The Blogger Post | ᵘᶻ

Эзгулик ва ёвузлик урушидан лавҳа дейишяпти. Фото: Максим Мирович. Беларусь ━━━━━━━━━━━━━━━ @TheBloggerPost

Президентнинг экспортни кўпайтириш ва импортни камайтириш борасидаги сўзларини тўппа тўғри тушуниб олиш ҳолатлари ҳам учраб туради. Масалан, импортни камайтириш керак – импорт қилаётган корхоналарга “импортни камайтиринглар” дейиш, қанақадир режалар, лимитлар жорий қилиш йўлларига мурожаат қилиниши ҳам турган гап. Аслида импорт қилаётган баъзи корхоналар ўз импортларини кўпайтириш орқали ҳам Ўзбекистонда импортнинг камайишига сабаб бўлишлари мумкин. Масалан. Бир пойабзал ишлаб чиқарувчи корхона хом ашёни четдан импорт қилади. Бир долларлик хом ашёдан икки долларлик маҳсулот ишлаб чиқаради. Лекин экспорт қилмайди. Хўш, бу корхонани “импортер” деб, салбий қараш мумкинми? Сен шунча суммада импорт қилар экансан, лекин экспортинг йўқ, деб, бошқача қараш тўғрими? Йўқ. Агар айтайлик, бу корхона ўз фаолиятини тўхтатса, бир доллар импорт камаяди. Аммо у ишлаб чиқариши керак бўлган маҳсулотни четдан икки ёки қимматроқ долларга олиб келишга мажбур бўлинади. Яъни импортни камайтирамиз деб, аслида кўпайтириб қўйишимиз ҳам мумкин. Бир импортер корхона умуман экспорт қилмасдан туриб ҳам, юқорида айтилган схемада ишлаб, импортни камайтираётган, мувозанатни ижобий томонга ўзгартираётган бўлиши мумкин. Буни тушуниш ва алоҳида аҳамият бериш керак. Асланов ━━━━━━━━━━━━━━━ @TheBloggerPost

Ургут туманида кейинги кунларда инсон ўлимига сабаб бўлган автоҳалокатлар кўп содир бўлди. Шунинг учун Самарқанд вилоят ИИБ ва ЙҲХБ билан биргаликда Ургутда йўлларда ҳаракатланиш қоидаларига амал қилиш бўйича тарғибот ишлари ўтказилмоқда. Ўртада куни-кеча 4 инсоннинг ўлимига сабаб бўлган автоҳалокатда иштирок этган Cobalt автомашинаси. Фото: Самарқанд вилоят ИИБ Шокиржонов ━━━━━━━━━━━━━━━ @TheBloggerPost

​​Саҳна. - Дастлаб сарой уламолари от ишлаб чиқарувчилар билан тортишиб қолишади. - Кейин уламолар бирлашиб отхонага боришади, у ерда тафтиш ўтказишади, кейин ем-хашак, от боқиш, отбоқарларга маош бериш ишларида жуда катта нарх қўйилганлигини билиб қолишади. - Кейин от завод раҳбарларига отларнинг нархини туширишни буюришади. - Ҳа, улар ҳам анойи эмас, дарров қозига бораман, устингдан шикоят қиламан деб ҳаммани қўрқитади. - Кейин ишга олампаноҳнинг ўзлари аралашадилар, шахсан ўзлари отлар нархини тушириш лозим деб бутун подшоҳликка жар соладилар. - От завод раҳбарлари ҳайрон, фуқаро ниҳоятда хурсанд, олампаноҳга шарафлар бўлсин, дунё тургунча туринг, умрбод бошимизга соябон бўлинг деб эрталабдан кечгача қиблагоҳлари шарафига дуолар қилмоқда. ——— Мана куз ҳам эшик қоқиб келди. Яқинда сайловлар ҳам бошланиб қолади. Мен қайси номзодга овоз беришни ҳал қилиб бўлдим. Tentak Minds ━━━━━━━━━━━━━━━ @TheBloggerPost

