𝐈𝐬𝐥𝐨𝐦𝐢𝐲 𝐃𝐢𝐧𝐢𝐲 𝐊𝐢𝐭𝐨𝐛𝐥𝐚𝐫 𝐏𝐝𝐟📚

#Қалбнинг_ҳаёти🍃 Илм бу дунёда ҳам, охиратда ҳам фойда бериши ҳақида кўп айтилган. Бироқ, шуни ҳам эсдан чиқармаслик керак: илм моддий фойда манбаи эмас. Фақат моддий фойдани кўзлаб илм ўрганган одам савобдан қуруқ қолиши мумкин. Баъзида айрим ота-оналарнинг “Ўқиб олим бўлармидинг, бўладиган ишнинг бошидан тутсанг-чи”, дея болаларига танбеҳ берганини эшитиб қоламиз. Сиртдан олиб қараса, уларнинг ҳам гапида жон бордек. Лекин маънавий тарбиянинг жуда катта қисми китобдан олинади. Қандай мутолаа қилишни билган одам ўйлашни, фикрлашни ўрганади, ҳаётни теранроқ англайди. Китоб фақат олим бўлиш учун ўқилмайди. Мутолаа – маънавий эҳтиёж. Чўмилгач танимиз яйраб, енгил тортгани каби яхши китоб ўқиганимиздан сўнг руҳимиз тиниқлашади, кўнглимиз ёришади, ҳалоллик, яхшилик, тўғрилик мезонлари ҳақида яна бир бор фикр юритамиз. Бироқ ҳар қандай китоб бундай руҳий ҳаловат беравермайди. Саёз, енгил-елпи, қўл учида истеъдодсизларча ёзилган китобни ўқиш умрни беҳуда сарфлашдан бошқа нарса эмас. Бундай “асар”лар нафақат вақтни ўғирлайди, балки маънавий қашшоқлашишга, енгил ўйлашга олиб келади. Хўш, яхши китоб билан ёмон китобни қандай ажратиш мумкин? Динимизда ниятга катта эътибор қаратилади, амалнинг моҳияти ниятда кўринади. Демак, ақлига озуқа бўладиган, ўзини маънан юқорилатадиган китобни ўқишни истаган одам яхши китобни бемалол ажрата олади. Чунки бу талабга фақатгина яхши китоб жавоб беради. Маънавий ҳимояси шаклланган киши кўнгли истамаган сўзларга дуч келган заҳоти мутолаани тўхтатади. “Китоб” ва “илм” сўзлари эт билан тирноқдай бир-бирига чамбарчас. Яхши китоб илмдир. Пайғамбаримиз Муҳаммад (соллаллоҳу алайҳи васаллам) ҳазрат Алига насиҳат қилиб: “Мўмин қирқ кун олимлар мажлисида бўлмаса, катта гуноҳлар қила бошлайди. Чунки илм қалбнинг ҳаётидир”, деганлар. Яхши китоб ўқиш – фазилатли олимлар, мутафаккирлар, шоирлар суҳбатида бўлишдай гап. Бу суҳбатдан хулоса чиқара олиш ва уларга амал қилиш зарур. Мутолаанинг моҳияти шунда. Пайғамбаримиз (алайҳиссалом) илмни “қалбнинг ҳаёти” деб атадилар. Кўнгилнинг тириклиги маънавий ҳайтимизнинг пойдеворидир. Қалби ўлган одамда ана шу маънавий пойдевор емирилади, уни жаҳолатдан, ёмонликдан тўсиб турадиган девор қолмайди. Илм олиш Аллоҳ розилигини топишдаги муҳим воситалардан биридир. Чинакам билимли, олам қонуниятларини чуқур ўрганган ҳар қандай қалби тирик одам ҳидоят топади – Яратганнинг Биру Борлигини, унинг Қудратини англайди. Китоб ўқиш инсонни шундай юксак мақомга етиштиргани билан ҳам муҳимдир. Аллоҳ таоло: “Йўқ, у (Қуръон) илм берилган зотларнинг дилларидаги аниқ оятлардир! Бизнинг оятларимизни фақат золимларгина инкор қилурлар” (Анкабут, 49). “(Эй, Муҳаммад,) илм берилган зотлар Сизга Раббингиз (томони)дан нозил қилинган (Қуръон)нинг ҳақ (Китоб) эканини ва у қудратли, ҳамдга лойиқ зотнинг йўлига ҳидоят қилишини билурлар (Сабаъ, 6)”. “…Аллоҳ сизлардан имон келтирган ва илм ато этилган зотларни (баланд) даража (мартаба)ларга кўтарур” (Мужодала, 11), деб марҳамат қилади. Бу оятлар мазмунидан илмнинг, илм олишнинг нақадар зарур экани ойдин бўлади. Мусулмон киши Аллоҳнинг розилигига интилади, буни ҳаётининг энг асосий ўлчови деб билади. Бу йўлдаги энг муҳим воситалардан бири – илмга интилайлик. Нафақат ўзимиз, балки яқинларимиз, фарзандларимизнинг ҳам илм олиши, китоб ўқишини рағбатлантирайлик.📖📚 •┈┈┈┈•❈••🕊••❈•┈┈┈┈• 📚@Sahih_Hadis_Muslim ☪️ 📚@Kitoblar_Manfaatli☪️ 📚@Hadisiy_Qudsiy☪️ 📚@Tavxid_Ahli ☪️ •┈┈┈┈•❈••🕊••❈•┈┈┈┈•

📚Siz izlagan "Hadislar olami" 🕊

#Ҳадис_46 📚Расулуллоҳ ﷺ дедилар: «Икки неъмат борки, у ҳақда кишиларнинг кўпчилиги зиён топиб, бебаҳра қолишади. Сиҳат-саломатлик ва бўш вақт» ✍Бухорий ривояти (Ибн Аббос (розияллоҳу анҳудан) 📚@Sahih_Hadis_Muslim ☪️

KITOB ÒQIYLIK DINDOSHLAR... ILM OLAYLIK📚

​​- Biror narsani bilish uchun shuncha kitob o‘qish shartmi? - Yo‘q. Biron narsani bilmasligingni bilish uchun shuncha kitob o‘qish shart📚 •┈┈┈┈•❈••🕊••❈•┈┈┈┈• 📜​​Tarix takrorlanib turadi degan gap bor.Insoniyat ibtidoiy jamoaga qaytishi mumkin.Buning ilk belgilari hozirdan kòrinyapti:kitob óqiydiganlar kamayib boryapti....📚📖 ©O'tkir Hoshimov (Daftar hoshiyasidagi bitiklar) asaridan •┈┈┈┈•❈••🕊••❈•┈┈┈┈• 📍​​Bobokalonlarimiz kitob topishga qiynalar edilar: hozir esa biz kitob tanlashga qiynalamiz. Mutolaa uchun juda ziyrak bo‘lmoq kerak💡📚 •┈┈┈┈•❈••🕊••❈•┈┈┈┈• 📖​​Mulohaza qilmay kitob o‘qimoq — xushmanzara tabiat qo‘ynida ko‘zni yumib sayr etmoqdek gap. Turmush tashvishlaridan chalg‘ish uchun emas, hayotni chuqurroq bilish uchun mutolaa qilmog‘imiz kerak. Kitobga dimog‘dor muallim qarshisidagi juratsiz o‘quvchidek emas, eng baland cho‘qqini zabt etmoqqa shay shijoatli alpinist kabi yondashmoq lozim🍃 ©Herman Hesse •┈┈┈┈•❈••🕊••❈•┈┈┈┈• 📚@Kitoblar_Manfaatli☪