمس سنين! خمس سنين من عمرنا مع بعض! يجماعة احنا كنا بنشوف بعض اكتر من أهالينا، انت متخيل يعني ايه خمس سنين من عمرك مستني لحظة زي دي! الحمد لله الحمد لله الحمد لله حد كان متخيل أنه يوم زي ده هييجي كده بسرعة! ده احنا لسه امبارح كنا مع بعض في سكشن ولا محاضرة، لسه كنا بنهزر ونضحك في المسرح والمدرجات، لسه كنا بنتخانق انهي سكشن الأول في الجدول. خلاص كده اللي هو خلاص! والله ياخي الأيام عدت بسرعة قوي قوي، أنا لسه فاكر كل حاجة حصلت من اول ما دخلنا المكان ده لحد النهارده، فاكر كل موقف لكل واحد فاكر هزارنا وضحكنا وجدعنتنا، فاكر الأيام الصعبة في الامتحانات والتسليمات. بصراحة مكنتش عامل حساب يوم زي ده، يمكن من كتر ما اتعودنا على بعض بس انا لسه فايق على وضع جديد، اتمنى يكون أفضل واريح للكل. ويمكن لسه مش مستوعب أنه حلمنا اتحقق بفضل الله، أهالينا اللي في الكواليس هيشوفوا أخيراً مهندسين زي ما اتمنوا، واحنا هنفرحهم أخيراً، وربنا يرحم ذوينا اللي كان نفسهم في حلم زي ده، ربنا ينفع بينا ويعلمنا ويجعلنا نافعين لأمتنا واهالينا ويفضلوا دايما يتفاخروا بينا. مش عاوز اطول عليكم، اللي خلاني افتكر بصراحة أنه ظهرلي بوست كنت كتبته بعد ما خلصنا إعدادي هندسة وانا بشكر نفسي على الكلام الجميل اللي كنت كاتبه وقتها، وحقيقي أنا أقصده تاني وأكتر الحمد لله. https://www.facebook.com/share/p/1Ap44X1BSD/ أنا ممتن لكل واحد هنا على أي حاجة حلوة كانت ما بينا وربنا يديم الود دايما ما بينا، ونكون على تواصل منقطعش ببعض في الخير. يارب اشوفكم كلكم في أعلى المناصب ومحققين اللي نفسكم فيه، وربنا يزوجنا كلنا. 😂❤️ وزي ما كنت قولت قبل كده.. في النهاية أنا ممتن لربنا أنه عرفت وقابلت وعاشرت ناس زيكم والحمد لله راضي بكل اللي عدى ومبسوط إني عديت بكل ده وربنا قدرني عليه، مكنتش اتوقع ابدا كل ده يحصل بس اهو حصل وربنا لطف بيه الحمد لله. ويارب أكون سيبت أثر ولو بسيط مع دفعتي الحلوة دي ♥️ دمتم بسلام. #هندسة_قنا_2025

حان وقت الذكرى

كلكم بدون استثناء قضى الله حاجتكم وجبر قلوبكم وفك كروبكم وداوى جروحكم وشفي مرضاكم ورحم موتاكم وموتانا وموتى المؤمنين اجمعين يارب العالمين فقد قيل لأحد الصالحين كم بيننا وبين عرش الرحمن قال دعوة صادقة لأخيك اسال الله أن يبشركم قريبًا بكل ماتتمنون ويتقبل صيامكم وقيامكم وانتم بخير وعافية.. ماتنسوني من دعواتكم.. 🩶

Vote https://www.bidlboo.com/UKUvuHcM

عقبالكم كلكم 🥰

اللهمّ إنّي توكلت عليك، وسلمت أمري إليك، لا ملجأ ولا منجا منك إلا إليك، ربّ أدخلني مدخل صدق وأخرجني مخرج صدق، واجعل لي من لدنك سلطاناً نصيراً.

الذكريات اللي بتجيني قبل التخرج... هنشتاق للأيام دي

السلام عليكم في event بيتم تنظيمه حاليا على مستوي الجمهورية اسمه EgyptSWUG وآخر محطة فيه هي قنا... الـevent تبع SWUGN (SolidWorks User Group Network) ودى في شبكة عالمية من مستخدمي SolidWorks، بتهدف لمشاركة المعلومات والخبرات بصورة ممتعة ومفيدة بين أعضاء الـUser Group واللى ممكن يكون على مستوي مدينة/شركة/جامعة/إلخ الـevent هيكون فيه technical presentations، بالإضافة لتوعية بالـSolidWorks Community وأنشطتها في مصر الـevent هيكون يوم السبت ١٧ مايو من ١٠ص لـ٤م في مركز Creativa قنا، وهيكون مفتوح للطلاب والمهندسين 🌟 التقديم للحضور من خلال الـform دى: https://forms.gle/ykNqkAXfCTuF5kb6A تقدروا تشيروا مع طلاب ومهندسين الصعيد، وخصوصا الـracing teams بما إن الـTheme الأساسى للـtechnical sessions هو الـracing الـtopics اللى هنغطيها في الـevent هي: * Design: Structure Systems * Simulation: Topology Optimization * Manufacturing: Reverse Engineering

من اول المنشن ده ولتحت كان لدفعتي أيامها كان بيدينا نفس الدكتور، وأدى السنة اللي بعدنا. ف حاول تدور وتجيب منهم اللي ناقصك. وربنا يوفقكم جميعاً ♥️

بصوا من اول هنا كده

سمعت أنه معاكم ميد انتاج

مسم أيام