​​27000 доллар-а! Ойига 7 миллиондан ойлик олганда ҳам, салкам 4 йилда емай-ичмай йиғса, берган порасини пули тўпланар экан. Бунча пул бериб, ишга жойлашган инсон виждонан, ойликка ишлайдими? Мен ҳаётим давомида 600 нафарга яқин одамни турли меҳмонхоналарга ишга қабул қилганман. Ҳеч бирортасидан бир тийин олишни ўйлаб кўрмапман, олигарх бўлиб кетарканман-у 😂 Ишга киритиш учун пул олиш - энг қабиҳ жиноятлардан! Чунки бу амални қилган одам шу иши билан бошқа жиноятларга йўл очиб беради. Пул бериб ишга жойлашган одам, албатта, сарфланган пулни чиқариб олишни ўйлайди. Аллоҳ бундайларга кифоя қилсин! Tanish gaplar ━━━━━━━━━━━━━━━ @TheBloggerPost

​​Формула-1 пойгачиси реакциясини текширяпти. Қойилмисиз? ━━━━━━━━━━━━━━━ @TheBloggerPost

Қирғизистон эпидемиологик вазият барқарорлашган деб ҳисобланган қуйидаги 31та давлат учун мамлакат чегараларини очди. Россия, Грузия, Озарбайжон, Арманистон, Беларусь, Қозоғистон, Туркманистон, Бельгия, Австрия, Буюк Британия, Германия, Ирландия, Исландия, Италия, Латвия, Литва, Лихтенштейн, Люксембург, Португалия, Туркия, Швейцария, Швеция, Қатар, БАА, Хитой, Малайзия, Жанубий Корея, Покистон, Словения, Кувайт, Япония. ━━━━━━━━━━━━━━━ @TheBloggerPost

Путин ҳокимиятга келганидан кейин Россия ҳукуматининг 8 нафар танқидчиси 10 марта заҳарланган (Кара-Мурза ва Навальний 2 мартадан). Улардан 3 нафари заҳардан вафот этган, яна бирини кейинроқ отиб кетишган. Икки нафари Россиядан ташқарида заҳарланган. Манба: RFE Ташқарида ━━━━━━━━━━━━━ @TheBloggerPost

​​Лукашенко Белтелерадиода иш ташлаш қилган журналистлар ўрнига россиялик ходимлар ишлаётганини тасдиқлади. Бизни МТРКдан ҳам ходимлар олишса бўлади масалан... ━━━━━━━━━━━━━━━ @TheBloggerPost

