موسى جليل : Musa Jalel

لەم ڤیدیۆیەی سەرەوەدا زەحمەتیەکی زۆرم بینی: ١ـ سەرەتا دەستم کرد بە ڤیدیۆ بە حساب کارەبا ڕەیسیە و لەبەر سپلیت تۆماری بکەم، ٩ خولەک نەڕۆی ڕاست کارەبا بڕا. ٢ـ دواتر مۆلیدە هاتەوە، خۆشی خۆشی دەستپێکەمەوە. ٣ـ دوبارە بانگمیان کرد وتیان تەنکی ئاوی تیا نەماوە وەرە تەنکەرەکە هاتوە بڕۆ بۆ سەربان. ٤ـ بە حسابی خۆم بە چارەگێک تەواو ئەبم، خێرا دزداشەکەم دانا وخۆم گۆڕی و چووم بۆ سەربان، بەس لەکاتی ئاو پڕکردنەکە یەکسەر سۆندەی تەنکەرەکە لەخوارەوە دەرچوو. نزیکی چارەگێک ڕاوەستاوم تا چاکی کرد. ٤ـ دوای ئاوم پڕکردو هاتمە خوارەوە گیانم هەموی بوبو بە ئاو هێندە گەرم بوو سەربان، چوم ئاوێکم کردە خۆما ئینجا خۆم گۆڕیوە و دوبارە دەستم پێکردەوە. ٥ـ زۆری پێ نەچو ڕاست بانگی مەغریبی دا. ٦ـ بەخێرای ئەو تۆزەی مابو تەواوم کرد و دوبارە ڕۆشتم ئاوم کردە خۆما چونکە کارەبای مۆلیدە بوو لەکاتی دەرسەکە دزداشەکەم تەڕ تەڕ بوبو هێندە عارەقەم کردبو. ٧ـ ئینجا چووم نوێژم کرد و هاتمەوە بەسەریعی مۆنتاژم کرد. ٨ـ ئەو عەمەلیەی باسکرا لەکاتژمێر ٥ دەستی پێکرد کاتژمێر ٩ تەواو بوو تەنها تۆمارکردنی نیو سەعات ڤیدیۆ، ڤیدیۆکەش پڕبوو لە پینەکردن. ئەمانەم بۆیە باسکرد، بەڕاستی گەر تەڵەبی عیلم و دەعوە ببێتە خەم و هەمت تۆ بەردەوام بەرەو ئامانجەکەت ئەڕۆی هەرچەن بەربەست و ڕێگرەکانیش زۆربن، چونکە ئامانجێکت هەیە بەڕاستی بۆی تێئەکۆشی. گوێت لێ نیە با ناڕەحەتیش بێتە پێشت. بەڵام گەر دەعوە و تەڵەبی عیلم تەنها حەزێک بێت و لەپێشینەی کارەکانت نەبێت هەرگیز ئامادە نیت ئەو هەموو سەبرە بچێژیت لەپێناویدا. داواکارم پەروەردگار نەیتم خاوێن بکاتەوە، و ئەم پۆستەم تەنها لەبەر ڕەزامەندی ئەو بوبێت. پێم باشبو ئەمانە باس بکەم بەشکم ببێتە هاندەرێک بۆ غەیری خۆم و بۆخۆیشم.

ئیمامی ئەحمەد لەموسنەدەکەی هێناویەتی بە سەنەدێکی حەسەن کە عەبدوڵای کوڕی مەسعود فەرمویەتی: "یەکەمین کەسان کە ئیسلامەتیان ئاشکرا کرد حەوت کەس بوون: پێغەمبەری خوداﷺ، ئەبوبەکر، عەممار، دایکی عەممار سومەییە، سوهەیب، بیلال،میقداد. هەرچی پێغەمبەری خودابووﷺ ئەبو تاڵیبی مامی ئەیپاراست. ئەبوبەکریش قەومەکەی ئەیانپاراست. بێجگە لەو دوانە موسڵمانانی تر گشتیان دەستگیرگران لەلایەن قوڕەیشەوە و سزا ئەدران، جلی ئاسنینیان ئەکردە بەریان، ئینجا لەبەر گەرمایی خۆر دایانیان ئەنان، بەشێوەیەک هیچ یەکێ نەبو ئیلا موافەقەی قوڕەیشیەکانیان ئەکرد هەرچیان بوتایە بەقسەیان ئەکردن. تەنها بیلالی حەبەشی نەبێت: ئەو بیلالە نەفسی خۆی زۆر لا کەم نرخ بوو بەرامبەر خودا، لای قەومەکەیشی نرخی نەبوو کەس بەرگری لێ نەئەکرد، بۆیە قوڕەیش بیلالیان گرت و ڕادەستی منداڵانیان کرد، منداڵەکان بەنێو دۆڵەکانی مەککە بیلالیان ئەسوڕاندەوە، بەڵام بیلال هەر ئەیوت: "أَحَدٌ أَحَدٌ".

عەبدوڵای کوڕی داوود ئەفەرموێت: گوێم لە پێشەوایانی پێش خۆم بووە کە فەرموویانە "ئەهلی حەدیس و هەڵگرانی زانست، پارێزەرانی خوای پەروەردگارن بۆ دینەکەی، پارێزەرانی فەرمودەکانی پێغەمبەرەکەیی پەروەردگارن، پارێزگارن بەو زانستەی زانیویانا و بەو کارە گەورەیەی ئەنجامیان داوە." 📚شرف أصحاب الحديث (43). وێنەکەش کاتی ئامادەکردنی وانەی دووەمی "نُخْبَةُ الفِكَر"ـە.

عەبدوڵای کوڕی داوود ئەفەرموێت: گوێم لە پێشەوایانی پێش خۆم بووە کە فەرموویانە "ئەهلی حەدیس و هەڵگرانی زانست، پارێزەرانی خوای پەروەردگارن بۆ دینەکەی، پارێزەرانی فەرمودەکانی پێغەمبەرەکەیی پەروەردگارن، پارێزگارن بەو زانستەی زانیویانا و بەو کارە گەورەیەی ئەنجامیان داوە." 📚شرف أصحاب الحديث (43). وێنەکەش کاتی ئامادەکردنی وانەی دووەمی "نُخْبَةُ الفِكَر"ـە.