Тушуниб етганда қараса, нефть ҳам, газ ҳам йўқ Ливияда вазият издан чиқиб кетганига анча бўлди. Фуқаролик уруши давом этяпти. Вазият эса ҳали-бери изига тушадиганга ўхшамайди. Нега? Сабаби бу жой нефть-газ компаниялари учун ҳақиқий фароғат масканидир. Кўпчилик буни яхши билади. Ҳарбий қарама-қаршилик ва хаос айнан шу билан боғлиқ, десак айни ҳақиқат. Қизиқ томони, шунча талотўп ҳам на ички, на ташқи кучларга ўз манфаатлари йўлида углеводородларни қазиб олиш, ташиб кетишларига халақит беряпти. Шимолий Африкадаги мазкур мамлакатнинг бахтими бахтсизлигими, билмадигу, Ливия яна бир жиҳати билан ўзи каби нефтчи икки давлат — Сурия ёки Ироқдан фарқ қилади. Бу ерда 2011 йилдан бери жанговар ҳаракатлар давом этаётганига қарамай, ёқилғи-энергетика инфратузилмасига умуман зарар етмаган. Аксинча, давом этаётган ички ҳарбий тўқнашувлар ва ташқи босқинлар ишчи ҳолатида ҳар бир ўйинчига катта-катта маблағлар келтиряпти. Лекин одатдагидек оддий халққа эмас. Гап шундаки, Ливияда ҳар бир алоҳида нефть-газ объекти кимнингдир (асосан ташқи кучлар) назоратида туради. Улар жуда кўп. Хом ашё қазиб олиш бир гуруҳнинг қўлида бўлса, уни қайта ишлаш бошқанинг тасарруфида. Учинчи доира эса етказиб бериш билан шуғулланса, тўртинчиси пулларни қабул қилиб олади. Бироқ тўлиқ циклни эгаллашга ҳеч ким қодир эмас. Хуллас, ҳар кимнинг ўз гектари ва «доля»си бор. Дунё шахмат тахтасида Ўрта ер денгизи билан боғлиқ партиясига ҳамиша жиддий қараб келинган. Сўнгги пайтларда бу баҳсда гигант гроссмейстерлар учун бир-бирини мот қилишдан кўра, пат ҳолатини сақлаб қолиш фойдалироққа ўхшаб кўриняпти. Яъни нефтни ташқаридан сўриб олаётган «улкан зулуклар» бир-бири билан кескин конфликтга бориб, ортиқча капитал ҳамда вақт йўқотгандан кўра, прагматик ёндашув билан ўзига тегишли улушни сақлаб қолишдан манфаатдордир. Аммо оломон қони, пешона тери ва армонлари устига қурилган мувозанатни ҳам ушлаб туришибди, шоввозлар. Улар Ливиянинг ички ишига ҳам айнан шу мақсад билан аралашади. Уларнинг орасида Туркия, Россия, Миср, АҚШ, Италия ва Франция кабилар бор. Ҳар бирининг асл муддаоси бир — қора олтин бўлса, бурун суқиш баҳонаси ҳам ўхшаш — мамлакатда тинчлик ўрнатиш, томонларни яраштириш, инсон ҳуқуқларини тиклаш, демократияни илгари суриш. Зеро, Ливияда нефть қазиб олиш бозорда унинг нархи жуда паст бўлган тақдирда ҳам, жозибадордир. Айниқса, ҳозирги можароли вазиятда бу жуда қулай. Яъни ҳозирги вазият кўплаб компанияларга жуда-жуда асқатяпти. Сабаби беқарорлик даврида улар «қора олтин»ни катта дисконт билан сотиб олишяпти-да. Италия, Германия, Франция, Испания, Австрия компаниялари эса Ливия нефть саноатида яққол етакчилар саналишади (буям ғарбча бизнеснинг яққол қиёфасидан далолат). Буюк Британия, Норвегия, Канада ва АҚШнинг иштироки эса уруш йилларида бироз қисқарибди. "Жичча" билан осмон узилиб ерган тушмайди. Ким ҳам арзон нефтдан воз кечишни истарди. "Ливияда барқарорликни ўрнатиш масаласи эса кун тартибида туриб турсин. Ҳа, фақат туриб турсин" дейишмоқда улар. Шундай экан Ливия масаласида тинчлик жараёнини йўлга қўйишдан юқоридагилардан бирортаси манфаатдор эмас, ҳатто уларга бу қизиқ ҳам эмас. Тартибсизликлар, алғов-далғов ҳолатларни қўллаб-қувватлаган ҳолда, энергия ресурсларини орқалаб кетишдан осони йўқ. Осон йўл билан "оғиз мойлаш"га нима етсин! Оддий одамлар эса одатдагидек ҳеч нарсани тушунмайди. Бошини қаёққа уришни билмайди. Катта ваъдаларга ишониб, қўлига милтиқ кўтариб олади-да, у томондан бу томонга югуриб юраверади. Худди болалигимиздаги «отиш-отиш» ўйинидаги каби ўткинчи ҳавасларга алданиб юраверади. Айримлар шунга ишониб ўлиб ҳам кетади. Улар тезда унутилади. Халқ ҳаётини, келажагини, ҳақиқий мустақиллигини қўлдан бой берганини тушуниб етганда эса (тушуниб етса агар), нефть ҳам, газ ҳам қолмаган бўлади. platforma.uz ━━━━━━━━━━━━━━━ @TheBloggerPost